19.5 C
Tirana
E martë, 26 Gusht, 2025
type here...

“Pazari Rama-Berisha i qartë kundër SPAK dhe për ruajtjen e marrëveshjes së 2008”/ Basha: PD e prerë për të mos pranuar asnjë “Non grata” në radhët e saj

“Pazari mes dyshes Rama-Berisha po zbardhet përditë dhe më shumë” – kështu shkruan në një postim në profilin e tij facebook kreu i PD-së, Lulzim Basha.

Basha shprehet se ata janë të qartë në aleancën e tyre kundër SPAK-ut, për të liruar të dënuarit për korrupsion dhe në ruajtjen e marrëveshjes famëkeqe të vitit 2008.

“Pazari mes dyshes Rama-Berisha po zbardhet çdo ditë dhe më shumë. Janë të qartë në:

Aleancën e tyre kundër SPAK
Lirimin e të dënuarve për korrupsion
Ruajtjen e marrëveshjes famëkeqe të vitit 2008.”

Më tej kryedemokrati Basha thotë se si pjesë të këtij pazari, Rama kërkon të kthejë në PD aleatin e tij Berisha, duke qenë se kjo është rruga e vetme e mbijetesës së klasës së vjetër politike.

“Si pjesë e këtij pazari, Rama kërkon të kthejë në PD aleatin e tij Berisha.
Kjo është rruga e vetme e mbijetesës së klasës së vjetër politike, nëpërmjet pazarit për të shtrënguar radhët e të korruptuarëve.”

Nga ana tjetër, ai flet për qartësi të vendimit të PD-së për të mos pasur asnjë ortakëri me krimin dhe korrupsionin dhe shpreh qëndrimin e tij të prerë se asnjë person “Non grata” nuk do të jetë pjesë e Partisë Demokratike.
Njëkohësisht Basha shpreh mbështetjen e PD-së për SPAK-un dhe ripërsërit edhe një here propozimet e kësaj force politike për Reformën Zgjedhore.

“Vendimi i Partisë Demokratike të Shqipërisë është i qartë dhe i prerë.
Asnjë ortakëri e lidhur nga krimi dhe korrupsioni nuk mund ta zhbëjë atë.
Asnjë person i përcaktuar “Non grata” nuk do të jetë pjesë e PD.
PD mbështet pa kushte SPAK dhe vënien para ligjit të gjithë atyre që kanë abuzuar me paratë e shqiptarëve.
Lista të hapura, votim për diasporën, barazi vote dhe votim e numërim elektronik.”

“Lindita Nikolla kuron qëndrimet politike të PD, ja ku të çojnë pazaret e natës”- Alibeaj ironizon rikthimin në Grup të deputetëve të përjashtuar nga Basha: Asnjë nongrata s’do të jetë pjesë e partisë

Deputeti i Partisë Demokratike, Enkeled Alibeaj ka ironizuar vendimin e Lindita Nikollës për të pranuar kërkesën e Gazment Bardhi për të rikthyer në Grupin Parlamentar të gjithë lëgjvënësit demokratë të përjashtuar nga Lulzim Basha.

“Lindita Nikolla kuron qëndrimet politike të PD, mendoni ku ka shkuar grotesku”, u shpreh ai jashtë Kuvendit, teksa shtoi se është rezultat i “pazareve të natës”.

Por Enkeled Alibeaj theksoi se “asnjë i korruptuar dhe asnjë nongrata nuk do të jetë pjesë e PD”, referuar ish-kryeministrit Sali Berisha.

Enkeled Alibeaj: Janë bërë bashkë për ta sulmuar SPAK. Raporti i FH nuk trajton vetëm çështjen e sulmit ndaj SPAK. E gjithë ajo marrëveshje oklute kishte si tagër të vetëm sulmin ndaj drejtësisë. Ka thënë edhe diçka tjetër: “Është e rëndësisë jetike që partitë politike të largojë ata që janë përfshirë në korrupsion”. Kjo është sentenca flamur që politika shqiptare sot duhet ta ketë si udhërrëfyes. Drejtësia po e bën këtë luftë, por duhet të jenë partitë që duhet ta bëjnë. PD e ka marrë këtë betejë brenda vetes këtu e 3 vite më parë. Ka qenë një beteje, jo pa dhimbje, por e vështirë. Nikolla përfshin me një kërkesë të pa legjitimuar, deputetë në grupin parlamentar. Nuk kam problem me qëndrimin që deputetë të veçantë që mund të mbajnë, por qëndrimi i PD është vlerë e jona. Përjashtimet kanë qenë distancim nga simptomat korruptive. PD duhet të dalë para publikut dhe të tregojë a është e aftë

Lindita Nikolla kuron qëndrimet politike të PD, mendoni ku ka shkuar grotesku.

