Nga Azgan Haklaj

Partia Demokratike së shpejti, konkretisht me dt 1 qershor do të startojë me konventën ekonomike si shtylla themelore e qeverisjes së ardhshme.
Natyrisht që principet bazë janë të qarta pasi mbi ato principe të tregut dhe të ekonomisë së lirë është krijuar forca jonë politike.
Ajo mbetet përgjithmonë misionare e lirisë së individit dhe demokracisë.
Mirëpo situata ekonomike në vendin tonë është jo vetëm alarmante por buzë katastrofës si rezultat i keq qeverisjes dhe korrupsionit.
Është veshtirë të gjesh krahasime në historinë moderne jo vetëm të kontinentit por dhe thellë ne Afrikën Sahariane.
Këtë e shohin dhe e përjetojnë shqiptarët por edhe po pasqyrohet në raportet me reputative të institucioneve politike dhe ekonomike ndërkombëtare.
Një Shqipëri që vidhet nga banda në pushtet më keq se piratët në ishujt e vetmuar të oqeaneve.
Në këto kushte Partia Demokratike ka obligimin parësor t’ju paraqesë shqiptarëve jo vetëm e thjesht një plan shkencor ekonomik por një platformë të mirëstudjuar për stopimin dhe sherimin e gjendjes-gangranë ku është zhytyr e po gulçon ekonomia.
Edhe ky hap racional kërkon studim e përshtatje me situatën ndaj PD-ja dhe kryetari i saj Lulzim Basha janë në konsultim përmanent me ekspertë të fushës si brenda ashtu dhe jashtë vendit.
Sugjerimet e institucioneve ndërkombëtare, konsultimi serioz me grupet e interesit, shoqërinë civile dhe faktorë akademikë do të jenë në bazën e programit tonë të ardhshëm qeverises.
Natyrisht që në situatën ku është katandisur ekonomia lipsen menjëherë masa të rrepta stopuese e parandaluese sidomos në abrogimin e ligjeve klienteliste korruptive të aprovuara në klandestinitet e me djallezi nga kjo mazhorancë.
Ka ardhur koha e një operacioni të detajuar të plagës të zhytyr në ngangrenizim.
Jemi optimistë se dhe ndihma e aleatëve tanë euroatlantik do të jetë e pakursyer siç po deshmohet sot e materializuar në organet e drejtësisë së re kryesisht të Prokurorisë dhe gjykatës kundër korrupsionit dhe krimit të organizuar.
Partia Demokratike është e vendosur të ringjallë tregun e lirë dhe konkurencën e ndershme bazuar në ligjet e vendit duke i dhënë fund trustit e oligarkisë politiko-ekonomike që rrënojnë themelet e shtetit e po shpopullojnë vendin pasi pasiguria dhe shpresa e vrarë janë refreni i ditës.
Koha po vjen…është koha e shqiptarëve!

E ftuar në studion 24 në RTSh nënkryetarja e Partisë Demokratike, Orjola Pampuri u shpreh se takimi me qytetarët ishte për të treguar problematikat që ato janë përballur me një mazhorancë të korruptuar.

“Kemi qenë të gjithë në terren ku janë shpalosur të gjitha problematikat e qytetarëve përveç faktit që kemi pasur ristrukturimin e Partisë Demokratike por kjo nuk ka qenë e vetmja arsye sepse arsye tjetër ka qenë dhe takimi me qytetarët të cilët kanë shpalosur të gjitha problematikat me të cilat janë përballur gjatë kësaj periudhe që ne jemi në opozitë ku kemi një mazhorancë ku korrupsioni është kryefjala e ditëve të sotme dhe kryefjala e të gjithë këtyre viteve që ato janë në qeveri.

Ishte parashikuar sepse ne kishim nisur ristrukturimin e PD-së dhe në bazë të ristrukturimit kishim bërë një plan që në përmbyllje të ristrukturimit do të kishim dhe një fazë të dytë që do të ishte propozimi në të gjitha degët i kandidatëve për deputet. Duke qenë se është një situatë jo normale brenda PD ka pasur raste që janë shtyrë në shumë degë zgjedhjet dhe kjo u bë shkak qe u shty dhe faza e dyte që u bë propozimi i kandidateve për deputet. Tani jemi në atë fazë ku një pjesë e mirë e degëve janë në procesin ku i kanë dorëzuar apo po punojnë për të propozuar kandidatet për deputet”, tha Pampuri.

E pyetur nga gazetarja se si do të bëhet përzgjedhja e kandidateve, Pampuri tha se janë ende në fazën e propozimit ku në të gjitha qarqet do të bëhen propozime dhe përzgjedhja do të bëhet sipas kritereve.

Gjithashtu Pampuri theksoi se në fokus janë sektorët më problematik dhe se partia Demokratike do të jap zgjidhje këtyre sektorëve të cilët kanë mbetur në vend.

