14.8 C
Tirana
E martë, 20 Maj, 2025
type here...

“Doing business in Albania & Ligjet klienteliste”

Nga Enriketa Papa

Rishfaqja e emrit te ish agjentit te FBI, Charles McGonigal si drejtor per sigurine ne Kompanine Aman Group, qe perflitet nga mediat nderkombetare dhe ato lokale, eshte teper shqetesuese.

SPAK ka thirrur disa jave me pare Agron Nezen. Neza eshte njeriu qe i dha 225.000 dollare, McGonigal, ne kembim te hetimit nga zyra e FBI ne New York, te lobistit te PD dhe Bashes.
Rishfaqja e emrit te agjentit edhe ne nje rast investimi te mundshem, eshte nje indicje qe investimi ne Sazan, Zvernec dhe Ksamil mund te fshehe afera klienteliste.

Pak dite nga votimi i deputeteve socialiste, per te ndryshuar Ligjin per zonat e mbrojtura, vjen oferta per te investuar ne Zvernec, afer zones se mbrojtur te Lagunes se Nartes, qe tashme do te preket nga rreziku i investimeve.

Edhe kjo oferte shume pak dite pas ndryshimit te ligjit, eshte nje tjeter indicie e ligjeve klienteliste. Kushner ne intervisten e tij ka permendur kompanine Kastrati, per ekspertizen dhe per vleresimet mbi investimin ne Shqiperi.

Indicje te forta per te hetuar nga SPAK, perben dhe denoncimi i kongresmenit amerikan Robert Garcia, i cili paralajmeron per nje afere korruptive te sipermarrjes se Kushner, duke investuar ne Shqiperi dhe Serbi me para te nje vendi te huaj (duke dyshuar te Arabise Saudite).

Garcia ngre dyshime mbi investimin dhe mungesen e transparences mbi te.

Media ka hedhur dyshime edhe per “aksionerin” kryesor te kompanise investuese ne Shqiperi dhe Serbi, qe mund te jete oligarku rus Vladislav Doronin.

Shume pikepyetje keto, qe SPAK dhe institicionet e drejtesise shqiptare te merren seriozisht.

Kthupi: Vula e PD i takon Partisë Demokratike zyrtare. Kuvendi i Rithemelimit ka pafundësi shkeljesh

Anëtari i kryesisë së PD-së, Rezart Kthupi, i ftuar në rubrikën Opinion në News 24, deklaroi se vula e PD-së i takon Partisë Demokratike zyrtare.

Kthupi theksoi se Kuvendi i Rithemelimit ka pafundësi shkeljesh, ndaj vula duhet që të jetë e Partisë Demokratike zyrtare.

“Jemi të bindur se do ta marrim vulën. Ne jemi pala parimore. Bashkëkryetarin e zgjedh partia, jo deputetët. Pavarësisht se pala tjetër thuhet se ka shumicën dhe hyn edhe në dialog me kryeministrin për shumë gjëra, nuk mund të zgjidhesh dot kryetar i grupit parlamentar, duke mos përfaqësuar parti.

Kuvendi i mbledhur nga Rithemelimi është i parregullt dhe për pasojë nuk ka pse të pretendojë të ketë vulën. Kuvendi i Rithemelimit ka pafundësi shkeljesh”, u shpreh Kthupi.

Pazarit Rama-Berisha i plasin “ujërat”

Nga Rigels Seliman

Sali Berisha dhe Edi Rama në fakt janë “mbarsur” pothuaj në të njëjtën ditë nga i njëjti baba politik, Partia e Punës. Nëse Partia Demokratike zyrtare vazhdon një barrë normale, Rithemelimit të Sali Berishës dhe Partisë Socialiste i kanë plasur “ujërat”, duke bërë një lindje të parakohshme dhe ndërkohë krijesa e lindur u quajt “Pazar anti-SPAK dhe anti-SHBA”. Koha ka treguar se kryeministri Edi Rama vetëm humbet nga zhdukja nga politika, izolimi dhe burgosja e ish-kryeministrit Sali Berisha.