Mbron interesat e PD, Nikolla. Ja ku të çojnë pazaret e natës. Qëndrimi  PD ka qenë parimor dhe do të vazhdojë të jetë i tillë, asnjë i korruptuar dhe asnjë nongrata nuk do të jetë pjesë e PD. Mund të jetë pjesë e grupimeve që mban Lindita Nikolla, bëtaja e PD është betejë e të gjitha partive politike dhe e Shqipëria. Është ngjarja më e hidhur e pazareve politike.

 

PRONONCIMI PËR GAZETARËT I SEKRETARIT TË PËRGJITHSHËM TË PARTISË DEMOKRATIKE, ENKELEJD ALIBEAJ, NË OBORRIN E KUVENDIT

Shikojeni sot se sa qetësi është Parlamenti, mesa duket marrëveshja është që natën në errësirë, në heshtje, larg szve të publikut të ndërrmeren akte kaq të rëndësishme për të gjithë politikën shqiptare, mbi të gjitha edhe për qëndrimet politike të Partisë Demokratike. Në fakt kanë ndodhur dz ngjarje sot, njëra është kjo që juve thatë, por më e rëndësishme është ajo që ka të bëjë me raportin e Fredom House, që besoj publiku po juve po e po e keni ndjekur. E vinte theksin në dz çështje thelbësore. Së pari në luftën që po i bëhet nga të gjitha anët SPAK-ut. Pra një vlerësim maksimal që po i bëhet drejtësisë së re, SPAK-ut, në luftën që ai po bën në fakt nga të dzja krahët e politikës së vjetër. Pra, një luftë e pakompromistë ndaj korrupsionit, minimi i demokracisë. Dhe sot mesa duket, ka disa javë që janë bërë bashkë për ta sulmuar SPAK-un. Dhe jo vetëm kaq, sepse raporti i Fredom House nuk trajton vetëm çështjen e sulmit dhe të agresionit që po i bëhet SPAK-ut, e kemi thënë ne të pakëtn që prej tre javësh që gjithë ajo marrëveshje okulte, kishte si target të vetëm pikërisht sulmin ndaj drejtësisë. Por në fakt ka thënë dhe diçka tjetër raporti i Fredom House i cili bën fjalë sigurisht për qëndrimin e Partisë Demokratike, por mbi të gjitha edhe për qëndrimet politik që e gjithë politika shqiptare do të duhet të mbajë. Më lejoni ta citoj sepse nuk do të dua të gaboj tek ajo që thotë: “Është e rëndësisë jetike për demokracinë në Shqipëri që partitë politike t’i largojnë ata që janë të përfshirë në korrupsion dhe që kanë një të kaluar që minon sundimin e ligjit dhe demokracinë”. Dhe unë mendoj që kjo është sentenca flamur që politika shqiptare sot do të duhet ta ketë si udhërëfyes. Nga njëra anë është drejtësia që po e bën këtë luftë dhe këtë betejë, nga ana tjetër do të duhet ta bëjë vet politika shqiptare, vet partitë politike. Dhe në fakt do të kthehem tek ajo çështja që juve thatë. Partia demokratike e ka ndërmarrë këtë luftëm këtë betejë brenda vetes këtu e 3 vite më parë si një akt politik dhe qëndrim zyrtar i saj, për t’u shkëputur nga simptomat e korrupsionit që qëndrojnë në oborrin e vet. Ju e dini fare mirë që ka qenë një betejë jo pa dhimbje, ka qenë një betejë e vështirë. Dhe të gjithë ata burra dhe gra të cilët kanë qëndruar fort tek këto vlera, kundërshtimi i korrupsionit, luftimi i korrupsionit edhe kur është brenda vetes. Po unë besoj që kjo është ndoshta vlera më e madhe që sot zonja Nikolla, me qëtësinë e saj olimpike përfshin me një kërkesë të palegjitimuar nga Partia Demokratike, përfshin përsëri deputetë në grupin parlamentar të Partisë Demokratike. Të kuptohemi, nuk kam asnjë lloj problemi me orientimin apo qëndrimin politik që deputetë të veçantë mund të mbajnë, janë të lirë ta bëjnë këtë punë. Por qëndrimi zyrtar i Partisë Demokratike, është qëndrim zyrtar i Partisë Demokratike. Është vlerë politike e jona, ndaj kemi marrë të gjitha këto akte që mund të quani përjashtime. Nuk kanë qenë përjashtime individuale, kanë qenë distancim nga praktikat dhe simptomat korruptive, sepse një parti politike do të duhet të dalë përpara publikut dhe të tregojë a është e aftë apo jo që të distancohet për të qenë e besueshme ndaj publikut? Këtë kemi bërë ne. Sot Lindita Nikolla merr dhe kuron edhe qëndrimet politike të Partisë Demokratike. Mendoni se deri ku ka shkuar grotesku, sa i hidhur është ky pozicion. Javën e kaluar doli mbrojti interesat Ulsi Manja, sot del embron interesat gjasme të PD-së Lindita Nikolla. Besoj që kjo tregon në dritë të diellit që të gjitha pazaret e natës, ja pra ku të çojnë. Të çojnë në atë që do të duan të gjithë t’i përfshijnë në një kazan, në një vorbull, në vorbullën e vjetër 33 vjeçare të politikës së vjetër shqiptare e cila do të kacaviret tek ky parlament dhe fatet e shqiptarëve t’i mbajnë të bllokuara.
Dua ta bëjë të qartë për këdo, për juve, për publikun që qëndrimi i Partisë Demokratike ka qenë parimor që nga dita 0 dhe do të vazhdojë të jetë i tillë. T’ua bëj me dije, asnjë i korruptuar, asnjë i dizenjuar si non grata për minim të demokracisë nuk është dhe nuk do të jetë pjesë e Partisë Demokratike. Mund të jetë pjesë e grupimeve që mban Lindita Nikolla, kjo mund ta bëjnë. Por në fakt do të duhet kuptojë edhe Lindita Nikolla që ajo betejë që ka bërë Partia Demokratike, nuk është vetëm betejë e saj, por është betejë e politikës shqiptare, është betejë e Shqipërisë, është betejë e të gjithë shqiptarëve. Këtë kemi mbajtur ne si qëndrim dhe kete do të mbajmë deri në fund. Dola këtu për ta bërë me dije për publikun që kjo është ngjarja më e hidhur e radhës e pazarit dhe e marrëveshjes që bëhet pas dyerve të mbyllura të këtij parlamenti.

