Në një intervistë me Ora News, analisti Poli Hoxha u shpreh se kjo qasje e opozitës Bardhi-Berisha nuk të çon asgjëkundi dhe po i shërben alibive të Ramës dhe këtij pushteti.
Ai tha se e vetmja gjë që e ka bërë të zbythet këtë kryeministër ka qenë protestat e armëve kimike dhe ato të studentëve.
Hoxha: Në vend që deputetët e opozitës të ngriheshin dhe të zbërthenin buxhetin e Ramës dhe ku çalon. Kam parë që këtë po e bën pjesa tjetër e PD-së amendamente. Ajo që ndodhi është se Rama, sikur ia jep zoti, tha se nuk ka pse të rrijë aty të diskutojë për buxhetin. Ai ushtroi forcën e kartonin, sikurse e ka bërë gjithmonë.
Kjo qasje e opozitës Bardhi-Berisha nuk të çon asgjëkundi dhe po i shërben alibive të Ramës dhe këtij pushteti.
Kjo situatë po kthen dhe në qesharake. Nuk bind ky aksion sepse në radhë të parë nuk sjell asgjë dhe e dyta nuk mund të bësh të njëjtin eksperiment dhe të presësh rezultate të ndryshme. E vetmja gjë që e ka bërë të zbythet këtë kryeministër ka qenë protestat e armëve kimike dhe ato të studentëve. Berisha e ka përmendur shumë herë se do të bëjë protesta, por nuk po i ndjek njeri. Nuk rrëzohet regjimi duke djegur tavolina. Ja e dogje edhe kuvendin dhe e more. E kanë marrë edhe parlamentin dhe për 3 minuta u është dukur sikur janë ministra dhe është rrëzuar regjimi. Nuk rrëzohet regjimi nëse nuk ke mbështetje popullore.
Që prej dhjetorit të vitit 1954, Asambleja e Përgjithshme e Kombeve të Bashkuara, ka rekomanduar të gjitha shtetet të kenë një ditë të institucionalizuar si Dita Universale e të Drejtave të Fëmijëve.
20 nëntori është shënuar në kalendar si “Dita Ndërkombëtare e të Drejtave të Fëmijëve”. Përcaktimi i kësaj dite ka marrë shkas nga Konventa për të drejtat e fëmijëve, e miratuar nga Asambleja e Përgjithshme e Kombeve të Bashkuara në 20 Nëntor 1989.
Gjithashtu kjo ditë ka për qëllim të jetë ditë aktivitetesh për të promovuar idealet dhe objektivat e Kartës për të Drejtat e Fëmijëve si dhe mirëqenien e fëmijëve të botës.
Data 20 nëntor, përkon me ditën e miratimit të Deklaratës për të Drejtat e Fëmijëve në vitin 1959, si dhe miratimin e Konventës për të Drejtat e Fëmijëve në vitin 1989.
Sipas Konventës, e cila është marrëveshja më e ratifikuar në të gjithë botën, për të drejtat e njeriut, përfshin të drejtën e jetës, të drejtën e shëndetit, edukimit dhe për të luajtur. Gjithashtu të drejtat për të pasur një familje, për t’u mbrojtur nga dhuna dhe diskriminimi.
Dymbëdhjetë nga miliarderët më të pasur në botë prodhojnë më shumë emetime të gazeve serrë nga jahtet, avionët privatë, pallatet dhe investimet e tyre financiare sesa emetimet vjetore të energjisë së 2 milionë shtëpive. Është ky konkluzioni i arritur nga një hulumtim i medias britanike “The Guardian”.
Manjatët përfshijnë bosin e Amazon, Jeff Bezos, oligarkun rus Roman Abramovich, miliarderët e teknologjisë Bill Gates, Larry Page dhe Michael Dell, shpikësi dhe pronari i kompanisë së mediave sociale Elon Musk dhe manjati i biznesit meksikan Carlos Slim.
Analiza nga Oxfam dhe studiuesit amerikanë të blerjeve të tyre luksoze, të cilat përfshijnë superjahte, avionë privatë, makina, helikopterë dhe pallate, të kombinuara me ndikimin e investimeve të tyre financiare dhe aksioneve, zbulon se ato përbëjnë pothuajse 17 milionë tonë CO 2 emetime të gazeve serrë çdo vit.
