Gazetari Mentor Kikia i ftuar në “Open” në News 24, tha se ndërkohë që të gjithë arkitektët e marrëveshjes së sterilizimit të pajisjeve spitalore janë nën akuzë, por marrëveshja vazhdon.

“Pa hapur letrat më e arsyeshme do të ishte një masë të ngjashme me ish-vartësin e zt.Beqaj. Ajo gjëja që kërcet më shumë në këtë histori është fakti kemi tashmë një ish-ministër të akuzuar, një zv/ministër që është prapa hekurave si arkitekt i asaj marrëveshje, pronari i një kompanie që është në burg.

Të gjithë këta të çojnë te logjika që ka një gjë që nuk shkon tek kjo marrëveshja, ndërkohë marrëveshja vazhdon. Të gjithë njerëzit pas kësaj marrëveshje janë nën akuzë, ndërkohë marrëveshja vazhdon të funksionojë me të njëjtat çmime dhe të njëjtat kushte. Pyetja është çfarë kanë bërë keq këta që janë nën akuzë, dhe prokuroria duhet të pezullojë edhe kompaninë”, tha Kikia.

Strukturat akomoduese kanë raportuar 300 mijë vizitorëve, rritje me 70% në krahasim me një vit më parë, ndërsa diferencën më të madhe e kanë bërë të huajt.

INSTAT thotë se rritjen më të fortë të vizitorëve e ka rajoni i Veriut me 2.2 herë, ndërsa në zonat bregdetare vizitorët u rritën me 93%.

Edhe netqëndrimet kanë ndjekur të njëjtin trend duke u rritur me 87.8%. Tek ky tregues diferencën e kanë bërë vendasit që kanë rritur me dy herë qëndrimet e tyre në struktura akomoduese, ndërsa rritje ka edhe nga të huajt.

Edhe netqëndrimet janë rritur më shumë në rajonin e Veriut, ku përfshihen Dibra, Durrësi, Kukësi, Lezha dhe Shkodra. Numri më i lartë i vizitorëve erdhën nga shtetasit e Kosovës, Italisë, Polonisë dhe Gjermanisë. Edhe norma neto e shfrytëzimit, që tregon shfrytëzimin e kapaciteteve akomoduese në vend, tregon se 32% e tyre kanë qenë të zëna.

Këtu mungojnë ende deklarimet e shtëpive ditore me qira, që konsiderohet një treg i madh informal, duke marrë parasysh dhe mospërputhjen me shifrën e turistëve që sipas raportimeve ishin 1.1 milionë vetëm gjatë shtatorit. Ky treg i madh informal është bërë së fundmi pjesë e skemës së taksimit nga qeveria, ndërsa një ligj i ri synon të rregullojë certifikimin e tyre sipas standardeve.

Nga Albert Vataj

U bënë 10 vite prej asaj nate të kijametshme, me stuhi dhe natë të thellë, natë që vinte me vdekje dhe davaritej me një re të ngjeshur misteri. Kishte vdekur në një aksident të pretenduar, gazetari, deputeti dhe ish-ministri i Partisë Demokratike, Sokol Olldashi. Ai, miku i mirë i aq shumë njerëzve, gazetari i talentuar, ai, zëri i fuqishëm i demokratëve, ministri që u bë tmerri i grupeve kriminale, poeti penëhollë, Sokol Olldashi nuk ishte më.
Lajmi i kobshëm e mbushi atë mbrëmje realitetin shqiptarë para dhe pas mesnate, me pikëllim, lot, lajme, hipoteza dhe teori, të cilat zgjatën deri në mëngjes, për të vijuar për ditë e muaj të tëra, pa mundur të hedhin një dritë të qartë dhe të mëtonin argumente bindëse, mbi arsyen e vërtetë të kësaj vdekjeje të bujshme.

Sokol Olldashin e kam takuar për herë të parë në selinë e Partisë Demokratike, mbrëmjen e 23 dhjetor të vitit 1997, unë i gazetës i “55”, me Agron Balën e “Radio Kontakt”, Astrit Patozin e gazetës “Rilindja Demokratike” dhe ai i gazetës “Albania”. E kam përcjellë tragjikisht humbjen e tij në mbrëmjen e kobshme të 20 nëntorit në gazetën “Koha Jonë”.