Humbet, se nuk do të ketë më përballë një kundërshtar, që është kapitali më i madh politik i tij, dhe që i garanton qëndrimin në pushtet në pafundësi. Humbet, se me burgosjen e tij, do të çlirohej opozita dhe kështu do të dilnin alternativa të reja, shumë herë më të besueshme, që nuk shiten e blihen me një leje ndërtimi dhe do t’i vinin në rrezik pushtetin e tij tashmë të tronditur nga shumë afera.

Tashmë është e qartë se përpjekja e Ramës për të “ricikluar” dhe njëherë Sali Berishën duke bërë marrëveshje dhe pazare me çetën e tij ilegale, pa parti, vulë dhe logo është që sërish të mbajnë monopolin e sistemit politik që i ka fillesat që nga viti 2008, por që këtë herë nuk është vetëm për karrige, pasi dyshohet se planet e tyre ogurzeza janë për të minuar reformën zgjedhore, veçanërisht bllokimin e pesë propozimeve të kreut të Partisë Demokratike zyrtare, Lulzim Basha si Listat e Hapura, Veting-u në politikë, Kufizimi i mandateve të Kryeministrit, Vota e diasporës; Zgjedhja e Presidentit nga populli; zhbërjen e ligjit të dekriminalizimit dhe goditur SPAK-un nëpërmjet kontrollit të sistemit të drejtësisë që vetë ata dhe bashkëpunëtorët e tyre të zhytur në afera t’ia hedhin paq si dikur.

Rama dhe Berisha e nisën bashkë kërcimin “Tango” me “Gërdecin” e ndryshimet kushtetuese në vitin 2008 dhe e bitisën javën që shkoi duke çimentuar pazarin mes tyre përmes “karremit” Gazment Bardhi. Pra me sa duket shprehja “njeriu shkatërron atë që do” i shkon për shtat Sali Berishës. Kjo nuk është një gjë pozitive pa dyshim dhe me siguri edhe PS do të ketë një ditë një rilindje të vështirë. Partia Socialiste është shtatzënë me një fëmijë që s’lëviz ose ndoshta ka vdekur ende pa lindur. Socialistët janë më të pa përfaqësuar se kurrë më parë dhe ndoshta do të votonin çdo forcë serioze politike përveç Rithemelimit të Sali Berishës dhe Partisë së Lirisë së Ilir Metës. Nuk mund të ketë realisht rilindje e progres nga burra të tredhur.

Topi tashmë është në këmbët e demokratëve dhe gjithë sytë janë tek Lulzim Basha, i cili ka ngjallur shpresë për shqiptarët që “jetojnë në një tokë me gjemba ku janë të destinuar të ecin zbardhur” për shkak të pazareve e intrigave të dyshes Rama-Berisha.

Kujdes! Stresi për financat është më i dëmshmi për shëndetin

Stresi financiar është më i dëmshmi për shëndetin dhe mirëqenien e përgjithshme të një individi, përshpejton procesin e plakjes, ndikon në biomarkerët e shëndetit dhe ka një efekt më të fortë në shëndetin mendor në krahasim me pasojat e një sëmundjeje, humbjeje ose divorci, sipas një studimi të ri nga Shkencëtarët britanikë.

 

Pothuajse 5000 të rritur të moshës 50 vjeç e lart morën pjesë në studimin britanik, i cili u krye nga shkencëtarët nga University College London (UCL) dhe King’s College, të cilët thanë se analiza e tyre ishte e para që u përpoq të eksploronte se si lloje të ndryshme të stresit kronik mbi treguesit e shëndetit në pleqëri.

Një studim përfaqësues kombëtar konfirmoi se stresi financiar shoqërohet me ndryshime afatgjata në treguesit kryesorë të shëndetit, si sistemi imunitar, nervor dhe hormonal. Ata krahasuan gjashtë faktorët stresues më të zakonshëm.

Nga të gjashtë stresorët më të zakonshëm të studiuar nga shkencëtarët britanikë, të cilët janë stresi financiar, kujdesi për një person të sëmurë rëndë ose me aftësi të kufizuara, paaftësia, humbja e rëndë në familje, sëmundja dhe divorci, stresi financiar është faktori më i dëmshëm që lidhet me më të rrezikshmit. rezultatet afatgjata shëndetësore.

