Një operacion i FRONTEX dhe GDF italiane në jug të Brindisit ka bërë të mundur ndalimin e një gomoneje që lëvizte me 400 kg kanabis në bord.
Në prangat e policisë ka rënë një i ri nga Vlora i identifikuar si E.I. Sipas policisë italiane, droga kishte si destinacion tregun italian. 30-vjeçari i prangosur, është edhe drejtuesi i gomones që ishte mbushur me kanabis.
FRONTEX njofton se gomonia 6 metra e gjatë që lëvizte me shpejtësi drejt bregdetit italian në jug të Brindisit u ndoq nga një helikopter i Guardia di Finanza.
Nëse droga do të dilte në treg do të kapte vlerën e 4 milionë eurove.
