Juristi Jordan Daci është shprehur se për herë të parë drejtësia në Shqipëri po godet ‘të paprekshmit’.

Komentet Daci i bëri në Euronews Albania, ku tha se SPAK po cënon interesa prej qindra milonë dollarësh të grupeve kriminale dhe politikanëve të mëdhenj.

Po ashtu ai tha se lufta që SPAK po bën ndaj krimit në Shqipëri, ka ngjashmëri me luftën e anti-mafias italiane.

“Besoj se në 30 vite ky është momenti i vetëm që prokurorët mund të ndihen të kërcënuar. Për shkak se gjatë 30 viteve nuk ka patur kërcënime të mirëfillta ndaj prokurorëve apo gjyqtarëve. Sepse politika dhe gjyqësori nuk kanë prekur ata që i kemi quajtur si të fortë.

Për herë të parë po vihet dorë mbi ata që ishin të paprekshëm. Cënohen interesa marramendëse qindra miliona dollarëshe. Prekin lidhjet e rëndësishme të politikës, me anë të të cilave politika është mbajtur gjallë. Jemi në një fazë që i ngjason luftës që nisi anti-mafia italiane me fillimet e saj, edhe pse sot e kthyer në një kontekst kohor krejt tjetër.

Në këtë kuptim ata padyshim që janë objekt i mundshëm i sulmeve. Por është detyrë e prokurorit që të përballet me këtë pjesë përfshi edhe atë të gjyqtarëve. Shteti ka treguar mbështetje të nevojshme për prokurorët, me mbrojtje dhe logjistikë”, tha Daci.

Alfrida Marku: 208‭ ‬mln euro të planifikuara për t’u shpenzuar përgjatë vitit 2023 në 61 bashkitë e vendit, nuk janë realizuar.

Sekretarja për pushtetin vendor dhe decentralizimin në PD, Alfrida Marku shprehet se 55‭%‭ ‬e‭ investimeve‭ ‬kapitale,‭ ‬me‭ ‬ vlerë‭ ‬208‭ ‬milion‭ ‬euro,‭ ‬të planifikuara për t’u zbatuar përgjatë vitit 2023 në 61 Bashkitë në vendin tonë, nuk janë realizuar, duke mbartur fondet nga njëri vit‭‭ ‬buxhetor‭ ‬në‭ ‬tjetrin.

Në një deklaratë për mediat, Marku tha se sot, që jemi në fund të muajit të pestë të vitit buxhetor, në pjesën më të madhe‭ ‬të‭ ‬bashkive‭ ‬nuk‭ ‬ka‭ ‬asnjë‭ ‬gjurmë‭ ‬të‭ ‬investimeve‭ ‬të prapambetura apo edhe investimeve të reja të parashikuara. Kjo sipas saj, ndikon në përkeqësimin e shërbimeve dhe mungesën e investimeve.

DEKLARATË E SEKRETARES PËR PUSHTETIN VENDOR DHE DECENTRALIZIMIN NË PD, ALFRIDA MARKU


Qytetarët shqiptarë, paguajnë çdo vit më shumë taksa e tarifa vendore, për t’u përballur çdo ditë me mungesën e shërbimeve dhe investimeve. Ky është modeli i qeverisjes në Bashkitë në vendin tonë, për shkak të keqmenaxhimit dhe abuzimeve, që ka 
në fokus llogaritë politike dhe jo interesin publik.

55‭%‭ ‬ e‭ ‬ investimeve‭ ‬ kapitale,‭ ‬me‭ ‬ ‭ ‬vlerë‭ ‬208‭ ‬milion‭ ‬euro,‭ ‬të planifikuara për tu zbatuar përgjatë vitit 2023 në 61 Bashkitë në vendin tonë, nuk janë realizuar, duke mbartur fondet nga njëri vit‭ ‬ ‭ ‬buxhetor‭ ‬ ‭ ‬në‭ ‬ ‭ ‬tjetrin;‭ ‬ ‭ ‬duke‭ ‬ ‭ ‬shtyrë‭ ‬ ‭ ‬në‭ ‬ ‭ ‬kohë‭ ‬ ‭ ‬realizimin‭ ‬ ‭ ‬e investimeve të domosdoshme e për të cilat qytetarët kanë paguar faturën e taksave e tarifave vendore.

Sot, kur jemi në fund të muajit të pestë të vitit buxhetor, në pjesën më të 
madhe‭ ‬të‭ ‬bashkive‭ ‬nuk‭ ‬ka‭ ‬asnjë‭ ‬gjurmë‭ ‬të‭ ‬investimeve‭ ‬të prapambetura apo edhe investimeve të reja të parashikuara.

