Një turist francez ka ndërruar jetë në ishullin e Sazanit mëngjesit e ditës së sotme.
Mediat raportojnë se turisti, rreth të 40-tave ka qenë në gjendje të rëndë shëndetësore, ndërsa ndihma e parë iu dha nga bordi i një skafi që ndodhej aty dhe një turist.
Në ishullin e Sazanit mungon ndihma e shpejtë, prezenca e një mjeku apo e një qendre kujdesi, për këtë arsye e nisën me urgjencë drejt spitalit rajonal të Vlorës, por ka ndërruar jetë rrugës.
Turisti francez po pushonte në ishullin e Sazanit me familjen e tij, bashkëshorten dhe vajzën e vogël 6 vjeçe.
