16.5 C
Tirana
E hënë, 23 Qershor, 2025
type here...

PD, Basha me demokratët në Tiranë: Po punojmë për t’i ofruar një alternativë të besueshme shqiptarëve

Kryetari i PD, Lulzim Basha, zhvilloi një takim pasdite me demokratët e degës 10 në Tiranë.
Kreu i PD, foli për situatën politike në vend.

“Zhvillimet e zhurmshme të teatrit politik e kanë bërë edhe më të qartë për ne, se cila është rruga e drejtë për të qenë një model ndryshe, në shërbim të qytetarëve. Për shumë gjatë hallet personale të një grushti politikanësh, kanë marrë përparësi mbi problemet e shumta të shqiptarëve. Kjo duhet të ndryshojë”, – tha kreu demokrat.

Gjatë bisedës, Basha tha se PD po punon për një alternativë të qartë në shërbim të qytetarëve.

“Ne po punojmë çdo ditë për të ndërtuar alternativën tonë, me propozime konkrete për ndryshimet që njerëzit presin, për ta pastruar politikën përmes vetting-ut. Për të hapur garën përmes listave të hapura. Për të fuqizuar pjesëmarrjen dhe përfaqësimin e vëllezërve dhe motrave tona përtej kufijëve, përmes garantimit të votës së diasporës.

Këto janë hapa të rëndësishëm, që ne duhet të hedhim në sinergji me shoqërinë, në bashkëpunim me të gjithë ata që kërkojnë një ndryshim të vërtetë, i cili ka pjesë thelbësore zhbërjen e marrëveshjes së vitit 2008. Kështu do të fuqizojmë qytetarët, duke çliruar sistemin politik dhe atë ekonomik, për t’u dhënë atyre mundësinë të ndërtojnë të ardhmen që meritojnë”, – deklaroi kryetari i PD.

Zëvendësoi Ardi Veliun në krye të AMP, gazetari i nxerr të palarat: Ore thuajini këtij drejtorit që i ka humbur karta e Kazinos në Mal të Zi!

Gazetari Ferdinanda Dervishi ka publikuar një kartë anëtarësie në një kazino në Mal të Zi me emrin e kreut të ri të AMP-së, të prezantuar nga ministri i Brendshëm Talant Balla ditën e sotme.

Kreu i ri i AMP-së, Florian Sulejmani, i cili zëvendësoi Ardi Veliun në krye të këtij institucioni të rëndësisëhm, mesa duket nga foto e publikuar nga gazetari, rezulton të jetë një lojta bixhozi, i anëtarësuar në një prej kazinove malazeze.

Presim për të parë nëse Sulejmani do ta tërheqë kartën e anëtarësisë së kazinosë malazeze, apo do e mohojë se është e tija.

SHËNIM/ Me shokët dhe bashkëpunëtorët e ngushtë në burg, Edi Rama i qan hallin Lulzim Bashës

Pas një mungese të gjatë, gjatë konferencës së sotme me gazetarët, Edi Rama bëri ironi me kreun e PD-së, Lulzim Basha, duke e kërkuar, sepse nuk gjendet gjëkundi.

Ironike është se, ndërkohë që ai bënte këto deklarata, kreu i PD-së, Lulzim Basha, ishte duke zhvilluar një tryezë diskutimesh dhe propozimesh për Reformën Zgjedhore, Vetingun në Politikë dhe Votën e Diasporës, me deputetë të Grupit Parlamentar të PD-së, shoqërinë civile, gazetarë etj.

Madje, një pjesë e gazetarëve që ishin prezent te takimi i Ramës, sapo ishin kthyer nga tryeza e Bashës.

Në kushtet që ndodhet Edi Rama, ku më shumë shokë dhe bashkëpunëtor i ka brenda në burg se sa jashtë, duhet të ketë guxim të madh për të treguar me gisht kundërshtarët politik, të cilët, në dallim nga ai, e inkurajojnë SPAK-un mëngjes e mbrëmje për të vijuar dhe thelluar më tej të gjithë hetimet e dosjeve korruptive të sotme dhe të djeshme.

