Kreu i PD-së, Lulzim Basha, është ndalur në një bashkëbisedim me të rinjtë në qytetin e Gramshit.

“Në skenën politike ku premtimet janë të shumta, – është shprehur Basha, – detyra themelore e opozitës është të qëndrojë aleate vigjilente e qytetarëve. Ndërsa qeveria shpalos miratimin e një buxheti të lartë, aspekti kritik qëndron tek shpërndarja me zgjuarsi e fondeve.”

“Gjëja e parë që na takon ne si demokratë, është të kemi një ndjesë të thellë për gjithçka që s’kemi bërë apo që kemi bërë keq në raport me fermerët, në rport me pronarët, në raport me të përndjekurit, në raport me rininë, në raport me sipërmarrjen. Kemi bërë shumë gabime, kemi bërë dhe faje që sigurisht kemi bërë dhe të mira. Se unë s’jam nihilist, nuk jam nga ata që mohon gjithçka për hir të interesave të momentit. Por ama gjërat duhet t’i shikojmë ashtu siç janë, pa i shtrembëruar, pa i nxirrë por edhe pa i zbardhur, në mënyrë që të nxjerrim mësime dhe mos të përsërisim më gabime.” – ka thënë kreu I PD-së, Lulzim Basha.

Basha është ndalur në një krahasim me fermerët në Kosovë, ku ka thënë se: “Pse e mban kokën lartë fermeri i Kosovës, ndëkohë që ju nuk dini ku ta fusni kokën? Sepse merr subvencione. Sepse ka fabrikë patatinash, sepse ka kantin vere, pra ka shtetin në krahun e vet. Shtetit i paguan taksat, por ama dhe shteti ta kthen duke të mbështetur me subvencione, me infrastrukturë dhe duke i garantuar aksesin në treg. Kaq ka në dorë shteti, të garantojë aksesin në treg.”

“A mundet ta bëjë dhe Shqipëria këtë? – pyet Basha. – Sigurisht që mundet. Dhe këtu është paradoksi. Kur ti thua që kam buxhetin më të madh bë histori, 7 miliardë euro, si nuk gjen ti para për t’i dhënë subvencione fermerëve? Pse nuk gjen ti para për të investuar në rrugët e fshatrave, ujitjen, kullimin, magazinimin, aksesin në treg. Ça të mire, çfarë dobie sjell buxheti më i madh në histori në qoftë se ti nuk arrin dot të ndihmosh 1 në 3 shqiptarë që ropatet në bujqësi dhe në blegtori?”

Kreu i PD-së është ndalur edhe në buxhetin e qeverisë, ku ka thënë: “Ky buxhet është për 9 vetat që e konsiderojnë veten pronarë të Shqipërisë. Tre politikanë, tre oligarkë, tre pronarë mediash. Ti në qoftë se thua buxheti më i madh dhe i bën të gjithë degët koncesione, e PPP, e favore të miqve të tu, ky nuk është buxheti i shqiptarëve. Taksat ia merr shqiptarëve, por nuk ia kthen si shërbime.”

“Ndaj gjëja eparë është t’i shohim gjërat ashtu siç janë. Mos të pranojmë më telenovela dhe propagandën me të cilën ushqehen nga mëngjesi deri në darkë njerëzit përmes ekraneve të televizioneve.” – ka përfunduar kreu i PD-së,Basha.

Në një deklaratë për mediat, zëdhënësja e Partisë Demokratike, Mirela Karabina, shprehet se prej dy vitesh Sali Berisha vijon me të njëjtin avaz, duke shpifur e duke mashtruar, me shpresën se dikush do ta dëgjojë.

“Sa më i madh halli i tij, më e pabesueshme gënjeshtra e tij. Halli i Sali Berishës sot është drejtësia, hall të cilit kërkon t’i fshihet me mashtrime.” – shprehet Karabina.

