Zbardhen të tjera detaje nga dosja hetimore në lidhje me çështjen e sterilizimit, për të cilën GJKKO caktoi masën ‘detyrim paraqitje’ për ish-ministrin e Shëndetësisë, Ilir Beqaj.

Sipas SPAK, ish-ministri Beqaj nuk parandaloi konfliktin e interesit mes biznesmenit Ilir Rrapaj dhe ish- zv.ministrit Klodian Rjepaj si dhe nuk konstatoi fryrjen e kostove nga ana e komisionit.

Ndërkohë, GJKKO caktoi për Beqajn edhe masën e bllokimit të pasaportës, ndërkohë ish-ministri theksoi se nuk do të ankimonte masën, pavarësisht disa procedurave që nuk ishin ligjore sipas tij.

Pas vetëvrasjes së shqiptarit 37-vjeçar, i cili ishte arrestuar nga policia britanike dhe do të depërtohej në Shqipëri, dhe tentativës së një shqiptari të dytë po ashtu për të vrarë veten, një protestë është organizuar në në Brook House, një objekt hetimi, i cili ka marrë plot kritika kohët e fundit, kryesisht nga të burgosur shqiptarë.

Kujtojmë që 37-vjeçari tentoi fillimisht të vriste veten, më pas u dërgua në spital ku edhe ndërroi jetë pak ditë më vonë, shkruan The Guardian.

Shtetasi i dyti u depërtua menjëherë pas tentativës së tij për vetëvrasje, por ai më pas u kthye sërish në Britaninë e Madhe, pasi një sfide ligjore nga avokati i tij, i cili aplikoi për anulimin e urdhrit të tij të dëbimit.

Një i burgosur shqiptar i përfshirë në protestë tha se dy burrat që kishin tentuar të vrisnin veten kishin frikë për sigurinë e tyre për shkak të planeve të afërta për t’i kthyer ata në Shqipëri.

“Njëri prej tyre më tha se mendonte se do të ishte më mirë të vdiste në Britaninë e Madhe se sa të kthehej në Shqipëri. Trajtimi ynë në paraburgim nuk është i mirë. Ne nuk jemi kafshë, ne jemi njerëz”, tha ai.

Politikani Gjergji Hani tha në “Euronews Albania” se Partia Demokratike ka bërë krime kundër të persekutuarve.

Ai tha se ka qenë vetë ish-kryeministri dhe ish-presidenti Sali Berisha i cili në kohën kur u zgjodh president i Shqipërisë, vuri shenjën e barazisë mes viktimës së diktaturës dhe persekutorit të tij duke u shprehur “jemi të gjithë bashkëvuajtës, e bashkëfajtor”.

“Partia Demokratike në raport me këto klasa, me këto shtresa të shoqërisë, nuk ka bërë gabime, ka bërë krime. Për mua këto janë krime të pastra. Mjafton të sjell në vëmendjen e publikut deklaratën e menjëhershme të zotit Berisha sapo u zgjodh president i Shqipërisë, “jemi të gjithë bashkëvuajtës, e bashkëfajtor”.

“Berisha nuk ka asnjë të drejtë morale njerëzore, historike, zyrtare, për të vënë shenjën e barazimit mes një viktime të atij sistemi të tmerrshëm dhe persekutorëve të tij. Ai e bëri këtë duke i hapur rrugën infiltrimit në radhët e Partisë Demokratike të një sërë njerëzish të korruptuar me diktaturë e me dhunë”,-tha Gjergji Hani duke shtuar se një tjetër krim ndaj kësaj klase ishte dhe ligji për shpërndarjen e pronësisë, duke u bërë padrejtësi ish-pronarëve

Opozita e udhëhequr nga Sali Berisha dhe Gazment Bardhi kanë paralajmëruar bllokimin e seancës maratonë për buxhetin.

Por zëdhënësja e Partisë Demokratike, Mirela Karabina e konsideroi si shou të turpshëm sjelljen e opozitës.

