11.3 C
Tirana
E shtunë, 17 Maj, 2025
type here...

Macron paralajmëron Netanyahun: Transferimi i detyruar nga Rafah do të ishte një krim lufte

Presidenti francez, Emmanuel Macron paralajmëroi kryeministrin Benjamin Netanyahu se çdo “transferim i detyruar i popullsisë” në Rafah do të përbënte një “krim lufte”. Lideri francez zhvilloi një bisedë telefonike me Netanyahun të dielën.

Macron dënoi gjithashtu njoftimin e Izraelit të premten për sekuestrimin e 800 hektarëve tokë në Bregun Perëndimor të pushtuar për vendbanime të reja.

Në telefonatë, Macron i tha Netanyahut se synonte të dërgonte një projekt-rezolutë në Këshillin e Sigurimit të OKB-së, duke bërë thirrje për “një armëpushim të menjëhershëm dhe të qëndrueshëm”.

Ai gjithashtu i kërkoi Izraelit të hapë menjëherë të gjitha pikat e kalimit në Gaza.

Ofensiva tokësore e planifikuar në Rafah është përballur me presion të madh ndërkombëtar, me paralajmërime se do të shkaktonte viktima masive civile dhe do të përkeqësonte krizën humanitare. Megjithatë, Izraeli ka këmbëngulur se është e nevojshme në fushatën e tij për të shkatërruar Hamasin.

Pavarësisht rreziqeve, gratë gazetare vazhdojnë misionin e tyre

Sulmet dhe kërcënimet ndaj medias janë në rritje në rang botëror. Ekspertët thonë se gratë gazetare janë më të rrezikuara ndaj ngacmimeve. Pavarësisht rreziqeve, shumë gazetare nuk pranojnë të heshtin dhe vazhdojnë të raportojnë.

Forcimi i zërave të grave në botë, Zonja e Parë Jill Biden përshëndet fitueset e Çmimit “Gratë e Guximshme” për vitin 2024. Njëra prej tyre është gazetarja dhe avokatja nga Uganda, Agather Atuhaire.

E vlerësuar si një zë i besueshëm për drejtësi dhe përgjegjësi sociale, puna e kësaj gazetareje ka ndihmuar duke sjellë ndryshime. Por me një çmim. Raportimi mbi njerëz të fuqishëm, të bën pre të kërcënimeve, thotë ajo.

“Unë kam qenë një person i shkujdesur. Asnjëherë nuk mendoja të vështroja pas krahëve apo të kontrolloja se çfarë po haja. Por, kjo ka qenë jeta që kam bërë në pak a shumë këto tre vitet e fundit. Cdo ditë, një armik i ri”.

Pavarësisht nga rreziqet, gazetarja Atuhaire thotë se ajo do të vazhdojë të flasë me zë të lartë.

“A e dini se cila është gjëja më e keqe që mund t’iu ndodhë në rast se flisni? Ndoshta mund të vdisni, por ama kështu mund të keni frymëzuar dikë tjetër për të folur”, shton ajo.

Gazetarët, veçanërisht ato gra, po vihen gjithnjë e më shumë në shënjestër, thonë analistët e medias.

“Dhe ne shohim se kjo po ndodh më shumë ndaj grave se sa ndaj burrave. Veç kësaj, ajo çka po shohim në ditët e sotme është se gratë po bëhen objektiv për lajme të rreme dhe fushata dezinformuese”, shprehet analistja e medias, Elisa Lees Muñoz.

Në vende si Afganistani, zëri i grave po dobësohet. Rikthimi i talebanëve çoi në largim të gjerë grave nga media, kufizim të të drejtave të tyre për të udhëtuar dhe vendosjen e rregullave të forta për veshjen, që e bëjnë të punuarit, të vështirë.

