11.1 C
Tirana
E shtunë, 17 Maj, 2025
type here...

“Isha te bebi”, çifti i infermierëve shet pije alkoolike në orarin e punës

Në fshatin Vllahinë të Vlorës dy bashkëshortët, Klemend dhe Laureta Danaj, me profesion infermierë, nuk i shërbejnë pacientëve dhe punës së shtetit.

Gjatë orarit zyrtar, ata i gjen në bizneset e tyre po në këtë fshat ku banojnë edhe vetë. Emisioni “Stop” shkoi në qendrën shëndetësore ku drejtori tha se cifti Danaj është në punë.

Drejtori: Klemend Danaj është në Rexhepaj.

Gazetari: Aktualisht, ku ndodhet, bashkë me gruan?

Drejtori: Gruaja punon këtu. Është në…

Gazetari: Ku?

Drejtori: Në konsultore.

Gazetari: Është për momentin në punë? Mund ta marrësh pak në telefon?

Drejtori: Po, i marr unë në telefon. Merre një çikë!

Gazetari: U thuaj, ku ndodhen?

Drejtori: Klemend Danaj është në Rexhepaj.

Gazetari: Aktualisht, është në punë thua?

Drejtori: Në Rexhepaj. Në Rexhepaj, është me kontratë, me të gjitha.

Gazetari: Është në vendin e punës? Këtë dua të di!

Drejtori: Është në Rexhepaj.

Punonjësja: Fola unë me Lauretën.

Drejtori: Po të vijë Laureta.

Punonjësja: Po, “jam tek ai fëmija i Betës”, ku di unë.

Gazetari: Te fëmija?

Punonjësja: Po, dhe erdha, tha.

Gazetari: Po, e kuptoj. Nuk është e vërtetë, që X persona, që janë me detyrë infermierë, bëjnë punët e tyre private në një moment, që duhet të jenë në shërbim të komunitetit?

Drejtori: Jo, ashtu nuk kemi ne rast të tillë.

Gazetari: Nuk keni rast?

Drejtori: Ja të vijë këtu ajo, që të…

Gazetari: Vonohet shumë?

Drejtori: Jo, nuk vonohet.

Punonjësja: Është një fëmijë i sëmurë atje.

Drejtori: Ne kemi disa ambulanca. Unë kam Rexhepajn, kam Hadërajn, kam Petën, kam Gërrnecin, kam Mallkeqin.

Por në të njëjtën kohë, ata u filmuan duke bërë pazar për tregtimin e verës e pijeve të tjera alkoolike në marketin e tyre.

Stop: Unë jam agjente shitjeje për verat.Po pyes, kush janë të interesuar. Ju jeni pronarët?

Infermierja: Po, po!

Infermieri: Si quhet?

Stop: Kantina…

Infermieri: Ku është?

Stop: Në Berat. Shitet vera këtu? Konsumohet?

Infermierja: Këtu prodhojmë vetë.

Infermieri: Këtu raki pijnë më shumë.

Stop: E di pak a shumë nëpër fshatra.

Infermieri: Nejse, disa shishe ne mund t’i marrim, por dëgjo mua pak tani! Ti je agjente shitjeje, por po nuk më erdhën dy makina, që t’i shikoj unë njëherë, çfarë syri më jep, ndoshta edhe ta provoj një çikë.

Stop: Po, po, e di.

Infermieri: Nuk është puna se…, hajd’, se po t’i marr për mëshirë unë ty dhjetë shishe verë.

Stop: E di, si është kjo punë.

Infermierja:  Ne kemi punuar. E kishim si  pak më ndryshe, tani kemi bërë ambient më të ri dhe më të mirë. Kemi kaq vite, që punojmë.

Infermieri: Kam dhe ca të tjera, por këto i kam pasur. Këtë e kam bërë kastile për verë. Ke në makinë ndonjë gjë, ta shikojmë?

Stop: Jo, nuk kam.

E thirrur me telefon nga drejtori, infermierja Laureta Danaj tha se ishte tek një fëmijë, por titullari pasi u njoh me gënjeshtrën tha se ndaj çiftit të infermierëve do të merret masa e paralajmërimit për pushim nga puna.

Drejtori: Këtu ka qenë deri tani ajo (Laureta).

