Të dërgosh në Gjykatën Kushtetuese një kërkesë themelin e së cilën Gjykata e ka shqyrtuar dhe është shprehur me vendim, duke mos kërkuar heqjen e mandatit të deputetes Xhaçka, me qëllim harrimin e faktit ulëritës që Parlamenti kreu një puc kushtetues është revolucionare.
Të ngesh Komisione hetimore parlamentare, në bazë të një ligji të miratuar vetëm me votat e maxhorancës, ndërkohë që ligjin e ke dërguar për gjykim në Gjykatën Kushtetuese është revolucionare.
Ti japësh oksigjen kryeministrit Rama që të mbrojë të korruptuari me bashkimin e votave në parlament (për amnistinë penale), duke mos kërkuar heqjen e mandatit të deputetes Xhaçka, apo duke fshehur pucin kushtetues me padi të rrëzuara që në nisje është revolucionare.
Shqipëria ka kohë që është në një puc kushtetues dhe institucional dhe asnjë revolucion apo padi në gjykatë nuk mund ta fshehë këtë të vërtetë nga sytë e publikut.
