Deputeti i Partisë Demokratike, Flamur Noka nga foltorja e Kuvendit sulmoi qeverinë Rama se kjo e fundit ka hequr nga skema e ndihmës ekonomike shumë familje në nevojë.
Teksa tregoi disa raste konkrete që u prekën nga ‘pastrimi’ i listës së përfituesve të ndihmës ekonomike, Noka iu drejtua PS-së me një shprehje; ‘hani derra, pini derra’.
“Zoti ministër ju dhe para ca viteve dekodera këtyre familjeve. Pasi u bënë me televizorë, ua hoqe ndihmën ekonomike. Jeni zemër katile. Kështu është kur nuk e ke mendjen tek hallexhinjtë, por te drogaxhinjtë. Fatbardha Disha është me tre jetimë dhe është pa shtëpi. Ilir Mazreku, me 7 anëtarë në familje. Shikojeni gjendjen e ‘vilave’ siç thotë kryeministri. Hani derra, pini derra, se për ju populli nuk ekziston. Për ju ekzistojnë oborrtarët”, tha Noka.