Kjo është e njëjtë me CO2 dhe emetimet ekuivalente nga furnizimi me energji elektrike për 2.1 milionë shtëpi ose emetimet nga 4.6 termocentrale me qymyr mbi një vit, sipas të dhënave të konvertimit nga Agjencia e Mbrojtjes së Mjedisit të SHBA.
Shkalla e vërtetë e emetimeve të investimeve të këtyre individëve në përgjithësi nuk llogaritet ose raportohet sistematikisht. Analistët e Oxfam-it që punojnë me dy akademikë amerikanë, Beatriz Barros dhe Richard Wilk, përdorën të dhëna të disponueshme publikisht për të llogaritur ndikimet e gazit serrë.
“Miliarderët gjenerojnë sasi të turpshme të ndotjes së karbonit me jahtet dhe avionët e tyre privatë – por kjo zbehet nga ndotja e shkaktuar nga investimet e tyre”, tha këshilltari i politikës së pabarazisë në Oxfam International, Alex Maitland.
“Nëpërmjet korporatave që zotërojnë, miliarderët emetojnë një milion herë më shumë karbon sesa një person mesatar. Ata priren të favorizojnë investimet në industri shumë ndotëse, si lëndët djegëse fosile.
“Komunitetet më të varfra në botë, ata që kanë bërë më së paku për të shkaktuar ndryshime klimatike – ata që janë më pak në gjendje të përgjigjen dhe të rikuperohen – janë ata që po vuajnë pasojat më të këqija. Kjo është e padrejtë dhe e pamoralshme.”
Emetimet e stilit të jetesës u vlerësuan duke ekzaminuar gjurmën e karbonit të blerjeve të miliarderëve, siç është superjahti prej 500 milionë dollarësh që “Oceanco” ndërtoi kohët e fundit për Bezos.
Jahti, i cili është 127 metra i gjatë dhe u deshën tre vjet për t’u ndërtuar, mburret me titullin e anijes me vela më të mëdha në botë. Emetimet e tij të karbonit janë minimalisht rreth 7,154 tonë në vit, sipas analizës nga Wilk dhe Barroz.
Superjahtet në pronësi të njerëzve si Bezos, Abramovich, ish-manjatët e Google Page dhe Eric Schmidt dhe nga Bernard Arnault, manjati francez në krye të një perandorie bizhuterish dhe modës, kanë gjurmë karboni që tejkalojnë shumë ato të avionëve privatë të zotëruar nga 10 nga 12 miliarderët.
Grafika e Guardian/ Burimi: Beatriz Barros & Richard Wilk
Një superjaht i mbajtur në gatishmëri të përhershme gjeneron rreth 7,000 tonë CO2 në vit, sipas analizës.
“Emetimet e superjahteve janë mbi çdo gjë tjetër”, tha Wilk. “Ata duhet të kenë një ekuipazh dhe duhet të mirëmbahen vazhdimisht edhe kur janë të ankoruar. Pastaj keni helikopterët në bord, jetskit, artikujt luksoz që përdorin energji të lartë si pishinat, vaskat e nxehtë, nëndetëset private, të gjitha këto kërkojnë energji, ajrin e kondicionuar, artikujt elektronikë të sofistikuar. Është si të kesh një hotel që funksionon mbi ujë gjatë gjithë kohës.”
Përveç dhënies së një kontributi të madh negativ në ngrohjen globale, interesat financiare të miliarderëve të elitës u japin atyre ndikim të madh mbi vendimet ekonomike dhe politike, thanë studiuesit.
“Këta njerëz kanë një ndikim të jashtëzakonshëm politik për shkak të pasurisë së tyre të madhe, të cilën ata e përdorin për të nxitur qeveritë lokale dhe kombëtare, duke fituar përjashtime nga taksat dhe privilegjet që i lejojnë ata të ndotin dhe të ndikojnë në ligjet që rregullojnë ndotjen,” tha Wilk, një profesor i antropologjisë në Universitetin e Indianës. “Nëse i shikoni ato si entitete, disa prej tyre janë shtete rivale për sa i përket ndikimit të tyre.”
Disa e përdorin atë ndikim për të trajtuar çështjet sociale dhe mjedisore. Bezos është zotuar të shpenzojë 10 miliardë dollarë përmes Fondit të tij Tokë. Bashkëthemeluesi i Google Sergey Brin ka financuar një organizatë jofitimprurëse të fokusuar në ndryshimin e klimës.
