Drejtuesi politik i Koalicionit Euroatlantik, Lulzim Basha, ka vijuar me ironitë për kryeministrin. Në videon e radhës Basha i thotë i Ramës se aq shumë e ka hutu doktorin sa megjithëse ia dha logon e PD, Berisha vazhdon e thotë ‘logon e ka Basha’.
Ai më tej thotë se kryeministri është usta, sepse doktorit i ka dhënë buf të bardh ndërsa për vete ka buf floriri dhe e fërkon sepse ky buf e mban në pushtet.
Por Basha më tej i thotë Ramës se kështu nuk zgjidhen punët e Trekëndëshit, duke i dhënë logon Berishës që ky të nxjerr deputet Ilir Metën tek 313-ta.
Ai gjithashtu këshillon kryeministrin se i ka bërl hesapet pa hanxhi sepse duan ta marrin Shqipërinë si pajë. Por sipas tij, e kanë tepru aq shumë sa zullumi është trash dhe 7×7=313 dhe Rama është mirë të bëjë gati këmishat me vija.
“O Rame, kaq shumë e ke hutu doktorin pasha Zotin, që megjithëse e ka logon, prap thotë ‘logon e ka Basha’. E mo Ram ça ustai je, i ke dhënë buf të bardh atij, vet ke mbajt një buf florini. E fërkon atë bufin e florinit noi çik e fërkon? Se vetëm ai bufi i florinit të ma n’pushtet. Kështu kujton se zgjidhen punët e Trekëndëshit, ë? I dhe logon e Partisë Demokratike doktorit, që të nxjerri tek 313-ta Ilir Metën deputet. I ke bo hesapet pa hanxhi mo Rame, doni me e marrë Shqipërinë pajë, por e keni tepru shumë. O trash zullumi Rame, 7×7=313 Rame, boj gati këmishat me vija” – shprehet Basha.
