Analisti Ben Andoni komentoi në edicionin e lajmeve në MCN TV draftin e prezantuar nga PS për rregullimin e ligjeve për komisionet parlamentare, ku do të ndryshojë praktika e thirrjes së dëshmitarëve. Për Andonin mazhoranca kërkon të fitojë kohë për t’ia bërë sa më problematike jetën opozitës. Ai thekson se ajo që e prish Parlamentin tonë është qasja e dy palëve ndaj Kuvendit.

Nëse do kishte një lloj serioziteti do merreshin që kur znj.Tabaku e ka përgatitur si draft. Duket se është më shumë nga mazhoranca për të fituar kohë dhe për t’ia bërë problematike jetën opozitën. Në thelb kur e shikon ka një lloj drejtësie, apo qartësie, në sensin që objektivi të jetë më i qartë, koha e të tjerat. Por s’është kjo që po e prish Parlamentin tonë. Parlamentin tonë po e prish qasja e dy palëve kryesore ndaj respektit të Parlamentit. Duket që realisht kjo legjislaturë do që t’ia bëjë jetën sa më të vështirë opozitës, do të mbyllë këtë katrahure legjislative dhe mbi të gjitha një status quo që i shërben më shumë Berishës dhe Ramës për retorikat e tyre respektive. Parlamenti duhet të tregonte në malin me probleme që ka Shqipëria që do vendoste një rregull, jo vetëm që s’e tregon, por me këto gjëra duke bërë make up siç është ky draft i ri, fiton kohë për të shtuar amullinë. Nëse do kishte seriozitet do merrej parasysh drafti i znj.Tabaku, dhe e gjithë problematika për komisionet hetimore do zgjidhej më para, me mirëbesim mes palëve”.

Duke folur mbi pritshmëritë e Kuvendit të PD-së së Rithemelimit që pritet të mbahet nesër, Andoni tha:

S’e kemi të zbardhur axhendën e ditës. Nëse do ketë një lloj rezolute sa i përket qëndrimit me drejtësinë, atëherë shikoj që problemi që lidhet me z.Berisha prevalon mbi çështjet e tjera. Nëse do merret me çështjet statuore, është e drejtë e grupit të Rithemelimit. Por ende s’ka zgjidhur problemet me ligjin që të jetë një parti legale dhe të funksionojë si parti legale. Më duket që nesër është një Kuvend për Kuvend, pasi janë gjasat më të mëdha që të rikonfirmohet z.Berisha. Z.Berisha dhe z.Basha, në të dyja statutet respektive, prapë kërkohet votëbesim, ndërkohë që kur humb zgjedhjet duhet të japësh dorëheqjen automatikisht. E njëjta gjë ndodh në PS. Nuk e di ku shkojnë këto parti?! Demokracia jonë në vend të tregonte caqe të reja, më shumë po bën hapa pas. Duket që do kërkohet një lloj besimi sa i përket aksionit, qoftë edhe mosbindjes civile. Por për këtë të duhet më parë aprovimi i seksioneve në bazë, sa do jenë të përgatitura, apo thjesht do jetë tezë e hedhur atje që ku formacion është i gjallë. Ngërçi i grupit të Rithemelimit e para është legalizimi ligjor. Nuk mund të funksionojë PD nën ombrellën e Partisë e Lirisë. Po minimizohet koha për zgjedhje, na ndan vetëm 1 vit e gjysmë. Po sikur mazhoranca të bëjë zgjedhje të parakohshme, si do veprojë ky grupim?! Nëse s’je parti legale s’mund të bëhesh alternativë për njerëzit”.

Lidhur me çështjen “Beleri”, Andoni beson se Greqia “do detyrohet nga vende të tjera që të jetë më largpamëse”, dhe beson që Athina nuk do shkojë deri te vetoja për Shqipërinë.

Nuk mund të vendosë veton për një vend që ka sakrifikuar aq shumë për integrimit, njerëzit, institucionet, por edhe zyrtarë të ndryshëm, që s’mund t’ua hash hakun. Greqia mund ta zgjidhë shumë mirë në pozicione të tjera këto kufizime ndaj vendit tonë. Por besoj që Greqia do detyrohet nga vende të tjera që të jetë më largpamëse. Duhet të ketë parasysh që nëse do veprojë kështu siç veproi me Maqedoninë e Veriut, do ketë dy vende që s’do ia falin kur të jenë në BE. Greqia gjithmonë ka bërë këtë qasje me vendin tonë. Unë besoj se Greqia s’do shkojë deri te vetoja për Shqipërinë”.

