Sali BERISHA
Rama kapet në flagrancë nga shoqëria civile në megavjedhjen me Arenën Kombëtare të Korrupsionit! Rama, në paranojë të thellë dhe i tmerruar nga megaafera personale e Arenës Kombëtare të Korrupsionit, bllokoi me gardë, në një rast të pashembullt, hyrjen e publicistëve dhe shoqërisë civile në seancën e Këshillit Kombëtar të Territorit ku do të miratohej projekti i njërës prej vjedhjeve më të mëdha në historinë e këtij vendi, projekti i stadiumit të qytetit të Tiranës.
Sot Edi Rama mbylli me gardë derën, por jo të vjedhjes, por të shpellës së tij, sepse me këtë projekt ai, pronën shtetërore toke prej më shumë se 100 mijë metrash katrorë në zemër të Tiranës, që me çmimin aktual të tregut kap vlerën së paku 20 milionë euro, e kalon, në kundërshtim me ligjin dhe Kushtetutën, në pronë private realisht të vetes dhe vëlla Olsit.
Me një vendim të qeverisë së mëparshme toka truall e stadiumit “Q. Stafa” dhe anekseve të tij iu kaluan në pronësi të FSHF për ndërtimin e stadiumit të ri, me kushtin e vetëm që nuk mund t’i jepej në asnjë rast privatit. Rama mbylli derën me roje publicistëve dhe shoqërise civile dhe u ndry i tmerruar në strofullën e tij të krimit sepse ai, stadiumin dhe kullën e Olsit e ndërton qindarkë për qindarkë me paratë e shtetit shqiptar, ndërkohë që ka mashtruar shqiptarët se shteti nuk shpenzon asnjë lekë për ndërtimin e tij.
Në të vërtetë FIFA i jep Shqipërisë, si vend anëtar, 10 milionë euro për ndërtimin e stadiumit, kurse qeveria shqiptare dhe FSHF, përveç këtyre, shpenzojnë edhe 15 milionë euro të tjera për këtë projekt.
Edi Rama u ndry sot në vendin e krimit të tij sepse ai me vëllain e tij Olsi, po ndërtojnë në pronën shtetërore, sikur ta kishin tokën e Kristaqit, kullën e tyre të korrupsionit prej 25 katesh.
Rama nuk lejoi publicistët dhe shoqërinë civile të futeshin në halen e tij të korrupsionit sepse ai dy muaj para se të miratojë projektin, ka shpallur në kundërshtim me ligjet e vendit fituesin e tenderit të ndërtimit të veprës së megakorrupsionit. Edi Rama mbylli dyert dhe u ngujua sot në strofullën e turpit sepse burime që janë si këmisha e tij, bëjnë me dije se projekti është një shkarravinë personale e tij, kurse arkitekti famoz për ryshfet dhe korrupsion i Bolinos, vetëm sa ka firmosur projektin në të cilin Rama dhe vëlla Olsi sigurojnë me kullën dhe anekset, 30 mijë metër katror sipërfaqe ndërtimi!