Gazetari: Nuk i ke aty, i dashur doktor. I ke në vendin e tyre te bizneset e tyre, aktualisht.

Drejtori: Tani, unë po të them, që ajo është këtu.

Gazetari: Në këto momente, që jemi duke folur…

Drejtori: Mund të jetë.

Gazetari: Janë, se ne nuk vijmë kot.

Drejtori: Po mirë, është. Do t’u heqim ditën e punës, që nuk janë në vendin e punës. Do t’u bëjmë  vërejtje me paralajmërim për pushim nga puna. O Ela! Merre një çikë në telefon Klemendin, të vijë këtu me gjithë Lauretën!

Çifti i infermierëve mbërrin në zyrë. Ata vijojnë të mohojnë se nuk kanë qenë në biznesin e tyre privat.

Infermierja: Se isha te bebi. Si mund të vija me përparëse? Si jeni?

Gazetari: Si je? Tani, ne e dimë, që nuk ishe te bebi, por ishe në biznesin tënd, e dashur.

Infermierja: Mund ta marrësh edhe nënën në telefon, ta pyesësh!

Gazetari: Ishe në biznesin tënd bashkë me bashkëshortin.

Infermierja: Në këto momente, pikërisht tani?

Gazetari: Tani, nuk do bëjmë lojëra fjalësh, se unë  kam mbaruar oratori dhe e kam nxjerrë dhjetë.

Infermierja: Mirë, dakord!

Drejtori: Po të ka filmuar atje moj, ça po më kërkon?

Infermierja: Po kam shkuar kam pirë një kafe, nuk po them.

Gazetari: E nderuar, ne e kuptojmë shumë mirë, se ju jeni komunitet i vogël këtu. Kjo nuk është një gjë, që ndodh sot. Kjo është një gjë, që ndodh vazhdimisht. Ti duhet të jesh në vendin e punës dhe duhet t’i shërbesh komunitetit!

Drejtori: Erdhi Klemendi?

Gazetari: Ne jemi shumë të përulur përpara bluzës së bardhë, edhe punës suaj, pa diskutim e vlerësojmë maksimalisht, por duhet të ndani disa gjëra, e nderuar! Duhet të ndani biznesin privat nga puna e shtetit! Ka shumë kandidatë, që po kërkojnë një vend pune dhe nuk po e gjejnë dot këtë hapësirë. Ti je Klemendi?

Infermieri: Po!

Gazetari: Gjatë orarit të punës, ju si bashkëshortë, nuk jeni në orar pune, por jeni në bizneset tuaja private. Jemi të saktë deri këtu, apo jo?

Infermieri: Nuk e di fare këtë gjë. S’e di fare këtë gjë, që…

Gazetari: Nuk ishit në vendin e punës. Gjithë të mirat!

“Nuk ka lidhje me Martinajn!”/ Hoxha: Ekzekutorët e Bejtjas erdhën nga jugu, shumë të rrezikshëm!

Artan Hoxha ka folur për dy personat e arrestuar në lidhje me ekzekutimin e Gentian Bejtjas, të cilët i konsideroi si të parëndësishëm në atentat, duke mos qenë as ekzekutorët dhe as porositësit.

I ftuar në emisionin “Të Paekspozuarit” në MCN TV, Hoxha tha se ata dyshohet të kenë ndihmuar me logjistikën në këtë atentat, por se ekzekutorët janë një grup nga jugu, mjaft i rrezikshëm, të cilët kanë punuar për llogari të porositësve që janë nga e njëjta zonë si Gentin Bejtja.

Hoxha tha se hetuesit kanë si pistë kryesore pikërisht konfliktet në këtë zonë, Fushë Krujë-Nikël.

“Kur flasim për këto ngjarje dhe këto nivele, nëse SPAK merret me drejtorët, ne kërkojmë të merren me kryeministra, ministra. Edhe në këtë rast kjo po ndodh. Një nga personat e arrestuar dyshohet si i përfshirë direkt në ngjarje, ndërsa tjetri ndihmës. Edhe pse janë arrestuar, policia nuk ka dhënë gjë dhe prokuroria, se kush janë autorët e ngjarjes.