”PD është në rrugëtimin e saj, deputetët e PD-së kanë dorëzuar zyrtarisht amendimet për buxhetin 2024. Ndërsa grupet e tjera duhet të ndihen të turpëruar para elektoratit.

Po bëjnë shou të trishtueshëm, pasi shohim një grup deputetësh. Ata nuk janë të qartë se çfarë duan. Ajo që po ndodh tani është dëmi që kalon një buxhet pa u ndjerë fare, që nuk është fare në interes të vendit”,- tha Karabina.

Në një intervistë për Report Tv, Karabina tha se po bëhet një tymnajë për interesa personale, duke ju referuar Sali Berishës, dhe jo për interes të shqiptarëve.

”Bën sikur pengon dhe merr pjesë në aktet online, është një tymnajë që bëhet jo në interes të shqiptarëve. Kemi një buxhet që po talon pa u ndjerë fare. PD po mbahet larg që mos të jetë ajo alternativë.

Mbahet me qëllim nga estabilishmenti politik. Jemi në një tension politik i krijuar dhe qytetarët duan zgjidhje. Jemi në momentin që kalon buxheti për 2024 dhe nuk ka asnjë justifikim që opozita të sillet në këtë mënyrë.

Në këto momente nuk mund të përdorësh një formacion që s’kanë interes për qytetarët shqiptarë. Berisha është në një moment të vështirë pasi është në hetim nga SPAK. Nuk mund të përdoren njerëzit për interesat të ngushta personale”,- tha Karabina.

Gjykata e Posaçme kundër Korrupsionit dhe Krimit të Organizuar ka caktuar ditën e hënë të javës së ardhshme seancën për marrjen në pyetje të ish-ministrit të Shëndetësisë, Ilir Beqaj i akuzuar për “shpërdorim detyre” në lidhje me koncesionin e sterilizimit të instrumenteve mjekësore.

“Prokuroria e Posaçme kundër Korrupsionit dhe Krimit të Organizuar më datë 18.11.2023 ka paraqitur përpara Gjykatës kërkesën me objekt: Marrjen në pyetje të personin hetim I.B. Bazuar në nenin 248 të K.Pr.Penale seanca gjyqësore për zhvillimin e seancës gjyqësore për verifikimin e kushteve të zbatimit të masës dhe marrjen në pyetje të personit nën hetim I.B do të zhvillohet më datë 20.11.2023 ora 12:00”, thuhet në njoftim.

Ndaj Beqajt është caktuar masa e sigurisë së “detyrim paraqitje” dhe ndalim të daljes nga vendi në lidhje me akuzat e ngritura se ka ndikuar në dhënien e koncesionit.

Mediat britanike i janë rikthyer sërish çështjes së klandestinë shqiptar dhe trafikimit të tyre përmes kanalit me gomone.

Gazetarët e “Express” kanë mbërritur në Tiranë, ku kanë folur nga afër me një kontrabandist, i cili ka deklaruar se nga ky aktivitet përfiton 50 mijë paund në vit.

“Ky biznes nuk ka qenë kurrë më i mirë për ata që përfitojnë nga kalimet me anije të vogla”, ka deklaruar Dini, pseudonimi i kontrabandistit shqiptar.

Ai pohoi se në ditët janë 200 – 500 emigrantë shqiptarë që e kontaktojnë atë për të rregulluar udhëtime të paligjshme në Britani.

Barazia kryesore, tha Dimi për Express britanik, është perceptimi se Britania është e pasur dhe shuma të mëdha mund të fitohen nga puna, veçanërisht për ata që dëshirojnë të punojnë në fermat e kanabisit.

“Të gjithë njerëzit duan Anglinë sepse Anglia ka para,” tha ai. “Ata vijnë sepse duan të punojnë në shtëpitë e drogës [fermat e kanabisit] ose ngaqë kanë familjarë.”

“Unë kurrë nuk e kam numëruar numrin e personave që shkojnë në Angli, por është i lartë, ndoshta 6,000 vitin e kaluar,” shtoi ai.