Kjo u përcaktua duke ekzaminuar katër biomarkues në gjak – kortizol (një hormon i prodhuar në përgjigje të stresit), proteina C-reaktive (CRP), fibrinogjen dhe faktori i rritjes 1 i ngjashëm me insulinën (IGF-1). Të gjithë këta janë faktorë imunitarë të lidhur me zhvillimin e stresit, zhvillimin e inflamacionit dhe plakjes, ndërsa IGF-1 lidhet me plakjen dhe jetëgjatësinë.

Studimi zbuloi se të anketuarit që ishin të stresuar vetëm për situatën e tyre financiare kishin 60 për qind më shumë gjasa të zhvillonin një profil shëndetësor me rrezik të lartë pas katër vjetësh.

Për çdo situatë stresuese shtesë, si divorci, ky probabilitet u rrit me 19 përqind shtesë.

Marrëdhënia e vëzhguar mbeti pavarësisht nga gjenetika, efektet socio-ekonomike, mosha ose gjinia e subjekteve ose stili i tyre i jetesës.

Studimi zbuloi gjithashtu se stresi financiar, humbja e rëndë dhe sëmundja afatgjatë ndikuan më fort në ndryshimet në biomarkerët imunitarë dhe neuroendokrinë, duke sugjeruar një efekt fizik të vazhdueshëm të stresit kronik.

Një tjetër përfundim i shkencëtarëve britanikë është se stresi kronik mund të shkaktojë ndryshime dhe reagime hormonale, të cilat mund të ndikojnë në përkeqësimin e problemeve të shëndetit fizik dhe mendor.

Dr Odessa Hamilton nga UCL theksoi ndikimin pushtues të stresit financiar në aspekte të ndryshme të jetës, në disa raste duke u shfaqur si konflikt familjar, përjashtim social, të pastrehë ose uri.

Megjithëse studimi britanik nuk lidh stresin dhe problemet afatgjata shëndetësore, ai nxjerr në pah ndikimin e stresit në trup.

Kabllot e internetit nënujor, objektivi më i lehtë në luftërat e së ardhmes

Dëmtimi i fundit i kabllove nënujore të internetit në Detin e Kuq nuk duket të ketë qenë i qëllimshëm, por incidenti në këtë zonë konflikti tregon më tej se sa e lehtë është të sulmosh.

 

Tre kabllo me fibra optike u dëmtuan në Detin e Kuq, duke shkaktuar rënie të shpejtësisë së internetit në rajon. Riparimet mund të zgjasin javë apo edhe muaj për shkak të konfliktit në Jemen. Rreth 25 përqind e trafikut të internetit në rajon kalon përmes këtyre tre kabllove, kështu që operatorët tani po detyrohen t’u drejtohen kabllove dhe satelitëve të tjerë për të kapërcyer problemin. Shkaktar i dëmit ka të ngjarë të jetë spiranca e anijes së mallrave “Rubimar”, tha këshilltari për sigurinë kombëtare në Shtëpinë e Bardhë, John Kirby, në një intervistë për CBS. Anija u sulmua me raketa në mes të shkurtit, pas së cilës ekuipazhi e braktisi atë.

Prerja e këtyre kabllove nuk ishte një akt i qëllimshëm, por incidenti nxjerr në pah cenueshmërinë e madhe të kabllove nënujore përmes të cilave kalon rreth 97 për qind e trafikut global të internetit.

– Është thjesht shqetësuese dhe është e vështirë të përcaktohet nëse dëmi ka qenë aksidental apo i qëllimshëm. Ky fakt bëhet edhe më i rëndësishëm pasi bota dalëngadalë largohet nga koncepti i veprimeve të mëdha ushtarake dhe rivalët gjeopolitikë konsiderojnë gjithnjë e më shumë sulme më delikate. Në të kaluarën ka pasur incidente të dëmtimit të kabllove që dyshohej se ishin të qëllimshme, por një nga arsyet pse ky është një problem kaq sfidues është fakti se aksidentet ndodhin lehtësisht. Kjo është e shkëlqyeshme për çdo armik që dëshiron të operojë në zona gri dhe nuk dëshiron të marrë përgjegjësinë për ndonjë sulm”, tha Michael Darrah, një ushtarak në Qendrën për Studime Strategjike dhe Ndërkombëtare.

Megjithatë, sulmet më të vogla si ky nuk janë domosdoshmërisht një problem i madh, sipas Tim Stone, nënkryetar i kërkimit në firmën analitike TeleGeographies.

