Ekonomitë e Ballkanit Perëndimor, sidomos Shqipëria duhet të alarmohet nga potencialet e larta të popullatës që kërkon të emigrojë në mënyrë të përhershme, duke sinjalizuar një rreth vicioz të një krize demografike, ekonomike dhe politike, tha Këshilli i Bashkëpunimit Rajonal (RCC), pas analizës së rezultateve të anketës së Barometrit të Sigurisë për vitin 2023.

Rezultatet e anketës që u zhvillua në maj-qershor 2023 në 6 vendet të Ballkanit Perëndimor evidentuan se Shqipëria megjithëse ka përjetuar deri më tani emigracion më të fortë se Rajoni, ende ka potencial të lartë të largimit nga vendi sidomos për të rinjtë e arsimuar.

Anketa që u zhvillua në rreth 6000 persona në Ballkan tregoi se, 31 për qind e shqiptarëve planifikojnë të largohen nga vendi. Por më rëndësishmja është se, 18 për qind e tyre tashmë kanë plane dhe kanë gjetur mënyrat për të ikur.

Rezultatet tregojnë se emigracioni në Shqipëri është më agresiv se në të vendet e tjera pasi, në një përqindje më të madhe shqiptarët nuk dëshirojnë të emigrojnë përkohësisht por përgjithmonë. (shiko grafiqet e mëposhtme).

Nga pjesa e shqiptarëve që kanë shprehur dakord për të ikur, pothuajse 44 % duan të emigrojnë në mënyrë të përhershme niveli më i lartë në Rajon.

Ata që synojnë të largohen, në përgjithësi, përqendrohen në grupin aktiv të punës 18-44, ndërsa ata që nuk duan të largohen dominojnë grupin 45-65+ të popullatës.

Pavarësisht një tkurrjeje nga viti 2022, planet për emigracionit vazhdojnë në Rajon dhe kryesisht në Shqipëri, duke shndërruar fenomenin e largimit në një prirje të qëndrueshme.

Analiza e RCC tregon se një prirje e tillë padyshim do të thellojë krizën demografike, për shkak të një kombinimi të rrezikshëm të migrimit të vazhdueshëm dhe plakjes së popullsisë.

Kjo situatë krijon kushtet për më shumë mungesa të fuqisë punëtore, i konsideruar tashmë si një emergjencë për Shqipërinë.

Në Shqipëri faktorët shtytës që nxisin emigracionin lidhen me arsyet ekonomike dhe mosbesimin në institucione. Në të njëjtën kohë zgjerimi i rrjeteve familjare dhe numri i atyre që mund të përdorin këto lidhje përforcohen, duke nxitur më tej flukset dalëse të migracionit.

Nga ana tjetër, prirja migratore e të anketuarve të mirë-arsimuar në mënyrë të pashmangshme përforcon problemet e ikjes së trurit tashmë të pranishme në ekonomitë rajonale./Monitor

Gazetari investigative Artan Hoxha, duke komentuar në emisionin “Të Paekspozuarit”, në MCN TV, kërcënimin e Greqisë për të bllokuar integrimin e Shqipërisë në BE, tha se ne të gjithë e dimë që Fredi Beleri është kapur me presh në duar me blerje të votave.

Sipas tij, Rama po gjen justifikim ekselent për të thënë shqiptarëve se ne po bëjmë përpjekje për negociatat por nuk na pengon Greqia.

Fredi Beleri është person i gabuar në këtë histori. Ai është kapur me presh në duar duke blere vota. Shërbimet sekrete greke, drejtues të policisë greke janë përfshirë direkt në zgjedhjet e fundit duke intimiduar njerëzit që të vootjnë për Belerin. Një njeri që është provuar që e ka në duart e tij gjakun e dy dëshmorëve, familjarët e të cilëve duan përgjigje.

Rama është i interesuar këtu të thotë se ne duam të hyjmë në BE, ti përgatisim kapitujt, por s’po na lë Greqia.

Ne e dimë fare mirë se çfarë ka bërë Mitsocakis, Fredi Beleri dhe e dim fare mirë që tani Rama po fërkon duart se po merr epitetin si patriot dhe nacionalist, që nuk ka lidhje me to dhe po gjen justifikim ekselent për të thënë shqiptarëve se ne po bëjmë përpjekje për negociatat por nuk na pengon Greqia.

Whittier, Alaska është i vetmi qytet në botë, banorët e të cilit jetojnë të gjithë në një ndërtesë të vetme, të quajtur “Begitch Tower”.

Popullsia e përgjithshme e qytetit është 220 njerëz dhe të gjithë jetojnë në të njëjtin pallat.

Godina përbëhet nga 14 kate dhe përfshin pothuajse të gjitha shërbimet, si një shkollë, spital, supermarket, komisariatin e policisë, palestrën, kafene, e madje dhe një kishë.

Kjo formë e të jetuarit brenda një godine të vetme është zgjedhur nga rezidentët e Whittier, pasi për shkak të kushteve ekstreme të motit është e vështirë të lëvizësh jashtë në pjesën më të madhe të vitit.

Zona e Mallakastrës njihet për prodhimin e vajit të ullirit, por këtë sezon fermerët ankohen se prodhimi ka rënë ndjeshëm.

Ata tregojnë se kushtet e pafavorshme të motit, por edhe mungesa e një politike mbështetëse për fermerët nga shteti ka ndikuar direkt në uljen e rendimentit. Ndër problemet që derivojnë në këtë industri janë të shumta. Ndër to mund të përmendim mungesën e krahut të punës dhe rritjen e çmimeve të plehrave kimike.

