Ambasada e SHBA-ve në Shqipëri ka kujtuar 8 Dhjetorin, Ditën e Rinisë. Me anë të një mesazhi në Facebook, ambasada thotë se sot kujtojmë ata që luftuan për demokraci.
Studentët e dhjetorit- shkruan ambasada- u ngritën kundër një prej regjimeve më të ashpra komuniste të Europës duke shënuar rënien e tij dhe duke formësuar të ardhmen e kombit.
“Shtetet e Bashkuara qëndrojnë me ju ndërsa ecni përpara në rrugën tuaj drejt anëtarësimit në BE”, thuhet në mesazhin e ambasadës.
Reagimi i ambasadës së SHBA
Sot, Shqipëria feston Ditën Kombëtare të Rinisë, duke shënuar 34 vjet që kur studentët dhe të rinjtë shqiptarë u ngritën kundër një prej regjimeve më të ashpra komuniste të Europës, duke shënuar rënien e tij dhe duke formësuar të ardhmen e kombit. Më 8 dhjetor kujtojmë ata që luftuan për demokraci. Rinia e sotme vazhdon të formësojë të ardhmen e Shqipërisë dhe Shtetet e Bashkuara qëndrojnë me ju ndërsa ecni përpara në rrugën tuaj drejt anëtarësimit në BE.
