Në 1-vjetorin e ndarjes nga jeta të gazetarit, publicistit, polemistit dhe ish-të persekutuarit politik, Nebil Çika, kreu i PD-së, Lulzim Basha, e ka përkujtuar nëpërmjet një postimi në profilin e tij në rrjetin social facebook.

Basha shkruan se vepra e Nebil Çikës është bashkudhëtarja që na duhet për një PD që sheh nga vlerat dhe ndahet përgjithmonë nga e keqja.

Më poshtë postimi i plotë i Lulzim Bashës:

Një vit pa Nebil Çikën!

Të përndjekurit dhe antikomunistët kanë prej një viti një luftëtar më pak. Por vepra e tij është bashkudhëtarja që na duhet për një PD që sheh nga vlerat dhe ndahet përgjithmonë nga e keqja. I paharruar kujtimi i tij!

Pas akuzave të bëra në Kuvend të enjten nga deputeti i pavarur, Agron Shehaj se Basha bëri pakt me PS për mandatin e Xhaçkës, ka reaguar Enkelejd Alibeaj.

Ai tha se të parët që depozituan kërkesë në Kushtetuese për Xhaçkës ishte 1/10 e deputetëve të PD-së së Bashës.

“E udhës është që të sqarojmë publikun që me pak të dhëna do kuptojë të vërtetën. PD e Lulzim bashës, e para 1 viti e ca ndërmori të gjitha aktet sipas procedurave ligjore, kushtetutës, rregullores, ligjit të gjykatës kushtetuese, për ta çuar çështjen te Kushtetuesja. Mocion nga 1/10 e deputetëve, paraqitur në Kuvendi, votimi në seancë dhe depozitimi i çështjes në gjykatën Kushtetuese. Ky është rregulli dhe jurisprudenca e gjykatës kushtetuese. E kuptoj trishtimin e deputetit Shehaj, pasi në atë kohë pati një garë shpejtësie se kush e kush të çonte më parë në Kushtetuese këtë çështje për të marrë flamurin se kush e çoi i pari. Hapi i parë është iniciuar nga 1/10 e deputetëve demokratë.”, tha ai.

Avokati Spartak Ngjela paralajmëron se pritet të ketë “goditje” nga ana e SPAK-ut drejt zyrtarëve të nivelit të lartë që janë përfshirë në afera korrupsioni.

Ngjela tha se në vijim edhe tre ose katër zyrtarë të lartë deri në nivelin e ministrave, mund të jenë subjekt i SPAK-ut për shkelje të kryera gjatë detyrës.

Në një lidhje skype për emisionin top “Top Talk” me gazetaren Juli Xhokaxhi në Top Channel, Spartak Ngjela, mes të tjerash theksoi:

“Të dy palët janë trembur. Edhe Rama është trembur. Këto janë çështje penale që drejtohen nga stuktura të mëdha të anti-krimit, ndërkombëtarët. Unë shoh se ka lëvizje, Saliu është i arrestuar. Kam përshtypjen që do ketë edhe nja tre ose katër nga nivelet e larta, ministra. Rama është i paprekshëm se është kryeministër dhe ka mazhorancën. Kur kërcënon SPAK-un u thotë që kam mazhorancën. Kur strukturat juridike dalin shpesh dhe thonë do vazhdojmë, e kanë argument politik, jo juridik. Sepse vonesat krijojnë pikëpyetje dhe ata e ndërmarrin këtë hap për të thënë se ne jemi ata që kemi qenë dhe do vijojmë”- u shpreh Ngjela.

Sa i takon deklaratës së bërë nga kreu i SPAK, Altin Dumani i cili u ankua se institucionet shtetërore nuk po denonconin rastet e korrupsionit, Ngjela tha se nuk i jepte të drejtë pasi është prokuroria që duhet t’i gjurmojë këto raste.

“Mendoj se Dumani këtu nuk ka të drejtë. Kemi një institucion ligjor që është prokuroria edhe gjykatat që kanë eliminuar një numër shumë të madh punonjësish të tyre të cilët nuk kanë justifikuar dot pasurinë. Ata i kanë pushuar sepse kanë dyshime për korrupsion. Në Shqipëri, korrupsioni kishte marrë pushtetin. Nuk e ka lëshuar ende por nuk është aq i fortë sa ka qenë. Reforma në Drejtësi po e zbeh”– u shpreh mes të tjerave Spartak Ngjela.

Lulzim Basha ka parlajmëruar aksion të ashpër politik, pas kërkesës së Gazment Bardhi drejtuar Lindita Nikollës, për shfuqizimin e vendimeve të Lulzim Bashës për përjashtimin e disa deputetëve demokratë, mes tyre edhe Sali Berisha, nga grupi demokrat.

Kreu i PD-së duke ju përgjigjur gazetares së Report Tv Danjela Maloku, parlajmëroi kryetaren e Kuvendit se kushdo që merr përsipër të administrojë një kërkesë të tillë po i kundërvihet haptazi ligjit dhe përpjekjes mbarë shqiptare për të shkulur kulturën e pandëshkueshmërisë dhe për të luftuar korrupsionin.

Basha tha se ky është minim i demokracisë dhe një nga motivet që Berisha është shapllur non grata.

‘Politikisht është e qartë që Edi Rama, nuk është në panik vetëm nga SPAK por edhe nga pasojat e një sillej të tillë korruptive dhe ka thirrur në ndihmë persona të sanksionuar për korrupsion madhor. Kjo është një betejë që kalon sinorët e PD-së. Është një problem i shtetit shqiptar dhe i besueshmërisë që partnerëve tanë strategjikë. Tentohet diskreditimi i këtyre partnerëve strategjikë. Tentohet goditja e shpresës së shqiptarëve për ndryshim. Persona të shpallur non grata për korrupsion madhor nuk mund të jetën pjesë e PD-së.

Individë që nuk përfaqësojnë PD nuk mund të diktojnë PD, distancimi ynë me non grata parlament dhe i palëvizshme. Çdo person që merr përsipër nga ana e PD-së do përballet me aksionin më të ashpër politik dhe penal.’- tha Basha.