Kryetari i Bashkisë Tropojë, Rexh Byberi paraqitet në SPAK

Rexh Byberi kryetari i Bashkisë Tropoje paraqitet në SPAK.

Në shtator të 2023, kryetari i bashkisë së Tropojës, Rexh Byberi është kallëzuar penalisht nga banorë të zonës.

Kallëzimi ndaj tij është bërë nga 300 banorë të cilët e akuzojnë për shpërdorim detyre.

Sipas banorëve të zonës, krybashkiaku i Tropojës ka favorizuar kushurinjtë e tij në shkelje të hapur të ligjit për konfliktin e interesit.

Basha merr pjesë në Forumin Ekonomik të Delfit, do jetë një ndër folësit kryesor pasditen e sotme

Basha merr pjesë në Forumin Ekonomik të Delfit, do jetë një ndër folësit kryesor pasditen e sotme

Kryetari i PD, Lulzim Basha, po merr pjesë në Forumin e 9-të Ekononik të Delfit në Greqi, ku do të jetë një ndër folësit kryesor pasditen e sotme

Në Forumin Ekonomik të Delphit çdo vit takohen figura prestigjioze nga ekonomia, politika dhe komuniteti akademik dhe synimi është të paraqesë një kuadër realist qëllimesh dhe aktivitetesh, të kërkojë politika për t’u marrë me sfidat globale dhe për të gjetur zgjidhje të përshtatshme për çështje komplekse, si dhe për të promovuar ide novatore për rritje të qëndrueshme dhe konkurruese për Evropën dhe rajonin më të gjerë të Mesdheut Lindor.

Në një postim të shpërndarë në profilin e tij në rrjetin social facebook, Basha shkruan:

“Përshëndetje nga Forumi Ekonomik i Delfit”

Kapet në Lezhë me drogë vëllai i deputetit të PS-së Eduard Ndreca

Armando Ndreca, vëllai i deputetit të PS, Eduard Ndreca është ndaluar nga Policia e Lezhës pas një operacioni anti-drogë. Burime për Report Tv bëjnë me dije se në komisariat është shoqëruar edhe kunati i Armando Ndrecës.

Operacioni anti-kanabis është zhvilluar në fshatin Kashnjet të Lezhë, por ende nuk bëhen me dije detaje të tjera.

