Pamjet kaotike, të shkaktuara nga deputëtët e Rithemelimit, gjatë seancave të fundit, në Kuvendin e Shqipërisë, kanë bërë xhiron e botës në të gjitha mediat ndërkombëtare, duke shkaktuar debat dhe polemika të shumta për të “zbërthyer” qëllimin e atij lloj aksioni opozitar.

Për të sjellë një këndvështrim mbi këto zhvillime, i ftuar në “Sot Shqipëria Live” me Nertil Agalliun në Report Tv, ishte pedagogu dhe analisti, Namir Lapardhaja.

Lapardhaja tha se këto skena në Kuvendin e Shiqpërisë pasqyrojnë situatën reale në të cilën ndodhet Rithemelimi dhe se prioritet të veprimtarisë së tyre politike kanë mbajtjen larg të drejtësisë.

“Tymi dhe flaka në Kuvendin e Shqipërisë në fakt, fsheh atë që ka rënë si flakë dhe si bombë në kampin e Rithemelimit. Kemi dy vite që e kemi përmendur dhe thënë që e gjithë kjo betejë në kampin opozitar, nuk bëhet për opozitën dhe kampin opozitar, bëhet për të mbajtur sa më larg drejtësinë, sa më larg SPAK-un dhe gjykatën. Nuk mund të themi që deri tani nuk ia kanë dalë disi, por vendosmëria e SPAK-ut për t’i shkuar deri në fund është për t’u përshëndetur dhe admiruar pavarësisht flakës dhe tymit që kanë vendosur të bëjnë një grup deputetësh në Kuvendin e Shqipërisë, prokurorët e SPAK-ut i kanë veshët me “dyllë” në këtë drejtim, kështu që puna e tyre vazhdon”- deklaroi Lapardhaja.

Ndër të tjera, analisti nënvizoi se Rithemelimi dhe deputetët e saj, po përdoren si një mashë nga kreu i tyre, ish kryeministri Sali Berisha, për t’u mbrojtur nga drejtësia. Ai thekson se pavarësisht kësaj, SPAK-u dhe drejtësia në tërësi, është më e fuqishme dhe e pavarur sot përballë politikës.

“I duhet selia, i duhet partia, i duhen deputetët, i duhet grupi parlamentar, i duhet për të marrë peshën kryesore të opozitës pikërisht për këtë ditë. Nuk ia ka dalë dot pra, pavarësisht se i bëri të gjitha këto, nuk ia ka dalë dot. Sigurisht e ka ngadalësuar punën e prokurorisë dhe gjykatës, por kam bindjen e plotë se asnjë politikan në Shqipëri, qoftë Berisha, qoftë Meta, qoftë Rama, nuk do të arrijnë dot që ta zmbrapsin SPAK-un, ta trembin, ta intimidojnë pavarësisht akuzave,”– u shpreh ai.

Lapardhaja e cilësoi paradoksale dhe hipokrite sjelljën e deputetëve demokratë që janë nën “udhëheqjen” e deputetit Gazment Bardhi. Pedagogu sqaron se qëndrimi i tyre publik nuk është konstant, pasi nga njëra anë shprehen si mbështetës së drejtësisë dhe ana tjetër “shndërrohen në truprojën e Sali Berishës”.

“Deputetët që drejton Gazment Bardhi tani nuk kanë asnjë ndryshim nga Sali Berisha, ata kanë vajtur nën sqetullën e Sali Berishës, pavarësisht se ata mund të dalin në televizor dhe të thonë që ne e mbështesim SPAK-un dhe e mbështesim drejtësinë dhe e inkurajojnë atë.

Nuk mund të mbështesësh drejtësinë nga njëra anë dhe ana tjetër të shndërrohesh në truprojën e Sali Berishës në parlament kundër gardistëve. Nuk mund të mbështesësh nga njëra anë sistemin e drejtësisë dhe nga ana tjetër të ulesh me atë njeri që e intimidon gjykatën që ka çështjen e tij dhe të familjes së tij nga mëngjesi deri në mbrëmje. Pra ka një paradoks të madh”,- tha Lapardhaja.

Gazetari Artan Hoxha ka qenë i ftuar në emisionin “Të Paekspozuarit” në MCN TV, ku u diskutua për aksionin e fundit të SPAK, ku ra në pranga edhe Erzen Breçani.

Hoxha tha se Berisha nuk po flet për këtë çështje, ndryshe nga sa bëri me “Metamorfoza 1”, për shkak se i druhet një goditje të drejtësisë ndaj një personi shumë pranë tij.

Hoxha përmendi gjithashtu një kullë dhjetëra milionë euro, e cila po ndërtohet tek zona e njohur si ish Ekspozita, ku sipas gazetarit po investohen paratë e narkotrafikut.

“Nëpërmjet personazheve është kërkuar mbështetje politike në fushatë elektorale. Është rastësi apo e qëllimshme? Nëse në grupin e parë që u kap, Berisha fliste çdo ditë, këtë rradhë, goditja është nga këta që kanë mbështetur fushatën e opozitës.