“Çdo vit ka rreth njëqind incidente me kabllo nënujore dhe industria është mësuar të bëjë gabime. Rreth dy të tretat e këtyre incidenteve shkaktohen nga aktivitetet njerëzore – kabllot ngatërrohen në rrjetat e peshkimit ose tërhiqen nga spiranca. Koha e nevojshme për riparim varet nga vendndodhja e dëmtimit dhe juridiksioni në të cilin ka ndodhur, por në përgjithësi nuk është më e gjatë se disa ditë,”  thotë Stone.

Pronarët e pothuajse të gjitha kabllove nëndetëse janë industri private. Shumë kabllo të vjetra u ndërtuan nga konsorciume ose operatorë telekomunikacioni, ose nga kompani që i ndërtuan ato për t’ia shitur ofruesve të shërbimeve. Së fundmi në këtë treg ka hyrë edhe Silicon Valley. Telegeographies vlerëson se Meta, Google, Microsoft dhe Amazon zotërojnë ose marrin me qira gati gjysmën e gjerësisë së brezit të internetit në kabllot nëndetëse.

Stonege shton se industria kryesisht po përgatitet për ndërprerje me opsione shtesë. Për shembull, pasi tre kabllo u dëmtuan në Detin e Kuq, në rajon mbeten 11. Telegeographies vlerëson se aktualisht janë rreth 574 kabllo nëndetëse aktive ose të planifikuara. Kjo do të thotë se nuk ka gjasa që një vend të shkëputet plotësisht nga interneti, përveç nëse është një komb ishull, siç ishte rasti me Tongën në vitin 2022, kur kablloja e tij e vetme nëndetëse u shkatërrua nga një shpërthim vullkanik nënujor. Dëmi u riparua brenda një muaji.

Megjithatë, duke pasur parasysh se sa shumë mbështetet ekonomia globale në aksesin në internet, qeveritë në mbarë botën kanë filluar të ndërmarrin hapa shtesë për të mbrojtur kabllot nëndetëse. Vitin e kaluar, NATO hapi një qendër koordinimi që synonte mbrojtjen e infrastrukturës nënujore dhe formoi një grup të përbashkët pune me Bashkimin Evropian.

“Arsyeja kryesore pse infrastruktura nënujore është një objektiv tërheqës për sulme të qëllimshme është anonimiteti që vjen automatikisht me paketën. Nëse e hiqni atë anonimitet, objektivi bëhet shumë më pak tërheqës”, përfundon Dara.

“Sfidoi regjimin komunist”- Ambasada e SHBA përkujton Musine Kokalarin! Një nga gratë më të guximshme, historia e dhimbshme e disidentes së burgosur nga diktatura

Ambasada e Shteteve të Bashkuara të Amerikës në Tiranë përkujtoi dje Musine Kokalarin. Gjatë muajit të historisë së gruas, ne nderojmë gratë e shquara që kanë ndryshuar botën, përfshirë Musine Kokalarin, një nga gratë më të guximshme shqiptare që sfidoi regjimin komunist, thekson Ambasada e SHBA.

Musine Kokalari (1917-1983) ishte shkrimtare, politikane dhe themeluese e Partisë SocialDemokrate të Shqipërisë në vitin 1943. Pavarësisht se ishte një nga shkrimtaret e hershme të botuara në Shqipëri, ajo u përball me persekutimin nga regjimi komunist, i cili çoi në varfëri dhe izolim deri në vdekjen e saj. Refuzimi i saj për t’u përshtatur me një diktaturë dhe dashuria e saj për Shqipërinë na frymëzon edhe sot.

Musine Kokalari lindi më 10 shkurt të vitit 1917, në Adale, të Turqisë ndersa në vitin 1921, familja e saj u kthye në Shqipëri dhe u vendos në Gjirokastër, ku Musineja kreu shkollën fillore. Nëntë vjet më vonë, familja Kokalari do te vendosej në Tiranë. Në vitin 1937, ajo mbaroi shkollën e mesme “Nëna Mbretëreshë” dhe më pas shkoi për studime në Universitetin e Romës, në Itali, të cilin e mbaroi shkëlqyeshëm në vitin 1941. Librin e parë “Seç më thotë nëna plakë”, Musine Kokalari e botoi në vitin 1939.

