Drejtuesi politik i Koalicionit Euroatlanik, Lulzim Basha, ka replikuar sërish me kryeministrin Edi Rama. Basha me ironi thotë se do të fsheh dashninë që ka me Berishën, sepse bashkë ndryshuan ligjin për zgjedhjet në 2008-ën, bashkë bënë foltoren, i dha vulën, liruan të korruptuarit, mbyllën listat dhe bënë mallet e betonit.
Ai më tej thotë se duan të marrin gjithë Shqipërinë sepse nuk janë ngopur. Basha më tej i drejton pyetjen e zakonshme se ku i ka shokët dhe se pse nuk thotë asgjë për amerikanët që u kthyen në SPAK, ndërsa e paralajmëron se më e keqja s’ka ardhur akoma 7×7, 313.
“O Rame, eee, si ato adoleshentët Rame, do me e fsheh dashninë ëë? Po, ku fshehet dashnia jote me bufin mo Ram?! Është e hershme. Bashkë e ndryshuat ligjin për zgjedhjet në 2008, Rame. Pastaj bashkë, bëtë foltoren, i dhe vulën, lirut të korruptuarit, mbyllët listat, bëtë malet e betonit. Keni blloku, mediat bashkë Rame! Eh mo Ram, dashni me pajë keni ju të dy. Po doni me marr gjithë Shqipninë n’pajë mo Rame, nuk u ngopët? Ëëë? Po prap s’përgjigjesh. Ku i ke shokët mo Ram? Ëë? Si the, – ikën amerikanët,- po tashi mo Rame, pse ke ra squk? S’e ka marrë vesh Rama që janë kthy amerikanët, apo, ëëë? Hajde, 7×7 Rame, më e keqja s’ka ardh hala: 313” – shprehet Basha.