Ishte vonë, mbrëmje vonë, me pjesën e mbetur të stafit po i jepnin dorën e fundit numrit të ditës së nesërme. Binte shi i kijametshëm, kur i’a behu në redaksi botuesi Nikoll Lesi.
Ndodhte rrallë të vinte kur pothuajse gjithçka kishte përfunduar. Me patjetër diçka kishte ndodhur. Ne mbajtëm frymën. Ka vdekur Sokol Olldashi, tha me buzën që dridhej dhe me lot në sy! Kaq tha dhe hyri në zyrën e tij.

Fjalët e tij ranë si një shpërthim dhe heshtje në ambientet e gazetës. Ishte një natë e gjatë. Gazetarët e kronikës merrnin dhe jepnin ngado ku kishte informacion, krejtkund gjësend bëzante rreth kësaj ngjarje kaq të beftë dhe kaq tragjike. Kishte ndodhur diçka e pazakontë, diçka tronditëse, kishte vdekur Sokol Olldashi, gazetari dhe një nga veprimtarët më të zëshëm të Partisë Demokratike.

Ajo që telegrafisht thuhej dhe që kurrë nuk e besova ishte se më 20 nëntor të vitit 2013, Sokol Olldashi vdiq pas një aksidenti të rëndë automobilistik në Kërrabë. Aksidenti ndodhi në mbrëmje, shkak i aksidentit ka qenë lagështia e rrugës dhe shpejtësia e lartë, me të cilën Olldashi ka udhëtuar. Makina e tij për shkak të shpejtësisë së madhe dhe kthesës së pjerrët humbi kontrollin, duke u rrëzuar 20 metra poshtë në humnerë, duke gjetur vdekjen e menjëhershme.

E megjithatë që pas asaj nate të gjatë dhe nxitimesh kaq të pakuptimta, Sokol Olldashi, gazetari simpatik dhe politikani konseguent, kolegu i mirë e miku me cigaren në buzë, ai të cilit mund ti besoje në gjithçka që thoshte dhe në çfarë bënte, sepse ishte një potencial njerëzor i mbushur me qëllime të mëdha dhe një zë i fuqishëm në atë kohë heshtjeje të makthshme. Ai, miku dhe kolegu, Sokol Olldashi nuk do të ishte më, siç do të mbetet mungim i pazëvendësueshëm në PD dhe në ambientet e gazetarëve, kur zëri dhe mirësia e tij linin gjurmë inkandeshente.

Çfarëdo që u tha dhe u bë, ai, Sokoli, nuk do të mund të kthehej. Vdekja e tij mbeti mister, po kaq sa dhe e pakuptimtë nxitimi për t’i gjetur një vendprehje në amshim. Edhe sot pas 10 viteve gishti tregues ka mbetur i drejtuar kah dikush apo diçka, pa mundur të bëhet dëshmues për natën fatale të fundit të një jete që i’u kushtua me mish e me shpirt, si gazetarisë, politikës, ashtu edhe poezisë.

Përjetësia është e merituar për shpirtin tënd, miku dhe kolegu i pashoq, Sokol Olldashi!

Gjykata e Posaçme e Shkallës së Parë vendosi të hënën më 20 nëntor që pas thirrjes së ish-ministrit të Shëndetësië, Ilir Beqaj për t’u pyetur lidhur me akuzën “shpërdorim i detyrës” të ngritur nga SPAK për procedurën e sterilizimit, që të lërë në fuqi masat shtrënguese të vendosura ndaj tij, paraqitje në policinë gjyqësore dhe ndalimin e daljes jashtë vendit.