“Po shohim se janë në pamundësi bazike për të qenë pjesë e industrisë së lajmeve. Pikërisht për këtë nuk po e dëgjojmë dot zërin e tyre. Edhe pse, atje, sigurisht që ka gra jashtëzakonisht të zonja, të cilat po guxojnë të raportojnë nga këto vende dhe ne të njihemi me ngjarjet që ato sjellin”, shprehet Elisa Lees Muñoz, analiste e medias.

Gazetaret që janë në gjendje të raportojnë thonë se puna e tyre ka një ndikim të fortë.

“Ndjeva se pikërisht kjo ishte mundësia për të ndikuar mbi botën në mënyrë kuptimplotë dhe për ta bërë këtë përmes një ndërthurjeje prekëse, falë emocionit që përcillet përmes fotografisë, por dhe mendimit se çfarë mishëron fotografia”, shprehet fotoreporterja Corinne Dufka.

Fotoreporterja Dufka ka mbuluar konflikte dhe luftra civile. Përgjatë karrierës së saj, ajo ka qenë ndër të paktat gra që mbulonte ngjarje të tilla.

“Doja të pasuroja kronikat historike të konflikteve, kam mbuluar disa ngjarje që kanë qenë pak të mbuluara dhe vazhdojnë të mos raportohen ose kenë pak mbulim në media, por gjithashtu edhe të kontribuoja tek roli i grave në këtë gjini (zhaner) të gazetarisë, si fotoraportimi”, thekson ajo.

Në një kohë që studimet tregojnë se gazetaret janë objektiv i kërcënimeve dhe ngacmimeve, mbrojtësit e të drejtave të tyre duan ta mbushin këtë hendek. Synimi i tyre kryesor, më shumë gra nëpër redaksi, mbrojtje dhe mbështetje më e mirë për to./ VOA/

Forumi i Trashëgimisë: Zbuloni këshillin shkencor të Butrintit, kimist, vreshtar e ish-kritikë pjesë e tij

Forumi për Mbrojtjen e Trashëgimisë Kulturore, me anë të një postimi në rrjetet sociale, ka reaguar për Butrintin.

Në postim, Furumi thekson se pjesë e këshillit shkencor të Butrintit janë kimistë, vreshtarë dhe ish-kritikë.

Postimi i Forumit të Trashëgimisë:

Komedia e zezë me Butrintin vazhdon

Po ju prezantojmë me Këshillin Shkencor të përzgjedhur nga AADF për fondacionin privat që do të menaxhojë këtë pasuri kombëtare xhevahir të UNESCOs:

Prof Neritan Ceka, një nga denoncuesit e modelit të AADF

Prof Elda Marku, inxhiniere kimie

Prof Endrit Kullaj, agronom profili vreshtari

Prof Iris Pojani, asistente e të famshmit Richard Hodges për mbi 10 vjet

Eugene Jo, prezantuese e programit të Rinise në ICROM, laureuar në universitetin Konkut ne Kore per histori koreane

Kristo Kauri, inxhinier pyjesh në pension

Suedi-Shqipëri, portieri Olsen: Kemi mësuar gjatë këtyre ditëve, të tregohemi të durueshëm

Robin Olsen, portieri i Suedisë ka treguar këndvështrimin e tij në prag të ndeshjes miqësore ndaj Shqipërisë, të plainfikuar për të hënën në orën 19.00.

“Ndaj Portugalisë ishte një ndeshje shumë e lodhshme, sidomos për shkak të golave. Por pastaj është po ashtu e rëndësishme që të jesh i qetë dhe i durueshëm. Ne kishim vetëm një seancë stërvitore para ndeshjes me Portugalinë. Në momente të caktuara gjatë ndeshjes, treguam se kemi mësuar diçka gjatë këtyre ditëve bashkë, por padyshim ka shumë për të përmirësuar.

Sa e rëndësishme është të fitojmë ndaj Shqipërisë? Është jashtëzakonisht e rëndësishme, çdo herë që luan një ndeshje, është e rëndësishme. Megjithatë, ne jemi në një proces dhe mendoj se shumë lojtarë kanë folur këto ditë për durimin që duhet të kemi. Gjithsesi, ne dëshirojmë që të punojmë sa më shpejt që të jetë e mundur” – Tha ai.