“Sali Berisha dhe Edi Rama me marrëveshjet e tyre, përfshirë edhe ato të ditëve të fundit, nuk do ta mbajnë dot peng, as drejtësinë e as Shqipërinë. Koha, kur ditën bëjnë sikur zihen e natën mbyllin pazaret, ka marrë fund!” – përfundon zëdhënësja e Partisë Demokratike, Mirela Karabina.

REAGIM I ZËDHËNËSES SË PARTISË DEMOKRATIKE,  MIRELA KARABINA 

Sali Berisha vazhdon të vijë vërdallë me të njëjtin avaz, shpif e mashtro me shpresën se dikush do t’ia zgjidhë hallin e tij.

Ka dy vite që atë që thotë sot e përgenjeshtron nesër, dhe as nuk skuqet e as nuk zverdhet, në fund të fundit ai nuk ka më turp.

Sa më i madh halli i tij, më e pabesueshme gënjeshtra e tij.

Halli i Sali Berishës sot është drejtësia, hall të cilit kërkon t’i fshihet me mashtrime.

Sali Berisha bën mirë të mos fshihet e të mos vazhdojë t’i përdorë demokratët si mburojën e halleve të tij, por të dalë para drejtësisë e të provojë pafajësinë.

Në këto dy vite duhet ta kishte mësuar se as shpifjet, as mashtrimet, as paratë e krimit dhe korrupsionit me të cilat paguan tallavanë e tij nëpër Shqipëri, media e analistë, dhe as marrëvedhjet e aleancat me Edi Ramën nuk ia zgjidhën hallin e non gratës me SHBA-në dhe Britanin e Madhe.
Dhe, nuk do të mund t”ia zgjidhin hallin me drejtësinë.

Sali Berisha dhe Edi Rama me marrëveshjet e tyre, përfshirë edhe ato të ditëve të fundit, nuk do ta mbajnë dot peng, as drejtësinë e as Shqipërinë.
Koha, kur ditën bëjnë sikur zihen e natën mbyllin pazaret, ka marrë fund!

Ndonëse kanë kaluar shumë ditë nga bërja publike e marrëveshjes Rama-Meloni për kampin e emigrantëve në Shëngjin dhe në Gjadër, vetëm sot kanë mundur të reagojnë njëkohësisht, në dy dalje të ndryshme, Sali Berisha dhe Gazment Bardhi, të cilët kanë thënë se këtë çështje do ta çojnë për interpretim në Gjykatën Kushtetuese.

Këto dy deklarata i ka ironizuar në një shkrim në rrjetin e tij facebook, gazetari Namir Lapardhaja, i cili i ka kërkuar të bëjnë të njëjtën gjë edhe për Komisionet Parlamentare, gjë që do të shmangte cirkun e përjavshëm dhe do të mundësonte funksionimin normal të Parlamentit.

“Revolucionarët e dështuar dhe të vonuar do ta çojnë në Gjykatë Kushtetuese marrëveshjen Rama-Meloni?! Po Gjykata Kushtetuese sikur është e Edi Ramës?!” – ironizon Lapardhaja.

Më tej ai shprehet:“Pse nuk çoni në Gjykatë Kushtetuese edhe çështjen e ngritjes së Komisioneve Hetimore dhe të mos e shndërroni Parlamentin në cirk çdo javë?”

“Po e tregoni çdo ditë që jeni pengje të veprimeve tuaja të gabuara. Herë shndërroheni në pengje të Edi Ramës, herë në pengje të shantazheve që ju bëhen, nga jashtë e brenda.” – përfundon ai.

Shkrimi i plotë i Namir Lapardhasë:

Revolucionarët e dështuar dhe të vonuar do ta çojnë në Gjykatë Kushtetuese marrëveshjen Rama-Meloni?!

Po Gjykata Kushtetuese sikur është e Edi Ramës?!

Pse nuk çoni në Gjykatë Kushtetuese edhe çështjen e ngritjes së Komisioneve Hetimore dhe të mos e shndërroni Parlamentin në cirk çdo javë?