Page, Schmidt, Dell, Slim dhe Larry Ellison i Oracle kanë të gjithë themele filantropike. Musk ka argumentuar se puna e tij me Tesla dhe Solar City ka dhënë një kontribut të madh në ndryshim. Një tjetër nga 12 miliarderët, Laurene Powell Jobs, drejton kolektivin filantropik Emerson. LVMH e Arnault themeloi një njësi zhvillimi mjedisor në 1992.
Një zëdhënës i Gates tha për “Guardian” se ai kishte ndërmarrë shumë hapa për të reduktuar ndikimin e tij personal të emetimeve duke blerë karburant të qëndrueshëm të aviacionit për të reduktuar ndotjen e tij nga udhëtimi ajror, duke kaluar në makina elektrike, duke përdorur panele diellore dhe duke blerë kompensime të ofruara përmes teknologjive të heqjes së karbonit.
“Bill do të vazhdojë të investojë miliarda nga burimet e tij në energjinë e pastër dhe risitë e ndryshimeve klimatike për të reduktuar emetimet e gazeve serrë dhe për të ndihmuar që këto teknologji të jenë më të përballueshme. Për më tepër, çdo kthim nga këto investime do të kthehet në luftën kundër ndryshimeve klimatike dhe në mbështetjen e Projektligjit & Fondacioni Melinda Gates për të ndihmuar sa më shumë njerëz në mbarë botën”, tha zëdhënësi.
Hulumtimi i Oxfam zbuloi se emetimet nga investimet e 125 miliarderëve ishin mesatarisht 3.1 milionë tonë për miliarder. Kjo është më shumë se një milion herë më e lartë se mesatarja e emetimeve të krijuara nga 90% e popullsisë së botës
Për trajnerin Silvinjo, sigurimi i një vendi në EURO 2024 është lumturi dhe krenari e madhe. Brazilianin e kënaq jashtëzakonisht fakti që u realizua ëndrra e shumë shqiptarëve.
Tekniku 49 vjeçar pas suksesit të arritur, me një mesazh në Instagram në gjuhën portugeze dhe shqipe ka falënderuar futbollistët që e mbështetën, pjesëtarët e stafit teknik dhe administrativ, FSHF, tifozët për përkrahjen jetike dhe familjen e tij.
Urime 49 vjeçari ka marrë edhe nga drejtori sportiv i Barcelonës dhe legjenda braziliano-portugeze Deko, që në profilin e tij në rrjetin social i ka komentur: “Forca Titio”.
Edhe drejtori sportiv i Arsenalit, Edu Gaspar komentoi në profilin e 49 vjeçarit: “Duke bërë histori! Urime! Familja Gaspar është shumë e lumtur! E meriton vëlla! Tani në Europian! Forca!
Suksesi i brazilianit ka marrë vëmendjen e gazetës së njohur sportive spanjolle “AS”, që i ka kushtuar një artikull. Tekniku kuqezi ka fituar në karrierën e tij dy Liga Kampionesh, tre kampionate, një Kupë Mbreti, dy Superkupa të Spanjës, një Community Shield, një kampionat dhe Kupë në Brazil, e tani sipas “AS”, Silvinjo kreu mrekulline e parë si trajner.
Në një reagim në profilin e tij në rrjetin social facebook, nënkryetari i PD-së, Roland Bejko, thotë se Berisha dhe Rama janë aleat të njëri-tjetrit.
“Sa herë Berishës i duhet të përballet me drejtësinë, – shkruan Bejko, – është gati të ndezë zjarr. Sa herë që Edi Ramës i duhet të japë llogari për krimin dhe korrupsionin që i ka mbërthyer qeverinë, i duhet nje aleat zjarrvënës.”
“Rama dhe Berisha janë bashkë sipas parimit, “njëra dorë lan tjetrën,, të dyja lajnë fytyrën e aleancës së kullave me oligarkët e përbashkët.” – përfundon ai.
Më poshtë postim i plotë:
Pas zjarrit të ndezuar sot në parlament, Sali Berisha shpreson t’i shpetojë zjarrit qe SPAK ka ndezur në avllinë e tij.
Sa herë Berishës i duhet të përballet me drejtësinë është gati të ndezë zjarr; sa herë që Edi Ramës i duhet të japë llogari për krimin dhe korrupsionin që i ka mbërthyer qeverinë i duhet nje aleat zjarrvënës.
