Në Spitalin e Traumës mungojnë antibiotikët prej disa ditësh. Mjekët deklaruan se lëshojnë receta për të sëmurët, për t’i blerë këto ilaçe në farmacitë jashtë spitalit – shkruan Gazeta Shqiptare. Ata thanë se në spital ka mungesa të shumta, por antibiotikët janë më të nevojshmit pasi përdorën për pothuaj të gjithë pacientët. Tjetër shqetësim i mjekëve të Traumës është sasia shumë e vogël e materialeve për anestezi. Ilaçet janë të mjaftueshme edhe për pak ditë dhe më pas ndërhyrjet kirurgjikale nuk mund të kryhen, u shprehën mjekët. Sipas Ministrisë së Shëndetësisë, vonesa në nëshkrimin e kontratave me firmat farmaceutike ka shkaktuar mungesën e antibiotikëve në Spitalin e Traumës.
