Fitim Zekthi, anëtar i Këshillit Kombëtar të PD, e cilësoi veprimin e Gazment Bardhit drejtuar gjykatës së Tiranës për të çregjistruar Lulzim Bashën si kryetar të PD, si të pakuptimtë. Në “Special Report”, Zekthi tha se Bardhi kërkon protagonizëm dhe po përpiqet, për llogari të Berishës, që të dëmtojë opozitën.

“Është një lëvizje absurde. Jeta politike e Bardhit në 1 vit e gjysmë është një absurditet, një lëvizje politike e pakuptimtë ku ai nuk kuptohet se çfarë pozicionesh ka sot, nesër ka pozicione të tjera dhe pasnesër ka të tjera. Dhe brenda kësaj situate, ai ka bërë këtë lëvizje për të çregjistruar emrin e Bashës si kryetar i PD në gjykatën e Tiranës. Bardhi i është drejtuar gjykatës së Tiranës sot sikur të jetë sekretar i përgjithshëm i PD sepse në fakt ai ka menduar, është sjellë dhe ka vepruar deri pak pak muaj si sekretar i përgjithshëm. Ka pretenduar si një i tillë.

Ai mblodhi një këshill kombëtar vjet, u fut në derë, vuri një çelës dhe tha për mbledhje online, duke bërë një gjë të padëgjuar në historinë politike të botës. Dhe me atë këshill kombëtar që mblodhi online tha kam vendosur që të mos lejoj zgjedhjen e Lulzim Bashës si kryetar i PD-së. Ndërkohë që pak muaj më parë Basha dhe të tjerë janë duke pritur vendimin e Apelit, ndërkohë që Bardhi pak muaj më parë ka shkuar në një parti tjetër. Qëllimi është që Bardhi po përpiqet, për llogari të Sali Berishës, që ta çmontojë dhe sakatojë më keq opozitën shqiptare sepse atij dhe Berishës nuk i ka interesuar që të ketë një farë sensi opozitë normale në Shqipëri dhe legjitimitet normal të një institucioni.

E dyta, Bardhi kërkon protagonizëm sepse është në një luftë të shambullt politike me ata që gjeti tek lëvizja e Berishës, me sekretarin e përgjithshëm të Berishës. Dhe kërkon që të fitojë pëlqimin dhe simpatinë e Berishës që të jetë i mirëpritur nga ata që dikur i ka quajtur të paligjshëm, njerëz që kanë vrarë, kanë bërë krime. Bardhi do të duhet të qetësojë në radhë të parë këto lloj pjese të ndërgjegjes së asaj partie.”, tha Zekthi.

Nënkryetari i Partisë Demokratike Roland Bejko, hodhi akuzat në drejtim të grupimit të Gazment Bardhit se në zgjedhjet e 14 majit të vitit të kaluar, ka luajtur lojën e Sali Berishës. I ftuar në emisionin ‘Frontline Interview’ në Report Tv, Bejko tha se Gazment Bardhi do po ashtu që t’i çojë edhe siglën dhe vulën e PD-së te Sali Berisha.

‘Ne donim të përfaqësoheshim në 61 bashki. Por pjesa e bardhit nuk donte. Këto po bënin lojën e Sali Berishës. Vazhdojnë misioni. Kanë bërë marrëveshje me Sali Berishës. Këta kanë dashur të shkojnë te Sali Berisha me trofe. Në bazë të trofeut të kishin është pozicionin në rankimin hierarkik. Ende nuk e ka çuar deri në fund amanetin që të çojë kryetarin siglën dhe të zhbëjë jo thjesht një grumbull njerëzish. Sallat tona janë plot.’- tha Bejko.

I pyetur nga gazetarja Marsela Karapanço në lidhje me nëse po i bëhet presion gjykatës së Apelit për seancën e çështjes së vulës së PD-së, Bejkoi mohoi se ato po i bëjnë presion. Sipas Bejkos ata do të pranojnë vendimin e gjykatës dhe madje kanë sfiduar Rithemelimin të bëhë të njëjtën gjë.

‘Ne jo. Jo vetëm ne por të gjithë demokratë. Dhe ju te medias është midis të gjithëve, thonë po kjo gjykata kaq të vështirë e ka të marrë një vendim. Ne jemi më të urtët në këtë. Ishte në tagrin e nënkryetarit. Pushtete të jenë të ndara. Padiskutim që do ta pranojmë, kemi bërë sfidën që edhe pala tjetër ta pranojë.’- tha Bejko.

