Trajneri i Tottenhamit, Jose Mourinho, e ka kritikuar ashpër teknologjinë në futboll, duke pretenduar se video asisteni i referimit (VAR) është duke e shkatërruar lojën e bukur, pas përjashtimit të Son Heung-min me karton të kuq ndaj Chelseat të dielën.
Son u përjashtua nga loja pasi e shqelmoi Antonio Rudigerin në fitoren e Chelseat 2:0 ndaj Tottenhamit në Premierligë, me këtë të fundit që ka vendosur të ankohet ndaj vendimit, transmeton Gazeta Express.
Mourinho ka thënë se VAR-i është duke e shkatërruar ligën më të fortë në botë.
Gjyqtari Anthony Taylor nuk pa ndonjë ndërhyrje për karton nga Son, por më pas ndërhy Paul Tierney në dhomën e VAR-it dhe vendosi ta ndëshkojë jugkoreanin me karton të kuq.
“Mendoj se Tierney e pati gabim për Son. Ishte vendim i gabuar”, tha Mourinho.
“Kjo është Anglia, Premierliga, gara më e mirë në botë, me karakteristika të cilat, nëse i ndryshojmë, do ta shkatërrojmë ligën më të fortë në botë”, shtoi ai.