Aktualisht nuk ka urdhër arresti ndaj vëllait të deputetit të PS, por Armando Ndreca dhe vëllai i tij po verifikohen nga blutë e Lezhës.

Dy fiset konflikte për një vajzë/ Detaje të reja nga plagosja me armë zjarri e 17-vjeçarit në Shkodër

Detaje të reja janë zbardhur nga plagosja e 17-vjeçarit Amarildo Gjergjit, mbrëmjen e kaluar në njësinë Bërdicë, në Shkodër!

Mësohet se 17-vjeçari ka marrë vetëm një plumb ndërsa ndodhet jashtë rrezikut për jetën. E gjithë ngjarja ka ndodhur në sytë e prindërve të 17-vjeçarit i cili u plagos nga shtetasi Gent Dushku që vijon të jetë në kërkim nga policia vendore e Shkodrës.

Konflikti ka filluar mes familjes Luka dhe Gjergji që janë komshinj me njëri tjetrin. Palët kanë patur një sherr edhe më përpara lidhur me ngacmimin e një vajze.

Autori i ngjarjes, Gent Dushku i cili banon në lagjen “Xhabiej” në Shkodër  është dhëndri i familjes Luka dhe ka shkuar mbrëmjen e djeshme në Bërdicë, ku ka nisur një debat me babain e të plagosurit.

Ky i fundit ka dalë me një kaçavidë në dorë dhe në ato momente dyshohet se Gent Dushku ka qëlluar me pistoletë djalin 17 vjeçar duke e lënë të plagosur i cili po ashtu ndodhej jashtë së bashku me babain e tij. Në momentin e plagosjes në rrugë ndodhej edhe nëna e shtetasit të plagosur.

Menjëherë në vendngjarje mbërritën forcat e policisë duke nisur hetimet për zbardhjen e kësaj plagosje të ndodhur për motive të dobëta. Efektivët kanë sekuestruar kaçavidën dhe gëzhojën me të cilën qëlloi shtetasi Gent Dushku.

Po ashtu policia e Shkodrës është duke zhvilluar kontrolle për gjetjen dhe kapjen e autorit të dyshuar të plagosjes i cili vijon  që të jetë në kërkim nga uniformat blu.

Njoftimi i policisë:

Rreth orës 18:10, në vendin e quajtur “Harku i Berdicës”, shtetasi G. D., dyshohet se ka plagosur me armë zjarri një 17-vjeçar, banues në Bërdicë, i cili ndodhet jashtë rrezikut për jetën.

Shërbimet e Policisë janë vënë menjëherë në ndjekje të autorit.

Grupi hetimor në drejtimin e Prokurorisë po punon për sqarimin e rrethanave të ngjarjes.

Freedom House: Pas arrestit për Berishën dhe Ahmetajn, forca politike dhe medie, po intimidojnë SPAK!

Organizata Freedom House, me seli në Uashington, ka publikuar të enjten (11 prill) raportin “Vendet në Tranzicion 2024: Një rajon përballë forcave të autokracisë dhe demokracisë”.

Në kapitullin për Shqipërinë, Freedom House vë gjithashtu në dukje përkeqësimin e gjendjes së mediave dhe zvogëlimin e hapësirës të shoqërisë civile.

Sipas raportit, “pas hetimeve dhe akuzave të SPAK-ut ndaj Berishës dhe Ahmetajt, si dhe ekspozimit të lidhjeve ndërmjet disa grupeve të krimit të organizuar me biznese, politikanë dhe agjenci të rendit” është vënë re “një fushatë në rritje dezinformimi nga disa portale dhe nga figura të larta politike në qeveri dhe opozitë për të diskredituar punën e SPAK-ut.”

Këto përpjekje të shtuara të SPAK-ut për të hetuar korrupsionin dhe krimin e organizuar të nivelit të lartë, sipas ‘Freedom House’, kanë nxitur sulme ndaj gjykatësve dhe prokurorëve të tij nga të gjitha partitë politike, të cilat vazhdojnë të mos distancohen nga zyrtarët e akuzuar mes radhëve të tyre.

“Reagimi negativ nënvizon realitetin se SPAK-u nuk mundet të luftojë korrupsionin në nivelet më të larta i vetëm dhese është e rëndësisë jetike për demokracinë në Shqipëri, që partitë politike t’i largojnë ata që janë të përfshirë në korrupsion dhe që kanë një të kaluar që minon sundimin e ligjit dhe demokracinë”, thuhet në raport.

Gjithashtu organizata ‘Freedom House’ sjell një pasqyrë të zymtë edhe për skenën mediatike në Shqipëri.