Gazeta britanike thotë se kontrabandisti shqiptar i shikon me skepticizëm shifrat e nxjerrë nga qeveria britanike, e cila thotë se numri i emigrantëve që kalojnë kanalin ka rënë.

“Ai nuk po sheh ndonjë rënie në numrin e njerëzve që rrezikojnë gjithçka për të udhëtuar në Britani”, shkruan gazeta.

“Ndoshta diçka ka ndryshuar në strategjinë e Anglisë [në vitin 2022], kjo është arsyeja pse ata u kapën. Por ishte i njëjti numër [arritja në MB në 2023 si] në vitet e fundit.”, ka thënë shqiptari.

Duke përshkruar mënyrën në të cilën funksionon sipërmarrja e tij kriminale, Dini konfirmoi shumë nga gjetjet e një hetimi të mëparshëm të fshehtë të Express për kontrabandën, i cili zbuloi se operacionet po drejtoheshin nga Britania e Madhe dhe përdorte mediat sociale për të tregtuar shërbimet e tyre për shqiptarët që dëshironin të bënin udhëtimin e rrezikshëm.

“Unë kam dy role,” shpjegoi ai. “Unë marr paratë nga familjet e emigrantëve që kanë arritur në Britani dhe flas me klientët në mediat sociale që duan të shkojnë në Angli nga Shqipëria. Kam kontakte në Angli, të cilët janë miqtë e mi, dhe flas me kurdët në Francë të cilët organizojnë kalimet me anije.”

Dini, i cili thotë se u bë një kontrabandist ndërsa miqtë organizonin kalime nga Britania, shpjegoi se ai mblodhi informacione të hollësishme personale për migrantët, të cilat u përdorën nga bandat kurde për të identifikuar saktë klientët që paguanin dhe për të siguruar që askush të mos shmangte tarifën prej 4000 £ për udhëtimin.

Pagesa duhet të bëhet vetëm pasi udhëtimi të ketë përfunduar me sukses, kështu që ne i kërkuam Dinit se si ata që mbaheshin në objektet e Forcave Kufitare po arrinin të kontaktonin trafikantët për të konfirmuar një ulje të sigurt.

“Nuk më pëlqen të jap shumë detaje për pagesën,” u përgjigj ai. “Nuk do të doja t’i përgjigjem kësaj pyetjeje. Kontaktet e mia në Angli janë të njohura. Do të doja ta kapërceja këtë pjesë.”

Dini përsëriti disa herë pretendimin se kalimet e tij në Kanal ishin “të sigurta”.

“Nga llogaritë e mia bëj postime duke thënë ‘këtë ditë do të shkojmë me varkë në Angli, më shkruani për detajet’. Videot bëhen virale në një moment dhe njerëzit fillojnë të më kontaktojnë.

“Unë drejtoj tre profile të ndryshme, njëri ka 3,000 ndjekës, tjetri 10,000 dhe i treti ka 11,000.

“Kam klientë nga të gjitha kategoritë, familje, 16-vjeçarë dhe burra që duan të shkojnë në Angli për të ndryshuar jetën e tyre.”

Ndërsa Dini pranoi se ndjekja penale nga autoritetet ishte një rrezik, frika që e shqetëson vërtet është hakmarrja nga familjet e atyre që ai trafikon nëse ndodh më e keqja.

Ai shtoi: “Nëse diçka shkon keq në varkë, është një problem i madh për mua, sepse nëse një person vdes, familja e tij do të përpiqet të më gjejë. Ato familje mund të më vrasin dhe të thonë ‘ti bëre këtë me fëmijën tim’.

“Kjo nuk ka ndodhur kurrë më parë, të paktën për mua, por një ditë mund të ndodhë. Ekziston një rrezik sa herë që hipin në barkë, sepse gjithmonë ka më shumë njerëz sesa duhet të jenë. Ky lloj biznesi është shumë i ndërlikuar. Është e organizuar mirë, unë jam vetëm një pjesë e saj. Ka shumë njerëz që marrin vendime dhe organizojnë detaje të tjera.”