Pse nuk respektoni Gjykatën dhe Prokurorinë kur bëhet fjalë për veten tuaj dhe kërkoni prej tyre të interpretojnë, hetojnë dhe gjykojnë “kundërshtarët” tuaj?

Dhe e fundit në radhë, por jo nga rëndësia, boll e kopjuat Lul Pengun, siç e quani ju, sepse është i pari ai që më 7 nëntor kërkoi interpelancë urgjente me Edi Ramën për këtë marrëveshje dhe tha se do t’i drejtohej Gjykatës Kushtetuese për interpretim të ligjshmërisë.

Jeni vonë për Gjykatën Kushtetuese, 16 ditë me vonesë!

Po e tregoni çdo ditë që jeni pengje të veprimeve tuaja të gabuara. 

Herë shndërroheni në pengje të Edi Ramës, herë në pengje të shantazheve që ju bëhen, nga jashtë e brenda.

Ditën e sotme, Sali Berisha, në një konferencë për shtyp ka thënë se do ta çojnë në Gjykatën Kushtetuese marrëveshjen e Edi Ramës me kryeministren italiane përsa i përket ngritjes së kampit të emigrantëve në Shëngjin dhe në Gjadër.

Të njëjtën gjë ka përsëritur pas tij edhe beniamini i tij më i ri, Gazment Bardhi, i cili, në dallim nga Berisha, ka folur edhe për disa deputetë brenda grupit që nuk e donin një gjë të tillë.

Mirëpo, për një vendim të tillë, duket se kanë kopjuar ekzaktësisht nga Lulzim Basha, i cili më datën 7 nëntor, pasi ka depuzituar kërkesë për interpelancë urgjente me Edi Ramën në Kuvend, është shprehur se këtë çështje do ta çojë në Gjykatën Kushtetuese për ta interpretuar në bie ndesh me Kushtetutën e vendit.

Reagimi i plotë i kreut të PD-së, Lulzim Basha, në 7 nëntor 2023:

“Sot Partia Demokratike ka dorëzuar një kërkesë për interpelancë me zotin Rama, për të shpjeguar para shqiptarëve këtë rrufe në qiell të hapur. S’ka pasur asnjë indikacion, asnjë tregues, që tregon se Shqipëria përmes qeverisë së saj, ishte e gatshme të merrte refugjatë të paligjshëm në territorin e vet. Përkundrazi, ka reagime publike të zotit Rama që në Shqipëri nuk do të ketë kampe refugjatësh, dhe papritur kemi këtë angazhim i cili merret në titull personal, pa asnjë debat publik, pa asnjë diskutim me qytetarët, pa snjë diskutim me përfaqësuesit e qytetarëve në parlamentin e Shqipërisë. Interpelanca ka për qëllim të ofrojë transparencë, çfarë po bëhet, me çfarë kushtesh po kërkohet të merren këto njerëz, çfarë kushtesh ofron Shqipëria, pse po bëhet kjo?Por e gjitha ka një kontekst shumë të dhimbshëm, ndërkohë që shqiptarët largohen, ndërkohë që kjo qeveri përzë shqiptarët, nga ana tjetër po kërkon të mbush vendin, apo të mbush kampet me emigrantë të paligjshëm. Në një vend ku sundimi i ligjit është problematik dhe ku prania e emigrantëve të paligjshëm mund të kthehet në një burim rreziku për interesat e qytetarëve shqiptarë, e më tej burim rreziku për emigracionin e paligjshëm drejt Bashkimit Europian. Nuk do të mjaftohemi vetëm me interpelanca, ndërkohe që do marrim informacionin e nevojshëm, do të përgatisim që këtë çështje ta dërgojmë edhe në Gjykatën Kushtetuese. Askush nuk mund të marrë vendime të tilla, pa u konsultuar me shqiptarët, qoftë përmes institucioneve, por pse jo edhe përmes referendumeve”

Është hera e disatë që “Rithemelimi” i Berishës, në kushtet e një bllokadë të plotë nga faktori ndërkombëtar, detyrohet të marrë dhe artikulojë tezat e Lulzim Bashës.