Arsyet pse alergjitë përkeqësohen gjatë mëngjesit, ja çfarë dihet të dini dhe si t’i trajtoni

Për shumë njerëz të prekur nga alergjitë ndodh që simptomat të rëndohen më tepër në mëngjes.

Por cili është shkaku se përse këto simptoma janë më të rënduara në mëngjes?

Kafshët ose insektet shtëpiake

Marimangat e pluhurit janë insekte të vogla që lëshojnë në shtratin tuaj jashtëqitjen e tyre.

Këto mbetje futen në hundë dhe trup dhe shkaktojnë kruajtje të hundës dhe syve ose edhe astmë. Për më tepër, nëse flini me kafshët tuaja shtëpiake, ju gjithashtu mund të zhvilloni alergji të ndryshme.

Çdo tre muaj, lani jastëkun dhe ndërroni sa më shpesh çarcafët tuaj. Ju mund të përdorni gjithashtu edhe mbulesa të posatshme kundër merimangave.

Dhe nëse e dini se jeni alergjik ndaj zbokthit të kafshëve shtëpiake, mund t’ju duhet t’i mbani ata larg shtratit tuaj.

Poleni

Poleni është në sasi më të larta herët në mëngjes deri në mes të ditës. Prandaj të dalurit herët në mëngjes për stërvitje ose edhe për të nxjerrë qenin, mund të shkaktojë një reagim alergjik më të fortë.

Gjithashtu, kur merrni frymë thellë gjatë aktivitetit fizik, ju jeni duke thithur më shumë polen. Nëse nuk ndiheni ndiheni të sigurt në natyre ri mendoni të shkoni në palestër.

Përndryshe, zhvendoseni stërvitjen brenda mureve të shtëpisë tuaj.

Si të parandaloni alergjitë e mëngjesit?

Është një ide e mirë që të testoheni për të parë se për çfarë jeni alergjik. Kështu do të mund të bëni një identifikim më të lehtë të shkaktarëve dhe të mund t’i shmangni ato. Gjithashtu, mjekimi kundër alergjisë mund të jetë një lehtësim.

Antihistaminet si cetirizina (Zyrtec) dhe levocetirizina (Xyzal) mund të kenë efekt qetësues veçanërisht kur merren para se të flini.

Bisedoni me mjekun tuaj për simptomat tuaja, që ai të mund t’ju ndihmojnë të përcaktoni orarin e duhur të mjekimit./AgroWeb.org

Anëtari i kryesisë së PD, Myzafer Elezi, kujton policët e rënë në Vlorë në krye të detyrës: Nderim për ata që mbrojtën jetën me jetë

Anëtari i kryesisë së Partisë Demokratike, Myzafer Elezi, nëpërmjet një statusi në profilin e tij në rrjetin social facebook, ka përkujtuar tre punonjës të Komisariatit të Policisë Vlorë të rënë në krye të detyrës.

“Sot mbushen 27 vjet nga ngjarja e rëndë e ndodhur në Vlorë, ku humbën jetën në krye të detyrës tre punonjës të Komisariatit të Policisë Vlorë. Ishte data 24.03.1997, kur në sallën operative të policisë mbërriti një informacion se, disa persona me armë dhe me maska janë duke grabitur disa këmbësorë dhe automjete në rrugën Vlorë-Skelë, në qytetin e Vlorës.” – shkruan Elezi, ndërkohë që risjell në vëmendje të publikut atë ngjarje të rëndë ndodhur në një kohë të vështirë për Vlorën dhe për të gjithë Shqipërinë.

Më poshtë postimi i plotë:

Nderim për ata që mbrojtën jetën me jetë.

Sot mbushen 27 vjet nga ngjarja e rëndë e ndodhur në Vlorë, ku humbën jetën në krye të detyrës tre punonjës të Komisariatit të Policisë Vlorë.

