Partia Liberale e Kanadasë zgjodhi me shumicë dërmuese Mark Carney si kryeministër të ri të vendit, teksa ish-guvernatori i bankës kanadeze paralajmëroi për “ditë të errëta” të shkaktuara nga Shtetet e Bashkuara nën presidencën e Donald Trumpit.
Por kush është Mark Carney
Guvernator i kthyer në politikan, avokat i ndryshimeve klimatike, këto janë disa nga pseudonimet që i janë vënë Mark Carney, 59-vjeçarit që mori përsipër të drejtojë Kanadanë pas dorëheqjes së Justin Trudeau, në mes të luftës tregtare me Donald Trump.
Kanadezët shpresojnë që Carney do të përdorë përvojën e tij më shumë se 10 vjeçare në financa dhe qëndrimin e tij si kreu i bankave qendrore të dy vendeve (Kanada dhe Britania) në avantazhin e tyre.
Siç vëren CNN, megjithëse Carney nuk ka kandiduar kurrë për postin e zgjedhur, prej vitesh qarkullojnë në vend aludime dhe thashetheme për angazhimin e tij në politikë.
Për më shumë se një dekadë Carney ka këshilluar Trudeau për rimëkëmbjen ekonomike të Kanadasë pas pandemisë Covid-19.
“Por bankieri i kthyer në politikan nuk e bëri hyrjen e tij zyrtare në politikë derisa Trudeau njoftoi dorëheqjen e tij në janar. Duke qenë se konkurrentët e tij ishin politikanë aktivë, Carney po përgatitet të bëhet Kryeministër i Kanadasë pa mbajtur një vend në parlamentin e vendit”, shkruan CNN.
Carney, lindi në Fort Smith, Kanadaja veriperëndimore dhe u rrit në Edmonton, Alberta. Prindërit e tij ishin mësues.
Carney shkoi në Shtetet e Bashkuara për të studiuar për ekonomi në Universitetin e Harvardit, përpara se të fitonte një master dhe doktoraturë në ekonomi nga Universiteti i Oksfordit.
Kryeministri i ardhshëm i Kanadasë kaloi 13 vjet duke punuar për Goldman Sachs , duke udhëtuar midis zyrave të kompanisë në Londër, Tokio, Nju Jork dhe Toronto.
Në vitin 2003, ai iu bashkua Bankës së Kanadasë, ku shërbeu si guvernator deri në vitin 2008, duke marrë këtë pozicion ndërsa bota po zhytej në Recesionin e Madh.
Gjatë fushatës së tij për udhëheqjen e Partisë Liberale, Carney vuri në dukje këtë kohë si dëshmi të përvojës së tij në trajtimin e krizave, duke theksuar se ajo kishte ndihmuar në mbrojtjen e vendeve të punës dhe stabilizimin e ekonomisë kanadeze.
Pas këtyre 5 viteve, Carney u punësua nga Banka e Anglisë për t’u bërë guvernator i saj, duke u bërë kështu i pari shtetas jo britanik që mbante këtë post.
Gjatë mandatit të tij, britanikët votuan për Brexit , ku ai paralajmëroi në fjalimet para referendumit të 2016-ës për ndikimin ekonomik që do të kishte. Në vitin 2020, ai u largua nga Banka e Anglisë, ndërsa pasi u bë i dërguari i posaçëm i OKB-së për veprimin klimatik në 2019, ai argumentoi se sektori financiar duhet të investojë në emetimet zero.
“Kur u bëra guvernator i Bankës së Anglisë, e cila mbikëqyr industrinë e sigurimeve, pashë se numri i ngjarjeve ekstreme të motit ishte trefishuar dhe kostoja e këtyre ngjarjeve ishte pesëfishuar në një çerek shekulli,” tha ai në një intervistë në faqen e internetit të OKB-së. “Këto fakte më bënë të fokusohem në çështjet klimatike.”
Që atëherë, ai ka investuar për energjinë e pastër, politikat klimatike dhe prosperitetin ekonomik të Kanadasë disa nga aspektet qendrore të fushatës së tij, duke theksuar se niveli i ulët i karbonit do ta ndihmojë Kanadanë të bëhet më konkurruese.
Ai ka propozuar zhvendosjen e barrës financiare të taksës së karbonit nga konsumatorët tek biznesi i madh dhe ka deklaruar se nën drejtimin e tij, taksa e paguar nga konsumatorët kanadezë dhe bizneset e vogla për karburantet do të zëvendësohet me stimuj për të reduktuar emetimet e karbonit.