Ilir Brahimi banonte afër zonës ku jemi, te këto zonat e shtrenjta dhe si shofer përdorte Edison Haxhiun. Prandaj policia i ka gjetur të dy, duke ndjekur makinat dhe targat. Pozicioni i tyre në ngjarje, vjen deri te logjistika, është shumë larg ekzekutorëve. Ky informacion rrodhi nga policia, për ta nxjerrë që ka lidhje me Vis Martinajn, por deri tani nuk del lidhje gjëkundi. Është element që është dhënë për të hequr vëmendjen.

Deri tani autorët rezulton se nuk janë të zonës, por kanë vepruar për interes të grupeve të zonës së Fushë Krujës. Ata që e kanë dashur të vdekur Gentian Bejtjan, janë të zonës afër tij, ndërsa ekzekutorët të ardhur, dyshohen një grup nga jugu, një grup shumë i rrezikshëm. Hyn tek ato çështjet e vështira për t’u zbuluar. U gjetën dy persona për të cilët gjykata cilësoi të ligjshëm arrestimin. Minimumi të gjejnë prova që ti detyrojnë të flasin. Është ngjarje që ka një prapavijë shumë të madhe, jo një ngjarje e organizuar aty për aty.

Përpjekjet e policisë këto ditë, asnjë nga drejtuesit e zonës së Fushë Krujës nuk janë aty, por jashtë shtetit. Kjo tregon që diçka kanë ditur. Në zona të tilla nuk hyn dot dikush nga jashtë, pa dijeninë, lejen dhe miratimin e tyre. Kjo ngjarje ka lidhje me shumë atentate që kanë ndodhur në atë zonë, por jo te pjesa e Vis Martinajt. Më rezulton se Bejtja ka qenë pjesë e aleancës së Martinaj.

Policia i bën këto kur do të vendosë në gjumë njërën palë. Mediat kanë edhe një gjë, futen në internet dhe gjejnë elementë. Ngjarjet kanë lidhje njëra me tjetrën, por duhen ndjekur.

Informacioni për ngjarjen ka qenë shumë i saktë, makina ka hyrë dhe ka bërë goditjen. Të gjithë elementët japin premisa për të shkuar drejt zbardhjes së ngjarjes, por janë te pjesa e personave që janë kapur, që kanë dhënë ndihmë logjistike.

Pista? Janë ngritur disa versione, por më i qëndrueshmi është që njerëzit më të interesuar për ekzekutimin e Gentian Bejtjes, që i kanë kryer katër atentate, janë të zonës aty rrotull. Dëmin më të madh e ka bërë në atë zonë, Fushë Krujë, Nikël, Paskuqn, Larushk.

Në goditjen e Marklen Hakës, në një atentat ku u plagosu Durim Bami, në vrasjen e Iljaz Calit. Hetuesit janë të përqëndruar për të kuptuar që porosia ka qenë nga ajo zonë. Mënyra si e kanë kryer është tjetër gjë dhe prandaj dyshohet se autorët kanë ardhur nga jugu i vendit”, tha Hoxha.

Basha mesazh ngushëllimi për ndarjen nga jeta të Jorgo Papingjit

Kreu i PD, Lulzim Basha, shpreh ngushëllimet e tij për ndarjen nga jeta të Jorgo Papingjit.

“Tinguj trishtimi sot për humbjen e mjeshtrit tonë të madh por dhe vetëdije se talenti, pasioni dhe vlerat e tij janë udhërrëfim për brezat e artistëve të rinj.” – shkruan Basha.

Më poshtë mesazhi i plotë:

Lamtumirë Jorgo Papingji! ️

Mjeshtëria dhe gjenialiteti me të cilin përjetësoi me mijëra vargje, e kanë gdhendur emrin e tij në panteonin e artit muzikor dhe në zemrën e publikut shqiptar.

Tinguj trishtimi sot për humbjen e mjeshtrit tonë të madh por dhe vetëdije se talenti, pasioni dhe vlerat e tij janë udhërrëfim për brezat e artistëve të rinj.

U prehsh në paqe Maestro!

Albin Kurti ngre alarmin: Ushtria serbe, vetëm disa metra larg kufirit me Kosovën

Kryeministri i Kosovës, Albin Kurti, ka publikuar në Facebook pamje me dron ku, sipas tij, duken forcat e armatosura serbe duke kryer lëvizje vetëm pak metra larg kufirit me Kosovën.

