Nënkrytari i Partisë Demokratike, Kreshnik Çollaku, paralajmëron se PD shumë shpejt do të çojë në SPAK një padi për Koncesionin e rrugës së Arbrit. Në një një postim në Facebook, Çollaku shkruan se kjo rrugë e cila po gllabëron miliona euro dhe që nuk po mbaron kurrë, është një rrezik për jetën e qyetatëve të qarkut Dibër.

Postimi i nënkryetarit të PD, Keshnik Çollaku:

Nga Rruga e Arbrit, rruga qe gllaberon milona euro e qe nuk mbaron kurre.
Rruga qe rrezikon jeten e qindra e mijra matjaneve, dibraneve e bulqizakeve qe kalojne cdo dite.
Koncesionin e Rruges se Arberit shume shpejt bashke me pafundesine e shkeljeve qe kemi gjetur ne te, do ta cojme ne SPAK.
Cdo abuzues e hajdut do te shkoje prapa hekurave.

Një aksident ka ndodhur në orët e para të mëngjesit të sotëm në bulevardin “Ismail Qemali” në Vlorë.

Raportohet se një efektiv policie, i cili ishte jashtë shërbimit, po drejtonte mjetin në gjendje të dehur dhe ka përplasur makinën ku udhëtonte shtetasja me iniciale A. A., e cila ndodhet në spital jashtë rrezikur për jetën.

Makina e efektivit me iniciale A. C., pas aksidentit është përfshirë nga flakët.

“Në orët e para të mëngjesit, në bulevardin “Ismail Qemali”, në afërsi të poliklinikës, automjeti tip “Benz” me drejtues shtetasin A. C. (punonjës policie, jashtë shërbimit) është përplasur me automjetin tip “Audi” me drejtuese shtetasen A. A., e cila u dërgua në spital dhe është jashtë rrezikut për jetën.

Nga veprimet e para në vendngjarje, ka rezultuar se shtetasi A. C. ka qenë në efektin e alkoolit.

Grupi hetimor dhe opgj të AMP-së, në drejtimin e Prokurorisë, vijojnë punën për sqarimin e rrethanave të aksidentit”, informon policia.

Juristi Kreshnik Spahiu në një intervistë për Report Tv në emisionin ‘Studio Live’, tha se nuk duhet lejuar që kryeministri Edi Rama dhe Sali Berisha të krijojmë një komision anti-Spak.

‘Komisioni i Posaçëm Anti-Korrupsion është i njëanshëm. ⁠Nuk duhet lejuar që Rama-Berisha të krijojnë një komision Anti-SPAK. Uroj të mos ketë një marrëveshje të pazarit politik mes Edi Ramës dhe Sali Berishës që të konsiderohet si marrëveshje ani-SPAK.’– tha Spahiu.

Aksidenti i një dite më parë në Berat, ku një i ri përplasi me motor një turiste të huaj, është tregues i mungesës së sigurisë së jetës në qytetet tona. Një ditë para kësaj ngjarjeje, një tjetër i ri, në të njëjtën rrugë, bënte xhiro me motor, duke bërë shfaqje dhe duke ecur me rrotë në ajër. Skena të tilla në Berat janë të përditshme, duke treguar paaftësinë e shtetit për të pasur kontroll të plotë dhe të barabartë mbi shkelësit ligjor. Policia ‘nuk është’ asnjëherë në vendin e duhur në raste të tilla, por është gjithmonë ‘aty’ kur bëhet fjalë për të gjobitur qytetarët e thjeshtë për parkim të gabuar. Segmenti në të cilin ka ndodhur aksidenti, paraqet një rrezikshmëri të lartë për të gjithë qytetarët beratas, për shkak të rrugës së ngushtë, trotuarëve që nuk i përgjigjen volumit të këmbësorëve dhe shpejtësisë që, pavarësisht se nuk lejohet më shumë se 30-40km, tejkalohet nga shkelësit. Shpeshherë aty shohim gara dhe parakalime të rrezikshme, ndërsa policia është e pafuqishme për shkak të lidhjeve politike të këtyre personazheve.

Kam parë shumë komente dje dhe sot, që i kërkonin llograri turistes së plagosur rëndë që të kalonte në vijat e bardha. Më shumë se sa cinike, një kërkesë e tillë është dashakeqëse. Pak muaj më parë, një çift të huajsh u dhunua nga një prej horrave që qarkullojnë lirshëm rrugëve të qytetit vetëm se ishin duke kaluar të shkujdesur te vijat e bardha, ndërsa ai u bezdis duke pritur që ata të kalojnë shpejt dhe u ndie i “fyer” kur turistët i treguan se ishin duke kaluar aty ku ka përparësi kalimtari dhe jo automjeti. Çështja e aksidenteve të kësaj natyre nuk është problem i vijave të bardha, por tregon papërgjeshshmërinë e madhe për respektimin e sinjalistikave rrugore, kryesisht shpejtësisë, tregon paaftësinë dhe kapjen e shtetit, i cili i shtrëngon dhëmbët të dobtëve, por është i paaftë dhe në bashkëpunim me të fortët, ashtu sikurse tregon se sa pak vlen jeta rrugëve të qyteteve të Shqipërisë. Ajo rrugë është jashtëzakonisht e populluar, sidomos gjatë verës dhe, duke parë mënyrën se si ecin disa personazhe të njohur në qytet, aty mund të ndodhin përditë tragjedi me përmasa edhe më të mëdha.