Ishte data 24.03.1997, kur në sallën operative të policisë mbërriti një informacion se, disa persona me armë dhe me maska janë duke grabitur disa këmbësorë dhe automjete në rrugën Vlorë-Skelë, në qytetin e Vlorës.

Të gatshëm ishin tre punonjësit e policisë, Spiro TOSHI, Gëzim SHABANI dhe Besim MANOLI, të cilët menjëherë u nisën në drejtim të vendit të ngjarjes.

Ndërkohë që ishin në ndjekje për të kapur autorët e një bande kriminale që kishin kryer disa grabitje, në vendin e quajtur ”Kali i Trojës” në qytetin e Vlorës, grabitësit qëlluan me armë zjarri në drejtim të makinës së policisë duke lënë të vrarë tre punonjësit e Policisë së Shtetit:

Spiro TOSHI, nga fshati Nartë i rrethit të Vlorës, i martuar me dy fëmijë. Rridhte nga një familje të persekutuar politik nga regjimi totalitar.

Ishte me detyrë oficer i Zyrës së Informacionit pranë Komisariatit të Policisë Vlorë, me gradën ‘Kapiten i Parë’. U vra në krye të detyrës, ende pa mbushur 45 vjeç.

Gëzim SHABANI, nga fshati Velçë dhe banues në lagjen “11 Janari” të qytetit të Vlorës, i martuar, me fëmijë. Rridhte nga një familje e persekutuar politik nga regjimi komunist. Babai i tij ishte i dënuar për motive politike me 101 vite burg nga diktatura komuniste. Ndërsa gjyshi nga nëna ka vdekur në burg, i arrestuar për motive politike.

Gëzimi ishte me detyrën e shoferit të makinës së gadishmërisë së policisë.
U vra në krye të detyrës, në moshën 37 vjeç.

Besim MANOLI, nga fshati Drashovicë i rrethit Vlorë, i martuar, me fëmijë. Rridhte nga një familje e persekutuar politik nga regjimi totalitar. Familja e tij ka qenë e internuar në fshatin Drashovicë. Babai i tij ka qenë i burgosur për motive politike, ndërsa gjyshi nga nëna dhe një dajo janë pushkatuar në vitin 1945.

Besimi ishte me detyrën e inspektorit të Policisë së Rendit. U vra në krye të detyrës, në moshën 40 vjeç.

Komisioni Qendror i Statusit “Dëshmor i Atdheut”, me Vendimin nr. 14, datë 11.09.1998, i`u ka akorduar ish punonjësve të Policisë së Shtetit statusin “Dëshmor i Atdheut” të periudhës së pasçlirimit, dhe familjeve të tyre i`u dha simbolin “Familje e Dëshmorit të Atdheut”.

Me cilësinë e këshilltarit të Partisë Demokratike në Këshillin e Bashkisë Vlorë, i kam propozuar kryetarit të bashkisë Vlorë që, ish-punonjësve të Policisë së Shtetit, Spiro TOSHI, Gëzim SHABANI dhe Besim MANOLI, t`u jepet titulli “Qytetar Nderi i Vlorës” pas vdekjes, me motivacionin:

“Për kontributin e çmuar në strukturat e Policisë së Shtetit, sakrificën e pashembullt dhe pa kompromis në luftën ndaj krimit, sigurimit të rendit e të qetësisë publike”.

Sot, kujtojmë dhe nderojmë këta shërbëtorë të shtetit, për aktin e tyre sublim, për guximin e pashoq, trimërinë, ndershëmrinë, korrektesën, si dhe për ashpërsinë ndaj elementëve keqbërës.

I përjetshëm qoftë kujtimi i Tyre!

25 vjet nga bombardimet e NATO-S në Serbi, Basha: Nostalgjikët e Millosheviçit vazhdojnë të përkundin ambicie të së shkuarës, por fatmirësisht sot në Kosovë është NATO

Kreu i PD, Lulzim Basha, ka përkujtuar nëpërmjet një postimi në facebook, 25-vjetorin e bombardimeve të NATO-s ndaj Serbisë.