Bashkitë duhet të bëjnë transparencë dhe kanë detyrimin të japin llogari‭ ‬pse‭ ‬208‭ ‬milion‭ ‬euro‭ ‬të‭ ‬paguara‭ ‬nga‭ ‬qytetarët‭ ‬e‭ ‬61 bashkive,‭ ‬apo‭ ‬55%‭ ‬e‭ ‬ investimeve‭ ‬ kapitale‭ ‬ të‭ ‬planifikuara, 
mbahen pezull:
- paaftësi e administratës për të zbatuar projektet ?
-urdhër për të mos vepruar ndryshe ?
- apo plane për të shtyrë në kohë zbatimin e projekteve dhe 
likujdimin e tyre, sa më afër periudhës zgjedhore ?

Duke ndjekur me shqetësim gjendjen e rënduar të shërbimeve dhe mungesën e investimeve, korrupsionin që është kthyer në prioritet në Bashkitë në vend, Partia Demokratike dhe përfaqësuesit e saj ne këshillat bashkiak, garantojnë qytetarët në angazhimin gjithmonë në mbështetje të interesit‭ ‬ publik,‭ ‬duke‭ ‬ ‭ ‬denoncuar‭ ‬çdo‭ ‬rast‭ ‬abuzimi‭ ‬si‭ ‬dhe 
inkurajojmë‭ ‬autoritetet‭ ‬kompetente‭ ‬ ‭ ‬për‭ ‬të‭ ‬vënë‭ ‬para përgjegjësisë‭ ‬çdo‭ ‬ ‭ ‬funksionar‭ ‬të‭ ‬administrates‭ ‬vendore‭ apo qendrore‬,‭ ‬te zgjedhur apo emeruar, qshpërdoron autoritetin, besimin publik duke abuzuar me taksat e qytetarëve

Faleminderit !

Nënkryetarja e PD, Flutura Açka, thotë se një prej burgjeve më famëkeqe të diktaturës shqiptare, si ai i Qaf Barit, është lënë në mjerim të plotë. Në vizitën që ka bërë në në 22 maj në kuadër të 40-vjetorit të Revoltës së Qafër Barit, Açka shprehet se nuk pa asnjë koleg socialist.

Kaq më mjafton, sipas Açkës, për të kuptuar përse dy ligjet e rëndësishme për Dekomunistizimin të dorëzuar nga Opozita, flenë në sirtaret e Parlamentit.

POSTIMI I PLOTË

Kush i vrau sërish viktimat e Qafë Barit

Shënime mbi 40 vjetorin e Revoltës së Qafë Barit

Për të shkuar në ish-burgun e Qafë Barit të duhen orë, tani që një pjesë e rrugës eshte e asfaltuar. Po atëherë, 40 vjet më parë?

Një prej burgjeve më famëkeqe të diktaturës shqiptare, është lënë në mjerim të plotë. Më 22 maj u përkujtua në mjediset e saj të jashtme 40-vjetori i Revoltës së Qafër Barit. Por edhe atë ditë ish-të përndjekurit politikë shkojnë dhe përkujtojnë të ndarë.

Kush i ndau? Përse ata imitojnë politikën që ndan e përçan vetëm për vota, vetëm të mpakë ndikimin e tyre për të drejtat që u takojnë, të shuajë çdo bashkim të tyre për të protestuar për ligjet që iu mungojnë.

Në përkujtimin e 40-vjetorit të Revoltës së Qafë Barit nuk pashë asnjë kolegun tim socialist, asnjë! Asnjë qeveritar. Asnjë!

Dhe i marr të gjitha përgjigjet. Kaq më mjafton për të kuptuar përse dy ligjet e rëndësishme për Dekomunistizimin të dorëzuar nga Opozita, flenë në sirtaret e Parlamentit. Pse Muzeu Burgu i Spaçit do të ngrihet në Rreps!!!! Pse Piramidës iu vunë gunga me ngjyra dhe iu ndërrua e gjithë hija e rëndë që kishte! Pse Vila e Enverit nëvend që të kthehej në Muzeun e Krimit (pasi aty fillonte Krimi Komunist) po zhvishet nga historia e tij dhe pokthehet në shtëpi qejfi!

Kjo qasje e butë ndaj ditaturës është një nga krimet më të mëdha ndaj shqiptare, thuajse të ngjashëm me origjinalin e tyre, pasi ndikimi është i njëjtë. Dhunë historike!

Mjaft të shohësh se si miniera e Spaçit i fshiu të gjitha shenjat dhe gjurmet e terrorit në Spaç. Mjaft të shohësh se si miniera e Bakrit në Qafë Bar po i fshin të gjitha gjurmët e burgut të tmerrshëm të tij.

