Lidhur me masën e sigurisë ndaj ish-ministrit Beqaj, ka reaguar nënkryetari i PD-së, Kreshnik Çollaku.

Për Çollakun, rasti ndaj njeriut të afërt të Edi Ramës, është tregues që ky i fundit nuk ka asgjë çfarë t’i bëjë SPAK-ut dhe atyre që e mbështesin atë.

Postimi i plotë i nënkryetarit të PD-së, Kreshnik Çollaku:

“Ilir Beqja nje nder ministrat me te rendesishem,dhe nje nder njerezit me te afert te kryeministrit Rama ,pergjate gjithe karrieres se tij ,eshte vene sot ne mase sigurie nga SPAK.

Nese do te mbronte dike,pervec familjes se ngushte te tij,Rama do te mbronte Ilir Beqaj.
Veprimi i sotem i SPAK eshte prove se kryeministri nuk ka cfare i ben asgje,po komplet asgje SPAK dhe fuqise qe mbeshtet SPAK.
Dhe ky eshte nje lajm i mire per Shqiperine dhe per shqiptaret.”

Kabinat e saunave në plazhe dhe banjat termale luksoze në terrene janë ndër vendet që udhëtarët dëshirojnë për t’u çlodhur, shkruan në një artikull e përditshmja britanike “The Guardian”. Banjat e Bënjës të Shqipërisë janë renditur mes nëntë ujërave termale më tërheqëse natyrore në Evropë.

Pafundësia e kaltër, Shqipëria

Banjat termale të Bënjës në jug të Shqipërisë janë një perlë e vërtetë. Ujërat termale të Bënjës, te cilat njihen si Banjat Termale të Bënjës ndodhen 14 km larg qytetit te Përmetit.

Banjat termale ndodhen pranë lumit Langaricë, një degë e lumit të Vjosës, një nga lumenjtë e fundit me rrjedhje të lirë të Evropës.

Vizitorët mund ta kalojnë ditën duke u zhytur në burimet natyrore dhe duke u mbuluar me baltën e pasur me squfur, e cila thuhet se ka veti terapeutike.

Gjithashtu, vizitorët mund të shijojnë madhështinë e luginës, urën e saj të lashtë prej guri dhe pafundësinë e kaltërt të qiellit shqiptar.

Media britanike “The Guardian” ka publikuar nëntë burimet termale më të bukura natyrore në disa vende të botës:

Ujërat termale të Bënjës, Shqipëri

Ujërat termale në Edipsos, Greqi

Ujërat termale në liqenin Garda, Itali

Ujërat termale në “Salt and Ember”, Irlandë

Ujërat termale “Széchenyi”, Budapest

Ujërat termale në plazhin Porth Tyn Tywyn

Ujërat termale në “Caldea spa”, Andorra

Ujërat termale në “Moseltherme”, në Traben-Trarbach, Gjermani

Ujërat termale në “Cieplice Śląskie-Zdrój”, Poloni.

SPAK i cakton masë sigurie ish-ministrit Ilir Beqja. SPAK i ndalon largimin nga Shqipëria ish-ministrit duke i caktuar masën “detyrim paraqitje”.

Nënkryetarja e PD, Orjola Pampuri, në një deklaratë për mediat ka thënë se mungesa e transparencës për buxhetin e qeverisë për vitin 2024 është tregues i paaftësisë qeveritare për të orientuar buxhetin te qytetarët.

Sipas Pampurit, paratë do të shkojnë te koncensionet dhe PPP korruptive

DEKLARATË E PARTISË DEMOKRATIKE, NËNKRYETARJA DHE DEPUTETJA, ORJOLA PAMPURI

Projekt-Buxheti për vitin 2024 po kalon në mungesë të plotë transparence për qytetarët dhe duke mos krijuar një funksionim normal të kontrollit parlamentar, mazhoranca po përpiqet me cdo kusht ta kalojë në amulli të plotë.

Dukshëm Qeveria rrit mbështetjen buxhetore për PPP-të e koncesionet, përfshirë ato të Shëndetësisë, që për këtë vit do të paguhen më shtrenjtë për xhepat e qytetarët shqiptarë. Plot 12.5 milion euro më shumë.

Ndërkaq një ndër konçesionet më famëkeqe të kësaj Qeverie, ai i Check-Up, i provuar dhe nga auditimi i fundit i Kontrollit të Lartë të Shtetit, se përgjatë vitit 2022, ky koncesion është faturuar për më shumë se 20 mijë ekzaminime mjeksore të pakryera.

