Skuadra e Milanit i është shtuar atyre që interesohen për sulmuesin Andrea Beloti, i cili ka shkëlqyer në sezonin e fundit me fanellën e Torinos duke u bërë tashmë pjesë e pandashme edhe në përfaqësuesen italiane. Sipas “La Stampa”, drejtuesit e klubit janë vënë në ndjekje të sulmuesit që pëlqehet nga Montela dhe janë të gatshëm të bëjnë një sakrificë të madhe ekonomike për të. Torinos do t’i dërgohet një ofertë prej 80 milionë eurosh, si dhe mundësia për të zgjedhur njërin mes Xhanluka Lapadula, M’Baje Niang dhe Andrea Bertolaçi. Presidenti i Torinos, Urbano Kairo, ka deklaruar se është gati të lërë të largohet Belotin vetëm nëse një klub i ofron atij 100 milionë euro.