Dhe për habi të të gjtihëve: Më 22 maj miniera nuk punonte, e kishte bërë pushim, mbase për nder të ish-të përndjekurve që po mbërrinin të kujtonin se si ca shokëve të tyre iu shtyp koka në miniere, se si ca të tjerë u shqyen nga ujqit në male në rrugën në këmbë për në shtëpi, pasi pas lirimit u lanë të ktheheshin në këmbë, se si dy të vrarëve, Ndue Pisha dhe Ndrek Nikolla, pas dënimit për Revoltën e 22 majit 1984 ministri i brendshëm i kohës urdhëroi t’u hiqeshin sytë dhe të jepeshin për studime, se si vdiq Tom Ndoja në mes të sheshit tek rrihej, se si komandanti i burgut që organizoi shtypjen mizore të revoltës, Edmonda Caja, mori azil politik dhe bëri jetë perëndimore, edhe pse ua ktheu në ferr jetën ca shqiptarëve të tij.

Historia do të mbetet përjetë në borxh ndaj viktimave të kësaj revolte po të vazhdojmë me këtë zjellje antinjerëzore.

Foto: Nga vizita në Qaf Bar 22 maj 2024

Politologu Fitim Zekthi, i pranishëm në studion e emisionit “Open” në News24 ku është diskutuar mbi lidhjet e politikës me krimin dhe këtij të fundit me policinë, bazuar në dosjen e fundit të SPAK që bazohet në transkriptet e platfomës SKY, tha se kemi një përpjekje të Prokurorisë Speciale që ndodh për herë të parë për të prerë këto lidhje.

Zekthi tha se këtu nuk dihet kush komandon, i komandon Kryeministri apo këta komandojnë.

“Unë mendoj se i komandon Kryeministri”, tha Zekthi.  Politologu tha se në vende si Guatemala, Peruja, Kolumbia nuk drejtohen nga qeveritë e tyre, por nga grupet kriminale.

“Krimi i organizuar në Shqipëri nuk është në fazën që e kap kryeministri nga veshi, sepse janë fuqizuar aq shumë sa nuk bindem që Edi Rama mund t’i komandojë”, tha Zekthi.

Ai tha se krimi dhe korrupsioni në Shqipëri është aq i koklavitur sa është e vështirë të thuhet sot sepse kanë 30 vjet që fuqizohen.

Në ekstremin lindor të kufirit Shqipëri-Kosovë, shtrihet fshati Orgjost, ndoshta nga fshatrat e vetëm në vendin tonë që nuk është shpopulluar, pasi numëron rreth 900 banorë të komunitetit goran, pjesë e njësisë administrative Zapod të Bashkisë së Kukësit.

Në kushtet kur rruga që i lidh me Kukësin mund të kalohet vetëm me mjete e larta, banorët e Orgjostit, jetën e tyre dhe shërbimet i kanë të lidhura me komunën e Dragashit në Kosovë.

Por edhe rruga drejt fshatit të parë të komunës së Dragashit në Kosovë, Orqushës dhe që kalon nëpërmjet kësaj pike kufitare, nuk lejon lëvizjen me automjete. Banorët detyrohen rreth 1 km ta bëjnë në këmbë.

Në të tilla kushte, ata i kërkojnë ndihmë dy qeverive, shqiptare dhe të Kosovës që t’u mundësojnë ndërtimin e kësaj rruge, të cilën janë gati që ta financojnë vullnetarisht edhe vetë dhe të kenë mundësi të kalojnë me automjete, pasi gjatë dimrit këto shtigje bllokohen.

Banorët e Orgjostit në Shqipëri dhe Orqushës së Dragashit në Kosovë prej vitesh janë shembulli më kuptimplotë i bashkëjetesës natyrale që nuk duhet ndarë me kufij artificialë dhe i vetmi shërbim që kërkojnë nga autoritetet burokratike shtetërore, është t’u japin leje për të ndërtuar një rrugë më të mirë që të forcojë më shumë lidhjen e tyre.

Ngjitur me atë godinë, u shemb një pallat 5 katësh, pasi kishte dëmtime të mëdha nga tërmeti i 2019-ës. Bashkia shembi pallatin e dëmtuar dhe godinën 2 katëshe të pa dëmtuar të familjes Kulla, pa i shpronësuar më parë.