Shoku i Ilir Beqajt, Arben Ahmetaj, Vangjush Dakos, Lefter Kokës, Saimir Tahirit, Elvis Roshit…, t’i lërë ironitë dhe të marrë përgjegësinë që i takon, sipas rekomandimeve ndërkombëtare, për një reformë elektorale gjithëpërfshirëse, për lista të hapura, veting të politikanëve dhe votën e diasporës.

Deklarata e tij se nuk bashkëpunon me “Non Gratën” është me zemër të thyer dhe buzë të plasur, sepse është vetëm insistimi i partnerëve euro-atlantikë, të cilët edhe ditët e fundit e kanë përsëritur një thirrje të tillë, duke kërkuar rikthim të normalitetit në Kuvendin e Shqipërisë.

Ndërkohë që Ramës i duhet të mbajë ndezur retorikën kundër Lulzim Bashës, sepse, ashtu siç e dinë të gjithë, përballja e vitit 2025 do jetë me të dhe Partinë Demokratike.

Ndaj nga Partia Demokratike dhe Lulzim Basha kërkohet të qëndrojnë të palëkundur në bindjen e tyre për një reformë zgjedhore gjithëpërfshirëse, lista të hapura, Shqipëria një zonë zgjedhore, vetingu në politikë, kontrolli i përvitshëm i politikanëve për lidhje me elemente të papërshtatshme nga bota e krimit dhe vota e diasporës, të cilat janë propozimet konkrete që do pjesa më e madhe e shqiptarëve, që refuzojnë cirkun, tymin dhe flakën, duke mos u bërë pjesë e hipokrizisë së politikës së vjetër që zihet ditën dhe ndan kulla natën.

Basha sulmon Ramën: U shfaq për të mbrojtur korrupsionin që nis nga zyra e tij dhe për t’i bërë presion drejtësisë. Kërkon të mbaj në këmbë marrëveshjen e 2008-ës

I menjëhershëm ka qenë reagimi i kreut të PD-së, Lulzim Basha, pas deklaratës së sotme të Edi Ramës, i cili ironizoi kreun demokrat.

Kreu i PD-së, Basha, thotë se “Edi Rama u shfaq sërish për të mbrojtur korrupsionin që nis nga zyra e tij. Atë që ka bërë me Saimir Tahirin, Vangjush Dakon, Elvis Roshin e dhjetra të tjerë, sot e bëri me Ilir Beqajn. Edi Rama sot u mundua të shantazhojë drejtësinë duke marrë në mbrojtje aferën korruptive të sterilizimit, siç ka bërë edhe me inceneratorët. Një përpjekje e dëshpëruar për t’i bërë presion drejtësisë”.

“Sa i përket Reformës Zgjedhore, – shpreht kreu demokrat, – është tashmë e ditur se Rama është një nga njerëzit më të interesuar që të mos ketë ndryshim të sistemit zgjedhor në Shqipëri, për të mbajtur fort në këmbë marrëveshjen e 2008-ës, që u mohon shqiptarëve të drejtën për të zgjedhur deputetët që duan.

Në fund të reagimit të tij Basha thotë se Rama nuk e ka fshehur dhe nuk e fsheh se kë do në krye të opozitës, këtë e dëshmoi edhe sot.

“Por shqiptarët e kanë të qartë se teatri i Parlamentit është vetëm fasada e interesave të përbashkëta Rama-Berisha.” – përfundon Basha.

“Gjermania në krizë buxhetore”, analiza e DW: Çfarë është në rrezik

Gjykata Kushtetuese Gjermane detyroi qeverinë të heqë 60 miliardë euro nga buxheti. Qeveria shpall vit emergjence, Auron Dodi me pasojat.

