Opozita i ka bërë thirrje qytetarëve që duke nisur nga dita e nesërmve të refuzojnë pagesat e taksave të rritura që nuk shkojnë për investime publike, por shkojnë në xhepat e oligarkëve. Në një dalje për mediat, Basha tha se opozita e bahskuar do të jetë në krah të qytetarëve në çdo moment të kësaj faze të re të reagimit popullor. Basha dhe Kryemadhi kanë vlerësuar reagimin qytetar në Rrugën e Kombit.
Opozita ka zgjedhur format radikale të përballjes për shkak të lukunisë dhe babëzisë së Ramës dhe bandës së oligarkëve për të pushtuar çdo formë demokratike në vend dhe në një kohë që situata ekonomike është dramatike dhe ku njerëzit e kanë të pamundur që të paguajnë faturat e larta të taksave që shkojnë për oligarkët në pushtet.
Vetëm gjatë tre muajve të fundit janë mbyllur 45% e bizneseve të vogla në të gjithë vendin për shkak të taksave të rritura dhe pamundësisë për të paguar TVSH-në për biznesin e vogël. Kjo nuk nënkupton mijëra vende pune të humbura dhe mijëra familje që s’kanë mundësi të ushqehen. Vetëm pak ditë më parë një tjetër vendim rrënues për familjet e varfra ishte ai për të përjashtuar nga skema e ndihmës ekonomike 20 mijë famije në nevojë që sot nuk kanë as mundësi për ushqim. Në këto kushte kur Rama dhe banda e tij ka vendosur që shteti të kthehet në një bandë të oligarkëve atëhere reagimi popullor është e vetmja zgjidhje për të përmbysur oligarkët në pushtet.