Nga ana tjetër Bejko tha se Rithemelimi, po u thotë qytetarëve në bazë se opozita e tyre do të jetë për çlirimin e Sali Berishës.

‘Ju kanë thënë që të qëndrojnë fort dhe gjithë strategjinë që duhet të ketë opozita e tyre të jetë për çlirimin e Sali Berishës. Gjithë hallin e kanë të çlirojnë Sali Berishën.’- tha Bejko.

Bejko po ashtu iu rikthye edhe fushatës parlamentare në zgjedhjet lokale të 14 majit, ku hodhi dyshime për financimin e fushatës së Sali Berishës.

‘Ku i gjeti paratë Sali Berisha. Unë nuk dukesha gjëkundi se nuk e financoja dot. Ku i gjetën këta paratë për ngritjen e skenave gjigande. Këta janë bashkë. Oligarkët janë bashkë. Duan të mos ketë asnjë zë. Duan ta zhdukin PD-në sepse ne përfaqësojmë të ndryshimin e tyre, nëse ata janë oligarkët ne jemi kundër oligarkëve.’- tha Bejko.

Gjykata e Lartë ka vendosur prishjen e vendimit të Gjykatës së Apelit për logon dhe vulën e Partisë Demokratike dhe dërgimin e kësaj çështje për rigjykim në apel me një tjetër trup gjykuese.

Në “Studio Live” në Report Tv Indrit Sefa Sekretari për Çështjet Ligjore në PD tha se kërkon nga Gjykata që të vendosë ta shqyrtojë çështjen sa më shpejtë.

Në intervistën me Arbër Hitajn, Sekretari për Çështjet Ligjore nënvizoi se PD do ta pranojë cilido të jetë vendimi i Gjykatës.

“Shpresoj që brenda muajit të ketë zgjidhje madje i bëj thirrje gjykatës dhe trupit gjykues që të vendosin një datë sa më të shpejtë për shqyrtimin e kësaj çështje. Çdo palë të pranojë vendimmarrjen e gjykatës. Ne do e pranojmë çdo vendimmarrje të gjykatës së apelit. Flas në emrin tim dhe në emër të PD. Çdo palë duhet ta pranojë”, tha Sefa.

“Të marrë një vendim larg influencave politike që e vlerëson që është e drejtë. PD kërkon të shqyrtohet në një kohë sa më të shkurtër”, shtoi ai.

Një formë presioni Sefa e ka cilësuar letrën që Nënkryetari i Kuvendit, Agron Gjekmarkaj i ka dërguar një letër Gjykatës së Apelit.

“Mënyra e formulimit të letrës dhe mënyra si dërgohet kjo letër si nënkryetar i kuvendit. I është drejtuar gjykatës letrën si zëvendës i Lindita Nikollës. Kjo do të thotë se personi që i adresohet gjykatës me këtë letër ka kulturë të pakët juridike, institucionale…”

Ndalur te Reforma Zgjedhore, teksa theksoi se palët nuk i duan listat e hapura, ai u shpreh pro propozimit të Rithemelimit për koalicione parazgjedhore.

“Këta janë akoma në nivelin që kryetari i partisë cakton listën këta janë në listë dhe votohet partia. Këta duan të votohet partia dhe të mos votojnë këta. Këta thonë votoni partinë por përfaqësues të popullit jemi ne.”

“Jemi shumë dakort që të rikthehen koalicionet. Nëse palët bien dakort për të pranuar koalicionet para zgjedhore jemi dakort nuk kemi asnjë kundërshtim. Por me sa shoh listat e hapura janë një imazh i largët. Pra nuk i sulmon PS listat e hapura por Rithemelimi, këta vullnetarë të rinj të Ramës për të thënë që nuk i duam”.

Një koment pati edhe për vendimin e Gjykatës së Tiranës e cila ka shtyrë seancën për shqyrtimin e kërkesës së Gazment Bardhi për çregjistrimin e Lulzim Bashës si kryetar i PD. Ai tha se Bardhi ka bërë mbledhje imagjinare të këshillit kombëtar, ndërsa gjykata sipas tij ende nuk ka marrë vendim nëse Rithemelimi mund të bëjë kërkesë të tillë.

“Procesi ka nisur në 27 korrik me kërkesë të Bardhit. Siç e mbani mend bëri mbledhjen e këshillit imagjinar. Deri më tani gjykata nuk ka marrë një vendim nëse këta munden të bëjnë kërkesa të tilla”.