“Sot gjatë ditës, njësi të specializuara të ushtrisë së Serbisë janë vërejtur vetëm disa metra larg kufirit me Kosovën, në afërsi të fshatit Banje të Zubin Potokut. Lëvizje të ngjashme janë regjistruar edhe në fshatin Oslare të Bujanovcit, në afërsi të kufirit me Kosovën”, thekson Kurti.

“Ditë më parë, Presidenti i Serbisë, Aleksandar Vuçiç, kërcënoi publikisht Kosovën, duke thënë se “Serbia do të presë momentin më të mirë të mundshëm dhe do ta shfrytëzojë mundësinë për të vepruar”. Sot gjatë ditës, njësi të specializuara të ushtrisë së Serbisë janë vërejtur vetëm disa metra larg kufirit me Kosovën, në afërsi të fshatit Banje të Zubin Potokut. Lëvizje të ngjashme janë regjistruar edhe në fshatin Oslare të Bujanovcit, në afërsi të kufirit me Kosovën. Jemi të vetëdijshëm se Forcat e Armatosura të Serbisë janë duke realizuar stërvitjet e rregullta dhe ato janë duke i përdorur si pretekst për të shkaktuar provokime të qëllimshme në afërsi të kufirit me Kosovën. Jemi duke vëzhguar me kujdes nëse do të përpiqen ta kalojnë kufirin, gjersa edhe ky afrim i automjeteve të tyre ushtarake nuk është normal”, shkruan Kurti në rrjetin social.

https://m.facebook.com/albini2017/videos/781624020532249/?ref=embed_video

 

Dosja McGonigal, Basha: Para drejtësisë duhet të shkojë edhe Edi Rama dhe shpura e tij që e korruptuan

“Para drejtësisë duhet të shkojë edhe Edi Rama dhe shpura e tij që e korruptuan McGonigalin.” – u shpreh kreu i PD-së, Basha.

“Se në burg është ai që është korruptuar, por para drejtësisë duhet të shkojnë edhe ata që e korruptuan, ata që janë kallëzuar në SPAK duke filluar me Edi Ramën dhe një shpure të tërë pas tij për të cilën dhe Partia Demokratike ka bërë kallëzimin e vet, sepse lidhen edhe me inceneratorët bashkë. Por këto janë çështje që ndryshe nga të tjerët që mundohen t’i bëjnë reklamë, do ia lëmë sekretit hetimor dhe SPAK-ut t’i zbulojë e t’i çojë deri në fund.” – tha Basha.

Lulzim Basha:

Unë e di që fushata e shpifjeve që nisi ndaj meje dhe përfundoi me protagonistin në burg nga drejtësia amerikane. Dhe këtë se di vetëm unë, sot këtë e di çdokush në Shqipëri dhe jashtë Shqipërisë dhe në Shtetet e Bashkuara të Amerikës dhe kështu funksionon një drejtësi e pavarur dhe e pa njollosur nga lojërat politike. Kështu që përrallat me rubla ruse ranë poshtë dhe për fat të keq ka rizbuluar edhe njëherë protagonistin i cili duhet të hetohet. Se në burg është ai që është korruptuar, por para drejtësisë duhet të shkojnë edhe ata që e korruptuan, ata që janë kallëzuar në SPAK duke filluar me Edi Ramën dhe një shpure të tërë pas tij për të cilën dhe Partia Demokratike ka bërë kallëzimin e vet, sepse lidhen edhe me inceneratorët bashkë. Por këto janë çështje që ndryshe nga të tjerët që mundohen t’i bëjnë reklamë, do ia lëmë sekretit hetimor dhe SPAK-ut t’i zbulojë e t’i çojë deri në fund.

Kur unë kam dalë para demokratëve de para shqiptarëve dhe kam thënë në Partinë Demokratike nuk ka asnjë cent financim të huaj e aq më pak rus, të jeni të sigurtë që faktet e plota të kësaj disponoheshin nga institucionet amerikane, siç e thash të diplomacisë dhe të gjitha niveleve të tjera. Partneriteti i Partisë Demokratike me SHBA nuk është cenueshmëria e këtij parneriteti, ka qenë dogëm dhe mbetet dogëm për Lulyim Bashën, jo në funksion të vetes time por në funksion të asaj që besoj, është e nevojshme për demokratët dhe për shqiptarët.

