U luajtën dje 2 duelet e vlefshme për javën e 22-të të elitës së futbollit zviceran, teksa protagonistë absolutë u bënë futbollistët me origjinë shqiptare.
Në duelin mes Sion dhe Servete që përfundoi në barazim 3 me 3, te 3 golat për skuadrën vendase të Sionit u shënuan nga shqiptarët. Mbrojtësi Hajrizi zhbllokoi sfidën në minutën e 13-të, ndërkohë që Kololli, i hedhur nga stoli në minutën e 81-të, arriti të realizonte dopietë nga pika e bardhë e penalltisë në minutat 85 dhe 89.
Edhe në duelin tjetër mes Grasshopers dhe Lausanës, që përfundoi 2 me 2, protagonist u bë Nikolas Muçi. 21-vjeçari shënoi golin e dytë për skuadrës së Grasshopers në minutën e 79-të.