A do të paguhen tani rrogat e nëpunësve dhe pensionet? Kjo pyetje u shfaq në medie pas vendimit të qeverisë së kancelarit Olaf Scholz për të bllokuar gjerësisht buxhetin e vendit. Pyetja e ka burimin në paralelizmin me bllokimet e buxhetit në SHBA, ku kundërshtarët politikë bëjnë presion ndaj tjetrit duke mosfirmosur lëvrimin e fondeve.

Në Gjermani pagat e nëpunësve dhe pensionet do të vazhdojnë të paguhen, ato nuk janë në rrezik. Situata e pazakontë është krijuar pas vendimit të Gjykatës Kushtetuese dhe pasi qeveria e kancelarit Scholz e respektoi brenda javës vendimin e Gjykatës prestigjoze gjermane. Gjykata Kushtetuese tha se qeveria e kancelarit Scholz kishte shkelur rregullin kushtetues për borxhet. Sepse kishte transferuar kreditë e caktuara për rikuperimin nga pandemia (2021) në fondin për mbrojtjen e klimës dhe transformimin e ekonomisë, pa argumentim bindës. Bëhet fjalë për një shumë gjigande prej 60 miliardë eurosh.

Gjykatësit thanë edhe se kreditë emergjente, të pakonsumuara, nuk lejohet të ruhen si rezervë e të shfrytëzohen më vonë, siç bëri qeveria. Vendimi i gjykatësve kushtetues ka shkaktuar një krizë buxhetore, me pasoja të mundshme politike. Ai ka tronditur fort barazpeshën e brishtë në radhët e koalicionit të qendrës së majtë ndërmjet socialdemokratëve, të gjelbërve,liberalëvenë Berlin.

Të enjten në mbrëmje ministri i Financave, Christian Lindner, tha se do ta shpallte vitin 2023 një vit emergjence. Me këtë pezullohet rregulli i borxhit dhe shpenzimet fitojnë “bazë të fortë kushtetuese”.

Zgjidhje pragmatike – por e përkohshme

Me këtë hap qeveria mund t’i plotësojë premtimet kryesore të bëra për vitin 2023-2024. Presioni i krijuar, ndër të tjera, nga industria e çelikut, nga Banka Gjermane për Rindërtimin, nga Forcat e Armatosura, të prekura nga shkurtimet e pritshme, është i madh.

Ndaj liberali Lindner vendosi të enjten goditjen e shpejtë çliruese: të mërkurën e ardhshme, qeveria do të paraqesë në Bundestag kërkesën për të pezulluar për të katërtin vit radhaz rregullin e borxheve. Ky rregull i fiksuar në kushtetutë ndalon që deficiti publik të kalojë 0,35% të Produktit të Brendshëm Bruto – me përjashtim të situatave të jashtëzakonshme.

Qeveria pritet të argumentojë se ishte situatë e jashtëzakonshme në fillim të vitit 2023, pasi pasojat e krizës energjetike ishin të dukshme. Me një rezolutë emergjente, do të miratohet një buxhet shtesë për vitin 2023.

Me këtë jo vetëm do të justifikohen juridikisht shpenzimet tashmë të bëra. Por do të paguhen edhe subvencionet e premtuara për ngrohjen, në shumën 18 miliardë euro; industria e çelikut do të marrë 4 miliardë euro, për të prodhuar çelik me teknologji të gjelbër; koncerni i gjysëmpërçuesve Intel në Magdeburg do të marrë 10 miliardë eurot e premtuara e kështu me radhë.

CDU/CSU: koalicioni qeveritar tripartiak nuk di të qeverisë

Marcel Fratzscher, Presidenti i Institutit Gjerman për Kërkimet Ekonomike flet për një gabim “të ndershëm” të qeverisë me rialokimin e fondeve. Mediave ai u tha të premten (24.11.) se gabimi i qeverisë konsiston në përcjelljen e kredive të marra e të pakonsumuara nga fondi për pandeminë në Fondin për Klimën e Transformimin dhe në Fondin për Stabilizimin e Ekonomisë – në vend që të miratonte një buxhet shtesë. Po të kujtojmë megjithatë faktin se me paratë nga fondi i dytë u subvencionua edhe çmimi i ngrohjes së familjeve gjermane, pra njerëzit vuajtën më pak, e gjitha duket më pak dramatike.