Gjyqtari i seancës së caktimit të masës së sigurimit personal ndaj Beqajt, Erjon Bani shpalli vendimin e shkurtuar kur sqaroi se Beqaj kishte përfituar nga e drejta për të mos dhënë deklarime në seancën e marrjes në pyetje. Ai u shpreh se në këto kushte, gjykata ka vendosur të vijojë masat e sigurimit personal “Ndalimi i daljes jashtë shtetit” dhe “Detyrim për t’u paraqitur në policinë gjyqësore” ndaj Beqajt, pasi bazuar në nenin 244 të Kodit të Procedurës Penale, gjykata nuk mund të caktojë një masë sigurimi më të rëndë nga ajo e kërkuar nga prokurori.

Pas përfundimit të seancës, Beqaj deklaroi për mediet se kishte vendosur të mos e ankimonte vendimmarrjen e gjykatës për masat shtrënguese të vendosura ndaj tij, duke vërejtur se ishte në dispozicion të hetimit. Ndërkohë, ai u shpreh në mbrojtje të procedurës së koncesionit për të cilën është nën hetim, duke pretenduar se kishte sjellë modernizim të kushteve për ndërhyrjet kirurgjkale.

Beqaj është zyrtari më i lartë nën akuzë për shkeljet e konstatuara me kontratën e partneritetit publik-privat të sterizilimit, pas arrestimit në gusht të këtij viti të zëvendësit të tij në Ministrinë e Shëndetësisë, Klodian Rrjepaj dhe biznesmenit Ilir Rrapaj.

Hetimet 3-vjeçare të kryera nga SPAK kanë zbuluar shkelje të ligjit në procedurat e dhënies së njërit prej koncesioneve më të kushtueshme të sektorit të shëndetësisë, me qëllimin e vetëm të shpalljes fitues të kompanive të Ilir Rrapajt dhe shtetasit Italian, Umbro Staccini.

Lista e shkeljeve përmban një studim fizibiliteti me të dhëna të rreme në kundërshtim me ligjin; hartimi i kritereve në mënyrë të tillë që t’u përshtateshin gjendjes reale të kompanive të përzgjedhura paraprakisht si dhe mosveprimin e Beqajt për zgjidhjen e konfliktit të interesit mes Rrjepajt si kryetar i komisionit të koncesionit dhe Rrapajt si përfitues i tij. Shkelje ligjore janë gjetur edhe gjatë negocimit të kontratës koncesionare, që sipas gjyqtarit kanë qenë “dukshëm në favor të kompanisë së shpallur fituese, në dëm të interesave të shtetit”.

Hetimet e SPAK për këtë çështje deri në prill të vitit 2022 nuk kishin avancuar përtej fazës paraprake, duke sjellë dhe parashkrimin e veprës penale“shkelja e barazisë së pjesëmarrësve në tendera apo ankande publike”, që për rrjedhojë solli shmangien nga përgjegjësia penale të personave përgjegjës.

Në kërkesën për caktim të masës së sigurimit personal që SPAK dërgoi në gjykatë ndaj të hetuarve për këtë çështje, emri i Beqajt mungoi, por gjyqtari Erjon Bani vlerësoi se shkeljet e akteve ligjore ngriheshin në nivelin e përgjegjësisë penale për ish-ministrin. Bani vlerësoi gjithashtu se hetimet ishin të paplota dhe e orientoi Prokurorinë drejt hetimit të çështjes edhe për veprat penale të korrupsionit dhe pastrimit të produkteve të veprës penale. Pas vendimit të gjykatës, SPAK deklaroi se hetimet për Beqjen ishin në proces.

Gjatë një komunikimi të drejtëpërdrejtë gjatë kohës kur gjykata ishte tërhequr për vendim, dy prokuororët e çështjes, Edvin Kondili dhe Ened Nakuçi i thanë BIRN se prej muajit gusht ishin kryer shumë veprime hetimore prej nga ishte bërë e mundur që Beqaj të regjistrohej si person nën hetim për “shpërdorim detyre”, por pa dhënë detaje lidhur me këto veprime.

Ilir Beqaj u zgjodh ministër i Shëndetësisë në kabinetin e parë të kryeministrit Edi Rama dhe gjatë drejtimit të tij në vitet 2013-2017, u firmosën tre kontrata koncesionare prej dhjetra milionë eurosh për shërbime të sistemit shëndetësor.

