Ish-deputeti i PD, Oerd Bylykbashi ka publikuar në Facebook dëshminë e mjekut në Durrës për mungesën e tamponeve.
“Edi Rama nuk shpëton nga ndeshkimi me talljet që bën me shqiptarët”, shkruan Bylykbashi në shënimin e tij.
Potimi i plotë
Në ditët më të vështira dhe të keqmenaxhuara të numrit të lartë të të infektuarve dhe spitaleve jofunksionale Edi Rama gjen kohën të tallet me shqiptarët dhe hallet e tyre.
Hap veshët dhe dëgjo mjekun nga spitali i Durrësit se sa është numri i të prekurve nga covid dhe sa është numri i testeve të përditshme atje. Batutat dhe talljet nuk të shpëtojnë dot nga përgjegjësia që ke për mosmenaxhimin e situatës, me numrin skandaloz të testimeve, me spitalet dhe stafin mjekësor të lënë në mëshirë të fatit.