Ishte viti 1943, kur Musine Kokalari së bashku dhe me disa shokë të tjerë formuan Partinë Socialdemokrate. Një vit më vonë, me përpjekjen e saj, doli numri i parë i gazetës “Zëri i Lirisë”. Në vitin 1944, ajo botoi librin e dytë “Rreth vatrës”, ndërsa më 12 nëntor të po këtij viti u pushkatuan vëllezërit e saj, Muntaz e Vesim Kokalari. Katër ditë më vonë e arrestuan dhe Musinenë, të cilën e mbajtën 17 ditë në burg. Në janar të vitit 1945, u botua libri i tretë i Musine Kokalarit “Sa u tund jeta”. Më 23 janar të vitit 1946, ajo u arrestua për së dyti nga forcat e Mbrojtjes së Popullit, e gjyqi e dënoi me 20 vjet heqje lirie. Në vitin 1961, e nxjerrin nga burgu dhe e internuan në Rrëshen, ku dhe doli në pension me gjysmë page. Në vitin 1981, sëmuret nga sëmundja e kancerit, që dy vjet më pas do ta largonte përgjithmonë nga jeta. Në vitin 1993, Presidenti i Republikës i asaj kohe, Sali Berisha i dha pas vdekjes medaljen “Martir i Demokracisë”.

HISTORIA

Thëniet e saj ishin akuzat e një shpirti të pamposhtur rilindës që sfidonte vdekjen. “Unë s´jam fajtore. S´jam komuniste dhe ky s’mund të quhet faj. Ju fituat në zgjedhje, por në burg nuk duhet të jem…. Unë jam nxënëse e Sami Frashërit. Me mua ju doni të dënoni Rilindjen”. Pas këtyre fjalëve, ajo nuk mund t’i shpëtonte dënimit të sistemit të Enver Hoxhës, edhe pse ky i fundit e njihte mirë familjen intelektuale dhe patriotike të Kokalarëve nga Gjirokastra.

Madje, Hoxha kishte lidhje gjaku me Musinenë, por ai nuk e kurseu as atë, pasi kishte pushkatuar pa gjyq dy vëllezërit e saj, në nëntor të vitit 1944. Sistemi i kaluar kishte dhe një inat tjetër me Musinenë. Fakti që ajo kishte krijuar së bashku me Skënder Muçon, Partinë Socialdemokrate, në vitin 1943, nuk mund të anashkalohej nga sistemi një partiak i Hoxhes. Pas Luftës së Dytë Botërore, kur Shqipëria po vihej nën diktaturë, si kundërveprim i kësaj të fundit u themelua më 6 nëntor të vitit 1946, në Tiranë, grupimi i parë opozitar antikomunist “Bashkimi Demokratik Shqiptar”, një aleancë e Partisë Socialdemokrate, kryesuar nga Musine Kokalari, me Frontin e kokalari3Rezistencës, drejtuar nga Sami Qeribashi dhe me Grupin Monarkist, të drejtuar nga Qenam Dibra.

Musineja u bashkua me disidentët e tjerë të opozitës, e cila sipas ideve të saj, do të ishte ilegale dhe do të luftonte me mjete demokratike për një Shqipëri ndryshe. Ajo nuk mund të pranonte diktaturë, ndaj dhe i shfaqi hapur bindjet politike, por në të njëjtën kohë dhe diktatura nuk mund ta pranonte Musinenë, ndaj e goditi për vdekje. Në hetuesi dhe në gjyq, Musine Kokalari do të depononte: “Mbas Mbledhjes së Mukjes, kam marrë pjesë në Ballin Kombëtar si socialdemokrate dhe kam qenë përgjegjëse e gazetës ‘Zëri i Lirisë’, ku kam botuar artikuj ku flitet për çështjen e Kosovës në bazë të Kartës së Atlantikut. Kriteri për të luftuar ishte jo për qëllimin e përfitimit të disa klikave, por për demokratizimin e vendit”.

