Rikthehen problemet e AKSHI-t me sistemin e nënshkrimit elektronik.

Të sëmurët kronikë, pensionistët kryesisht, përfshirë edhe ata që duhet të marrin barna me rimbursim u duhet të presin në radhë në mënyrë që mjeku i familjes të lëshojë recetën e barnave të rimbursueshme e cila shkon onlinë në farmaci. Kjo pasi sistemi elektronik i cili administrohet nga AKSHI bllokohet herë pas herë dhe nuk i lejon mjekët të vijojnë procesin duke bërë që qytetarët të rovoltohen. Dhe kjo nuk është herë e parë që ndodh.

Jo vetëm pacientët por edhe mjekët nëpër qendra shëndetësore kanë shprehur këtë shqetësim në vazhdimësi të mos funksionimit të sistemit elektronik i cili shpesh i fut në konflikt me pacientët që duan të marrin në kohë barnat për kurimin e sëmundjeve që kanë por nuk munden duke bërë që shpesh ato barna që duhet t’i marrin falas t’i blejnë me para nga xhepi.

Rasti më i fundit ishte në mesin e muajit shkurt, afro pesë javë më parë ku sistemi i AKSHI-t u bllokua për më shumë se 5 ditë me radhë. Në këtë periudhë nuk funksionoi as sistemi elektronik që lidh farmacitë me Fondin e Detyrueshëm të Kujdesit Shëndetësor i cili rimburson barnat dhe as sistemi që lidh farmacitë me mjekun e familjes i cili nënshkruan recetat e barnave me rimbursim.

Madje burime për Top Channel në atë kohë thanë se as ministrja e Shëndetësisë nuk arrinte të firmoste disa dokumente që kërkonin nënshkrim elektronik.

Por edhe pse bllokimi i sistemit elektronik është problem që përsëritet në asnjë rast AKSHI nuk merr përgjegjësitë e veta. Top Channel ka kontaktuar disa herë burime pranë FSDKSh të cilët pohojnë se ky bllokim i sistemeve elektronike vjen nga AKSHI dhe jo nga zyrat e tyre.

Gjykata e Posaçme kundër Korrupsionit dhe Krimit të Organizuar i ka komunikuar akuzën zyrtarit të Bashkisë së Tiranës, Enton Punaviha.

Ndaj tij, SPAK ka ngritur akuzën e “shkeljes së barazisë në tendera” të kryer në bashkëpunim, e kryer dy herë. Deri më tani, ai ishte jashtë shtetit dhe sot është njohur me masën e sigurisë së detyrimit me paraqitje. Punavija mban detyrën e drejtorit të Drejtorisë së Transportit dhe Trafikut Rrugor.

Hetimet ndaj tij dhe zyrtarëve dhe ish-zyrtarëve të tjerë të Bashkisë lidhen me dosjen 5D, ku dy drejtor, përkatësisht Mariglen Qato dhe Redi Molla kanalizonin tenderat publike për llogari të kësaj kompanie që e zotëronin de fakto.

Sot në mbrëmje, kreu i PD-së, Lulzim Basha, do jetë në një intervistë përballë gazetarit të njohur, Alban Dudushi, në Radio Televizionin Shqiptar.

Basha ka paralajmëruar se do jetë prezent në media dhe sot ai pritet t’i përgjigjet interesit të publikut për disa prej çështjeve të aktualitetit.

Kujtojmë se ditën e sotme, Basha dhe përfaqësues të tjerë të PD-së, kanë qenë mjaft aktiv për të denoncuar pazarin midis Rithemelimit dhe PS, që kulmoi me dakordësinë mes tyre për amnistinë penale, por që do të vijojë edhe me mosndryshimin e Kodit Zgjedhor apo me përpjekjen e tyre për të kontrolluar punën e SPAK-ut dhe të institucioneve të tjera të drejtësisë.

Partia Demokratike e kishte paralajmëruar prej kohësh këtë pazar dhe arsyet se pse bëhej dhe sot duket se gjithçka është bërë e qartë.

Për të gjitha këto, por edhe për vizionin dhe projektin e Lulzim Bashës për ta ndryshuar këtë situatë dhe për ta shndërruar Partinë Demokratike në një alternativë qeverisëse, Basha do të jetë sot në ora 21:00 përballë gazetarit Alban Dudushi në RTSH.

Sekretari për çështjet zgjedhore në PD tha përmes një lidhje “Skype” me studion e MCN Live se ka një marrëveshje mes Rithemelimit dhe PS-së për reformën zgjedhore ku është përcaktuardhe herësi i ri, i cili do të jetë 7 mijë vota.

