Sekretari Amerikan i Shtetit Antony Blinken ka uruar Shqipërinë për 111-vjetorin e Pavarësisë. Kreu i diplomacisë amerikane e konsideron Shqipërinë aleat dhe partner, teksa thekson se lidhja mes dy vendeve është e qëndrueshme.

Përmes një deklarate për shtyp, ai ka thënë se SHBA është krenare që punon me Shqipërinë si aleate dhe partnere të NATO-s.

Blinken ka falenderuar vendin tonë për mirëpritjen dhe mbështet fuqishëm integrimin e plot në komunitetin euroatlantik dhe në rrugën drejt anëtarësimit BE.

Postimi i plotë:

Në emër të Shteteve të Bashkuara të Amerikës, uroj qeverinë dhe popullin e Shqipërisë për 111-vjetorin e Pavarësisë. Shtetet e Bashkuara janë krenare që punojnë me ju si aleatë dhe partnerë të NATO-s të angazhuar për të forcuar përpjekjet e Shqipërisë për Reformën në Drejtësi, për të çuar më tej bashkëpunimin tonë për sigurinë kibernetike dhe për të vazhduar mbështetjen e palëkundur për Ukrainën përballë luftës së agresionit të Rusisë.

Ne jemi krenarë që shërbejmë përkrah Shqipërisë dhe presim me padurim të punojmë së bashku për të promovuar dhe mbrojtur të drejtat e njeriut në mbarë botën. Lidhja midis kombeve tona, e bazuara në vlera, kulturën dhe miqësinë e përbashkët mbeten të qëndrueshme. Puna jonë e përbashkët le të vazhdojë të përparojë.

NATO ka uruar ditën e sotme Shqipërinë me rastin e Ditës së Flamurit. Aleanca e Atlantikut të Veriut me anë të një postimi në Facebook ka uruar 111-vjetorin e Pavarësisë së Shqipërisë. Në postin e saj, NATO uron Shqipërinë si një aleat që prej 14 vitesh është pjesë e aleancës.

POSTIMI I NATO-s:

“Bashkohuni me ne për të festuar me aleatin tonë”

Kryeministri i Kosovës, Albin Kurti ka uruar nga Vlora ditën e pavarësisë. Pasi ekspozitën e piktorëve vlonjatë, Kurti shqiptarët e kanë të përbashkët historinë dhe ardhmërinë.

“Ishte kënaqësi të ndjekim këtë ekspozitë të kuruar me shumë kujdes e pasion. Me këtë rast, Gëzuar gjithë shqiptarëve 28 nëntorin këtë festë të madhe të flamurit, të lirisë, pavarësisë e të bashkimit për të gjithë shqiptarët në Shqipëri, Kosovë, e mërgatë. Lavdi dëshmorëve, sot është ditë pushimi e ditë feste, cdo ditë tjetër duhet të punojmë për idealet dhe synimet e Skënderbeut nga Kruja, Ismail Qemalit nga Vlora e të Adem Jasharit nga Prekazi.

Ishim për të bërë nderime ne Vlorë, pasdite do të jemi në Kosovë, për homazh në varrezat e Jasharajve. Dje kishim ditën e Ushtrisë së Kosovës, për shkak se gjithë këto aktivitete nuk i mbajmë dot në një ditë, do të vijojmë edhe nesër.”- tha Kurti.

“Nuk është sot dita të flasim për dallimet politike, për polemikat aktuale, sot jemi bashkë. Shqiptarët e kanë të përbashkët historinë dhe ardhmërinë dhe e tashmja mbushet me kuptim në këtë moment.” -tha Kurti.

Deputeti shqiptar në Kuvendin e Serbisë, Shaip Kamberi, ka uruar 111 vjetorin e Pavarësisë së Shqipërisë.

Përmes një reagimi në Facebook, Kamberi është shprehur se këtë ditë më shumë e ndiejnë shqiptarët e Luginës së Preshevës.

Kjo pasi sipas tij, në këtë vend nëse valëvit flamurin shqiptar përballesh me pasoja, pasi është e ndaluar me ligj.

Ai shton se sot është koha që të ngrihet zëri dhe të kërkohet më shumë liri e baraze, që ligje të tilla diskriminuese të mos ekzistojnë më.

Reagimi i Kamberit:

Urime Dita Flamurit,

28 nëntorin, Ditën e Pavarsisë se Shqipërisë më së shumti e ndjejnë shqiptarët e Luginës së Preshevës! Aty ku ende nëse valvitë flamurin shqiptar përballesh me pasoja e ku na është ndaluar me ligj ngitja e tij nuk na ka bërë të dorëzohemi

Jemi shqiptarët e vetëm në shtetet e Ballkanit Perendimor që ende dënohemi për vendosjen e flamurit kombëtar!

Sot, më shumë se kurrë nevojitet që zëri ynë të ngritet e të kërkojmë më shumë liri e barazi, e ligje të tilla diskriminuese të mos ekzistojnë më!

Në këtë ditë ku e gjithë bota shqiptare, e shqiptarët gjithkah nëpër botë festojnë, urime të gjithë atyre e veçanërisht shqiptarëve në Luginë të Preshevës 28 Nëntori, ditën e flamurit kombëtar❤️!

“Për t’i dhënë fund trafikut të drogës, së pari duhet t’i japim fund policisë dhe politikanëve të korruptuar, dhe ka shumë prej tyre”. Kështu është shprehur bosi uruguaian i drogës Sebastian Marset në një intervistë të dhënë nga arratia për gazetaren Patricia Martín, të programit televiziv Santo y Seña në Uruguai.

“Ka vende ku trafiku i drogës është buka e përditshme”, theksoi Marset.

Me videot e tij të publikuara në rrjetet sociale teksa ishte në arrati, bosi uruguaian ka vënë në siklet policinë dhe qeveritë e vendeve të ndryshme. Në korrik ai i mezi i shpëtoi kapjes në Bolivi falë një informacioni nga vetë policia. Dhe muajin e kaluar ministrat e brendshëm dhe të jashtëm të Uruguait duhej të jepnin dorëheqjen për çështjen e një pasaporte ligjore që do ta lejonte atë të largohej nga Dubai në vitin 2021, pasi u ndalua për posedim të dokumenteve false.

Në moshën 32-vjeçare, Marset konsiderohet tashmë “mbreti i rrugës ujore”, kanali i lundrueshëm që përshkon Paraguajin, Uruguain dhe Argjentinën, përgjatë të cilit udhëtojnë tonelata kokainë të fshehura në kontejnerë me drithëra dhe sojë të destinuara për në Evropë. Për të dallohen fletë-arrestet e ndryshme ndërkombëtare për trafik droge, pastrim parash dhe për vrasjen e prokurorit paraguaian Marcelo Pecci.

Por ai e mohon këtë akuzë të fundit: “Unë nuk kam asnjë lidhje me vdekjen e Pecci-t”, i tha ai gazetares Patricia Martín që e intervistoi atë në një vend sekret, me sa duket në Paraguaj.

“Ata bënë një gabim të madh me këtë akuzë, prandaj vendosa të flas”, shtoi ai.