DORËSHKRIMI

Në dorëshkrimin “Mbi jetën time”, Musineja shkruan: “Komunistët më varrosën për së gjalli, se nuk iu kërkova falje në gjyq për aktivitetin tim. Dhe pse do të kërkoja falje? Unë s´jam fajtore…”. Në një seancë gjyqi, ndërsa dikush thirri se ajo duhet të dënohej me vdekje në litar, dhe kryetari Frederik Nosi e pyeti se a e dëgjonte atë që kërkonte populli, Musineja me qetësi iu përgjigj: “Nesër këtë do të thonë edhe për ju”. Musineja nuk pranoi avokat. Ajo bëri një apologji të shkëlqyer që jep qartë edhe në qën- Kokalari, një nga gratë më të guximshme shqiptare “Sfidoi regjimin komunist”, ambasada amerikane përkujton Musine Kokalarin.

Dorëshkrimet Nuk u dorëzua kurrë, historia e dhimbshme e jetës së disidentes së burgosur dhe internuar nga diktatura drimin e saj prej politikaneje, demokrate, konseguente dhe e papërlyer. Gjyqi komunist e dënoi me 20 vjet heqje lirie, me humbjen e të gjitha të drejtave civile dhe konfiskim të pasurisë. Pasi kreu 16 vjet nga dënimi i saj, Musinenë e internuan në Rrëshen, ku për 22 vjet punoi në bujqësi dhe ndërtim, si punëtore llaçi, e përgjuar ditë e natë nga Sigurimi i Shtetit. Pas punës, ajo shëtiste vetëm, por dhe shkonte në vendin e saj të preferuar, bibliotekën e qytetit, ku gjente miqtë e saj të vërtetë, librat. E dërmuar nga vuajtjet dhe e raskapitur nga punët e rënda, Musineja u sëmur nga kanceri.

“Ç´fat tragjik, shkruan ajo. Më doli edhe sëmundja kundër. Të paktën të kisha pak qetësi në vitet e fundit të jetës sime”. E shtruar në spitalin onkologjik, ajo shkruan: “Këtu kuptova një gjë. Për mua jo vetëm që nuk interesohen, por kanë qejf të më zvarritin. Dhe vetë kontrollet e këtyre muajve s´kanë gjë tjetër veçse fjalë të kota. Sipas rregullave, unë duhet të isha operuar këtu e gjashtë muaj më parë. Ç´do të ngjasë?”. “Këtu njoha kulturën demokratike, njoha tragjedinë e përmbysjeve të mëdha revolucionare. Njoha një gjyq special.

Njoha 16 vjet burg dhe 22 vjet internim me përplasje andej-këndej. Njoha punën e punëtorit me normë individe,joha punën e krahut me normë kolektive në bujqësi e ndërtim. Njoha vetminë e vetëkërkuar, shoqërinë e rastit në burg dhe gjithë ndryshimet që pasojnë nga ky tërmet i pandërprerë për të konsoliduar diktaturën e proletariatit. Nganjëherë them me vete se nuk fitova gjë që mbeta gjallë. Kam 38 vjet që nuk e di ç´domethënë familje.

Ndoshta do të ishte mirë të kisha mbyllur sytë njëherë e përgjithmonë. Kështu merrnin fund edhe vuajtjet, me gjithë gjendjen tragjike. Kjo do të ishte një gjë shumë e mirë. Nëse vdes, në valixhen e vogël kam disa sende me vlerë etnografike për Muzeun e Gjirokastrës. Ato pak kursime dhe gjithçka tjetër le të hyjnë në fondin e shtypit që duhet të krijohet për punëtorin e krahut, i cili është i domosdoshëm, që të demokratizohet puna e krahut dhe të kultivohet punëtori i thjeshtë”.

Falë ditëve që erdhën u mundësua të thuhet e vërteta për personalitete të tillë si Musine Kokalari. Diktatura e burgosi, e internoi, e vdiq, por nuk e varrosi dot. Ajo i mbeti gjallë popullit dhe atdheut, një dritë e pashuar e kulturës shqiptare. Nga piedestali ku e vendosi koha, ajo vazhdon të thotë: “Besa, shpresa, dashuria, ato pra na lartësojnë. Përçarja dhe marrëzia na poshtërojnë dhe na mjerojnë”.

