Kryetari i degës së PD, Durrës, Jonuz Myshketa, ka reaguar në dëgjesën publike të bërë në sallën e KËshillit Bashkiak, për aplikimin e tarifave për parkimet në disa akse rrugore të qytetit. Myshketa shprehet se dëgjesa ishte e pamjaftueshme pasi pjesëmarrja ishte shumë e ulët dhe kjo për faktin se qytetarët nuk ishin vënë në dijeni për konsultimin publik. Këshilltari i PD gjithashtu thotë se duhet të organizohet një dëgjesë e dytë dhe të përdoren të gjitha mjetet e informimit publik dhe që ky problem të trajtojhet në të gjitha aspektet e tij.

Postimi i plotë i kreut të PD, Durrës, Jonuz Myshketa:

Të nderuar miq e qytetarë të Durrësit!
Sot me 27 maj 2024 ora 14:00 ne sallën e Këshillit Bashkiak Durrës u zhvillua një dëgjesë publike ne lidhje me nismën e ndërmarre nga Bashkia Durrës për aplikimin e tarifave prej 100 leke ora dhe 40 leke ora për parkimet ne disa akse rrugore te zonave A dhe B dhe aplikimin e tarifave për parkim ne disa sheshe.
Dëgjese qe ne opinionin tone si këshilltar Bashkiak te Partisë Demokratike ishte e pamjaftueshme.
Duhet te behet një tjetër dëgjesë ne shkalle me te gjere ku pjesëmarrja te jete me e madhe e ku kërkojmë qe te përdoren te gjitha mjetet e nevojshme dhe te domosdoshme te njoftimit te publikut:
Përmes mediave vizive;
Mediave te shkruara;
Përmes një tabele Informuese te instaluar para Bashkisë;
Rrjeteve sociale për një teme kaq sensibel për të gjithë ne.
Opinioni ynë është dhe do mbetet qe trafiku dhe parkimet ne qytet janë një çështje qe kërkon zgjidhje te menjëhershme për shkak te situatës se renduar ku ndodhen dhe kjo nuk mund te zgjidhet duke kaluar menjëherë ne nisma te tilla pa gjetur alternativat ne fillim, pa një analize te sakte rreth efekteve qe jep nisma ne zgjidhjen e saj dhe rentabiliteti I saj për arkën e bashkisë pa anashkaluar ne asnjë moment rëndesën ne xhepat e qytetareve.
Trafiku ne radhe te pare vjen dhe për mungesën e një shërbimi te transportit publik qe vazhdon te jete ne kushte te papranueshme dhe orare te limituara sidomos gjate sezonit veror.
Mbingarkesa e zonave me ndërtime ku vendet e parkimeve janë te pamjaftueshme për banoret qe ne kocept.
Mungesa e parkimeve publike nëntokësore ose dhe mbi toke, është e pamjaftueshme godina tek stacioni I trenit.
Mungesa e korsive te biçikletave qe ne Durrës nuk ekzistojnë sjell dhe një përdorim te shtuar te makinave dhe rendes te trafikut.
Ndaj sugjerojmë qe te rregullohen me pare problematikat e transportit publik urban dhe interurban përpara se te shkohet ne tarifat e parkimeve me pagese.
Nuk mund te vihen para faktit te kryer qytetaret kundrejt tarifave me pretendimin se po behet me e mira për ta kur pasoja e situatës ku ndodhemi vjen pikërisht nga ky keqadministrim I qytetit.
Gjithashtu është e paqarte nëse mbas aplikimit te këtyre pagesave nga Qytetaret a do ti hiqet kjo Tarife Biznesit nga taksat vendore qe megjithëse e paguajnë gjithë vitin shume pak prej tyre gjejnë vende parkimi pranë vendeve ku ushtrojnë aktivitete.

Këshilltarja e PD në bashkinë Durrës, Edlira Leka, shprehet se bashkia Durrës nuk zbaton rregulloren për konsultimin publik.

Në postimin e saj në Facebook, Leka thotë se një rast i tillë ka ndodhur me vendimin e fundit të këtij instutucioni, i cili ka vendosur që parkimet në rrugët kryesore të qytetit bregdetar të bëhen me pagesë.

Këshilltarja e PD më tej thotë se jo vetëm që qytetarët nuk janë informuar, por edhe orari i vendosur për konsultim është në kohë pune.

POSTIMI I PLOTË:

Në datën 23 maj 2024, jemi njoftuar nëpërmjet postës elektronike e-mail, se pas katër ditësh, konkretisht më dt 27 maj ora 14:00 do të mbahej konsultimi me komunitetin në lidhje me përcaktimin e zonave të administrimit të parkimit dhe tarifave të shërbimit në territorin e Bashkisë Durrës.

Në Rregulloren e Funksionimit të Këshillit të Bashkisë Durrës, Neni 131 i cili i kushtohet të drejtave të qytetarëve për pjesëmarrje në qeverisjen bashkiake në pikën 1 citon “Këshilli Bashkiak është i detyruar të garantojë pjesëmarrjen publike në procesin e vendimmarrjes, nëpërmjet seancave të këshillimit me bashkësinë apo pjesëmarrjes direkte të bashkësisë në hartimin e dokumenteve të politikave dhe projektakteve”.