“Tani jemi në fazën e propozimit, e cila është një fazë ku në secilën degë në të gjitha qarqet bëhen propozime, më pas këto propozime do të ketë patjetër një komision, një grup i cili do të bëhen zgjedhjet në bazë të disa kritereve.

Përgjatë gjithë kësaj periudhe ajo që ka qenë në fokus janë problematikat në sektorin ekonomisë, shëndetësisë, çështjeve sociale, i arsimit, i kulturës, bujqësia te gjitha këto do te kenë një pikë të veçantë apo do të shpalosen secila në vete me propozimet që PD do të dal për sa i përket zgjidhjes se të gjitha këtyre sektorëve ku sot kanë mbetur në vend numëro. Në shëndetësi jepen 50 milion euro dhe 4 koncesione të cilat janë të gjitha abuzive. Por kemi edhe skandalin e fundit siç është taksimi i profesioneve të lira. Të gjitha këto do të kenë zgjidhje në çdo pikë të programit që do të paraqitet në qershor”, u shpreh Pampuri.

Nënkryetarja e Partisë Demokratike, Orjola Pampuri tha se shqiptarët sot duhet të zgjedhin alternativën më të mirë dhe alternativa më mirë është programi që është pa diskutim i pari por dhe ata që do të implementojnë programin që do të jetë ekipi i cili do të jetë i pastër, i papërlyer, i pa korruptuar.

“Një partie politike i mungon një program i mirë, një ekip i mirë u bënë disa muaj që SPAk-u po shpalos të gjitha akuzat te gjitha ato qe ne kemi aluduar për muaj me radhe. Kemi tjetërsua për tjetërsim zgjedhjes. Jo më larg se disa ditë po gëlojnë televizionet ku thonë se në banda janë të përfshirë ish deputet, ish drejtorë policie dhe këto i kanë shërbyer votave për të cilat kemi denoncuar kaq kohë. Shqiptarët sot duhet të zgjedhin alternativën më të mirë dhe alternativa më mirë programi që është pa diskutim i pari por dhe ata që do të implementojnë programin që do të jetë ekipi i cili do të jetë i pastër, i papërlyer, i pa korruptuar”, tha Pampuri.

Nënkryetari i Partisë Demokratike, Roland Bejko, sjell në vëmendje anketën e zhvilluar nga Instituti për Demokraci dhe Ndërmjetësim në 61 bashkitë e vendit, ku 81.5% e të pyeturve rendisin korrupsionin si një ndër problemet e mëdha të Shqipërisë.
Një e treta e qytetarëve pohuan se kanë dhënë rryshfet te zyrtarët e pushtetit vendor dhe atij qëndror, dhe kjo sipas Bejkos, është e vërteta që nxjerr lakuriq retorikën e lodhur të Edi Ramës dhe të qeverisjes së tij thellësisht të korruptuar.

Postimi i plotë i Nënkryetarit të PD, Roland Bejko:

IDM: Korrupsioni i pushtetarëve, dhe pasiguria, problemi më i madh për shqiptarët.
Anketa e zhvilluar nga Instituti për Demokraci dhe Ndërmjetësim në 61 bashkitë e vendit, vlerëson se 81.5% e të pyeturve rendisin korrupsionin si një ndër problemet e mëdha të Shqipërisë. Shifër kjo 4.8% më e lartë se viti 2022.
Gjatë kësaj ankete, një e treta e qytetarëve (29.8%) pohuan se kanë dhënë rryshfet te zyrtarët e pushtetit vendor dhe atij qëndror në këmbim të marrjes së shërbimeve të tyre, ndërkohë që një pjesë e konsiderueshme e tyre shprehen se pasiguria është e madhe dhe duan të largohen nga vendi, si e vetmja mundësi për një jetë më të mirë.
Kjo është e vërteta që nxjerr lakuriq retorikën e lodhur të Edi Ramës dhe të qeverisjes së tij thellësisht të korruptuar.
Partia Demokratike e Shqipërisë nëpërmjet propozimeve të saj për Vetingun e Politikanëve, amendamentet për mbështetjen dhe inkurajimin e mëtejshëm të punës së SPAK-ut dhe me propozimet e saj për heqjen e imunitetit të deputetëve, nuk ka bërë gjë tjetër, vetëm se ka adresuar saktë dhe ka treguar se është në të njëjtën gjatësi vale me kërkesën dhe pritshmërinë e qytetarëve shqiptarë për të mbështetur Prokurorinë e Posaçme në luftën e pakompromis kundër korrupsionit, ashtu sikurse kërkon të japë e para shembullin vetjak për të rikthyer besimin e publikut te politika.
Jemi të vendosur për ta bërë ndryshimin e madh me programin, ekipin dhe njerëzit e zakonshëm të këtij vendi në krah, pavarësisht bindjeve politike, sepse për Partinë Demokratike lufta kundër korrupsionit, siguria e jetës dhe përmirësimi i ekonomisë së shqiptarëve ngelen një mision për të cilin do të luftojmë përditë.