Prej vitit 2021, Beqaj drejtonte Agjencinë Shtetërore të Programit Strategjik dhe Koordinimit të Ndihmës, post nga u dorëhoq të shtunën. Në tetor të këtij viti ai u bë gjithashtu pjesë e grupit negociator për integrimin e Shqipërisë në Bashkimin Europian./ BIRN

Aktivistja Evi Kokalari ka dënuar kaosin e krijuar nga grupi i Rithemelimit në seancën e sotme plenare, ku deputetët e Berishës ndezën tymuese, ndërsa një prej tyre mori dhe flakë.

Me anë të një reagimi në Facebook, Kokalari shkruan se sa herë që Sali Berisha duhet të paraqitet në SPAK për të zbatuar masën e sigurisë për aferën Partizani, Rithemelini i vë flakën parlamentit, duke nënkuptuar se e gjithë “revolta” e tyre lidhet me betejën e ish-kryeministrit me drejtësinë dhe jo me ngritjen e komisioneve parlamentare siç pretendojnë ata.

Kokalari shton se nëse do “ta kishte ditur nivelin që kanë, nuk do ishte bërë kurrë pjesë e tyre”.

Postimi i plotë:

Sa te turpshem jeni!! Ju padiskutim jeni partia e dhunes. Ta kisha ditur kete nivel, une do isha ngaterruar kurre me ju sepse ju as te qendres se djathte nuk jeni. Ne kam kuptuar dicka keto dy vite ne politiken Shqiptare, eshte urrejtja qe shqiptaret kane per shqiptaret. Foltoristet urrenin deri ne vdekje mbeshtetesit e Bashes. Demokratet ne teresi urrejne mbeshtetesit e PS. Myslymanet urrejne katoliket. Ne fakt, kjo eshte programuar keshtu, sepse te percare ju duan qe t’ju sundojne.

Zjarrin ja vini tavolines se Bashes nderkohe qe ju vete e installuat Bashen ne ate pozicion, dhe si hipokrite te pashprese qe jeni, po ne te njejten dite, postoni mesazhe perkujtimi per 10-vjetorin e Sokol Olldashit. A keni nje fije dinjiteti o njerez?

Kjo foto tregon qarte qe sa here Berisha duhet te paraqitetet ne SPAK, ju i vini zjarrin parlamentit.

This is NOT who we are!

p.s. Albana Vokshi, what an embarrassment of a woman you are!

Ti duhet te japesh dorehqjen si kryetare e forumit te gruas, sepse nuk ke as klas, as meriten e duhur per te drejtuar forumin qe duhet te fuqizoje gruan ne ate parti. Do thoja jep doreheqjen si deputete, por fakti qe ti nuk ke fituar kurre vota dhe tere jeten je ne parlament me listat e mbyllura, dhe s’te ben pershtypje – flet qarte per dinjitet qe ke -ose jo – dhe je e korruputuar thelle ne shpirt.

Shoh dhe Ina Zhupen ne foto, nje turp tjeter qe ne kryesi e futi Kellici nepermjet votave te orientuara nga forumi rinor. Por kjo nuk eshte asgje perpara faktit qe Ina Zhupa, nepermjet burrit dhe kunates po ngrejne kullen ngjitur me Bashkine e Tiranes. Ina vete eshte nga Saranda, ku e gjeti ate toke ne mes te Tiranes? Po leket per ta ndertuar, apo i shiten apartamentet ‘ne grope’, sic sygjeron Argita Berisha, a thua se ne jemi nje tufe me budallenje dhe nuk kuptojme.

E kam thene dhe e perseris, Rama hiqet duket bashkuar bazen dhe duke afruar elektoratin gri. Ju jeni larg, shume larg sepse aty ju duan keta qe sot i vene flaken parlamentit!

Turp cdo demokrati dhe cdo shqiptari qe eshte OKAY me kete lloj dhune. Ju nuk jeni as demokrat dhe as te djathte!