Me këtë jo vetëm do të justifikohen juridikisht shpenzimet tashmë të bëra. Por do të paguhen edhe subvencionet e premtuara për ngrohjen, në shumën 18 miliardë euro; industria e çelikut do të marrë 4 miliardë euro, për të prodhuar çelik me teknologji të gjelbër; koncerni i gjysëmpërçuesve Intel në Magdeburg do të marrë 10 miliardë eurot e premtuara e kështu me radhë.

CDU/CSU: koalicioni qeveritar tripartiak nuk di të qeverisë

Marcel Fratzscher, Presidenti i Institutit Gjerman për Kërkimet Ekonomike flet për një gabim “të ndershëm” të qeverisë me rialokimin e fondeve. Mediave ai u tha të premten (24.11.) se gabimi i qeverisë konsiston në përcjelljen e kredive të marra e të pakonsumuara nga fondi për pandeminë në Fondin për Klimën e Transformimin dhe në Fondin për Stabilizimin e Ekonomisë – në vend që të miratonte një buxhet shtesë. Po të kujtojmë megjithatë faktin se me paratë nga fondi i dytë u subvencionua edhe çmimi i ngrohjes së familjeve gjermane, pra njerëzit vuajtën më pak, e gjitha duket më pak dramatike.

Nga ana tjetër, Të Gjelbrit kërkojnë taksat më të larta për më të pasurit, por këtë e kundërshtojnë liberalët.

Ka thirrje për bashkëpunim edhe për CDU-në. Por CDU duket se do ta shtyjë Gjermaninë drejt zgjedhjeve të reja. Ajo thotë se mund ta hedhë në gjyq edhe Fondin për Stabilizimin e Ekonomisë. Prandaj ministri i Financave Lindner e akuzoi opozitën se kërkon ta hedhë në kaos Gjermaninë.

Pas dyerve, njëkohësisht ekspertët po punojnë me vrull për të gjetur zgjidhje./DW

Edi Rama ka opinion, jo ligje për shtetin

Nga Namir Lapardhaja

Edi Rama flet si opinionist, sa herë i duhet të flasë për përfaqësuesit e opozitës, e sidomos sa herë i duhet të përgjigjet për miqtë e tij nën hetim.

Edi Rama gënjen kur thotë se “nuk po e gjen Lulzim Bashën”.

Në fakt, ai sot i shmanget ballafaqimit me Bashën, pasi nuk e gënjen dot më për bashkëpunimin që ai ka me Sali Berishën për të mbajtur në kaos Kuvendin dhe, për pasojë, edhe Shqipërinë.

Dhe është e natyrshme, pasi bizneset e përbashkëta, nuk i lejojnë që ta lëshojnë kaosin, pasi kaosi i mban të dy në garën e dekurajimit të shqiptarëve për të jetuar në këtë vend.

Edi Rama nuk dha asnjë opinion as për Ilir Beqajn, që është nën akuzë e po hetohet.

Madje, ai mbrojti edhe “Sterilizimin”, edhe pse pikërisht ky tender është nën hetim për parregullsi e shkelje të rënda.

Duhet të kesh një hall shumë të madh të mbrosh një tender kaq shumë të kontestuar, me kaq shumë pikëpyetje se si është hartuar, ngritur e funksionuar.

Edi Rama e bërë këtë mbrojtje edhe më parë për bashkëpunëtorët.

Ka mbrojtur Saimir Tahirin. Ka mbrojtur Vangjush Dakon. Ka mbrojtur Lefter Kokën dhe aferën e inceneratorëve dhe ka sulmuar këdo që nxirrte fakte.