Investime 100 milionë euroshe? Belinda Balluku përzgjodhi kompaninë me pronarë “anonimë” dhe me financa të dyshimta! Ekspertët ngrenë alarmin

Emisioni investigativ, “Vetting” në News24 ka zbardhur disa fakte të panjohura për publikun për licencat e firmosura nga Ministrja e Infrastrukturës dhe Energjikes, Belinda Balluku, të cilat sipas raporti të KLSH, por edhe ekspertëve janë dhënë me shkelje procedurale, por edhe në konflikt të dyshuar interesi. Vetting hedh dritë mbi kompanitë që kanë përfituar nga firmat e Ballukut, lidhja e tyre me ministren, si dhe shkeljet që janë zbuluar nga Kontrolli i Lartë i Shtetit.

EMISIONI VETTING

Por sa efikase janë këto parqe?

Shumica e parqeve fotovoltaikë të cilët shfrytëzojnë energjinë diellore për prodhimin e energjisë elektrike, për shkak të pozitës gjeografike të favorshme janë në Bashkinë Fier, ndërsa dy janë në Kolonjë e Devoll të qarkut të Korçës.

Bashkia Fier i ka të përqëndruara 21 impiantet gjenerues të energjisë elektrike fotovoltaike në fshatin Povelçë dhe Topojë.

Por për ekspertin ka edhe një problem tjetër madhor në çështjen e energjisë për shkak të amortizimit të linjave të transmetimit. Sipas Ing. Azmer Dulevic: “linjat e transmetimit janë që në kohën e komunizmit dhe nuk kanë kapacitet për të përballuar energjinë që vjen nga parqet fotovoltaike”.

Këtë shqetësim nuk e shpreh vetëm Azmer Duleviç, por edhe inxhinieri gjerman, Filip Koronovski i cili është njëherësh edhe bashkëthemeluesi i grupit të kompanive VOGA SOLAR. Sipas Ing. Philipp Koronovvskit linjat e transmetimit: “Janë të vjetra sidomos në periferi, por nëse e miraton KESH këtë punë, ata e dinë”.

Inxhinieri i VEGA SOLAR shkon edhe më tej në alarmin për këtë fushë kur thotë se për realizimin e një parku të tillë, klienti i tij, i cili synon të pajiset me panele diellore, duhet të plotësojë disa kritere. “ Klienti duhet të ketë paratë dhe tokën si dhe lejen, më pas n nisim punën”-shprehet Ing. Philipp Koronovvski

Por Çfarë fshehin ankandet me koncesionin e Parqeve Fotovoltaike?

Konkretisht, dy shtetas portugez, të paidentifikuar e të pa përfaqësuar me nënshkrim me asnjë dokument zyrtar, kanë themeluar një nga kompanitë më të mëdha në këtë fushë.

Joao Manuel Da Silva Boavida Malcata dhe Gustavo Manuel Ferreira Fernandes kanë mandatuar 3 persona në Shqipëri për të plotësuar të gjithë dokumentacionin e nevojshëm, transaksion apo aplikim në zyrat e shtetit shqiptar pa kryer një akt noterial, siç parashikon ligji.

Portugezët, identiteti i të cilëve është ende i paqartë, janë aksionerë dhe administratorë në kompanitë Spitalla Solar, Karavasta Solar dhe Voltalia.

Parku fotovoltaik i Karavastasë i cili është cilësuar si më i madhi në vend, është fituar nga kompania Voltalia S.a., por ajo nuk do të ndalej këtu pasi më  25 mars 2021, “Voltalia” do arrinte të fitonte një tjetër projekt në Spitallë të Durrësit me ofertën vetëm 29 Euro/MVV në garë me kompaninë kineze “Universal Energy Co. Ltd”. Kjo marrëveshje është firmosur nga zv. kryeministrja aktuale Belinda Balluku.

Por projektet fotovoltaike ngrenë edhe më shumë pikëpyetje për natyrën e investimit të tyre, kur bëhet fjalë për dhënien e pronave shtetërore dhe private të marra nga pronarët për 25 apo 30 vite, pra me kushtet e një koncesioni.