Sipas raportit, një pjesë e madhe e mediave u janë nënshtruar interesave të biznesit dhe atyre politike të pak familjeve, apo kontrollohen nga biznesmenë që blejnë aksione në media për të përfituar kontrata publike në këmbim të raportimit të favorshëm.

Raporti identifikon grupin Top Media, pronë e familjes Hoxha, grupin Klan, pronë e familjes Frangaj, Media Vizion, pronë e familjes Dulaku, G2 Media, pronë të vëllezërve Ulaj, familja Hysenbelliu dhe gazetari italian Carlo Bollino.

Sipas gjetjeve të raportit, kanalet televizive “në pronësi të familjeve Hoxha, Frangaj, Hysenbelliu dhe Bollino patën 86.94 për qind të audiencës televizive në pesë muajt e parë të vitit 2023.”

Disa nga këto kompani mediatike, sipas raportit që u referohet organizatave që identifikojnë pronarët e mediave, marrin subvencione nga qeveria qendrore dhe lokale në këmbim të një mbulimi të favorshëm.

Raporti thotë se “kur mediat bëhen kritike ndaj qeverisë, si në rastin e Neës 24 të familjes Hysenbelliu, ato përballen me masa ndëshkuese, kërcënime dhe në disa raste gjoba të larta.”

Raporti dokumenton disa raste të sulmeve fizike dhe verbale ndaj gazetarëve në Shqipëri për raportimet e tyre rreth politikanëve të lartë dhe anëtarëve të dyja partive politike.

Raporti në veçanti vë në pah sulmet dhe kërcënimet ndaj gazetarëve Elvis Hila, Afrovita Hysaj dhe Elton Qyno, si dhe sulmin verbal ndaj gazetares së ‘Balkan Insight’ Ola Xama nga kryebashkiaku i Tiranës Erion Veliaj, i cili iu referua asaj si “vrasëse me pagesë” pas publikimit të një shkrimi për hetimin e korrupsionit për tenderin e inceneratorit të Tiranës.

Sipas organizatës biznesmenë “paguajnë opinionistë dhe gazetarë dhe sponsorizojnë emisione kryesore televizive të debatit politik, të cilat ndikojnë në opinionin publik”.

Kjo sipas raportit bëhet “për të promovuar agjendat e partive politike në këmbim të përfitimit të kontratave për tendera publikë apo favoreve tjera.”

Dritan Shano: Mësuesit e fillores, duhet të jenë më të paguarit

Ekonomisti Dritan Shano i ftuar në emisionin Shqip nga Rudina Xhunga në Dritare TV u shpreh se shteti duhet të investojë në mësimdhënien, ndaj për rrjedhojë mësuesit e fillores duhet të jenë më të paguarit, pasi aty formohet një individ.

Zoti Shano u shpreh se në Shqipëri mungon kapitali teknologjik, pasi është e vetmja mënyrë për të zhvilluar sa më shumë talente dhe për të pasur të ardhura më të larta, nga ato që vijnë nga industria apo bujqësia.

“Finlanda është vendi që ka rezultate më të mira në PISA. PISA është matësi i nivelit të mësimdhënies, ne dolëm mysybet, s’ka si të mos dalim të tillë. Singapori nuk e di për sa dekada është në 1, 2, 3. Në Holandë ata janë gjithmonë të parët. Pse? Sepse mësuesit e fillores në Holandë janë më të paguarit dhe më të trajnuarit individ në atë shtet. Sepse ngjarja ndodh atje nuk ndodh në universitet. Universiteti është një furë, në qoftë se ti fut brumë me miell misri nuk mund të presësh që do nxjerrësh bukë gruri. Çdo njeri, elita që mund të ndikojnë politikën, ekonominë e këtij vendi në interes të tyre pa shkuar në burg. Kjo është elita.

Ne jemi në këtë derexhe, sepse marrëveshja e elitës në këtë vend nuk ka pasur edhe zhvillimin e Shqipërisë, ka pasur kryesisht pasurimin e tyre. Kjo është evidente, dil në Palasë, Lalëz dhe e kupton fare mirë këtë që unë thashë. Janë këto xhepa, oaze që duhet të ktheheshin në politikë qeveritare. Kjo do të çonte ndryshimin strukturor të ekonomisë shqiptare dhe rritjen e pagave, do të eliminonte fasonët në favor të punës. Kjo do të sillte multi-funksionalet në Shqipëri. Siç e ka Izraeli, që është një vend në luftë tani. Ai gjithmonë kështu ka qenë që nga formimi, një vend me problem gati për luftë, atje janë rreth 6 mijë kompani të IT-së dixhitale, janë të gjitha multinacionale. I ofron mendjen, sepse kapitalin teknologjik ne jemi vonë, ne jemi vend i prapambetur. Do ta blejmë gjithmonë sa frëngu pulën. Ne nuk mund të konkurrojmë për kapital teknologji, e vetmja gjë që mund të bëjmë është të ndryshojmë mendjen. Ta ushqejmë, ta ujisim talentin, pasi talenti nuk rritet në pyll është në familje dhe në shkollë. A ka mundësi të flasim ku ndodh ngjarja, jo kur ndodh ngjarja. Ne duhet të merremi këtu, unë nuk e shoh që po ndodh.