Ish-shefi i antidrogës në Shqipëri, Dritan Zagani, nëpërmjet një videomesazhi në një emision të huaj mbi ‘Krimin e organizuar – Biznes Global’, ka folur mbi trafikun e drogës në vendin tonë, dhe lidhjet e fshehta mes politikanëve shqipatrë dhe trafikantëve.

Marrëveshjet e fshehta mes politikanëve dhe krimit të organizuar

E para sipas Zaganit, është droga që kultivohet në vend, që është kryesisht e llojit marjuhanë, e cila transportohet jashtë kufijve nëpërmjet tokës apo detit, ku drejt Italisë, ai e quajti një rrugë të shpejtë për ta nxjerrë jashtë, me mjete ujore, si motoskafë, që mund të mbajnë disa tonë drogë. Që andej thotë Zagani, kjo ngarkesë është më e lehtë të shpërndahet në vendet e tjera të europës.

Së dyti, Zagani shprehet se Shqipëria tashmë është kthyer në një pikë kyçe edhe për trafikimin e drograve të forta, si heroina apo kokaina. Ai thotë se tashmë trafikantët shqiptarë, jo vetëm kontrollojnë rrugët e trafikut të drogës, por kanë edhe mbështetje nga institucionet shtetërore.

‘Heroina vjen kryesisht nga lindja, nga vendet si Afganistani apo Turqia, që hyn në Europë nëpërmjet vendit tonë. Kjo vjen gjithmonë nga toka, nëpërmjet kamjonëve, siç e diin. Por problemi më i madh është kokaina që vjen nga Amerika e Jugut, e cila është kthyer në një nga burimet e të ardhurave kryesore të trafikantëve shqiptarë. Sot ka trafikantë shqiptarë prezentë në të gjithë europën dhe Amerikën e Jugut, që direkt dhe indirekt, kontrollojnë rrugët e trafikut të drogës, duke përgatitur ngarkesa nëpërmjet anijeve tregëtare, që nisen prej andej për në Europë. Këtë e bëjnë duke i’u dhënë ryshfet njrëzve në europë, por edhe në vendin tonë, që e kanë më të lehtë. Duke pasur parasysh mbështetjen që trafikantët kanë nga institucionet tona shtetëtore, e kanë më të lehtë për të sjellë ngarkesat e drogës, t’i magazinojnë ato në Shqipëri, përpara se ti nisin drejt kontinentit të vjetër. Këta trafikantë jo vetëm që marrin mbështetje, por nuk bien as në konflikt me ligjin shqiptar për këtë veprimtari, sepse korrupsioni nuk egziston më. Ata kanë gjithçka nën kontroll. Ata vendosin se kush do jetë personi përgjegjës për kontrollin e ngarkesës së drogës. Në fund të fundit, është atdheu i tyre, e mund të bëjnë ç’të duan. Ata mund të sjellin ngarkesat pa problem.” shprehet Zagani.

Si ka ndryshuar trafiku i drogës dhe policimi në Shqipëri?

Ish shefi i antidrogës, Dritan Zagani më tej shprehet se krimi i organizuar ka egzistuar gjithmonë në Shqipëri, por më parë thotë ai ka qënë ndryshe, pasi shteti luftonte grupet kriminale, krimin e organizuar dhe trafikantët e drogës, por u jepnin ryshfet njerëzve kur kjo u shërbente qëllimit të tyre, për përkujdesje ndaj aktivitetit të tyre kriminal.

Gjithçka ndryshoi pas vitit 2013 sipas tij, pasi trafikantët filluan të kishin kontroll mbi qeverinë dhe kështu nuk kanë nevojë më për ryshfete, sepse kanë vendosur njerzit e tyre në pikat kyçe.

Ai thotë se pos disa sukseseve ndaj luftës së narkotikëve, bosët apo anëtarët e rëndësishëm asnjëherë nuk përfundojnë të kapur.

“Kështu gjithçka ishte pak më e mbuluar, më e vështirë, dhe forcat e rendit ishin gjithmonë në luftë ndaj trafikantëve të drogës. Kështu ka qenë gjithmonë. Në vend të kësaj, pas vitit 2013 gjërat ndryshuan shumë, sepse trafikantët e drogës tani kishin kontroll mbi qeverinë e vendit tim, ku gjithçka varet nga politika. Prandaj për veprimtarinë e tyre kriminale, trafikantët nuk kanë më nevojë për t’iu drejtuar ryshfetit. Ata vendosin njerzit e tyre në pikat kryesore, në institucionet shtetërore, kështu ata do të mund të kishin liri të bënin si të donin. Kjo është ajo që ka ndryshuar.