Tani është koha që Sali Berisha dhe Edi Rama të japnin llogari para SPAK, por në vend të saj, këta të dy në bashkpunim me njlri tjetrin na shfaqin spektaklin e rradhës.
Asnjëri prej tyre nuk ka interes për llogaridhënie në parlament sepse u dalin zbuluar oligarkët e përbashkët që marrin shumicën e parave nga buxheti i shtetit.
Sot do diskutohej në Parlament buxheti i shtetit, ku dhe si do përdoreshin paratë e shqiptarëve për vitin që vjen. Por Berisha me zjarrin që ndezi nuk u dha mundësi shqiptarëve të dëgjonin mbi abuzimet e mundshme financiare që qeveria e Ramës do bëjë në 2024.
Rama dhe Berisha janë bashkë sipas parimit, “njëra dorë lan tjetrën, të dyja lajnë fytyrën e aleancës së kullave me oligarkët e përbashkët”.
Seanca plenare në Kuvendin e Shqipërisë ku pritej të diskutohej dhe miratohej buxheti, u përfshi edhe sot nga skena kaosi të shkaktuara nga deputetët e Rithemelimit të cilët hodhën tymuese dhe ndezën flakadanë.
Duke folur për seancën e sotme, deputetja e PD, Oriola Pampuri në një lidhje “skype” për emisionin ‘Sot Live në Shqipëri’ në Report Tv, i cilësoi skenat e Rithemelimit si “luftë donkishoteske” ku nuk u ofrohet asnjë zgjidhje shqiptarëve.
Ajo tha se përkundër rasteve kur për buxhetin është diskutuar për 48 orë rresht, këtë herë, u bë një shfaqje për interesa personale dhe se 2 grupet i shërbyen njëri-tjetrit.
“Kaosi i zhvilluar në sallën e parlamentit, ishte që ata që e ndezin zjarrin dhe po ata e fikin. Skena të tilla, luftë alla “don kishoteske” nuk u shërbejnë shqiptarëve.
Shqipëtarëve u shërben një zgjidhje. Ka patur raste që është diskutuar për 48 orë për buxhetin, nuk e ka parë historia që buxheti të kalojë për 5 minuta.
Nga ana tjetër bëhet një shou që u shërben vetëm personave që e bëjnë këtë zhurmë për interesa personale. Po ashtu edhe Rama e bëri shfaqjen, sepse miratoi buxhetin e 7 miliardë eurove, pa asnjë diskutim.
Të dy grupet në sallë ndihmuan njëri-tjetrin. Njëra palë miratoi buxhetin pë të shpërdoruar paratë e shqiptarëve”- u shpreh Pampuri.
Sa i takon votimit nen për nen të buxhetit që pritet të bëhet në 6 dhjetor, Pampuri tha se pavarësisht se mund të përmenden amendamentet e propozuara nga PD, synimi i qeverisë nuk do jetë zgjidhja e problemeve të qytetarëve.
“Në 6 dhjetor kur do bëhet votimi nen për nen do i përmendim amentamentet tona. Por kjo politikë pa u pastruar mirë, nuk është më në shërbim të qytetarëve. Pa diskutim do përmenden në 6 dhjetor por nuk ka synim zgjidhjen e problemeve të qytetarëve”- tha Pampuri.
Sa i takon ndarjes brenda demokratëve, Pampuri tha se ishte një temë për të cilën nuk donte të fliste më. Ndërsa për hapat që PD do të marrë në vijim, tha se deri në fund të dhjetorit do të kenë përfunduar zgjedhjet në strukturat e PD për të pasur një listë me kandidatët për deputetë në zgjedhjet parlamentare të 2025.
“Gjëja për të cilën nuk dua të diskutoj më. Interesat personale të X personi nuk duhet të bëhen pjesë e një partie. PD ka një kryetar që është Basha dhe të gjithë jemi në terren. Në fund të dhjetorit përfundojmë të gjitha zgjedhjet në strukturat e PD për të dalë në fund të marsit me 140 kandidatë për deputetë”- shtoi deputetja.
Anëtari i Kryesisë së Partisë Demokratike, Fitim Zekthi thotë se sjellja e opozitës në seancën plenare të së hënës në Kuvend ishte e papranueshme dhe jashtëzakonisht e rëndë.
Në një intervistë për “Tirana Live” në ABC News, Zekthi tha se Sali Berisha do duhej të ishte tërhequr nga politika.