Pra edhe pse koncesioni nuk i ka kryer ato kontrolle, Qeveria ka vijuar të paguajr plot 37.2 milion lekë ose 350 mijë euro nga buxheti i shtetit, për një shërbim që nuk iu është ofruar qytetarëve.

Ky nuk është një rast i vecuar pasi dhe në kontrolle të mëparshme koncesionari ka raportuar një numër kontrollesh edhe më të ulta se vetë numri i kontrolleve të parashikuara sipas kontratës për një vit.

Dukshëm Check-Up ka dështuar ta bëjë këtë.

Kjo mund evidentohet, sipas KLSH, nga rritja e kostove të trajtimit të sëmundjeve dhe rimbursimit të barnave, me një vlerë prej 11 milion euro më shumë.

Pra Qeveria edhe këtë vit do të vazhdojë të ndajë edhe më shumë para për Check Up me një fond prej 876 milion lekë ose 8.2 milion euro, duke e çuar faturën për 4 PPP të Shëndetësisë në plot 50 milion euro për vitin e ardhshëm.

Ky nuk është buxhet për qytetarët, por për interes të një grushti njerëzish të cilët prej vitesh tashmë përfitojnë nga taksapaguesit shqiptarë.

Partia Demokratike e ka ngritur si shqetësim madhor buxhetin e korrupsionit që ka sjellë qeveria në Parlament. Për këtë arsye deputetët e PD kanë hartuar 8 amendamente të cilat janë depozituar zyrtarisht në Parlament.

AMENDAMENTI I DEPUTETËS ERALDA TASE BANO, PËR BUXHETI E VITIT 2024

KUVENDI

AMENDAMENT

PËR DISA NDRYSHIME NË PROJEKTLIGJIN “PËR BUXHETIN E VITIT 2024”

Në mbështetje të nenit 75, pika 4 të Regullores së Kuvendit të Shqipërisë, deputetja znj. Eralda Tase propozon,

Në projektligjin “Për Buxhetin e Vitit 2024”, të bëhet ndryshimi, si më poshtë vijon:

Neni 1

Në projektbuxhet tabela 1, arsimi i mesëm profesional (kodi 09240), vlera 3530 milion lekë bëhet 7060 milion lekë.

Neni 2

Ky ndryshim pasqyrohet në të gjitha nenet, tabelat dhe anekset shoqëruese të ligjit.

RELACION

PËR AMENDAMENTIN

Duke patur parasysh zhvillimet e tregut të punës, arsimi profesional po merr gjithmonë e më tepër vlerë. Qeveria nuk duhet t’i detyrojë nxënësit të shkojnë drejt arsimit profesional duke vendosur kriter mesataren por duhet të investojë në këtë fushë duke e bërë arsimin e mesëm profesional atraktiv për të rinjtë, aq më tepër kur tregu po kërkon gjithmonë e më shumë profesionistë nga zanate të ndryshme.

Ky amendament ka për synim që të 2-fishojë fondet që shkojnë për arsimin e mesëm profesional nga 3530 milion lekë në 7060 milion lekë.

Efekti financiar në Buxhetin e Shtetit do të përballohet nga ulja në të njëjtën masë e shpenzimeve operative të qeverisë, investimeve jo prioritare, kontratave koncesionare/PPP dhe shpenzime rikonstruksion zyrash dhe mobilim.

Gjendja e demokracisë dhe ndikimi i gjeopolitikës në rajon ishin tema për të cilat Ditmir Bushati diskutoi sot në Public Square me të ftuarin e tij Florian Bieber, Drejtor i Qendrës së Studimeve për Evropën Juglindore në Universitetin e Grazit në Austri, studiues dhe njohës me përvojë i Ballkanit Perëndimor.

ashkëbiseduesit ndanë mendimin se jemi në një çast krize për demokracinë, kjo, jo vetëm në rajon, por në Evropë dhe më gjerë. “Në rajon mungon fuqia transformuese e procesit të anëtarësimit në BE. Nuk po shohim vende të bëhen më demokratike. Nëse ka lëvizje për demokraci ato zakonisht nuk janë të kuadruara brenda kontekstit të procesit të integrimit në BE”, thekson Bieber.