“Rrjedhimisht që është më pak. Ka ndikuar edhe koha, dhe sivjet fermerët nuk kanë pasur mundësi që ta punojnë, ta plehërojnë se kanë çmime të larta”, thotë një fermer.

Mungesa e prodhimit këtë vit ka bërë që çmimi i vajit të rritet ndjeshëm, ndikuar edhe nga importi nga vendet e huaja.

“Kërkesa nga jashtë nuk ka kërkesë këtu brenda shitet shumë pak se në aq jemi. Tregu i jashtëm kërkoi edhe rritjen e çmimit, mendoj që do rritet më shumë”, shprehet një tjetër.

Fermerët kërkojnë më shumë mbështetje, pasi kostot e prodhimit janë rritur dhe ata hasin vështirësi në sigurimin e punëtorëve për të kryer shërbimet.

Nga viti në vit, çmimi I një litri vaj ulliri rritet ndjeshëm. E ndërsa një vit më parë ishte 500 mijë lekë litri, këtë vit ka shkuar në 800 mijë lekë litri.

Kryetari i Partisë Demokratike, Lulzim Basha, i shoqëruar nga deputetja Flutura Açka dhe Preç Zogaj, zhvilluan një vizitë në Panairin e Librit.

Ndërsa është ndalur në një e nga stendat e librit, Basha vlerësoi interesin që po shfaqin të rinjtë për librin, ndërsa ka theksuar se në programin e PD, do i kushtohet vëmendje e veçantë letërsisë, artit dhe kulturës.

“Më bëhet zemra mal kur shikoj lexues të rinj e të reja. Për këtë dua t’i shpreh një falënderim në veçanti prindërve dhe arsimtarëve, të cilët përmes pranisë së nxënësve në panairin e librit, po bëjnë një investim shumë të rëndësishëm për gdhendjen dhe sofistikimin e shijes së lexuesve shqiptarë”,-tha Basha.

Basha e ka konsideruar shumë të rëndësishëm investimin për letërsinë, kulturën dhe artin, ndërsa është shprehur se sipas tij, mbështetja për librin në Shqipëri nuk është as gjysma e mbështetjes që jep Kosova.

“E rëndësishme është vëmendja ndaj autorëve shqiptarë, sepse nëse ka një tipar dallues që po bashkon shqiptarët në Shqipëri, Kosovë, Maqedoni të veriut, në Malin e Zi, në Greqi e diasporë, është gjuha shqipe, ruajtja dhe promovimi i së cilës është një nga misionet më të shenjta. Në programin e PD, që po përgatitet në bashkëpunim me ekspert kombëtarë dhe ndërkombëtarë, një vëmendje e veçantë i kushtohet letërsisë, artit dhe kulturës”, – theksoj Basha duke sjelle në vëmendje, që mbështetja për librin në Shqipëri nuk është as gjysma e mbështetjes që jep Kosova.

Instituti i Statistikave (INSTAT) ka njoftuar njoftoi se procesi i Censit të Popullsisë dhe Banesave 2023 ka përfunduar.

INSTAT po vazhdon punën për verifikimin në terren të statusit të banesave dhe refuzimeve, deri në datë 24 Nëntor.

Për vlerësimin e cilësisë së procesit dhe mbulimin, prej datës 20 Nëntor – 20 Dhjetor 2023, INSTAT do të organizojë Anketën Pas Cens sipas rekomandimeve të Kombeve të Bashkuara dhe Bashkimit Evropian, në 100 Zona Numërimi, të shpërndara në të gjithë territorin e vendit. Ky proces do të angazhojë 100 anketues dhe 25 kontrollorë të cilët do të trokasin përsëri në dyert e qytetarëve, në zonat e përzgjedhura.

INSTAT u ka bërë thirrje qytetarëve të lehtësojnë punën e stafit.

Grumbullimi i të dhënave nisi më datën 18 shtator 2023 dhe fillimisht ishte parashikuar të zgjaste 6 javë për të përfunduar në fund të tetorit, por duket se koha fillestare nuk ka qenë e mjaftueshme duke bërë që procesi të zgjatet deri  më 15 nëntor.

Censi i Popullsisë dhe Banesave 2023 do të jetë Censi i 12-të, që kur Shqipëria u shpall shtet i pavarur në vitin 1912, ku Censi i parë u krye në vitin 1923. Që prej Censit të vitit 1989, metodologjia e tij ka ndjekur gjithnjë e më shumë rekomandimet ndërkombëtare për kryerjen e Censit.

Censi i Popullsisë dhe Banesave 2023 synon të jetë në përputhje të plotë me rekomandimet e Komisionit Ekonomik të Kombeve të Bashkuara për Europën (UNECE) për raundin e vitit 2020 të Censeve dhe gjithashtu me rregulloret e fundit të BE-së për zbatimin Censit të Popullsisë dhe Banesave.

Censi i Popullsisë dhe Banesave ofron të dhëna mbi numrin zyrtar të popullsisë në një vend, në njësinë më të vogël gjeografike, së bashku me informacionin mbi një numër të zgjedhur të karakteristikave demografike, sociale dhe ekonomike të popullsisë.

Në mënyrë të ngjashme, Censi i banesave ofron  numërimin zyrtar të të gjitha banesave në vend në njësinë më të vogël gjeografike, së bashku me informacionin mbi një numër të zgjedhur të karakteristikave të banesave.

Në studion e emisionit “Open” në News24 u diskutua për marrëdhëniet mes Shqipërisë dhe Greqisë lidhur me çështjen ‘Beleri’ dhe ngrirjen e negociatave për në BE nga Athina zyrtare.

Analisti dhe politologu Fitim Zekthi u shpreh se Greqia po e përdor pa të drejtë këtë veto të BE-së dhe se është një akt i pakuptimtë.