“Më la shije shumë të keqe, ishte e papranueshme. Parlamenti përfundon në një sjellje të tillë, është jashtëzakonisht e rëndë. Duhet të ketë një kufi, një moral, një logjikë.
Edhe ata që i bëjnë dëmtohen vetë. Dëmtohen 6 miliardë eurot e shqiptarëve, paratë e tyre që u miratuan për 5 minuta. Përdorimi i akteve të tilla tregon mungesë totale të pushtetit, që ti të jesh i besueshëm. Nuk arrijnë të kuptojnë që janë aty se njerëzit kanë problematika.
Kur them interesat e tyre, them gjithçka. Është dështim total i lidershipit politik. Nuk ndodh edhe në vende të botës së dytë, ku lidershipi të mos kuptojë prej 2 vitesh, që problemi nuk zgjidhet në këtë mënyrë. Lider është ai që arrin të tërhiqet vetë për të tjerët, jo të bëjë të kundërtën.
Kemi një klasë politike që ka 33 vjet që rri në qeverisje. Kriza këtu është e gjithashme, por krizën po e përjeton thellë opozita. Kur thotë Gazment Bardhi po e bën për hallet e popullit, vetëm për popullin nuk është duke e bërë. Kjo do kishte kuptim vetëm në vendet demokratike. Këto janë aspekte komike brenda tragjikes.
Në grupimin politik të zotit Berisha, aty përpos këtij tragjizmi, ka edhe një luftë të egër brenda. Bardhi me Nokën, Noka me Vokshin, ata po presin si disa grabitqarë, që Berisha të përfundojë politikisht, dhe këta të kapin çfarë të kapin. Lufta midis palëve nuk ekziston, por brenda palëve”, theksoi Zekthi.
Qeveria shqiptare ka kërkuar që administrata që ka nën përgjegjësi mbrojtjen e interesave financiare të Bashkimit Europian, në programet që ky i fundit mbështet, t’i nënshtrohet trajnimeve për identifikimin dhe ndjekjen e parregullsive. Në një dokument zyrtar qeveria pranon se me një shkresë të datës 27 shtator 2023, zyrës AFCOS (Rrjeti i shërbimit të Koordinimit Kundër Mashtrimit) që është pikë kontakti për Zyrën Evropiane Kundër Mashtrimit (OLAF) t’i kërkohet që oficerët e institucioneve të dedikuara me mbikëqyrjen e mënyrës sesi shpenzohen paratë e programeve të huaja të trajnohen.
Saktësisht bëhet fjalë për Drejtorinë Mbështetëse të Zyrtarit Kombëtar të Autorizuar(DMZKA) dhe Zyrtari Kombëtar Autorizues( ZKA) që janë pjesë e Ministrisë së Financave.
“ZKA/DMZKA me shkresë Prot. 17375 datë 27.09.2023 i është drejtuar AFCOS si pikë kontakti e Zyrës Evropiane Kundër Mashtrimit (OLAF), të mundësojë organizimin e trajnimeve për oficeret e parregullsisë në përdorimin e sistemit elektronik AFIS IMS” thuhet në dokument.
Dokumenti nënvizon se pjesë përbërëse e këtij projekti është një “sistem elektronik i Menaxhimit të Parregullsive i vënë në dispozicion nga OLAF që është funksional duke ju mundësuar përfituesve të IPA II, të raportojnë parregullsitë e identifikuara dhe ndjekjen e tyre në nivel kombëtar”.
Rritja e monitorimit dhe kontrollit për mbrojtjen e interesave financiare të programeve të BE-së vjen në kushtet kur edhe në takime bilaterale është prekur kjo nevojë ndërkohë që pala shqiptare po identifikon trajnimet të tjera të nevojshme.
Pezullimi i fondeve të bujqësisë
Në korrik të këtij viti në media u raportua se Komsioni Europian kishte pezulluar fondet për bujqësinë të lidhura me programin IPARD II. Interesit të mediave më pas ju përgjigj me deklarata zyra e Bashkimit Euripian në Tiranë ku nënvizohej se kjo masë ishte marrë pas një hetimi mbi akuzat për korrupsion në lidhje me zbatimin e programit. Pezullimi do të vlerësohej si i përkohshëm deri në verifikimet finale të çështjes që po ndiqej nga një strukturë e dedikuar siç është OLAF. Ky i fundit nuk ka publikuar ende një raport përfundimtar për gjetjet dhe më pas në bazë të konstatimeve të merren edhe masat e tjera./MONITOR
Gjykata e Posaçme për Korrupsionin dhe Krimin e Organizuar ka lënë në fuqi masën e sigurisë “detyrim paraqitje” dhe “Ndalimi i daljes jashtë shtetit” për ish-ministrin Ilir Beqaj.