Qytetarët dhe shoqëria civile e vendeve të Ballkanit Perëndimor e ka humbur fuqinë e reagimit dhe kjo bën me përgjegjësi dhe vetë BE-në. Bieber solli në vëmendje në këtë rast se për herë të fundit kemi pasur reagimin e Maqedonisë së Veriut me rrëzimin e qeverisë së Nikola Gruevskit. Kjo ngjalli entuziazëm të madh për rikthimin e vendit në drejtimin e duhur drejt vlerave evropiane, “por, ky argument nuk po funksionon më, pasi vetë BE-ja duket se shpesh është në mbështetje të këtyre tendencave autoritaiane duke sakrifikuar shtetin e së drejtës dhe demokracinë”.

Bieber mendon se kemi hyrë në një fazë më transaksionale të ushtrimit të politikës së jashtme jo vetëm nga SHBA, por edhe nga vetë Bashkimi Evropian, dhe kjo është e dukshme veçanërisht në Evropën Juglindore dhe Ballkanin Perëndimor. Po në këtë prizën ata shpjegojnë dhe qasjen e Bashkimit Evropian dhe Shteteve të Bashkuara të Amerikës kundrejt konfliktit Kosovë-Serbi. Bieber thotë se politika e ndjekur si nga SHBA ashtu dhe BE po penalizon Kosovën e cila dihet botërisht që është e orientuar nga perëndimi, në përpjekje për të larguar Serbinë prej Rusisë.

Bushati dhe Bieber ndajnë mendimin se shumë udhëheqës të Ballkanit Perëndimor po ushtrojnë politikë të ngjashme me “martesa të hapura”, duke iu referuar këtu vizitave të shumëta nga drejtues politikë të kontinenteve të ndryshme, organizata të ndryshme ndërkombëtare, të cilët flasin pak a shumë të njëjtën gjuhë me lidërët tanë, sepse, më së shumëti janë të interesuar në para, influencë apo sovranitet nga pikpamja e vendimarrjes.

Pyetja që lind natyrshëm në këtë rast është se si ta ngjallim shpresën e shoqërisë tek ky proces dhe a mund të qëndrojnë bashkë demokracia, identiteti kombëtar dhe BE-ja? Padiskutim që për këtë kërkohen rrethana të caktuara, mendojnë Bushati dhe Bieber, të cilat për momentin nuk ekzistojnë, sepse BE po investohet në ruajtjen e një status-quo aktuale. Një tjetër problem i cili nuk e lejon shoqërinë të ushtrojë presion ndaj qeverive është dhe fenomeni i lëvizjes së shumë shtetasve drejt BE-së.

Duke iu referuar vitit 2030-të si afati i vendosur për anëtarësimin e Ballkanit Perëndimor në union, Bieber thotë se “Duhet të jemi shumë të kujdesshëm kur vendosim data në mënyrë që ato afatë të respektohen. Duhen përcaktuar afate kohore të qarta rreth asaj se cfarë duhet të përmbushin vendet dhe qeveritë dhe në cilën datë dhe ti qëndrojnë afateve të planifikuara”.

Bushati dhe Bieber diskutuan dhe për zgjedhjet për Parlamentin Evropian dhe rritjen e partive populiste në Europë. Në këtë pikë ata vlerësojnë se ka një efekt pozitiv kjo pasi zgjerimi tashmë është kthyer prioritet në agjendë. Në të njëjtën kohë, situata në Ukrainë ka prodhuar një situatë gjeopolitike që nuk ka ekzistuar të paktën prej një dekade.

Injoranca e vullnetshme ndodh kur dikush shmang qëllimisht informacionin për pasojat negative të veprimeve të veta. Një meta-analizë e re zbuloi se 40% e njerëzve zgjedhin të mbeten injorantë për mënyrën se si vendimet e tyre ndikojnë tek të tjerët. Provat sugjerojnë se injoranca e vullnetshme u ofron njerëzve një justifikim të integruar për të vepruar me egoizëm.

A keni një xhaxha që beson se vaksinat shkaktojnë autizëm, por refuzon të lexojë grupet e studimeve që tregojnë se ato janë të sigurta? Po një mik që shmang informacionin rreth fermës së kafshëve, në mënyrë që të mund të hajë mish të lirë pa u ndjerë në faj? Ose atë drejtues kompanie, që pretendon se biznesi i vet ndjek parimet e etikës, por nuk e heton zinxhirin e furnizimit për shfrytëzimin e mjedisit apo të varfërve?