Qëndrimi im i mbajtur sot ishte se:
Koha prej katër ditësh është totalisht e pamjaftueshme për t`u konsultuar me gjithë banorët që preken. Nga kontakti me qytetarë të rastësishëm në këto ditë rezultonte se nuk kishin asnjë informacion se parkimet në rrugët kryesore të qytetit të tyre do të bëheshin me pagesë.

Nga njoftimet e bëra te qytetarët rezulton se orari dhe dita që u mbajt dëgjesa publike ishte e pamundur të ishin pjesëmarrës për arsye se janë në marrëdhënie pune, ndaj është e domosdoshme një dëgjesë tjetër publike.

Dëgjesa tjetër të mbahet pasi qytetarët të jenë njoftuar në mënyrë korrekte për prekjen e xhepave të tyre.

Një banderolë e madhe te pallati i kulturës për të informuar qytetarët për rrugët dhe për tarifat do të ishte e udhës. Do të njiheshin më së miri me vizionin e Bashkisë Durrës.

Edhe nëse do të bëhej një sondazh nuk do të ishte keq.

Ky është një projekt që i prek të gjithë qytetarët dhe konsultimi duhet të jetë i shtrirë në kohë. Nuk ka arsye gjithë kjo ngutje.

Vërej se kur bëhet fjalë që qytetarët të marrin shërbime me pagesë projektet ecin me shpejtësi të madhe e në kohë të kufizuar.

Më poshtë gjeni projektin në detaje.

Rrugët e destinuara për parkim në rrugë me pagesë 100 lekë ora ose me kursin e këmbimit sot 1€ në orë.
1. Rruga “Taulantia”
2. Rruga e “Currilave”
3. Bulevardi “Epidamn”
4. Bulevardi “Dyrrah”
5. Rruga “Egnatia”
6. Rruga “Mars 91”
7. Rruga “Aleksandër Goga” (segmenti 1)
8. Rruga e “Dëshmorëve”
9. Rruga “Adria”
10. Rruga “Pavarsia”
11. Rruga “Hafiz Pogdorica

Rrugët e konsideruara si zona B, në parkimet e tyre do të paguhen 40 lekë të reja në orë.
1.Rruga “Aleksandër Goga” (segmenti 2)
2. Rruga “Mujo Ulqinaku”
3. Rruga “Stefan Kaculini” dhe rruga “Glaukia”
4. Rruga “Hysen Kërtusha

Banorët që i kanë banesat në këto rrugë, do t’u duhet të parkojnë o në rrugët brenda lagjes si rezident ose do paguajnë tarifën si qytetar të një qyteti tjetër apo si turist.

Kreu i Grupit të Partisë Demokratike në Këshillin Bashkiak të Vlorës, Gjergji Nika, ka depozituar ditën e sotme një projektvendim për ngritjen e një Komisioni të Përkohshëm për kontrollin e zbatimit të ligjshmërisë nga shoqëria rajonale e UKV. Në propozim thuhet se kontrolli të jetë për një periudhë të caktuar dhe në focus të ketë largimin nga puna e punonjësve dhe dëmi financiar ankimim në gjykatë dhe kanë fituar gjyqin.

Postimi i plotë i degës së PD, Vlorë:

Ditën e sotme Kryetari i Grupit të Partisë Demokratike Z. Gjergji Nika ka depozituar ne Keshillin Bashkiak per mbledhjen e ditës së mërkurë Projekvendimin per ngritjen e Komisionit te Perkoheshem.
Si me poshte në Projektvendimi propozon:
1. Të miratojë krijimin e Komisionit të Përkohshëm për kontrollin e zbatimit të ligjshmërisë nga “Shoqëria Rajonale e Ujësjellës Kanalizime, Vlorë Sha”.
2. Komisionit të Përkohshëm të përbëhet nga 7 anëtarë, nga të cilët 4 anëtarë nga grupi i shumicës dhe 3 anëtarë nga grupet e pakicës në Këshillin e Bashkisë, kryetari i komisionit të jetë nga grupi i pakicës. Emrat e anëtarëve propozohen nga grupet respektive dhe miratohen nga Këshilli i Bashkisë. Kohezgjatja e Komisionit do te jete 60 dite duke filluar nga data 3 Qershor 2024.
3. Objekti i punës së Komisionit të Përkohshëm është: kontrolli i zbatimit të ligjshmërisë për periudhën 01.06.2023 – 25.05.2024, nga “Shoqëria Rajonale e Ujësjellës Kanalizime Vlorë, me fokus të veçantë:
a. Shkarkimet dhe largimet nga punë të punonjësve, gjithashtu numri i punonjesve qe kane hapur gjyq per vjetersine ne pune.
b. Numri i ish-punonjësve të pushuar ,dhe punonjesve qe jane ne detyre kanë bër ankimim në gjykatë dhe kanë fituar gjyqin.
c. Cila është vlera e dëmit financiar të shkaktuar nga pushimet/largimet e padrejta nga puna, dhe vjetersise ne pune.
d. Problematika të tjera financiare ne lidhje me Bashkine Vlore.
4. Për zbatimin e këtij Vendimi ngarkohet Kryetari, Administrata e Bashkisë Vlorë, Shoqëria Rajonale e Ujësjellës Kanalizime Vlorë, dhe Komisioni i Përkohshëm i Këshillit të Bashkisë.
5. Ky vendim hyn në fuqi sipas Ligjit nr. 139, datë 17.12.2015 “Për vetëqeverisjen vendore”.