“Sonte njëzet e pesë vjet më parë, NATO nisi fushatën e bombardimeve për të ndalur genocidin dhe spastrimin etnik në Kosovë. Pas shterimit të çdo mundësie diplomatike, për t’i dhënë fund fushatës brutale të spastrimit etnik të regjimit të Millosheviçit, ndërhyrja ushtarake ishte opsioni i fundit për të ndalur masakrat mbi civilët e pafajshëm.” – shkruan Basha.

“Çfarë ndodhi 25 vjet më parë qëndron para çdokujt sot si mësim se historia nuk mund të rishkruhet. Nostalgjikët e Millosheviçit vazhdojnë të përkundin ambicie të së shkuarës siç tregoi sulmi terrorist i 24 shtatorit në Bajnskë. Por fatmirësisht sot në Kosovë është NATO, janë miqtë dhe partnerët jetikë të shqiptarëve.” – vijon më tej ai.

Më poshtë postimi i plotë:

Sonte njëzet e pesë vjet më parë, NATO nisi fushatën e bombardimeve për të ndalur genocidin dhe spastrimin etnik në Kosovë. Pas shterimit të çdo mundësie diplomatike, për t’i dhënë fund fushatës brutale të spastrimit etnik të regjimit të Millosheviçit, ndërhyrja ushtarake ishte opsioni i fundit për të ndalur masakrat mbi civilët e pafajshëm.

Sot kujtojmë me dhimbje dhjetëra mijë civilë të pafajshëm, përfshirë mijëra fëmijë, që u vranë, mijëra të tjerë që ende sot nuk kanë varr, viktima të dhunës çnjerëzore të regjimit vrastar të Millosheviçit.

Çfarë ndodhi 25 vjet më parë qëndron para çdokujt sot si mësim se historia nuk mund të rishkruhet. Nostalgjikët e Millosheviçit vazhdojnë të përkundin ambicie të së shkuarës siç tregoi sulmi terrorist i 24 shtatorit në Bajnskë. Por fatmirësisht sot në Kosovë është NATO, janë miqtë dhe partnerët jetikë të shqiptarëve.

Mirënjohje përjetë SHBA, Britanisë së Madhe dhe aleatëve tanë në NATO për përkrahjen e paçmim për lirinë dhe pavarësinë e Kosovës.

Me vetëdije për të shkuarën, Kosova dhe shqiptarët kudo ku janë, bashkë me aleatët dhe partnerët tanë me në krye SHBA, duhet të mos kursejmë asgjë për të ndërtuar të ardhmen.

Basha: Të vendosur për të rikthyer besimin dhe shpresën

Kreu i PD-së, Lulzim Basha, ka shpërndarë një video përmbledhëse të takimit të tij me demokratë dhe qëndrestarë të PD në Lushnje.

Basha shkruan se “Ua kemi borxh demokratëve dhe shqiptarëve për t’i shpalosur alternativën tonë për një politikë njerëzore, përtej konfliktit për konsum ditor, larg pazareve në dëm të njerëzve dhe duke ndërtuar një alternativë serioze dhe të besueshme që i shërben, pa dallim, të gjithë shqiptarëve. Urimet më të mira për anëtarët e kryesisë dhe për kryetarin e zgjedhur nga Kuvendi Zgjedhor i PD-së në Lushnje, Elvis Pisku!”

“Të vendosur për të rikthyer besimin dhe shpresën. – vijon më tej kreu i PD-së.

“Kemi gati ofertën për shqiptarët”, Basha: I japim fund politikës së mashtrimit me premtime të ditëve të fundit të fushatës. Shumë shpejt ekipi që përcjellë programin tek qytetarët

“Është detyra jonë sublime si Parti Demokratike dhe e askujt tjetër përveç nesh që të vijmë me një ofertë bindëse për qytetarët, diçka që të thyejë e të tejkalojë skepticizmin dhe mosbesimin e mbjellë me mjeshtëri nga ustallarët r tranzicionit të cilët në një mënyrë a tjetër duan të thonë; këtu jemi vetëm ne, mos u merrni me të tjerët.” – kështu u shpreh kreu i PD-së, Lulzim Basha, në Kuvendin Zgjedhor të PD-së në Lushnje, teksa vijoi se “është detyra jonë ta tejkalojmë këtë cinizëm, t’i tejkalojmë mercenarët mediatikë e politikë dhe të ndërtojmë e të shpalosim një ofertë bindëse politike”.