Duke vijuar më tej, Sefa tha se në pazarin që është bërë listat do të vijojnë të jenë të mbyllura dhe nuk do te ketë votim elektronik në të gjithë Shqipërinë.

Patjetër që ka marrëveshje, kanë vënë herësin e ri, 7 mijë. Do të lënë 12 qarqe dhe do të votojnë ata 12-15 mijë emigrantë me zarf në të njëjtën mënyrë si ka rënë dakord nga një pjesë e deputetëve të Rithemelimit me PS. Është një propozim i një OJQ-je, “Vota për Diasporën”. E kanë zgjidhur ngërçin e reformës. Listat do të jenë të mbyllura, nuk do të ketë votim elektronik në të gjithë Shqipërinë. Do shtohen me dy qarqe.

Indrit Sefa, sekretar për çështjet ligjore në PD tha përmes një lidhje “Skype” me studion e MCN Live se propozimi i Gazment Bardhit për amnistinë penale është ‘mot a mot’ si ai që ka bërë në fillimi ministri Manja.

Më tej, Sefa theksoi se është e gjitha një pazar mes Rithemelimit dhe PS-së për të bërë shfaqjen e radhës dhe se nga kjo marrëveshje do të përfitojnë gjyqtarë, prokurorë dhe drejtorë bashkish të dënuar.

Te neni 5 i amnistisë dhe me amendamentin e Bardhit, pika a e nenit 75/A e kodit të procedurës penale që janë veprat penale, lejohet vetëm pika c që është për funksionarë të lartë.

Të gjithë drejtorët, sekretarët që nuk janë pikë e pikës c të nenit 75/A të kodit të procedurës penale përfitojnë nga ulja e dënimit, 1 vit e gjysmë meshkujt dhe 2 vjet femrat. Varianti i parë i parë i amnistisë i propozuar nga qeveria nuk ka pasur ndarje me pika. Është hile që po bëhet.

Thoni që amnistohen protestuesit! Më gjeni një vendim ku është proceduar një protestues, është proceduar dhe hetuar me nenin 236 paragrafi i parë.

Të gjithë protestuesit që janë në hetim dhe janë dënuar nga gjykata e shkallës së parë apo Apeli janë me 236/2.

Prokuroria i ka proceduar dhe hetuar në bashkëpunim kur janë në bashkëpunim janë në paragrafin e dytë. Propozimi i Bardhit është ‘mot a mot’ si propozimi i Manjës. Ato vepra që propozon Bardhi, paragrafi i parë amnistoheshin dhe në fillin sa kohë thuhej deri në 2 vite dënim.

Asnjë tjetër nuk përfiton nga amnistia. Është për t’i hedhur hi syve, për të bërë shfaqjen e e radhës, për të treguar që i ke zemër protestuesit. I sfidoj të gjejnë një protestues që janë hetuar me 236/ 1.

Mirë që bëjnë pazar, po japin dhe leksione legjislative.

Përfiton kryetari i Gjykatës Kushtetuese që u dënua tani së fundmi. Përfitojnë një sërë gjyqtarësh dhe prokurorësh që janë dënuar me vendime të formës së prerë. Përfitojnë drejtorë të bashkive që janë me vendime të formës së prerë.

Enkelejd Alibeaj, në një komunikim për gazetarët jashtë Kuvendit, është shprehur se nëse votohet sot Amnistia Penale do të ishte një goditje nën brez ndaj SPAK-ut dhe të gjithë aspiratës shqiptare.

Alibeaj u shpreh se tashmë çdo ligj është si rezultat i pazareve të fshehta, ndërsa tha se pret që amendamenti i PD-së jo vetëm të futet të procedurë, por edhe të mbajnë një qëndrim politik që t’i hapen petët lakrorit të hidhur që po u gatuajnë shqiptarëve.

“Sot SPAK është në kulmin e vetë, godet grupet kriminale, korruptive. Sot është momenti më i papërshtatshëm që t’i jepet kjo goditje nën brez SPAK-ut dhe gjithë aspiratës shqiptare.

Ky është testi i mortalitetit ndaj protestuesve dhe drejtësisë së re

Dijenia e vetme është se fati se kanë rënë në një Pazar të errët për të bërë ligje që presin çështjet më të rëndësishme dhe përsa kohë është në anonimat, është e mbyllur pas perdeve asgjë e mirë nuk vjen.

Nuk kam frikë, ndjek procedurat. Jam i vetmi deputet që kam marrë pjesë në Komisionin e Ligjeve. Nuk më bën çudi me këtë shkelje procedurash dhe rregullash. Pres jo vetëm të futet në procedura por të mbajnë një qëndrim politik që ti hapen petët lakrorit të hidhur që po u gatuajnë shqiptarëve”, tha Alibeaj.