“Këtë godinë e kemi pasur si familje. Jemi shumë trashëgimtarë. Kemi pasur dokument ‘vërtetim hipotekor’ po s’e kemi regjistruar. Të gjithë e dinin se ajo godinë është e familjes sonë. Nga tërmeti nuk u prish, po na e prishi Bashkia e Krujës” thotë Leonard Kulla. Ai pohon se ndërtesa me kat të parë 400 metër katrorë dhe kat të dytë 340 metër katrorë, s’kishte asnjë dëmtim nga tërmeti i 2019-ës. “Ngjitur ishte një pallat 5 katësh. Ai u prish nga tërmeti. Kur e shembi bashkia, rrënojat ranë mbi godinën tonë dhe e prishën pjesërisht. Më vonë, nxorën lejen e ndërtimit të një pallati 7 katësh në truallin e godinës tonë” pohojnë pjesëtarë të familjes Kulla.

Më tej ata pohojnë se Bashkia e Krujës dhe Fondi Shqiptar i Zhvillimit nuk u marrin as letrat për kompensim apo shpronësim për metrat katrorë që kanë pasur. “Ata ia pasojnë topin FSHZH-së. Në atë truall është bërë një pallat 7 katësh për rindërtimin. Pasi e prishën godinën tonë ne kemi nxjerrë edhe regjistrimin në Kadastër” përfundojnë ata.

Grupi i “Fiks Fare” shkoi në Bashkinë e Krujës, për të pyetur kryetarin e asaj bashkia Artur Bushi, se përse prishi godinën e familjes Kulla dhe në atë truall nxori një leje ndërtimi. Por, as kryetari Bushi dhe as Sekretari i Përgjithshëm i asaj bashkia nuk dënjuan që të jepnin shpjegime, teksa punonjës thanë se informacionin do t’ia servirnin me shkrim redaksisë së “Fiks Fare”.

Disa javë pasi Fiksi shkoi në atë institucion, Bashkia e Krujës ktheu përgjigje se prishja e objekteve të dëmtuara ka qenë pa cënuar të drejtat e pronarëve të pa shpronësuar. Në lidhje me rastin konkret, bashkia thotë se në fazën e demolimit të pallatit me sipërfaqe gjurme 254 metër katrorë, objekti nr. 16 në lagjen Kovaçe, është vepruar me të njëjtin parim dhe është kryer vetëm demolimi i objektit të dëmtuar. Pjesa e objektit 2 kate, e cila ishte bashkëngjitur me pallatin, nuk u demolua në atë fazë.

Në vitin 2021, thotë bashkia, trualli dhe objekti rezultonin të ishin pronë “shtet” dhe në këtë fazë u projektua pallati 7 katësh, një pjesë te gjurma e pallatit të prishur dhe një pjesë te trualli i ish Godinës MAPO Industriale, me pronarë pretendues trashëgimtarët e familjes KULLA.

Por, si u bë pallati te trualli dhe godina e familjes Kulla? Bashkia thotë se gjatë fazës së miratimit të lejes së ndërtimit pas aplikimit nga subjekti projektues i kontraktuar nga Fondi Shqiptar i Zhvillimit, i ka dërguar për mendim Agjencisë Rajonale të Kadastrës në Krujë, e cila ka aprovuar në heshtje dhe në vijim është miratuar leja e ndërtimit më datë 19 prill 2023. Dhe pas kësaj, prishi pjesën e mbetur të godinës.

Pra, Bashkia thotë se e ka miratuar në heshtje! Por, vetë Kadastra e Krujës në datën 23 maj 2023, pasi doli leja e ndërtimit, ka lëshuar për familje Kulla një kartelë të pasurisë së paluajtshme. Në rubrikën përshkrimi citon “godinë 2 katëshe me emërtesë ‘Mapo Industriale’ me sipërfaqe ndërtimi kati përdhe 400 m2, kati i parë 340 m2.

Një nonsens, pasi nga njëra anë prishet gabimisht dhe del pronë shtet. Më pas del leja e ndërtimit në truallin e asaj godine dhe, pasi bëhen gjithë këto veprime, Bashkia e Krujës ka marrë miratim në heshtje. Heshtja e Kadastrës ka zgjatur 34 ditë, deri sa nxori një kartelë pasurie për familjen Kulla. Por ishte shumë vonë, pasi jo vetëm që ishte prishur, por në atë truall filloi të ndërtohej edhe një pallat 7 katësh.

Në fund, kjo bashki shkruan se ka shfaqur përgjegjshmëri maksimale kundrejt pretendimit të kësaj familjes dhe në datën 31 janar 2024 i është drejtuar Fondit Shqiptar të Zhvillimit dhe Ministrisë së Infrastrukturës për nisjen e procesit të shpronësimit ose shkëmbimit në mënyrë të përshpejtuar. Megjithatë, deri më tani, ka pasur vetëm vendime dhe  letërkëmbime!/ Top CHANNEL