Erjon Bogdani mendon se eksperienca e Shqipërisë në Euro 2024 duhet të cilësohet si pozitive. Ish-bomberi i Kombëtares shqiptare, është i bindur se kuqezinjtë kanë bërë mirë, ndonëse priste diçka më shumë në një nga ndeshjet e grupit.
“Ishte shumë pozitive nga të gjitha drejtimet, nga futbolli dhe nga atmosfera e të gjitha. Më shumë pritshmëri kisha që mund të jepte Shqipëria më shumë në ndeshjen me Italinë. Pastaj në ndeshjen me Kroacinë dhe Spanjën ka luajtur shumë mirë”, tha ai në “Vizion Plus” duke iu përgjigjur më pas disa pyetjeve të shpejta.
Nota e Silvinjos: “8 edhe dhe për vazhdimësinë”.
Befasia: “Gjimshiti, sepse po të bëhej edhe formacioni i grupit me lojtarët e ekipeve të tjera, për mendimin tim ishte lojtar i 11-shes së grupit:.
Lojtari për të cilin ka më shumë pritshmëri: “Asllani”.
Kë do merrje medoemos mes tre lojtarëve të lënë jashtë? “Çikalleshin”.
Cilië është sulmuesi aktual që i ngjan më shumë: “Broja”.
Nga cili lojtar pret lëvizjen më të rëndësishme: Mitaj, te Juvja jo, por ndonjë ekip tjetër. Do e sugjeroja te Bolonja”.
Një talent për t’u ndjekur në Itali: “Janë dy vëllezërit Shpendi”.
Shqipëria 2016 apo 2024: “E vështirë, se grupi ishte i vështirë. Megjithatë në 2016 Shqipëria ia doli të fitonte ndaj Rumanisë. Kjo aktuale ishte në grup të vështirë”.
De Biazi apo Silvinjo: “E vështirë edhe kjo. Silvinjo ka marrë maksimumin e kombëtares, por edhe De Biazi të atij grupi. Janë dy skuadra të ndryshme”.
A duhet të vazhdojë Silvinjo: “Po, sepse deri tani është trajner i zoti dhe që ka sjellë Shqipërinë në këto evenimente. Duhet të vazhdojë. Për mendimin tim me rezultatet dhe atë punë që ka bërë duhet të vazhdojë”, tha ndër të tjera Bogdani.
