Gazetarja e Syri Tv, Ambrozia Meta, i ka surprizuar të gjithë kur pas seancës së sotme parlamentare i ka bërë Gazment Bardhit një pyetje retorike “me spec”, duke hedhur insinuata se ai këtu në parlament bën sikur lufton me Edi Ramën dhe mazhorancën, ndërkohë në prapaskenë e gjejnë gjuhën dhe bashkëpunojnë.

Bardhi i kapur gafil jo edhe aq për pyetjen se sa nga fakti që ajo i erdhi nga televizioni në shërbim të Berishës, dha një përgjigje konfuze dhe me fjalë të përgjithshme.

Pyetje: Zoti Bardhi, si ka qenë raporti juaj me mazhorancën në udhëtimet që keni zhvilluar në Bruksel? Pse kur jeni brenda Shqipërisë nuk arrini ta gjeni gjuhën, por jashtë shtetit ju keni arritur mesa duket të merreni vesh me mazhorancën, sepse keni pasur disa foto në rrjetet sociale?

Gazment Bardhi: Së pari, ne nuk kemi udhëtuar me mazhorancën. Kemi qenë të ftuar nga Parlamenti Europian në një aktivitet që zhvillohej në kuadër të programit për liderat e rinj. Një program që nuk vepron vetëm për Shqipërinë, por vepron për të gjithë rajonin. Dhe sigurisht konflikti jonë I brendshëm në Kuvend mes opozitës dhe mazhorancës nuk mund të shtrihet në bojkotin tonë ndaj një ftese të marrë nga Parlamenti Europian. Pra, nuk ka qenë një udhëtim i organizuar nga Parlamenti i Shqipërisë. Ka qenë një ftesë e Parlamentit Europian, me mbështetjen e OSBE-së në Tiranë, ku sigurisht delegacioni do të duhej të ishte I balancuar mazhorancë, opozitë. Unë nuk kam qendruar me asnjë koleg të mazhorancës, kam pasur mjaftueshëm koleg të opozitës me të cilët kam ndarë atë pak kohë.

Ndonëse u përjashtua nga punimet e seancës plenare, me urdhër të kryeparlamentares, Lindita Nikolla, Flamur Noka ka vijuar me skenarin e tij.

Pasi ndezi disa tymuese, ai tentoi dhe t’i vinte flakën disa karrigeve. Në pamjet e siguruara Noka si fillim shfaqet duket folur me Berishën dhe Edi Palokën dhe më pas shkon drejt foltores.

Pasi merr disa letra dhe i ndez, tenton që t’i hedhë ato në drejtim të karrigeve, për t’i vënë flakën. Por ky veprim është penguar nga punonjësit e Gardës.

Për më tepër shihni videon.

Sot në parlament pamë një ngjarje që për mungesës e kohetencës dhe karakterit, as edhe në ëndërr nuk do e imagjinonim dot.

Gazmend Bardhi mbron me pathos Flamurën Nokën nga gardistat në parlament!

Në videon e mëposhtme dëgjohet Bardhi teksa flet me tona të forta mdaj gardistëve në Kuvendn: Mos e prek me dorë, mos e preeek! Po mbron Flamur Nokën i cili vetëm pak muaj më parë e bullizonte, duke e quajtur, Gazka” dhe madje, duke e akuzuar edhe për bashkëpunim me Taulant Balën për vrasjen e Pjerin Xhuvanit në Elbasan gjatë zgjedhjeve 2021.

Kjo dashuri e lindur përmes urrejtjes dhe përçmimit, duket se paska kaluar deri né përmasa vetësakrifikimi.

Rikujtesë:

Një vit më parë akuzat mes çiftit Bardhi-Noka ishin shumë të rënda.

“Ata oligarkë që ti mendon se i sulmon Gaz Bardhi, jam unë dëshmitar që u rrinte mbas dere me dorën shtrirë për të mbushur thesin”, thoshte Noka për Bardhin.

