Orjola Pampuri, kandidate për deputete e Koalicionit Euroatlantik në Tiranë, ka publikuar një mesazh drejtuar qytetarëve, ku thekson rëndësinë e pjesëmarrjes në zgjedhjet e 11 majit si një akt vendimtar për të ardhmen e vendit.

“Vota është arma më e fuqishme që keni për të kërkuar llogari dhe për të ndërtuar një të ardhme më të drejtë, më të ndershme dhe më dinjitoze,” – shprehet Pampuri, duke nënvizuar se zgjedhjet nuk janë vetëm një e drejtë, por një përgjegjësi qytetare për të ndalur ciklin e një sistemi të dështuar.

Ajo sjell në vëmendje se për 34 vite sektorët kyç si arsimi, shëndetësia dhe drejtësia janë lënë pas dore, janë dëmtuar nga korrupsioni dhe mungesa e vizionit. Pampuri kërkon një ndryshim rrënjësor, përmes përfaqësuesve të rinj me ide të reja, të cilët e konsiderojnë votën si një mjet shërbimi ndaj publikut dhe jo si një mjet për përfitime personale.

Në mesazhin e saj, kandidatja e Koalicionit Euroatlantik bën një thirrje të qartë për veprim:

“Votoni 4, që më 12 Maj të mos thoni: ky vend nuk bëhet.”

Ajo e përmbyll mesazhin e saj me një apel emocional, duke iu drejtuar të gjithë atyre që ndihen të zhgënjyer nga politika:

“12 Maji duhet të jetë dita e ndryshimit, ku me votën tuaj t’u tregoni politikanëve që për 34 vite ju mbajtën peng, se fuqia e qytetarit mund të ndryshojë gjithçka.”

Postimi i plotë:

➡️Më 11 maj duhet të votoni për të ndryshuar realitetin në Shqipëri sepse vota është arma më e fuqishme që keni për të kërkuar llogari dhe për të ndërtuar një të ardhme më të drejtë, më të ndershme dhe më dinjitoze.

➡️Prej 34 vitesh, shumë segmente të drejtësisë, arsimit dhe shëndetësisë janë lënë pas dore, janë politizuar apo janë dëmtuar nga korrupsioni dhe mungesa e vizionit afatgjatë.

Votimi nuk është thjesht një e drejtë – është një përgjegjësi qytetare për të thyer ciklin e një sistemi të vjetruar, për të sjellë njerëz të rinj me ide të reja dhe për të rivendosur besimin në shtet dhe institucione. Vetëm përmes pjesëmarrjes masive dhe të ndërgjegjshme mund të ndërtojmë një Shqipëri ku drejtësia nuk blihet, arsimi formon qytetarë të lirë, dhe shëndetësia shërben me dinjitet për të gjithë.

Votoni 4️, që më 12 Maj mos të thoni;

ky vend nuk bëhet,

këtu ndëshkohen hallexhinjtë dhe qytetarët e thjeshtë, jo politikanët e korruptuar,

arsimi është rrënuar,

sistemi shëndetësor nuk i përgjigjet nevojave të pacientëve,

me pagat dhe pensionet qesharake nuk arrijmë të mbyllim muajin.

12 Maji duhet të jetë dita e ndryshimit, ku me votën tuaj duhet t’i tregoni të gjithë atyre politikanëve që për 34 vite ju mbajtën peng shpresat dhe ëndrrat tuaja për një Shqipëri si Europa, se fuqia e votës tuaj mund të zhbëjë perceptimin e tyre, se mund t’ju trajtojnë si ‘gogla’ sa herë i duheni për interesat e tyre.

Voto4 ️, Koalicioni Euroatlantik

Beso te Shqipëria.

Në çdo lagje dhe kudo ku po zhvillon takime Lulzim Basha, ai po pritet me entuziazëm dhe mbështetje nga njerëzit e zakonshëm. Fushata e tij për 11 majin ka gjetur rezonancë të madhe, ku mesazhi i tij është i qartë: “O Ramë, ku i ke shokët?” Ky është një nga refrenët më të thellë të fushatës, që jo vetëm bën thirrje për një ndryshim, por gjithashtu pasqyron frustrimin e popullit ndaj politikës tradicionale dhe elitave që kanë udhëhequr për dekada.

Në dallim nga liderët e partive të vogla, të cilët shpesh janë të zënë në përplasje të brendshme dhe konflikte, Basha është i fokusuar te problemet e mëdha që i prekin qytetarët. Ai ka bërë një analizë të qartë të situatës politike dhe është i gatshëm të sfidojë Ramën dhe Berishën, dy figurat që mbajnë peng vendin. Basha ka theksuar se Rama po përpiqet të lirojë të korruptuarit nga burgu, ndërsa Berisha, sipas tij, ka një interes të madh në ruajtjen e pushtetit të tij dhe në lirimin e Ilir Metës.

Basha po e paraqet veten si një alternativë serioze ndaj populizmit që shpesh është përhapur në politikën shqiptare. Ai është një garanci që vendi të mos bie në duar të populistëve që premtojnë ndryshime të shpejta, por të dëmshme për të ardhmen e Shqipërisë. Basha ka shfaqur një qëndrim të qartë kundër autoritarizmit të dyshes Rama-Berisha, që sipas tij, ka sjellë destabilitet dhe ka dëmtuar të ardhmen e vendit. Populli ka nevojë për një udhëheqës që di të menaxhojë me përgjegjshmëri pushtetin dhe të japë mundësi për zhvillim të qëndrueshëm.