Njoftimi i GJKKO:
Prokuroria e Posaçme kundër Korrupsionit dhe Krimit të Organizuar, më datë 26.10.2023 i është drejtuar Gjykatës me kërkesën me objekt: Caktimin ndaj personit nën hetim Ilir Beqaj, të masave të sigurimit personal “Ndalimi i daljes jashtë shtetit” dhe “Detyrim për t’u paraqitur në policinë gjyqësore” parashikuar nga nenet 233 dhe 234 i K.Pr.Penale, si i dyshuar për figurën e veprës penale “Shpërdorimi i detyrës” parashikuar nga neni 248 i Kodit Penal.
Lidhur më shqyrtimin e kësaj kërkese, Gjykata vendosi ta shqyrtoi në dhomë këshillimi pa praninë e palëve dhe të sekretares gjyqësore. Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, bazuar në nenin 244 pika 3 të K.Pr.Penale, ku thuhet se: “3. Gjykata nuk mund të caktojë një masë sigurimi më të rëndë se ajo e kërkuar nga prokurori.”, me vendimin Nr. 119 Akti, datë 16.11.2023 vendosi: […]
Caktimin ndaj personit nën hetim Ilir Beqaj, të masës së sigurimit personal “Detyrim për t’u paraqitur në policinë gjyqësore” parashikuar nga neni 234 i K.Pr.Penale, si i dyshuar për veprën penale “Shpërdorimi i detyrës” kryer në bashkëpunim, të parashikuara nga neni 248 e 25 i Kodit Penal.
Urdhërohet personi nën hetim Ilir Beqaj që të paraqitet para oficerit të policisë gjyqësore z. Besnk Mesi pranë Byros Kombëtare të Hetimit, një herë në javë, ditë e premte, ora 15: 30.
Urdhërohet personi nën hetim Ilir Beqaj të mos largohet nga territori i Republikës së Shqipërisë pa autorizimin e gjykatës, në referim të nenit 233 pika1 të K.Pr.Penale “Ndalimi i daljes jashtë shtetit”.
Ndalohet përdorimi i pasaportës dhe dokumenteve të tjerë identifikues të vlefshme për daljen jashtë shtetit, për personin nën hetim Ilir Beqaj.
Ngarkohet Prokuroria e Posaçme kundër Korrupsionit dhe Krimit të Organizuar në bashkëpunim me policinë gjyqësore për ekzekutimin e këtij vendimi.
Kundër këtij vendimi mund të bëhet ankim në Gjykatën e Posaҫme të Apelit për Korrupsionin dhe Krimin e Organizuar brenda 5 (pesë) ditëve, duke filluar ky afat nga e nesërmja e marrjes dijeni për këtë vendim. […]
Ekzekutimit i masës së sigurimit për personin nën hetim Ilir Beqaj është bërë në datë 17.11.2023 ora 21.20. Ndodhur në këto kushte, Prokuroria e Posaçme kundër Korrupsionit dhe Krimit të Organizuar bazuar në nenin 248 të K.Pr.Penale më datë 18.11.2023 paraqiti në Gjykatë kërkesën me objekt: Marrjen në pyetje të personit nën hetim Ilir Beqaj. Në seancën gjyqësore të datës 20.11.2023 ora 12:00, personi nën hetim Ilir Beqaj përfitoj nga e drejta për të mos dhënë deklarime në seancën e marrjes në pyetje sipas nenit 248 pika 2 të K.Pr.Penale. Ndodhur në këto kushte, Gjykata e Posaçme e Shkallës së Parë për Korrupsionin dhe Krimin e Organizuar me trup gjykues të përbërë nga gjyqtari Erjon Bani, me vendimin Nr. 127 Akti, datë 20.11.2023, vendosi:
Vazhdimin e masës së sigurimit “Ndalimi i daljes jashtë shtetit” dhe “Detyrim për t’u paraqitur në policinë gjyqësore” parashikuar nga nenet 233 dhe 234 të K.Pr.Penale, caktuar ndaj personit nën hetim Ilir Beqaj, me vendimin Nr. 119, datë 16.11.2023 të Gjykatës së Posaçme të Shkallës së Parë për Korrupsionin dhe Krimin e Organizuar.