Secili është një shembull i asaj që psikologët e quajnë injorancë e vullnetshme – akti i qëllimshëm i shmangies së informacionit që zbulon pasojat negative të veprimeve të tua. Për të mos gjykuar: Ne të gjithë kemi një vend në jetën tonë ku kthejmë kokën nga ana tjetër dhe pretendojmë se gjithçka është në rregull. Mund të jetë e natyrës personale, politike ose profesionale, por vetëm nën sipërfaqen e vetëdijshme, ne e dimë se veprimet tona nuk përputhen me vlerat e shpallura.

“Shembuj [të] injorancës së vullnetshme janë të shumta në jetën e përditshme,” thotë Linh Vu, kandidat për doktoraturë në Universitetin e Amsterdamit. “Ne donim të dinim se sa e përhapur dhe e dëmshme është injoranca e qëllimshme, si dhe pse njerëzit e përdorin.”

Për ta zbuluar, Vu dhe një ekip studiuesish kryen meta-analizën e parë mbi provat aktuale empirike të injorancës së vullnetshme dhe analiza u botua në Buletinin Psikologjik, një revistë e Shoqatës Amerikane të Psikologjisë. Ata krahasuan rezultatet e 22 studimeve me një total prej më shumë se 6000 pjesëmarrësish. Ja çfarë gjetën.

Hapësira morale e lëizjes

Eksperimenti klasik për studimin e injorancës së vullnetshme njihet si detyra e hapësirës së manovrimit moral. Është projektuar nga Jason Dana, një profesor i asociuar i marketingut dhe menaxhimit në Yale. Pjesëmarrësve u caktohet rastësisht roli i vendimmarrësit ose pritësit. Vendimmarrësit i jepet një zgjedhje: ata mund të marrin një pagesë prej 5 ose 6 dollarësh. Nëse ata marrin pagesën prej 5 dollarësh, pritësi do të marrë gjithashtu 5 dollarë. Nëse marrin pagesën prej 6 dollarësh, pritësi do të marrë 1 dollar.

Kur u jepet ky informacion nga një studiues, shumica e vendimmarrësve veprojnë në mënyrë altruiste. Ata sakrifikojnë pagesën pak më të madhe për veten e tyre për t’i dhënë pritësit më shumë para. Mesatarisht, vetëm rreth një e katërta e vendimmarrësve veprojnë me egoizëm. Por dhënia e informacionit të plotë është thjesht kontrolli. Eksperimenti në të vërtetë fillon kur studiuesit bëhen më pak të drejtpërdrejtë.

Në gjendjen eksperimentale, vendimmarrësit sërish mund të zgjedhin midis pagesave prej 5 ose 6 dollarësh, por këtë herë nuk u thuhet se çfarë do të marrë pritësi. Ka një shans 50-50 që pritësi të marrë 5 dollarë ose 1 dollar. Më e rëndësishmja, vendimmarrësit mund t’i pyesin studiuesit se çfarë pagese do të marrë pritësi, dhe ata mund ta bëjnë këtë pa kosto për veten e tyre. Me fjalë të tjera, ndërkohë që vendimmarrësit e fillojnë ekspertimentin të painformuar mbi pasojat e veprimeve të tyre, ata mund të mos mbeten të tillë nëse nuk duan.

Në studimin fillestar të Dana-s të vitit 2007, 44% e vendimmarrësve në gjendjen eksperimentale zgjodhën të qëndronin injorantë me dashje dhe morën opsionin egoist.

Disa studime në meta-analizë ishin variacione të këtij projekti origjinal. Për shembull, një version i lojës përfshinte negociatat ultimatum, ku pritësi mund të pranonte ose refuzonte ofertën e vendimmarrësit. Nëse ata e refuzonin atë, të dy pjesëmarrësit largoheshin duarbosh. Një version tjetër kishte anëtarët e grupit që votonin për pagesat për grupin dhe një pritës të panjohur.

Por në të gjitha studimet, studiuesit zbuluan se ndarja origjinale e Danës ishte mjaft e qëndrueshme. Mesatarisht, 40% e njerëzve zgjidhnin të mos mësonin për pasojat e veprimeve të tyre dhe një injorancë e tillë shoqërohej me më pak altruizëm në krahasim me ata që u informuan.