Sikur të mos mjaftonte kaq, VOLTALIA , e cila u inspektua për punimet e saj në terren nga qeveria me më 20 janar të vitit 2020, në regjistrin e saj në Qendrën Kombëtare të Biznesit rezulton për herë të parë 8 muaj më vonë, me 20. 08. 2020.

Pra, Ministria e Infrastrukturës dhe Energjisë, duket se, pa pasur asnjë dosje të përgatitur nga një kompani private, i hapi asaj rrugën për të funksionuar në pronat e shqiptarëve.

Për këtë çështje është depozituar një kallëzim penal në SPAK edhe nga avokati Kujtim Cakrani, i cili e ka investiguar këtë problematikë edhe në mënyrë private.

100 milionë eurot për t’u investuar me kritere të plotësuara i kishin vetëm 5 nga 30 kompani ndërkombëtare, por çuditërisht fituese do të shpallej pikërisht kjo kompani, pa identitet dhe e paverifikueshme nën emrin e një kompanie franceze, sepse ka kompani fundore të paverifikueshme në Hollandë.

Gati 200 hektarë tokë mes Fierit dhe Vlorës do të jetë torta e madhe me qershinë, mbi të e cila do të pasurojë Shqipërinë me energji elektrike përmes paneleve diellore për plot 30 vite.

Ndonëse ministria e linjës apo drejtuesja e saj, Belinda Balluku, nuk e pranojnë publikisht se bëhet fjalë për një koncesion.

Këtë fakt e konfirmon vetë, sipërmarrësja VOLTALIA, në faqen e saj zyrtare, në një deklaratë për shtyp nga Voltalia “Ky projekt 100 MVV i quajtur Spitalla, u fitua pas një tenderi të shpallur nga Ministria e Infrastrukturës dhe Energjisë nëntorin e kaluar (nëntor 2020). Voltalias i është dhënë një kontratë koncesioni 30-vjeçare në një sipërfaqe prej 121 hektarësh në qarkun e Durrësit, në bregdetin e Adriatikut, rreth 30 kilometra nga Tirana, kryeqyteti i vendit. Projekti do të përfitojë nga potenciali shumë  i madh i rrezatimit diellor të rajonit”.

Ky terr informues apo shmangie e transparencës publike nga ana e Ministrisë së Infrastrukturës dhe Energjisë, evidentohet në raportin e Kontrollit të Lartë të Shtetit.

Sipas KLSH: “Midis MIE dhe V. është lidhur Marrëveshja për zhvillimin e projektit lidhur me projektimin, financimin, ndërtimin, operimin, mirëmbajtjen dhe transferimin e impiantit fotovoltaik me vendndodhje në Spitallë, Durrës, Shqipëri, nr. 4210/2 prot., datë 31.05.2021. Pyetur mbi ecurinë e ndërtimit të projektit, Sektori i Programeve të Zhvillimit për Burimet e Rinovueshme dhe Eficiencën Energjetike shprehet se nuk ka informacion.”

Gjyqi i PD, Basha: Partia Demokratike ka 100% shanse të suksesit në Apel

“Partia Demokratike ka 100% shanse të suksesit në Apel.” – tha, mes të tjerash, kreu i PD-së, Basha.

“Sa i takon çështjes gjyqësore, siç përsërita thirrjen ndaj gjyqtarëve që të veprojnë pa vonesë sepse përndryshe ky dyvjeçar me të vërtetë kthehet në një minim të demokracisë, jo thjesht të një partie politike. Ashtu ju shpreh bindjen time të plotë se nga pikpamja ligjore, Partia Demokratike ka 100% shanse të suksesit në Apel. Në qoftë se ju keni informacion që Rama dhe Berisha kanë future në thes gjyqtarët, pastaj kjo është çështje tjetër.” – tha Basha.

Reforma zgjedhore, Basha: Këta janë orientuar tek karrigia. Fillimisht tek karrigia e Alibeajt, tani na thonë hajdeni ju uluni tek një karrige tjetër që na ka caktuar Edi Rama

“Ndërsa këta janë orientuar tek karrigia. Fillimisht tek karrigia e Alibeajt, tani na thonë hajdeni ju uluni tek një karrige tjetër që na ka caktuar Edi Rama. Ndërkohë koha po mbaron dhe reformë zgjedhore nuk ka.” – u shpreh Basha gjatë intervistës së tij.