Nga ajo që arrita të dalloja, dhe nga informacionet që kam marrë prej punës sime, tani probelmi nuk është më sesi të futet droga në Shqipëri, por sesi ajo të transportohet në Europë. Megjithatë ka një prpagandë të fortë që përcillet nga politikanët shqiptarë, për mënyrën sesi po luftojnë në luftën ndaj drogës. Është e vërtetë që po kryhen një sërë operacionesh dhe një numur i madh rastesh është pasqyruar nga mediat. Megjitahtë në të gjitha këto raste, ose ka një luftë në vazhdim midis trafikantëve të drogës, për të pasur kontroll në një treg sa më të gjerë, ose janë operacione ku asistojnë edhe partnerët tanë evropianë, që vijnë në Shqipëri me dosje të gatshme dhe kryejnë kapjet e tyre. Kështu policia shqiptare nuk ka rrugëzgjidhje. Edhe në këto raste, partnerët europisnë jsnë zhgënjyer për shkak të informacionit, sepse tashmë ai ka shkuar në veshin e trafikantëve. Kështu gjithmonë, pothuaj gjithmonë, bosët e trafikut të drogës dhe anëtarët më të rëndësishëm, i shmangen kapjes.” thotë Zagani.

Sidoqoftë sikur e dini në shtetin tim politika dhe trafikimi i drogës tani janë një. Ata janë në fuqi dhe për mua procesi gjyqësor ka kaluar një sërë pengesash. Sa për tani, jam treguar i bindur deri në dëgjimin nga gjykata e lartë por nuk më kanë dhënë një përgjigje përfundimtare sesi duhet të vazhdoj për më tej me gjykatën europiane për të drejtat e njeriut.Nuk mund të vazhdojë përpara për arsye ekonomike gjithashtu, sepse duhet një gjykatës i mirë, një përfaqësues ligjor i mirë që të mund të udhëheqë gjyqin dhe nuk jam ne gjendje të gjej një të tillë prandaj jam i detyruar që të jetoj i izoluar nga shteti im, unë nuk mund të kthehem në shtëpinë time.

Çfarë është e çuditshme në gjithë këtë është se për çdo gjë që denoncova dhe bëra në punën time, ministri ka shkruar në burg, edhe pse do jetë në arrest shtëpie pas një viti, se ju e dini që kështu funksionon drejtësia për politikanët në shtetin tim.

Çfarë mund të bëj komuniteti internacional për të ndihmuar?

Komuniteti mund të ndihmojë Shqipërinë duke nxjerrë në pah të vërtetën sa më shumë të jetë e mundur. Gjë që është e thjeshtë për t’u bëre kur ke prova, mund të ekspozohet propaganda dhe të largohen këta trafikantë droge që po kontrollojnë shtetin tim sot.” përfundon Zagani./ Hashtag.al

Zjarri i shtatorit të këtij viti në zonën e mbrojtur natyrore të Pishë Porosë, në Fier, ka djegur plotësisht një sipërfaqe pyjore me pisha prej 365, 78 hektarë e cila nuk mund të gjenerohet më në rrugë natyrore.

Agjencia Kombëtare e Zonave të Mbrotjrua në përgjigje të një kërkese për informim të Zërit të Amerikës tha se vlera e dëmit të përllogaritur, sipas akteve ligjore, kap shifrën e 1,2 milionë dollarëve. Sipas Agjencisë zjarri që nisi më 23 shtator dhe vijoi disa ditë përshkoi një sipërfaqe të përgjithshme prej 818.5 hektarë.

Të dhënat për dëmtimet nga zjarri masiv u mblodhën në terren nga një grup përfaqësuesish, jo vetëm të institucioneve, por edhe Fakultetit të Shkencave Pyjore dhe organizatave të shoqërisë civile. Një raport i hartuar prej tyre jep më shumë të dhëna për zonat pyjore të djegura plotësisht, që nuk mund të rigjenerohen dhe duhen të priten dhe zonat ku duhen kryer pastrime të parcelave pyjore.

Pasojat e djegies së masiveve të mëdha pyjore në zonën e mbrojtur natyrore “Pishë Poro –Nartë”, sipas specialistëve pritet të jenë të mëdha për sa i përket erozionit dhe depërtimit të detit në tokë.

Brezi i pishave të buta halore, mbjellë rreth shtatëdhjetë vite më parë, shërbente si mbrojtje dhe dëmet nga zjarri herë pas herë po e degarojnë këtë masë mbrojtëse në pjesën më të madhe të kësaj zone bregdetare. Pamjet me dron të këtyre ditëve në bregdetin e Semanit flasin për sipërfaqet e mëdha pyjore që janë djegur plotësisht dhe nuk kanë më rol mbrojtës si dhe të ujrave të detit që depërtojnë në thellësi të tokës.