Kjo është arsyeja pse Basha po mirëpritet nga shumë qytetarë të zakonshëm: ai ka paraqitur një program të qartë dhe është i përkushtuar për të ndryshuar dinamikën e politikës shqiptare. Basha është ai që po lufton për një të ardhme më të pastër, më të drejtë dhe më të barabartë për çdo shqiptar, duke sfiduar traditën e korrupsionit dhe autoritarizmit që ka sunduar për shumë vite. Ky është momenti për një ndryshim të thellë, dhe Basha është ai që ofron shpresën për të ardhmen.

Kandidati për deputet i Koalicionit Euroatlantik në Tiranë, Gazment Koduzi, ka publikuar një video-mesazh ku prezanton një ndër propozimet më thelbësore të programit të tij: reformën në sistemin shëndetësor, me qëllim vendosjen e modelit gjerman të sigurimeve shëndetësore në Shqipëri.

Sipas Koduzit, 13% e familjeve shqiptare bien në varfëri për shkak të pagesave nga xhepi për shërbime mjekësore, çka është e papranueshme për një vend që aspiron standarde europiane. Ai propozon një sistem ku çdo qytetar të jetë i pajisur me kartën universale të sigurimeve shëndetësore, dhe vetë qytetari të vendosë ku shkojnë kontributet e tij.

“Ky është parimi ‘paraja ndjek pacientin’ – qytetari paguan, qytetari vendos!”, – u shpreh Koduzi në video-mesazh.

Kandidati i Koalicionit Euroatlantik nuk kurseu kritikat për qeverinë aktuale, duke deklaruar se vota për Edi Ramën është votë për status quo-në, ndërsa vota për numrin 4, është votë për ndryshim real dhe për përfitime konkrete për qytetarët.

Postimi i plotë i Gazment Koduzit:

Ne do i japim fund pagesave nga xhepi që shtyjnë 13% të familjeve shqiptare të bien në varfëri!

Çdo qytetar do të jetë i siguruar dhe me kartën universale të sigurimeve shëndetësore në dorë, ai vendos se ku do i çojë kontributet e tij – sipas modelit gjerman – Bismarck!

Ky është parimi “paraja ndjek pacientin”!
Qytetari paguan, qytetari vendos!

Kush voton Ramën, vendos të nxjerrë shokët e tij nga 313!
Vetëm kush voton Nr.4 voton për të mirën e tij dhe të Shqipërisë!

Kandidatja për deputete e Koalicionit Euroatlantik, Taulanda Jupi, ka ndarë atmosferën energjike të një takimi të zhvilluar në Laprakë, ku qytetarë të shumtë iu bashkuan për të diskutuar mbi sfidat dhe shpresat që kanë për të ardhmen.

“Në Laprakë, pamë fuqinë e njerëzve të vendosur,” shkruan Jupi në një postim të shpërndarë në rrjetet sociale. Ajo thekson se pjesëmarrja masive dhe përkushtimi i qytetarëve, veçanërisht të rinjve, prindërve dhe sipërmarrësve, tregojnë qartë se kërkesa për ndryshim është më e fortë se kurrë.

Sipas saj, Koalicioni Euroatlantik po fiton terren çdo ditë sepse qytetarët ndihen të përfaqësuar nga një ekip që ofron zgjidhje reale dhe një plan të qartë për zhvillimin e vendit.

“KEA po rritet, sepse njerëzit e dinë që ne jemi ekipi më i mirë, me planin më të mirë për Shqipërinë.”

Jupi e përmbyll mesazhin e saj me një thirrje për mobilizim dhe votë të ndërgjegjshme më 11 maj:
“Laprakë, je dëshmi e gjallë se vlera të palëkundura do të ndërtojnë një Shqipëri të së ardhmes.”

Postimi i plotë:

Në Laprakë, pamë fuqinë e njerëzve të vendosur

Së bashku me Kryetarin e Degës së KEA në Njësinë 11, z. Neritan Vladi, me ekipin tonë të palodhur dhe me qindra qytetarë të Laprakës mirëpritëm Kryetarin e KEA, z. Lulzim Basha.

Ishte një takim i gjallë, i hapur, i sinqertë. Të rinj që kërkojnë mundësi, prindër që duan siguri për fëmijët e tyre, sipërmarrës që kërkojnë hapësira dhe jo pengesa, të gjithë të bashkuar në një angazhim të përbashkët: t’i japim fund tranzicionit dhe të ndërtojmë një Shqipëri që përmbush ëndrrat e shumicës së heshtur të shqiptarëve.

Unë besoj se kur qytetarët ngrihen dhe kërkojnë ndryshim, nuk ka forcë që mund t’i ndalë. KEA po rritet, sepse njerëzit e dinë që ne jemi ekipi më i mirë, me planin më të mirë për Shqipërinë.

Laprakë, je dëshmi e gjallë se vlera të palëkundura do të ndërtojnë një Shqipërinë e të ardhmes.

✅ Voto Taulanda Jupi

✅ Voto Koalicioni Euroatlantik 4️⃣

#vototaulandajupi

#voto4

#votokoalicionieuroatlantik

#syte4ne11maj

#11Maj

#miremediell

#fushate