La të ikte në qetësi Arben Ahmetajn.

Pra, për Ramën shteti është opinon, madje opinion i tij.

Të tjerët janë haremi i dëshirave të tij!

Kreshnik Spahiu ironizon partitë e vogla të opozitës: Mos krijoni konfederatë me Berishën, por kundra tij

Kreu i Partisë Republikane, Fatmir Mediu ka propozuar krijimin e federatës së opozitës. Në këtë formë të gjitha partitë opozitare do të jenë të bashkuara dhe do të kenë mundësi të rrëzojnë qeverinë.

Juristi Kreshnik Spahiu në një intervistë për Euronews Albania iu bëri thirrje partive opozitare që në federatën e tyre të mos përfshijnë Sali Berishës.

Sipas tij, shpëtimi i Shqipërisë duhet të jetë në krijimin e një opozite të re kundër Ramës, Berishë, Metës.

“Ndiej një keqardhje shumë të madhe që pas 33 vjetësh disa parti opozitare dalin dhe kërkojnë akoma bashkim me Sali Berishën. Unë jam dakord që të gjithë të bashkohen për të rrëzuar establishmentin politik. Ndiej keqardhje që këta e shohin akoma shpëtimin e Shqipërisë tek Berisha. Mendoj se shpëtimi i Shqipërisë duhet të jetë në krijimin e një opozite të re kundër Ramës, Berishë, Metës”, tha Spahiu.

Frika nga trazirat, Eulex nis në veri të Kosovës ekipin e specializuar

Vetëm pak ditë pasi zëdhënësi i BE-së Peter Stano, njoftoi se blloku ndante të njëjtin shqetësim me presidentin ukrainas Volodimir Zelensky, për rrezikun e një shpërthimi të situatës në Ballkan, misioni i Bashkimit Europian për Sundimin e Ligjit në Kosovë, EULEX, njoftoi dërgimin e një ekipi të specializuar prej gjashtë këshilltarë policorë, të cilët do të angazhohen në katër stacionet e Policisë së Kosovës në veri të vendit

EULEX sqaroi se kjo lëvizje synon forcimin e kapacitetit këshillues dhe monitorues të misionit. Qëndrimi i tyre do të jetë fillimisht për dy muaj, me mundësinë që të zgjatet edhe më shumë. “Në mënyrë të veçantë, EULEX-it do ta këshillojë Policinë e Kosovës se si t’i kryejë më mirë aktivitetet e rregullta gjatë parandalimit dhe luftës kundër krimit, si dhe garantimit të sigurisë, duke e monitoruar gjithashtu respektimin e detyrimeve të tyre për të drejtat e njeriut, për t’i shërbyer komuniteteve dhe për të rritur besimin e popullatës”, thuhet në njoftim.

Tre pjesëtarë të ekipit janë nga Holanda, dhe tre të tjerët nga Suedia. Ata përshkruhen si persona me shumë përvojë dhe ekspertizë të vyer policore. Tensionet kanë vazhduar të mbeten të larta në veri të Kosovës që nga fundi i muajit maj, kur protestat e serbëve lokalë kundër kryetarëve të rinj shqiptarë të komunave atje degjeneruan në dhunë, e çuan në plagosjen e dhjetëra personave, përfshirë ushtarë të KFOR-it. Por ato mbërritën kulmin në 24 shtator me sulmin e Banjskës ku mbeti i vrarë një efektiv i policisë së Kosovës, dhe tre agresorë serbë.

Fasonët po shkurtojnë punonjës/ Rënia e euros, zero fitimet! Çdo muaj 9 milionë euro humbje

Pasi dërguan propozimet e tyre në 1 shtator për zgjidhje konkrete që të ndalonin rënien e fortë të eksporteve, sektori fason i është drejtuar sërish me një letër qeverisë për vazhdimin e dialogut mbi një zgjidhje në “ngërçin” ku i ka futur zhvlerësimi i euros.