Përveçse masave të repta që duhen marrë, ka nevojë edhe për një sensibilizim qytetar, sepse aty mund të ishte kushdo prej nesh apo prej familjarëve tanë që kalojnë përditë në atë rrugë përballë ekspozimit të rrezikut nga njerëzit e papërgjegjshëm dhe nga një shtet që është i paaftë të kujdeset për qytetarët e tij.

Aksidenti me protagonist një vizitore të huaj njëkohësisht është një njollë turpi për turizmin, i cili mbijeton me vështirësi si pasojë e vetes dhe e mundit të vet, ndërsa autoritetet qendrore dhe vendore, pavarësisht se mburrem mëngjes dhe mbrëmje, nuk luajnë asnjë rol në përmirësimin dhe shtimin e tij. Rendi dhe siguria duhet të ishin të parat të garantuara që një shtet që mburret me 10 milionë turistë në vit, por është i paaftë të bëjë zap një qytet me vetëm një rrugë kryesore, ku njihen të gjithë dhe dihen ata që janë problematikë në thyerjen e rregullave të qarkullimit rrugor./ Nga Namir Lapardhaja

Pa fushatë universitetet publike pritet të zgjedhin drejtuesit e rinj. Në Tiranë nga 6 institucione të arsimit të lartë, vetëm në Universitetin e Arteve do të pritet me kureshtje votimi më 21 qershor se kush do të fitojë mes Artan Peqinit dhe Erald Bakallit.

Më 27 maj, gati një javë pas afateve ligjore për nisjen e fushatës për organet drejtuese universitare, Akli Fundo zv rektori i universitetit politeknik hyn i vetëm në zgjedhjet për drejtimin e universitetit Politeknik të Tiranës, pasi rektori aktual Andrea Maliqari nuk ka të drejtë rikandidimi.

Edhe rektori i Mjekësisë Arben Gjata, nuk mund të rizgjidhet, por Xheladin Draçini pas dy mandatesh si Dekan i Fakultetit të Mjekësisë do të jetë në krye të institucionit të arsimit të lartë shëndetësor pasi është i vetëm në procesin zgjedhor. Ai ka zgjedhur që të krijojë një profil online për të prezantuar veten..

Fitoren e një mandati të dytë e ka të sigurtë pavarësisht numrit të votave edhe rektori i Universitetit të Tiranës, Artan Hoxha i cili në zgjedhjet e këtij viti nuk ka kundërshtar; ndryshe nga gara e fortë e katër viteve më parë me Mynyr Konin.

Gjithashtu në universitetin Bujqësor do të shërbejë për 4 vite të tjera Fatbardh Sallaku, sepse nuk ka një kandidat të dytë aspirant. E njëjtë paraqitet situata edhe në universitetin e sporteve, ku rikandidon i vetëm Agron Kasa.

Zgjedhjet duket se janë më funksionale në rrethet e Shqipërisë. Në Universitetin Aleksandër Moisiu në Durrës dhe në Universitetin Ismail Qemali në Vlorë ka nga katër akademik në garë, teksa largohen rektorët aktual Roland Zisi dhe Kseanela Sotirofski, pasi kanë plotësuar dy mandate. Me 3 kandidatë ka garë universiteti Fan Noli në Korçë. Universiteti Luigj Gurakuqi në Shkodër ka një përballje për karrigen e rektorit mes drejtueses aktuale Rajmonda Këçirës që kërkon një mandat të dytë, si dhe rivalizohet nga akademiku i njohur Tonin Gjuraj dhe Nertila Ljarja.

Ndërsa problematika shfaqet në Universitetin Aleksandër Xhuvani largohet Skënder Topi nga rektorati dhe kandidon zv rektorja Elvira Fetahu, teksa nuk është pranuar nga komisioni zgjedhor kandidatura e Majlinda Perriu, e cila ka hequr dorë nga detyra si prefekte e qarkut të Elbasanit, për këtë aspiratë dhe që e quan vendimin e përjashtimit të paligjshëm dhe fitoren e paracaktuar pa garë. Si dhe në universitetin Eqrem çabej në Gjirokastër ka vetëm një kandidaturë për rektor, ajo e zv rektorit Jango Canaj.