Basha: Është detyra jonë sublime si Parti Demokratike dhe e askujt tjetër përveç nesh që të vijmë me një ofertë bindëse për qytetarët, diçka që të thyejë e të tejkalojë skepticizmin dhe mosbesimin e mbjellë me mjeshtëri nga ustallarët e tranzicionit të cilët në një mënyrë a tjetër duan të thonë; këtu jemi vetëm ne, mos u merrni me të tjerët. Është detyra jonë ta tejkalojmë këtë cinizëm, ti tejkalojmë mercenarët mediatikë e politikë dhe të ndërtojmë e të shpalosim një ofertë bindëse politike. Elementi i parë i kësaj oferte është programi. Sot kam kënaqësinë tju them se ky program ka përfunduar dhe është i gatshëm për t’iu nënshtruar diskutimit si PD ashtu edhe me grupet e interesit. Komponenti i dytë i ofertës është ekipi. Është ai që do ta çojë tek qytetarët ofertën tonë, që do të jetë realiste dhe me një rrugë të besueshme për tu arritur. Të përfundojmë procesin e riorganizimit dhe të nisim procesin për evidentimin e kandidatëve për deputetë të Partisë Demokratike. 1 vit kohë nuk është vetëm një avantazh, por qëndron themeli i një kulture të re politike. Politika e mashtrimit i ka kushtuar shumë shqiptarëve dhe pjesë e politikës së mashtrimit janë premtimet e ditëve të fundit të fushatës. Legalizime falas, shëndetësi falas, 300 mijë vende pune, premtime të ditëve të fundit të fushatës nuk të lënë kohë për debat e mendim kritik.
Duke patur një ekip të denjë në sintoni me programin ne u japim shqiptarëve atë që meritojnë si europianë: një vit kohë për një debat sy më sy me njëri-tjetrin për tu bindur dhe bashkë me bindjen për të sjellë votën për Partinë Demokratike dhe për programin e saj.

“Rrinin të ngrirë në seancë se mos u merrnin Ramën a Spiropalin”/ Basha: Nuk na duhen, le t’i gëzojnë. Ne na duhen lista të hapura, votim elektronik, barazia e votës dhe vota e diasporës

Kreu i PD-së, Lulzim Basha, nuk i ka kursyer ironitë nga Lushnja në drejtim të deputetëve të Rithemelimit, kur u shpreh se rrinin në seancën e fundit si të ngrirë se mos iu merrnim Ramën apo Spiropalin.

“Nuk na duhet ne Rama, as Spiropali, le t’i mbajnë e ti gëzojnë. Ne na duhen listat e hapura dhe bashkë me shqiptarët dhe me një koalicion të gjerë partish politike dhe një aleancë vlerash, do të luftojmë për listat e hapura.
Ne na duhet votimi elektronik dhe do të luftojmë për votimin e numërimin elektronik. Shqipërisë i duhet barazia e votës, Shqipërisë i duhet vota e gjysmës së saj që gjendet jashtë vendit. Këto janë kauzat për të cilat do të luftojmë e me të cilat do të bashkojmë shumicën dërrmuese të shqiptarëve në një udhëtim që ka vetëm vetëm një destinacion: krijimin e një mazhorance të re politike për zgjedhjet e ardhshme parlamentare.” – u shpreh Basha.

1...1 2951 2961 297...8 311Faqja 1 296 nga 8 311

Kryesore

Continue to the category
Më shumë
© 2024 Rilindja Demokratike Euroatlantike