Edhe sa vite pushtet do t’i duhet një force politike që të vijë me këto mend, të ndryshojë strukturën ekonomike në favor të aktiviteteve që i përkasin këtij shekulli dhe nxjerrin fitime. Zgjeroje bujqësinë sa të duash, sërish do të bien fitimet. Ty të duhet që të zgjerosh industri të tjera, industria e mendjes e të dhënave, janë ato që nxjerrin fitime.

Njerëzit ikin sepse marrëveshja e elitës politike është e dukshme. Vendet dallojnë nga lloji i marrëveshjes që kanë elitat. Nëse ka një lloj elite që unë do jem mirë por do të zhvillohet dhe vendi, njerëzit janë të lumtur. Unë do punoj për vendin, nëse del edhe për mua ku ma gjen, njerëzit janë akoma dhe më të lumtur. Në Shqipëri, është evidente janë të njëjtit njerëz 33 vite, të njëjtët biznesmenë dhe pronarë që janë pasuruar fort në kurriz të shqiptarëve. Që jo vetëm nuk gjejnë pasuri në këtë vend por as mundësi dhe thonë: “Me këtë bllok gur që më ke zënë t’i rrugën, unë nuk kam ndërmend ta shtyj më””, u shpreh ekonomisti.

Freedom House: Përkeqësim i gjendjes së mediave dhe shoqërisë civile në Shqipëri

Organizata Freedom House, me seli në Uashington, në raportin e fundit “Vendet në Tranzicion 2024: Një rajon përballë forcave të autokracisë dhe demokracisë” të publikuar të enjten, thekson se demokracia në Shqipëri u ndesh me një sërë sfidash, veçanërisht gjatë zgjedhjeve të muajit maj, të cilat konsoliduan më tej pozitën dominuese të partisë në pushtet.

Në kapitullin për Shqipërinë, Freedom House po ashtu vë në dukje përkeqësimin e gjendjes së mediave dhe zvogëlimin e hapësirës të shoqërisë civile. Sipas organizatës, korrupsioni vazhdon të mbetet dukuri shqetësuese në Shqipëri. Vlerësimi i përgjithshëm i organizatës për Shqipërinë mbetet i pandryshuar nga viti i kaluar, duke e cilësuar si një vend me sistem hibrid të qeverisjes.

‘Freedom House’ vlerëson përpjekjet e SPAK-ut për të luftuar korrupsionin dhe krimin e organizuar dhe veçon rezultatet e hetimeve ndaj figurave politike.

“SPAK-u gradualisht përmirësoi rezultatet e hetimeve të rasteve të korrupsionit të nivelit të lartë dhe ngriti akuza kundër një numri politikanësh kryesorë në Shqipëri në vitin 2023, duke u bërë njëri nga institucionet e pakta funksionale të drejtësisë dhe prokurorisë në vend, ndërkohë që procesi i vetingut në Shqipëri vazhdoi edhe gjatë vitit 2023″, thuhet në raport.

Raporti i referohet hetimeve të SPAK-ut ndaj ish kryeministrit Sali Berisha për korrupsion, për të cilin ai është shpallur non-grata nga SHBA dhe Britania e Madhe dhe shton se krahu i tij politik “është shndërruar në një grup të dhunshëm, që duket se dëshiron të destabilizojë vendin, duke e bërë arrestimin e tij lajm të mirëpritur për shumë njerëz.”

Raporti po ashtu citon edhe aktpadinë e SPAK-ut ndaj ish Zëvendëskryeministrit Arben Ahmetaj për korrupsion dhe lëshimin e fletë-arrestit ndërkombëtar pasi ai u largua nga Shqipëria.

Sipas raportit, “pas hetimeve dhe akuzave të SPAK-ut ndaj Berishës dhe Ahmetajt, si dhe ekspozimit të lidhjeve ndërmjet disa grupeve të krimit të organizuar me biznese, politikanë dhe agjenci të rendit” është vënë re “një fushatë në rritje dezinformimi nga disa portale dhe nga figura të larta politike në qeveri dhe opozitë për të diskredituar punën e SPAK-ut.”