Basha: Pavarësisht se në procedurë është që ajo që kanë tani është shumë më pak se ajo që kishte opozita pak më parë. Pra është e qartë që thelbi është diçka tjetër, procesi është diçka tjetër. Procesi ka marrë një goditje të rëndë. Dhe formati në komisionin e reformës zgjedhore siç ishte deri para pazarit, kishte të të drejta të garantuara të opozitës. Në këtë format, është kokë a pil, është në dorën e Ramës. Po përtej kësaj po them këtë gjë, nëse këta janë të gatshëm të shkojnë përpara me propozime që shkojnë tej karakterit partiak dhe politik si listat e hapura, si votimi elektronik, si vota e diasporës, në veçanti këto të fundit, koha është tani se s’ka më kohë, nuk na intereson në, as nuk duam të jemi në çfarëdo formati. Edhe po të jetë me qilim të kuq dhe Edi Rama të shkojë atje, me Edi Ramën e me Damian Gjiknurin të përqafohen të puthen, po t’i sjellin këto propozime në Kuvend, kanë votën tonë. Gjithçka tjetër mbi këto që ne kemi kërkuar, fjala bie vetting i politikanëve apo zerimi i imunitetit të parlamentarëve, apo fuqizimi i rolit të SPAK-ut për krimet zgjedhore, të gjitha këto kanë votën tonë. Pra ne jemi të orientuar tek produkti, jo tek karrigia. Ndërsa këta janë orientuar tek karrigia. Fillimisht tek karrigia e Alibeajt, tani na thonë hajdeni ju uluni tek një karrige tjetër që na ka caktuar Edi Rama. Ndërkohë koha po mbaron dhe reformë zgjedhore nuk ka.

Shpallja e Berishës non grata, Basha: Po të ndiqte këshillën time, PD do ishte afër pushtetit

Lidhur me shpalljen e Berishës non grata, kreu i PD-së, Basha u shpreh se po të kishte ndjekur këshillën e tij, PD do ishte afër pushtetit.

Basha:
“Edhe sot e kësaj dite e përsëris, ndjej keqardhje të thjeshtë sepse nuk jam nga ata që harron historinë. Po të kishte ndjekur këshillën time, sot PD do ishte shumë më mirë, në mos në pushtet, shumë afër pushtetit. Faza e dytë, është procesi zgjedhor i 6 marsit, siç e dimë fare mirë me ndihmë të nëndheshme të Edi Ramës arriti që në Shkodër të korrte një fitore jetëshkurtër. Dorëheqja ime erdhi me idenë që të kishte një tërheqje. Gjërat shkuan shumë më keq, një grup i mbetur në PD u përpoq të gjente rrugën më të shkurtër duke iu nënshtruar Berishës për ta çuar partinë atje.”

Basha: Shumica e shqiptarëve nuk do këtë qeveri, por e kupton se një pjesë e opozitës ka rënë në kurthin e interesave të ngushta

Gjatë fjalës së tij përballë gazetarit R. Rakipllari dhe analistit E. Iljazaj në “Top Story” me Grida Dumën, kreu i PD-së, Basha, u shpreh se “shumica e shqiptarëve nuk e do këtë qeveri, por e kupton se një pjesë e opozitës ka rënë në kurthin e interesave të ngushta, ndaj sfida jonë është që kësaj shumice numreike, fizike që e duan këtë ndryshim, t’i koagulojmë në një shumicë politike”.

Basha: “Përveç nevojës ekstreme nuk i shtyn dy palë që pretendojnë të jenë protagonist me përplasjen e tyre, pra antagonist politik në një bashkëpunim të tillë përveç rrezikut reciprok që shohin. Dhe një shumicë e heshtur të papërfaqësuar akoma politikisht që nuk do t’i shoh më me sy. Kjo është shumica e shqiptarëve që nuk e do këtë qeveri, por që e kupton që një pjesë e opozitës ka kohë që ka rënë në kurthin e interesave të ngushta. Sfida jonë është që kësaj shumice numreike, fizike që e duan këtë ndryshim, t’i koagulojmë në një shumicë politike.”

1...1 3041 3051 306...8 311Faqja 1 305 nga 8 311

Kryesore

Continue to the category
Më shumë
© 2024 Rilindja Demokratike Euroatlantike