I menjëhershëm erdhi edhe reagimi i Bardhit me një status të gjatë:

Një përgjigje e detyruar për Flamurin e keqpërdorur të opozitës së rreme

Shumë miq më thonë të mos e marr seriozisht Flamur Nokën për shpifjet që shpërndan herë pas here. Por nuk do të hesht më pas serialit të ri të shpifjeve, të nisur ditët e fundit ndaj meje dhe disa kolegëve të tjerë. Ndryshe prej tij, ne nuk kemi ngritur flamurin e opozitarizmit të rremë. Kur denoncojmë korrupsionin dhe paligjshmërinë nuk selektojmë në “tanët” dhe “të tyret”.

E kuptoj që kjo e shqetëson Flamur Nokën, prandaj ka gjetur një shpifje të re ndaj meje, duke më akuzuar se denoncoj oligarkët për t’u vendosur gjoba atyre!!!

Le t’i marrim me radhë dhe e nisim nga denoncimi im i fundit për të cilin grupimi i Flamur Nokës nuk ka hapur gojën akoma.

Kujt i paskam vënë gjobë unë me denoncimin për katet shtesë pa leje në 14 Korrik në parlament? I kam vendosur gjobë Shefqet Kastratit, mikut të Flamur Nokës? Meqë falet çdo javë te lala i Edi Ramës, le ta pyesë a i kam vendosur gjobë!

Nuk habitem që Flamur Noka është shqetësuar nga denoncimi që i kam bërë paligjshmërisë së Kastratit të Edi Ramës me Kullën përballë Partisë Demokratike. Nuk habitem as nga porosia që i kanë dhënë për të shpifur ndaj meje. Nga personi që akuzoi demokratët e Kukësit se ishin të orkestruar nga Edi Rama për protestat kundër traut të Kastratit në Rrugën e Kombit dhe bëri çdo gjë për shuarjen e tyre, mund të presësh gjithçka.

Kujt i paskam vendosur gjobë unë, oligarkut të farmaceutikës pas emrit të të cilit Flamur Noka fsheh vilën e padeklaruar 760 mijë euroshe në Gjirin e Lazit? Meqë edhe atë e takon çdo fundjavë, le ta pyesë a i kam vendosur gjobë ndonjëherë. Dhe kur ta pyesë, Flamur Noka bën mirë të kujtohet sa herë ka ndërhyrë për të që Partia Demokratike të mos e përfshinte në denoncimet për abuzimet me tenderat në shëndetësi.

Kujt i paskam vendosur gjobë unë, mikut tënd trafikant droge, që sa ishe ti ministër i brendshëm mbyti Britaninë me drogë dhe, më pas, vendosi të pastrojë paratë e drogës me pasuri të paluajshme? Meqë rri shpesh për dreka e darka, Flamur Noka mund ta pyesë vetë edhe atë. Dhe meqë jemi në këtë pikë, është një rast për të sjellë ndërmend se me këtë mikun trafikant droge mori në qafë edhe Sali Berishën, duke i veshur damkën për lidhje me përfaqësues të krimit të organizuar.

Në gjithë karrierën politike nuk ka ndodhur kurrë të kem qoftë edhe një kontakt të rastësishëm me ndonjë oligark apo përfaqësues të botës së krimit. Kam hyrë në politikë me besimin tek njerëzit e zakonshëm dhe tek ata do të mbështetem deri në ditën time të fundit në politikë. Prandaj, sot jam njeri i lirë dhe nuk jam peng i askujt, aq më pak i oligarkëve dhe kriminelëve.

Investimi im kryesor është tek dija.

Nuk kam as vila të fshehura, as para të investuara në bizneset e oligarkëve, as licenca për ndërtim hidrocentralesh dhe, mbi të gjitha, nuk jam peng i asnjë financuesi apo krimineli, që ditën punon me Qeverinë, ndërsa natën financon flamurin e opozitarizmit të rremë.

Për Flamur Nokën kam një premtim: sa më shumë të shpifë, aq më shumë të verteta do jem i detyruar të them!