Ndihmës Sekretari Amerikan vizitë në SPAK, Altin Dumani i tregon ‘malin’ me dokumente! Robinson: Mbështetja e SHBA do vijojë, t’i jepet fund pandëshkueshmërisë

Drejtuesi i Prokurorisë së Posaçme, Altin Dumani, sotnë ambjentet e SPAK, priti Todd D. Robinson, Ndihmës Sekretarin e Departamentit të Shteteve të Bashkuara të Amerikës, Zyrës Ndërkombëtare të Narkotikëve dhe Çështjeve të Zbatimit të Ligjit.

 

Në takim morën pjesë gjithashtu edhe Aida Hajnaj, Drejtori i Byrosë Kombëtare të Hetimit, John C. Kastning, Drejtori i Byrosë Ndërkombëtare të Narkotikëve dhe Çështjeve të Zbatimit të Ligjit, si dhe përfaqësues nga Departamenti i Drejtësisë i Shteteve të Bashkuara të Amerikës (OPDAT).

Gjatë takimit, Dumani, bëri një prezantim të veprimtarisë së Prokurorisë së Posaçme, dhe treguesve të këtij institucioni mbi hetimin e krimit të organizuar dhe korrupsionit, ndërsa zonja Hajnaj u ndal tek funksionimi i Byrosë Kombëtare të Hetimit, dhe procesi i rivlerësimit të hetuesve të kësaj strukture.

Ndër të tjera, Dumani falenderoi zotin Robinson për ndihmën dhe mbështetjen e vazhdueshme që Shtetet e Bashkuara të Amerikës i kanë ofruar SPAK, duke filluar që nga themelimi i kësaj Strukture dhe në vijimësi në procesin e konsolidimit dhe specializimit të saj.  Dumani nënvizoi rolin e rëndësishëm dhe thelbësor që ekspertët e misioneve të asistencës dhe përfaqësuesve të agjencive ligjzbatuese të Shteteve të Bashkuara të Amerikës, kanë luajtur jo vetëm në zhvillimin e SPAK, por dhe në ndihmën e dhënë në bashkëpunimin ndërkombëtar me agjencitë ligjzbatuese partnere.

Nga ana tjetër, Todd D. Robinson, vlerësoi ecurinë e punës dhe arritjet e Prokurorisë së Posaçme, duke theksuar se Qeveria e Shteteve të Bashkuara të Amerikës, riafirmon se mbështetja ndaj SPAK do të vijojë me të njëjtat ritme, me qëllim arritjen e objektivave ligjore të kësaj Strukture, që lidhen me luftën kundër korrupsionit dhe krimit të organizuar, me synimin e konsolidimit të shtetit ligjor dhe dhënies fund të kulturës së pandërshkueshmërisë.

Altin Dumani Dosjet-123 Altin Dumani Dosjet-132 Dosja hetimore-Dumani me ToDD RObins 8-768x576 11-300x225

Shqipja, gjuha e dytë e huaj më e folur në Zvicër

Sipas një studimi të kryer nga Zyra Federale e Statistikave, për herë të parë në Zvicër, më shumë njerëz flasin gjuhën shqipe se atë portugeze.

Për shumë vjet, portugalishtja ka qenë gjuha e huaj e dytë më e folur në Zvicër pas anglishtes. Tani kjo ka ndryshuar. Sipas të dhënave të reja të Zyrës Federale të Statistikave, në vitin 2022 rreth 292 mijë njerëz kanë folur shqipen në Zvicër. Në përqindje, kjo nënkupton se 3.4 për qind e qytetarëve të Zvicrës flasin shqip.

Sa u përket qyteteve, shqipja flitet më së shumti në Zuerich, Winterthur, Basel e St.Gallen. Në vend të tretë, si gjuhë e huaj më e folur është gjuha portugeze, e ndjekur nga spanjishtja dhe serbo-kroatishtja.

Kur bëhet fjalë për gjuhën që flitet në shtëpi, portugalishtja është gjuha e dytë e huaj me 3.6 për qind e popullatës në Zvicër që e flasin në shtëpi, ndërsa shqipja pason me 3.3 për qind.

Gjuha gjermane, franceze dhe italishtja janë gjuhë që zyrtare që fliten më së shumti në Zvicër.

