Mijëra qytetarë i janë bashkuar protestës së artistëve sot në buleverdin Dëshmorët e Kombit. Numri i protestuesve është shtuar në krahasim me protestën e dy ditëve më parë ndërsa artistët shprehin vendosmëri për të mos u ndalur.
Në emër të Aleancës për Tetarin, Budina ka bërë një deklaratë të fortë duke i kërkuar Prokurorisë të reagojë menjëherë për të ndalur çdo punim që po bëhet në zonën e Tetarit, “Deri tani SPAK dhe Prokuoria nuk ka reaguar dhe vendi është i rrezikuar nga një përplasje civile.
Si hap i parë i menjëhershëm është reagimi i Prokurorisë për të ndaluar çdo punim që po bëhet tek Tetri, në të kundërt ne do të ndërhyjmë vetë”, u shpreh Budina, I cili e kosnideroi shembjen e Teatrit si akt terrorist.
Artistë, aktorë, aktivistë, intelektualë, qytetarë, dolën sërish në shesh për të protestuar kundër prishjes së Teatrit Kombëtar. Ngjarja ka revoltuar jo vetëm shqiptarët, por edhe opinionin publik dhe median evropiane.
“Një popull nuk i nënshtrohet një njeriu,” ishte një nga banderolat kryesore në protestë.