Vijmë te paratë. Është skemë interesante. Janë personazhe që kanë shfrytëzuar të gjithë rrugët, nga paratë kesh, por edhe nëpërmjet bankave. Nëse e ke vënë re, Berisha flet çdo ditë për operacionin e parë të SPAK-ut për çështjen Metamorfoza, por nuk përmend këtë të dytin. Nuk e ka përdorur as pro dhe as kundër.

Ai ka nuhatur që ky operacion mund të godasë njerëz shumë të afërt të tij.

Lidhet me investimet nga paratë e narkotrafikut në një kompleks shumë luksoz, që shkon te 75 milionë euro. Aty diskutohen… Është kullë me arkitekturë shumë interesante, nga ato me pemë si në Milano, arkitekturë futuriste…. Ka patur problem në fillim për zbatuesit, por pallati është në karabina. Bëhet fjalë në krahun e djathtë të rrjedhës së Lanës, te ish ekspozita. Berisha nuk po e përdor politikisht këtë histori.

Anëtarja e kryesisë së Partisë Demokratike, Taulanda Jupi, në vazhdën e takimeve me gra dhe vajza demokrate, është ndalur në qytetin e Beratit.

“Sa më shumë gra e vajza në përfaqësimin tonë politikë, për t’i shërbyer një projekti të ri që Partia Demokratike do të përbrendësojë në alternativën e saj.” – shkruan Jupi në një postim në rrjetin social facebook.

Më poshtë i plotë reagimi i zonjës Jupi: 

“Faleminderit me zemër!

Të mirat zonja të Beratit, si ky qytet që di të hapë dyert e veta shekullore ndaj gjithkujt, më hapën sot zemrën dhe folëm gjatë e shtruar.

Gratë dhe vajzat demokrate kanë vullnetin dhe vetëdijen se ashtu si çdo strukturë tjetër e partisë duhet të rikonceptojë marrdhënien me qytetarët shqiptarë në një dialog të hapur dhe të sinqertë, ashtu edhe organizata e gruas duhet të shndërrohet në një forum të hapur e komunikues me gratë dhe vajzat, pjesën më vitale të shoqërisë sonë.

Sa më shumë gra e vajza në përfaqësimin tonë politikë, për t’i shërbyer një projekti të ri që Partia Demokratike do të përbrendësojë në alternativën e saj.

Në foto së bashku me kryetaren e Degës së Beratit Florenca Meco , nënkryetaret Liljana Bica  e Monika Qosja dhe zonja të nderuara qëndrestare dhe  kontributore të Partisë Demokratike.”

Përfaqësuesi i Lëvizjes “Diaspora për Shqipërinë e Lirë” për Kanadanë, Nador Bakalli, përmes një komunikimi të drejtpërdrejtë në studion e News24 ka komentuar samitin e Diasporës të mbajtur në Shqipëri së fundmi.

Duke iu kthyer fjalëve të kryeministrit Rama në samitin e parë të Diasporës, Bakalli u shpreh se 4 vite më vonë nuk është bërë asgjë për votën e shqiptarëve të Diasporës.

Sipas tij edhe në samitin e fundit që u mbajt në Tiranë, të cilin ai e quajti “samit propagande”, u thanë të njëjtat premtime, që sipas tij janë “thjesht për të shpëlarë gojën”.

Ai shtoi se samiti dhe pozitat e Shqipërisë sot në aspektin turistik nuk mund të përmenden si suksese të qeverisë në një kohë kur ende ka shqiptarë që largohen nga vendime gomone.

“I kthehem fjalëve të Ramës në këto samite që thoshte se vota e diasporës do të bëhet, por ja ku jemi sot, 4 vite nga samiti i parë dhe nuk ka asnjë hap para drejt kësaj rruge. Edhe te ky samit dëgjova të njëjtat premtime, por janë thjesht për të shpëlarë gojën.

Nuk shoh asnjë ndryshim mes këtij samiti dhe të tjerëve. E shoh si një demagogji të kryeministrit. Ne që vijmë nga diaspora numërohemi si turistë të huaj që përmend zotëria. Të përmendësh samitin dhe faktin ku ndodhet Shqipëria sot, ky nuk është sukses i qeverisë dhe as mund të konsiderohet sukës kur ka ende njerëz që ikin me gomone.

Nuk janë vetëm remitancat ato që ndihmojnë vendin, por që kjo të ndodhë duhen produkte substanciale dhe jo samite propagande me butafori, këngë e valle dhe trajta folklorike dhe jo substanciale”, u shpreh ai mes të tjerash.

Parregullsitë e gjetura me fondet e Bashkimit Europian (BE) për bujqësinë në Shqipëri, të dhëna nga programet IPARD, përbëjnë një shumë prej 33,5 milionë eurosh, rreth 3 herë më e lartë se shuma prej 13 milionë euro që nuk është përdorur në mënyrë të rregullt nga 6 shtete të tjera në Ballkan të tilla si Turqia, Maqedonia e Veriut, Serbia, Mali i zi, Bullgari dhe Rumania.

