Nga Ermal Peçi
Ajo që SPAK tregoi këto ditë është as më pak edhe as më shumë, por ajo që flitej në “parlamentin e popullit” çdo ditë.
Në vetëm disa përgjime të bëra publike që mendohet që nuk janë as dy të dhjetat e dosjes, na dalin të përfshirë me grupet e organizuara ish-deputetë edhe deputetë të Partisë Socialiste.
Edi Rama njeriu i cili i premtoi parajsën shqiptarëve kishte zgjedhur pranë vetes, edhe këta muratorët e ferrit. Ferr që shqiptarët panë me sytë e tyre. Panë ferrin se si policia që predispozohet që duhet t’i mbrojë, bashkëpunonte me krimin jo vetëm në kontrollin e lojërave të paligjshme, drograve por edhe në eleminimin e kundërshtarëve.
Parajsën që Rama ia premtoi para 2013-ës për shqiptarët duket një kujtim i largët dhe i pa mundur!
Shqiptsrët po shohin gjithashtu ferrin që është ngritur për ta nga ky sistem politik, i cili ka 33 vite që kontrollon edhe monitoron jetën e shqiptarëve. Vetëm fal Altin Dumanit, kreut të SPAK, sot shqiptarët po shikojnë se çfarë është gatuar jashtë syrit të publikit nga bashkëpunimi politik-krim. E njëjta panoramë u pa edhe në Komisionin Parlamentar ku deputetët të cilët janë në konflikt interesi për shkak se pjesa më e madhe ndodhen nën hetim, mundoheshin për ta vënë në pozita e për ta intimiduar me diskursin e tyre publik.
Në këtë panoramë ku trupi i stukuar i qeverisë po nxjerr dita- ditës kalbëzimin që ka përqafur, duket se Shqipërisë po i vjen si ofertë politike një altetnativë me fytyra dhe koncepte të reja. Në ethet e hetimeve penale të cilat kanë përfshirë Partinë Socialiste, Rithemelimin e Berishës edhe Partinë e Lirisë, mesa duket dielli po lind për Partinë Demokratike pas sulmeve të ashpra nga të tre kundërshtarët e PD-së por edhe SPAK-ut. Prej disa ditësh kryetari i PD-së Lulzim Basha ka nisur një sërë takimesh të cilat kanë në fokus programin dhe ofertën politike që do t’i japi Shqipërisë.
Një fytyrë më njërëzore por edhe një rimëkëmbje ekonomike…!
Aktualisht i gjithë ky është një proces i cili po shqyrtohet edhe palët po rrahin mendime dhe do të bëhet publik në 1 qeshor. Nga figura të njohura te fushave të caktuara të jetës deri tek ekspertët e rinjë, po gërshetohen idetë për t’i dhënë Shqipërisë një ofertë sa më të mirë politike dhe një program ekonomik sa më efikas larg burokracive.
Atë që thoshte Joel Barker, një nga inspiruesit më të mëdhenjë amerikan:
“Kur hidhni ndonjë ide të re në pellgun e botës, ju merrni një efekt valëzues” .
Duhet të jeni të vetëdijshëm se do të krijoni një kaskadë ndryshimesh. Kjo kaskadë ndryshimesh do të jetë e ardhmja e Shqipërisë me ide të reja dhe të aplikueshme, me figura të pa shantazhueshëm nga klasa politike 33 vjeçare, të pa përfshirë në aferra dhe mbi të gjitha me një dashuri për ta bërë Shqipërinë një vend më të mirë.
Kjo do të jetë oferta politike dhe fytyrat e reja të PD-së, përballë muratorëve të ferrit!