Injoranca si justifikim

Studiuesit supozuan dy motive të mundshme për injorancën e qëllimshme. Së pari, ata menduan se injoranca e vullnetshme mund të ofrojë një justifikim për të mos vepruar me bujari. Nëse një person nuk i di pasojat e veprimeve të tij, atëherë ai sërish mund ta konsiderojë veten një individ moralisht të qëndrueshëm edhe nëse vendos të veprojë me egoizëm. Injoranca e vullnetshme shërben për të mbrojtur imazhin e tyre për veten.

Motivimi i dytë i mundshëm njihet si “pavëmendshmëria njohëse”. Kjo do të thotë, njerëzve nuk u pëlqen të mendojnë më shumë sesa duhet. Mund të rrjedhë nga dembelizmi, mungesa e vëmendjes, apo mosdashja për të marrë kohë për të mësuar më shumë. Sido që të jetë, ata favorizojnë vendimin e shpejtë dhe të kollajtë – edhe sikur të kishin vepruar në mënyrë altruiste, nëse do të ishin informuar paraprakisht.

Për ta testuar këtë, studiuesit krahasuan zgjedhjet e pjesëmarrësve që zgjodhën të informoheshin me ata që mësuan për pasojat si parazgjedhje. Studiuesit arsyetuan se nëse nxitësja ishte pavëmendshmëria njohëse, atëherë përqindja e altruizmit do të ishte afërsisht e njëjtë mes të dyve.

Nga ana tjetër, nëse ata që zgjodhën të mësonin për pasojat do të vepronin më bujarisht, kjo do të sugjeronte që personat e informuar me parazgjedhje do të kishin “përzgjedhur vetë” të mbeteshin injorantë nëse u jepej opsioni. Dhe kjo është ajo që studiuesit gjetën. Në të gjithë studimet, pjesëmarrësit që zgjodhën të informoheshin për pasojat kishin 7% më shumë gjasa të bënin zgjedhjen altruiste.

“Gjetjet janë fantastike, pasi sugjerojnë se shumë nga sjelljet altruiste që vëzhgojmë janë të nxitura nga dëshira për t’u sjellë ashtu siç presin të tjerët nga ne,” thotë Shaul Shalvi, bashkëautor dhe profesor i etikës së sjelljes në Universitetin e Amsterdamit.

Ai shtoi: “Një pjesë e arsyeve pse njerëzit veprojnë në mënyrë altruiste janë për shkak të presioneve shoqërore si dhe dëshirës së tyre për ta parë veten në një dritë të mirë. Meqenëse të qenit i drejtë shpesh kushton, kërkon që njerëzit të heqin dorë nga koha, paratë dhe përpjekjet e tyre. Injoranca ofron një rrugëdalje të kollajtë.”

Thënë kjo, analiza nuk mund të eliminonte pavëmendshmërinë konjitive si një motivim të mundshëm. Në fakt, injoranca e qëllimshme mund të jetë efekti kumulativ i shumë motivimeve, përfshirë ato që nuk merren parasysh në meta-analizë, siç është reputacioni. Të dhënat thjesht sugjerojnë se mbajtja e një imazhi pozitiv për veten është një nga këto motivime.

Pak më pak injorantë për injorancën e vullnetshme

Meta-analiza ka kufizime që duhen përmendur. Si fillim, pjesëmarrësit në masë dërrmuese erdhën nga Evropa dhe SHBA, që do të thotë se rezultatet mund të mos përsëriten në kultura të tjera. Studimet panë gjithashtu injorancën e qëllimshme në laborator kundrejt vendimeve aktuale në botën reale. Së fundi, ata u përqendruan në detyra diskrete, që do të thotë se ato kryheshin vetëm një herë. Është e mundur që raundet e vazhdueshme të dhënies dhe marrjes midis vendimmarrësit dhe pritësve do të jepnin rezultate të ndryshme (si në shumë lojëra të teorisë së lojës).

Megjithatë, autorët arrijnë në përfundimin se “të marra së bashku, provat e përgjithshme sugjerojnë se injoranca është me të vërtetë pjesërisht “e vullnetshme” dhe e nxitur nga motivet e kërkimit të justifikimit dhe të ruajtjes së imazhit të vetvetes”. Falë tyre, të gjithë jemi pak më pak injorantë për injorancën. / Big Think – Bota.al