Ngarkohet Prokuroria e Posaçme kundër Korrupsionit dhe Krimit të Organizuar në bashkëpunim me policinë gjyqësore për ekzekutimin e këtij vendimi.
Kundër këtij vendimi mund të bëhet ankim në në Gjykatën e Posaҫme të Apelit për Korrupsionin dhe Krimin e Organizuar brenda 5 (pesë) ditëve, duke filluar ky afat nga e nesërmja e njoftimit të këtij vendimi.
Kuvendi me shumicë socialiste miratoi sot buxhetin e shtetit për vitin e ardhshëm, në një seancë të shkurtër, kur një grup deputetësh opozitarë protestuan me tymuese dhe përmbysje të karrigeve, duke kërkuar komisione hetimore.
Këta të fundit erdhën sërish herët në sallën e seancave plenare, përmbysën karriget e tyre pranë foltores, ku ishin rreshtuar një varg punonjësish të sigurisë.
Disa prej deputetëve opozitarë ndezën tymuese pranë foltores dhe në tryezat e tyre të punës në përpjekje për të pamundësuar zhvillimin normal të seancës, ku mori pjesë edhe kryeministri Edi Rama.
Drejtuesja e Kuvendit, Lindita Nikolla, komunikoi rendin e ditës në mes të thirrjeve, zhurmave dhe tymrave shumëngjyrëshe, duke u kërkuar deputetëve opozitarë të merrnin pjesë në diskutimin e projekt-buxhetin e ri.
“Pse ju nuk doni të diskutoni për buxhetin? Pse ju nuk uleni të diskutoni për investimet dhe rritjen e pensioneve dhe pagave për punonjësit e shërbimeve publike?”, tha zonja Nikolla.
Pas thirrjeve në sallë nga disa deputetë të opozitës, ajo nisi procesin e votimit, ku buxheti i ri mori votat pro të deputetëve të majtë.
Ish kryeministri Sali Berisha deklaroi se votimi i buxhetit është antikushtetues nga një shumicë e frikësuar prej aksionit opozitar.
“Kjo shumicë vazhdon të shkelë të drejtat kushtetuese të opozitës për komisione hetimore parlamentare. Aksioni opozitar do të vazhdojë pa ndalim për të rikthyer demokracinë në vend”, tha zoti Berisha.
Ndërsa drejtuesi i grupit parlamentar të Partisë Socialiste, Blendi Çuçi, shprehu habinë dhe keqardhjen pse opozitarët nuk morën pjesë sot në shqyrtimin e buxhetit më të madh me rritje pagash dhe investimesh, prej mbi 7 miliardë eurosh, që ka ardhur ndonjëherë në Kuvend.
“Kjo është shfaqje e luftës së brendshme në radhët e Partisë Demokratike. Ne nuk kemi krizë. Krizë ka opozita”, tha zoti Çuçi.
Prej disa seancash me radhë një grup deputetësh opozitarë po përpiqen me këtë formë protestash të frenojnë veprimtarinë e Kuvendit në komisione dhe në seancë plenare.
Por socialistët kanë vazhduar mbledhjet online në komisione dhe me seanca të shkurtuara në seanca plenare, ku foltorja bllokohet me karrige nga opozitarët.
Përfaqësues të Partisë Socialiste janë shprehur se ky grup deputetësh opozitarë kanë zgjedhur këtë mënyrë sjellje vetëm për të mbrojtur interesat personale të ish kryeministrit Berisha, i cili është shpallur së fundi person nën hetim nga Prokuroria e Posaçme dhe Gjykata e Posaçme kundër krimit dhe Korrupsionit për çështjen e ish Kompleksit Sportiv Partizani.
Zoti Berisha është shpallur person non grata nga SHBA-të për shkak të korrupsionit dhe cënimit të demokracisë dy vjet më parë, ngjarje që u pasua me zhvillime të vrullshme në Partinë Demokratike, e cila është ndarë në grupime pro dhe kundër tij./VOA
Doriana Musai, urbaniste tha se festivali i arkitekturës se ishte një akt i mirëfilltë teatral dhe se fjalimi i Ramës ishte folklor dhe poezi.
Sipas...