Këto përpjekje të shtuara të SPAK-ut për të hetuar korrupsionin dhe krimin e organizuar të nivelit të lartë, sipas ‘Freedom House’, kanë nxitur sulme ndaj gjykatësve dhe prokurorëve të tij nga të gjitha partitë politike, të cilat vazhdojnë të mos distancohen nga zyrtarët e akuzuar mes radhëve të tyre.

“Reagimi negativ nënvizon realitetin se SPAK-u nuk mundet të luftojë korrupsionin në nivelet më të larta i vetëm dhese është e rëndësisë jetike për demokracinë në Shqipëri, që partitë politike t’i largojnë ata që janë të përfshirë në korrupsion dhe që kanë një të kaluar që minon sundimin e ligjit dhe demokracinë”, thuhet në raport.

Sipas ‘Freedom House’ “partitë politike shqiptare vazhdojnë të mos jenë në gjendje të përballen me korrupsionin në radhët e tyre dhe duken të pavullnetshme për t’u distancuar nga udhëheqësit problematikë partiakë që janë sanksionuar jashtë vendit ose që ballafaqohen me akuza serioze nga SPAK-u.”

“Kjo dukuri pjesërisht ka të bëjë me mungesën e demokracisë së brendshme të partive politike dhe paaftësisë së tyre” për t’i dhënë përgjigje kësaj dukurie negative në radhët e tyre.

“Dështimet e brendshme partiake janë bartur në strukturat qeveritare – duke ngjallur armiqësi të shtuar ndaj kritikëve në sektorët e shoqërisë civile dhe mediave – dhe vazhdojnë të kenë një ndikim të pafavorshëm në gjendjen e përgjithshme të demokracisë në Shqipëri”, thuhet në raport.

Në kapitullin për Shqipërinë, organizata ‘Freedom House’ sjell një pasqyrë të zymtë edhe për skenën mediatike. Sipas raportit, një pjesë e madhe e mediave u janë nënshtruar interesave të biznesit dhe atyre politike të pak familjeve, apo kontrollohen nga biznesmenë që blejnë aksione në media për të përfituar kontrata publike në këmbim të raportimit të favorshëm.

Raporti identifikon grupin Top Media, pronë e familjes Hoxha, grupin Klan, pronë e familjes Frangaj, Media Vizion, pronë e familjes Dulaku, G2 Media, pronë të vëllezërve Ulaj, familja Hysenbelliu dhe gazetari italian Carlo Bollino.

Sipas gjetjeve të raportit, kanalet televizive “në pronësi të familjeve Hoxha, Frangaj, Hysenbelliu dhe Bollino patën 86.94 për qind të audiencës televizive në pesë muajt e parë të vitit 2023.”

Raporti dokumenton disa raste të sulmeve fizike dhe verbale ndaj gazetarëve në Shqipëri për raportimet e tyre rreth politikanëve të lartë dhe anëtarëve të dyja partive politike.

Raporti në veçanti vë në pah sulmet dhe kërcënimet ndaj gazetarëve Elvis Hila, Afrovita Hysaj dhe Elton Qyno, si dhe sulmin verbal ndaj gazetares së ‘Balkan Insight’ Ola Xama nga kryebashkiaku i Tiranës Erion Veliaj, i cili iu referua asaj si “vrasëse me pagesë” pas publikimit të një shkrimi për hetimin e korrupsionit për tenderin e inceneratorit të Tiranës.

Sipas organizatës biznesmenë “paguajnë opinionistë dhe gazetarë dhe sponsorizojnë emisione kryesore televizive të debatit politik, të cilat ndikojnë në opinionin publik”. Kjo sipas raportit bëhet “për të promovuar agjendat e partive politike në këmbim të përfitimit të kontratave për tendera publikë apo favoreve tjera.”

Në këtë formë, sipas raportit, këto media shpërfillin çështjet e rëndësishme me të cilat përballet Shqipëria. Raporti vjetor i ‘Freedom House’ që trajton parametrat kryesorë demokratik të shteteve në tranzicion, bën përgjegjëse të dy anët e spektrit politik në Shqipëri që kanë çuar në dobësimin e pozitës së parlamentit për të mbikëqyrur punën e qeverisë.