Zjarri i shtatorit të këtij viti ishte me pasojat më të mëdha të këtyre viteve të fundit dhe autoritetet prej 10 ditësh nuk arritën të vinin kontroll për shkak të erërave të forta dhe pamundësisë për të depërtuar në brendësi të vatrave të zjarrit

Ministria e Mbrotjes në përgjigje të një kërkese për informim i tha Zërit të Amerikës se 910 forca operacionale dhe 106 mjete u angazhuan në operacion dhe në mbështetje të tyre në terren, operuan nga ajri 2 avionë CANADAIR, të ofruar nga shteti grek në kuadër të aktivizimit të Mekanizmi Europian të Mbrojtjes Civile duke duke kryer 24 hedhje me ujë nga ajri.

Specialistët e mjedisit vlerësojnë se Shqipëria duhet të përmirësojë kapacitetet për menaxhimin e zjarreve pasi bashkitë kanë pak mjete, shumica e tyre të vjetëruara, ndërsa këtë vit emergjencat civile shqiptare nuk kishin asnjë mjet efektiv për ndërhyrjet nga ajri për shuarjen e zjarreve. /VOA

Gjykata e Tiranës ka pranuar kërkesën Prokurorisë për kalimin në gjyq ndaj tre të akuzuarve lidhur me veprimet e paligjshme duke i shkaktuar shtetit një dëm prej 1.2 milion eurosh.

Gjykata pranoi kërkesën e ish-sekretarit të përgjithshëm të ministrisë së Financave Arlind Gjokutajt për ndarjen e çështjes për gjykim të zakonshëm, ndërsa dy të tjerët, përkatësisht përmbaruesi Alban Ruli dhe përfituesin e pronës Ilir Thana kërkuan gjykim të shkurtuar kërkesë e cila u pranua.

Gjykata vendosi të pranojë kërkesën e prokurorisë dhe vetë të pandehurit drejtorit juridik të Ministrisë së Financave Fatmir Hoxha për pushimin e çështjes. Sekretari i përgjithshëm i Ministrisë së Financave, Arlind Gjokutaj është arrestuar me akuzën e shpërdorimit të detyrës, ndërsa iu zëvendësua dy herë masa e sigurisë nga arrest në burg në arrest shtëpie dhe më pas më detyrim paraqitje.

Arrestimet erdhën pas hetimeve ndaj shtetasit Ilir Thana i cili akuzohet për mashtrim, ndërsa për zyrtarët e ministrisë u hetua lidhur veprimet e bëra në kundërshtim me ligjin duke i shkaktuar një dëm ndaj buxhetit të shtetit në shifrën e 1.2 milionë eurove.

Gjykata e Vlorës ka vendosur ditën e sotme ndarjen e çështjes për ngjarjen tragjike të ndodhur në gusht të vitit 2022, ku mbeti e vrarë vogëlushja Joana Avdia nga polici Arjan Tase. Sipas vendimit të gjykatës Arjan Tase shkaktari i tragjedisë do të gjykohet i veçuar nga 8 punonjësit e policisë të cilët akuzohen për shpërdorim detyre.

Në sallën e gjyqit ishte i pranishëm dhe gjyshi i të i ndjerë, Ismet Avdia i cili ka bërë thirrje për që drejtësia të jap dënimin e meritur për autorin.

“Unë jam Ismet Aviaj, gjyshi i Jonadës. Është hera e shtatë, pas këtij kalvarit gjatë arritëm të zhvillonim një seancë gjyqësore. Ndarja kërkohet për të lehtësuar sa më shumë palët të cilët në një koordinim së bashku, se asgjë nuk ka ndodhur rastësisht… ata që akuzohen janë punonjës shteti. Natyrisht që avokatët e tyre kërkojnë masa lehtësuese, e shkon aty ku këta njerëz të shtetit që merrnin rrogë për të siguruar jetën e qytetarëve. Të gjithë ata që ndodhen përreth tij janë përgjegjës ligjor. Unë kërkoj mbështetjen e mediave, pasi nuk bëhet fjalë vetëm për mbesën time Jonadën, që ngjarje të tilla të mos ndodhen më”, u shpreh gjyshi i vogëlushes që humbi jetën nga ngjarja tragjike.

E mitura Jonada Avdia u përplas për vdekje me skaf nga ish polici Arjan Tase një vit më parë, ndërsa po pushonte me familjen në Potam të Himarës. E mitura u përplas në pjesën ballore të gomones dhe ka ndërruar jetë si pasojë e goditjes nga helikat. Vogëlushja ishte me pushime e shoqëruar nga prindërit e saj të cilët jetonin në Angli prej 20 vitesh.