Mjeku i njohur, Tritan Kalo i është drejtuar me një mesazh Ramës dhe Veliajt për gjendjen skandaloze të transportit urban në Tiranë. Teksa poston një fotografi nga autobusi i linjës së “Unazës” me të cilin udhëton drejt punës, rendit kushtet e këqija të transportit publik dhe fton kryeministrin Edi Rama dhe kryebashkiakun Erion Veliaj të “bëjnë një xhiro” me këtë linjë.
“Kohë kovidiane…. 26.08.2021….
Zotërinj KM/ER dhe KB/EV. Ju mirëkuptoj për brengosjen ndaj Afganëve të sotëm, POR mos na nënvlerësoni edhe ne “ish Afganët e para 30 viteve”…. Nëse doni t’a nisni ditën me nerva të cingërisura, ju ftoj të merni me mua çdo mëngjes linjën e Unazës për të shkuar në punë….E keni të garantuar pritjen më së paku 30 minuta në stacion, autobuza pa kondicioner që edhe breshka do t’ua kishte zili për ‘ecjen e tyre’, mbingarkesën në pasagjerë duke rritur rrezikun e transmetimit të virusit Sars-Cov2/Covid-19, etj, etj…”, shprehet mjeku.
“Mirë uji që na mungon nëpër çezma, pluhuri e papatërtia që gëlojnë kudo dhe kurdoherë, POR së paku të ndiheshim të mirëtrajtuar dhe mirëkuptuar si qytetarë taksapagues të rregullt në Kabulin/ Tiranën tonë….JU FALEMIMDERIT PËR MIRËKUPTIMIN tuaj edhe në këtë rast”, shkruan ai.