“Përçarja e Partisë Demokratike pati efekt zinxhir tek roli që opozita luan për ta mbajtur përgjegjëse qeverinë dhe për të kontribuar në funksionimin bazë të parlamentit, duke çuar drejt përplasjeve të dhunshme në parlament në dy muajt e fundit të vitit 2023 që minuan rolin e rëndësishëm që legjislatura luan në demokracinë parlamentare,” thuhet në raport.

Qeveria, sipas raportit, i shfrytëzoi “përplasjet e dhunshme për të penguar edhe më tej autoritetin e parlamentit që të kërkojë llogaridhënie nga qeveria, duke miratuar një numër ligjesh të reja në dhjetor të vitit 2023 për dënime të ashpra ndaj anëtarëve të parlamentit që veprojnë në kundërshtim me rregullat, duke ia vështirësuar opozitës që të kërkojë hetime parlamentare për vendimet e qeverisë”.

Raporti gjithashtu thotë se “kryeministri Rama dhe Partia Socialiste shfrytëzuan përçarjet gjithnjë e më të dhunshme të opozitës për të konsoliduar pushtetin dhe dominuar zgjedhjet e mbajtura më 23 maj”.

“Vëzhguesit e zgjedhjeve dokumentuan shpërdorimin e burimeve shtetërore nga Partia Socialiste për të rritur avantazhin politik në një mori komunash para zgjedhjeve, një strategji veçanërisht e dobishme në nivelin komunal ku shumë prej qeverive lokale nuk kanë financim të mjaftueshëm dhe varen nga qeveria qendrore,” thuhet në raport.

Kapitulli për Shqipërinë po ashtu vë në dukje se shoqërisë civile i është ngushtuar hapësira e veprimit, duke theksuar se gjatë vitin 2023 qeveria ka propozuar dhe parlamenti ka miratuar ligje “pa angazhimin e duhur të organizatave joqeveritare dhe grupeve të interesit”, që është detyrim ligjor për anëtarësimin e Shqipërisë në Bashkimin Evropian.

“Qeveria dhe parlamenti kanë dështuar të angazhohen në një dialog konstruktiv me sektorin e shoqërisë civile, duke dëshmuar që kushtet për angazhimin e OJQ-ve dhe fuqizimi i tyre përmes konsultimit për hartimin e politikave mbetet një premtim bosh”, thekson organizata ‘Freedom House”./VOA

Spahiu ngre dyshimet/ Mund të jenë paguar 30-40 mijë euro për të dhënat e TIMS

Juristi Kreshnik Spahiu ka hedhur dyshime të forta teksa ka folur për ndërhyrjen në të dhënat e sistemit TIMS, çështje për të cilën është lënë në “Arrest shtëpie” drejtori i IT-së në Policinë e Shtetit, Ervin Muça.

Spahiu renditi në emisionin “Noë” të Erla Mëhillit se 3 arsyet se përse mund të jetë bërë ndërhyrja te të dhënat e TIMS-it.

Ai ngriti aludime se mund të jetë bërë për shkaqe politike, për t’i bërë shantazh kundërshtarit, për organizatat kriminale ose për shërbimet sekrete të huaja.

Gjithashtu, juristi deklaroi se shërbimet e huaja sekrete mund të kenë paguar deri në 30-40 milionë euro, për të marrë këto të dhëna.

“Sistemi TIMS nuk do të thotë kush hyn e del në Shqipëri. TIMS ka një bazë të dhënash më të rënda se ato që kanë bërë publike hakerat iranianë. Të gjithë të dhënat e TIMS janë të klasifikuara sekret. Duke nisur nga komisionet e deri të aksionet e policisë, pra nga dosjet e policisë, nga përgjimet, nga ngjarjet kriminale. Këto të dhëna mund të merren për 3 arsye. Mund të përdoren politikisht, për shantazh ndaj kundërshtari politik. E dyta për qëllime mafioze, që mund t’u shiten organizatave kriminale që dinë çdo lëvizje të policisë dhe paguajnë miliona euro për këto. E treta mund të jetë për t’ua dhënë shërbimeve të tjera të ndryshme, që mund të paguajnë deri në 30-40 milionë euro për të marrë info të tilla, përshembull kush ka qenë delegacioni i Blinken gjatë vizitës në Shqipëri, etj. Pra ti u rrezikon jetën personave të shërbimeve sekrete, vetëm se publikon këto të dhëna. Kemi të bëjmë me një cëlulë të strukturuar dhe të mbrojtur politikisht”, theksoi Spahiu.

1...1 3111 3121 313...8 382Faqja 1 312 nga 8 382

Kryesore

Continue to the category
Më shumë
© 2024 Rilindja Demokratike Euroatlantike