Sipas tyre, forcimi i pajustifikuar i lekut po bën që 440 ndërmarrje të shkurtojnë deri në 50 punonjës në ditë, ndërsa humbjet llogariten në 9 milionë euro në muaj. Të gjitha fitimet rekord që u shënuan gjatë 2022-it janë zeruar gjatë këtij viti.

“Ky nuk është një moment dëshpërimi, ky është një moment ulëritje për ne. Duhet patjetër të vazhdojë dialogu dhe ne të dëgjohemi për problemet tona. Rënia e eksporteve me 20% do të thotë humbje e markës shqiptare në tregjet e huaja”, tha Florian Zeka nga Shoqata Proeksport Albania.

“Problemi është që këtu nuk po luhet me rregullat e tregut të lirë. Nënçmimi i euros me 16% brenda një viti është diçka që nuk justifikohet nga justifikimet zyrtare. Ne nuk kërkojmë lëmosh, por duam që fillimisht të kemi akses më të lehtë te bankat e nivelit të dytë, duam që të automatizojmë proceset tona dhe të bëhemi realisht manifakturë, jo thjesht shërbyes të vendeve të huaja. Nëse nuk gjendet një zgjidhje, sipërmarrësit shumë shpejt do ulin qepenat dhe kjo do ketë një impakt të rëndë social”, deklaroi Edvin Prençe nga Shoqata Proeksport Albania.

Sektori fason përbën 40% të eksporteve “Made in Albania”, grupi më i madh në vlerë. Qeveria deri më tani për bizneset eksportuese ka garantuar shtyrjen e kësteve të tatim-fitimit, si dhe ka përshpejtuar procesin e rimbursimit të TVSH-së për ta.

Banka e Shqipërisë nga krahu tjetër ka premtuar ndihmë për mbrojtjen e kursit të këmbimit në kontratat e ardhshme. Por, masat janë konsideruar sporadike dhe nuk po ndihmojnë situatën ku ata ndodhen.

Emrat/ Të shtënat me armë në Peqin, i pranishëm në konflikt edhe kryetari i bashkisë

Të shtëna me armë zjarri janë regjistruar mesditën e sotme në qytetin e Peqinit. Burime për mediat bëjnë me dije se shtetasit Leonard Elezi dhe Adriatik Ceka janë konfliktuar me njëri-tjetrin dhe në momentin e të shtënave i pranishëm ka qenë dhe kreu i bashkisë së Peqinit, Bukurosh Maçi.

Sipas të dhënave paraprake kryebashkiaku ka debatuar me Adriatik Cekën, 40-vjeçarin që ka qëlluar disa herë me armë zjarri në ajër.

Në reagimin për ngjarjen, uniformat blu sqarojnë se është vënë në kërkim të Leonard Elezit dhe Adriatik Cekës.

Njoftimi i policisë 

“Rreth orës 13:30, në lagjen “Xhami”, dyshohet se gjatë një konflikti për motive të dobëta, ndërmjet shtetasve L. E., 50 vjeç dhe A. C., 40 vjeç, dyshohet se ky i fundit ka qëlluar me armë zjarri, në ajër. Nga të shtënat nuk ka shtetas të dëmtuar.

Menjëherë pas njoftimit, shërbimet e Policisë kanë shkuar në vendngjarje dhe vijojnë krehjen e zonës, me qëllim kapjen e shtetasve L. E. dhe A. C. Ndërkaq, grupi hetimor po punon për sqarimin e rrethanave të rastit”, njofton policia.

Sa i përket Adriatik Cekës, ai rezulton të ketë precedentë të mëparshëm penal.

1...1 7721 7731 774...8 382Faqja 1 773 nga 8 382

Kryesore

Continue to the category
Më shumë
© 2024 Rilindja Demokratike Euroatlantike