Shqipja, gjuha e dytë e huaj më e folur në Zvicër

Greqia nxjerr qarkore të re, emigrantët shqiptarë do të lejohen të lëvizin me vërtetim të lejes së qëndrimit

Ministria e Mbrojtjes së Qytetarëve të Greqisë ka publikuar në fletoren zyrtare qarkore sipas së cilës emigrantët shqiptarë do të lejohen të kalojnë lirshëm me vërtetimin blu deri në 31 dhjetor 2024.

Kjo qarkore rrëzon atë të mëparshmen, sipas së cilës shqiptarët e Greqisë do të pengoheshin të qarkullonin pas 31 marsit, nëse ishin në pritje të lëshimit apo rinovimit të lejes së qëndrimi.

Siç e theksoi Neës24 dy ditë më parë, ministria e Emigracionit kishte premtuar rrëzimin e qarkores penguese, ndërsa shtyrja e afatit jepet deri në 31 dhjetor 2024 pasi në 1 prill 2024 hyn në fuqi Kodi i Rinovuar i Emigracionit, ku veç reformave të tjera në favor të Emigrantëve parashikohet edhe të mos ketë më leje qëndrimi në pritje për afate kaq të gjata kohore, çfarë përbënin ngërç për një sërë procedurash të përditshme.

Vonesa në lëshimin e lejeve të qëndrimit u theksua shumë gjatë pandemisë dhe ndryshimit të sistemit në atë elektronik menjëherë më pas.

Marrëveshja PS-Rithemelimi, Bakiu në Komisionin e Medias: Bëtë spektakël për 5 muaj në Kuvend, turpi ngelet për ata që kanë bërë këto marrëveshje

Në punimet e sotme të Komisionit të Medias në Kuvend, deputetja e Partisë Demokratike, Merita Bakiu kritikoi marrëveshjen PS-Rithemelimi.

Ajo solli në vëmendje si ‘shfaqje jo të mirë’, përplasjen e pak kohëve më parë kur Rithemelimi bllokonte seancat e komisioneve, kur deputetët Gazment Bardhi dhe Flamur Noka iu ‘hakërryen’ deputeteve të PD-së Flutura Açka dhe Merita Bakiu.

“Më vjen mirë që jemi të gjithë këtu. Këtë kemi kërkuar që në fillim. Këtu u pa që ishte një shfaqje jo e mirë as për publikun dhe as për komisionin, megjithatë ishte detyra e kryetares së Kuvendit që të garantojë ecurinë e punimeve qoftë të komisioneve, qoftë të seancave plenare. Nuk u kërkua asnjëherë ndjesë publiku për atë sjellje“, tha ajo.

Nga ana tjetër, Bakiu shtoi se situata e kaosit deri dje në Kuvend dhe komisione i interesonte edhe mazhorancës pasi kalonte ligje dhe buxhetin në pak minuta pa debate.

“Ne pamë që kjo iu interesoj kjo gjë. Kaluat buxhetin pa asnjë lloj debati. Megjithatë ne si Parti Demokratike u munduam nëpërmjet daljeve tona televizive të bënim denoncimet tona dhe të jepnim alternativën tonë për buxhetin.

Por nuk kishim se ku të shpreheshim. Por tani juve si opozitë dhe atyre që ju mbështesin ju duheshin vota që të ndryshoni kodin, që të bëni ‘kurban’ diçka tjetër, siç është reforma zgjedhore. Megjithatë ia keni arritur”, shtoi Bakiu.

Sa për marrëveshjen mes PS dhe Rithemelimit për ngritjen e dy komisioneve, Bakiu thotë se këto lloj marrëveshjesh prishin demokracinë në vend dhe janë në dëm të shqiptarëve.

“Besoj se kjo është në dëm të demokracisë, kjo që keni bërë me këto lloj marrëveshjesh. Duke bërë spektakle për 5 muajsh në Kuvendin e Shqipërisë dhe në fund arrini që të prishini projekte dhe projekte që ndihmojnë demokracinë në vend, por që nuk ndihmojnë as shqiptarët dhe asgjë tjetër. Këto janë marrëveshjet që janë në dëm të demokratëve, janë në dëm të shqiptarëve dhe turpi le të ngelet për ato që i kanë bërë këto marrëveshje”.

1...1 3201 3211 322...8 319Faqja 1 321 nga 8 319

Kryesore

Continue to the category
Më shumë
© 2024 Rilindja Demokratike Euroatlantike