Të dhënat janë raportuar nga Komisioni Europian (KE), i cili jep një vlerësim statistikor të parregullsive të raportuara me fondet për vitin 2022.

Shuma totale e parregullsive e gjetur në 7 shtete të Ballkanit Perëndimor është rreth 47 milionë euro, nga të cilat 71% i takojnë Shqipërisë dhe 29 % për 6 vende te tjera.

Ironia qëndron tek fakti se jo vetëm nuk mban askush përgjegjësi për këtë, por përkundrazi abuzuesit presin të përfitojnë këtë vit edhe ‘rritje pagash’.

Dokumenti i KE tregon se nga viti 2021 deri në vitin 2022, numri i parregullsive me fondet e BE-së pësoi rritje të jashtëzakonshme, ku në Shqipërisë.

Vendet e tjera me numrin më të lartë të rasteve me parregullsi e mbanin Turqia dhe Maqedonia e Veriut, por në vlerë shumë më të ulët se në Shqipëri.

Në Turqi u gjetën 208 raste të parregullta kryesisht me vlerë më pak se 10 mijë euro, duke bërë që shuma e konsideruar e parregullt në rastin e Turqisë mos të jetë më shumë se 7.9 milionë euro. Në Maqedoninë e Veriut fondet e IPARD të gjetura në parregullsi janë rreth 3.2 milionë euro që u takojnë 155 rasteve.

Shqipëria sipas raportit nuk ka përdorur shuma për projekte të mëdha, ku edhe janë gjetur 54 raste të parregullta, që përbëjnë një shumë prej 33.5 milionë eurosh 98 për qind e së cilës ishte vetëm në vitin 2022.

Për shkak të parregullsive dhe skemave mashtruese BE ka bllokuar fondet e IPARD për Shqipërinë, duke i dhënë një goditje të lartë sektorit, i cili veç të tjerash vuan edhe nga mungesa e financimeve të brendshme. Në të gjithë rajonin, fondet e IPARD shënuan rritje të disbursimeve pas pandemisë. Shqipëria do të përfitonte nga viti 2023 deri më 2027 rreth 94 milionë euro.

Shqipëria dhe Serbia ishin përfituesit më të mëdhenj nga programi IPARD, por pas hetimit dhe parregullsive të konstatuara, BE ka bllokuar fondet për Shqipërinë për një kohë të pacaktuar.

Ndryshimi i menjëherëshëm i temperatuarave ka shtuar pacientët në qendrat shëndetësore në Tiranë.  Dominuese janë infeksionet  e rrugëve të frymëmarrjes që shkojnë deri në  bronkite.  Ata që po preken janë kryesisht fëmijë nga mosha një deri në shtatë vjec të cilët po shfaqin  temperaturë të lartë që zgjat dhe  më shumë se katër ditë.

“Në këtë moment po dominojnë infeksione të rrugëve të sipërme respiratore, tonsilitet që shoqërohen me temp  39- 39 e gjysmë për 3- 4 ditë ose më shumë infeksionet e rrugëve të poshtme respiratore, nisën menjëherë më ndryshimin e temperaturës,  kemi ftohje të zakonshme ose nazofaringite dhe bronkite plot raste”

Infeksioni përhapet shpejt  ndërsa  shenjat sipas pediatërve mund të shfaqen nga 24 deri në 72 orë.   Mjekët  i bëjnë thirrje prindërve të mos i vetëmjekojnë fëmijët, por të kërkojnë ndihmën e tyre.

“Nga momenti marrjes së një virusi deri ne shfaqen e klinikes shkojnë nga 24 deri në 72 orë.  Fillmisht klinika është e vrullshme, nis me një temperaturë 39 – 40. Kjo është ajo që i tremb prindërit megjithatë unë do ti këshillojë që kjo temperaturë fëmija nuk duhet të mbahet në banesë, por duhet të ccohet tek një mjek.  Infeksioni i njërit mund të kalojë shumë lehtë te tjetri qoftë viral apo bakterial se sicc e dimë fëmijët sado  ti porosisim mos lozni me lodrat e njëri –tjetrit  përsëri do të lozin e do të prekin”

Bashkë me apelin  drejtuar prindërve për të mos i dërguar fëmijët në  ccerdhe dhe kopshte mjekët  kanë një mesazh dhe për punëdhënësin.

” Prindërve nuk iu paguhet raporti, nuk e duan, ky është problemi qe ne kemi, megjithëse ne i themi  mos i cco  fëmijët në kopshte, ccerdhe dhe shkollë ato do ti ccojnë se nuk kanë ku ta lene”

Shmangia e vendeve me shumë njerëz dhe shtimi i higjenës personale do të mund të evitonte  përhapjen e  virozave në qarkullim.