26.5 C
Tirana
E enjte, 1 Maj, 2025
type here...

Myzafer Elezi: “Koha për Ndryshim – Voto për një Shqipëri më të drejtë dhe më të sigurt”

Kandidati i Koalicionit Euroatlantik, Myzafer Elezi, u është drejtuar qytetarëve me një thirrje të qartë për pjesëmarrje dhe votë për ndryshim në zgjedhjet e 11 majit. Në një deklaratë publike, Elezi thekson se Shqipëria ndodhet në një udhëkryq dhe se vota e qytetarëve është vendimtare për të kthyer vendin drejt drejtësisë, zhvillimit dhe sigurisë.

“Le të votojmë për një Shqipëri më të drejtë, më të sigurt dhe më të begatë. Të ndërtojmë së bashku një qeverisje që i shërben qytetarit, jo një kastë të privilegjuarish,” – shprehet Elezi.

Ai prezanton pikat kryesore të platformës së Koalicionit Euroatlantik, që përfshijnë:

Mbështetje pa kushte për SPAK-un dhe goditjen e pandëshkueshmërisë,

Veting për politikanët, si një mjet për pastrimin e politikës,

Siguri publike dhe rend në çdo komunitet,

Zhvillim ekonomik, punësim dhe mbështetje për familjet e reja,

Transparencë dhe qeverisje të përgjegjshme me qytetarin në qendër.

Ndërkohë, Elezi bën thirrje për votë kundër një sërë dukurish që, sipas tij, kanë dëmtuar vendin:

Arroganca dhe abuzimi me pushtetin,

Skandalet korruptive, përfshirë inceneratorët dhe tenderat sekretë,

Politizimi ekstrem i administratës dhe institucioneve të sigurisë,

Shpopullimi masiv dhe emigrimi i të rinjve,

Zgjatja artificiale e tranzicionit politik.

“Shqipëria ka nevojë për një fillim të ri. Ne nuk mund të zëvendësojmë të korruptuarit me të korruptuar të tjerë. Duhet të ndërtojmë një politikë të pastër, me njerëz të ndershëm,” – përfundon Elezi.

Ftesa e tij është e qartë: Voto Nr. 4️⃣ – Voto Koalicionin Euroatlantik – Voto për të ardhmen!

#KoalicioniEuroatlantik
#VloraNdryshon
#Voto4
#MyzaferElezi

Postimi i plotë:

Të nderuar qytetarë,

 

Më 11 maj, ju ftoj që me votën tuaj të kontribuoni për ndryshimin që meritojmë të gjithë.

 

Le të votojmë për Koalicionin Euroatlantik, për një Shqipëri më të drejtë, më të sigurt dhe më të begatë. Për:

 

– Mbështetje pa kushte për SPAK-un dhe luftë kundër pandëshkueshmërisë;

– Veting për politikanët, si garanci për një politikë të pastër;

– Rend dhe siguri në çdo cep të vendit;

– Zhvillim ekonomik, punësim për të rinjtë dhe mbështetje për familjet e reja;

– Qeverisje të përgjegjshme që ka qytetarin në qendër, me transparencë dhe besueshmëri.

 

Le të votojmë kundër:

 

– Arrogancës dhe abuzimit me pushtetin;

– Vjedhjes së fondeve publike përmes PPP-ve, tenderave sekretë dhe aferave korruptive si inceneratorët;

– Keqmenaxhimit të fondeve IPARD për bujqësinë dhe fermerët;

– Shpopullimit të vendit;

– Zgjatjes së tranzicionit pa fund;

– Lirimit nga burgu të të korruptuarve;

– Politizimit ekstrem të administratës dhe institucioneve të sigurisë kombëtare;

– Zëvendësimit të të korruptuarve me të korruptuar të tjerë.

 

Shqipëria ka nevojë për ndryshim, dhe vetëm së bashku mund ta sjellim atë.

 

Ju faleminderit,

 

Myzafer Elezi

Kandidat për deputet në Qarkun Vlorë.

 

#KoalicioniEuroatlantik

#VloraNdryshon

Mirela Karabina: “Kërkoj besimin tuaj për të qenë zëri i së vërtetës në Elbasan”

Kandidatja për deputete e Koalicionit Euroatlantik, Mirela Karabina, në një reagim të fundit në rrjetet sociale, ka kërkuar mbështetjen e qytetarëve për t’u bërë zëri i tyre në Kuvend, duke e konsideruar përfaqësimin si një përgjegjësi të thellë, përtej ambicieve personale.

“Më jepni besimin të jem zëri juaj i vërtetë. Kjo nuk është për mua, por për ju – për punëtorët, të rinjtë, studentët, nënat dhe baballarët që çdo ditë luftojnë për një jetë më të mirë,” – shprehet Karabina.

Ajo sjell një tablo të realitetit të përditshëm në Elbasan:
– të rinj që kërkojnë punë por e shohin të ardhmen jashtë vendit,
– qytetarë të ndershëm të pambështetur nga shteti,
– studentë të detyruar të punojnë në kushte të vështira,
– dhe ndërkohë, siç thekson ajo, “politikanët luajnë me miliona të vjedhura”.

Karabina thekson se zgjidhja e vetme është një votë kundër Edi Ramës dhe çdo politikani të korruptuar, ndërsa Koalicioni Euroatlantik është sipas saj alternativa që ofron shpresë reale, integritet dhe ndryshim për vendin.

“Në thellësi të qytetit mëson shumë… Sheh dhe flet me njerëzit. Hallet dhe problemet e tyre janë reale, ndërkohë politika e vjetër ka prodhuar vetëm arrogancë dhe pasuri për veten.”

Postimi përfundon me një thirrje të qartë:

Voto 4️⃣
Voto Koalicionin Euroatlantik
Voto Mirela Karabinën për Elbasanin!

#voto4
#KoalicioniEuroatlantik
#mirelakarabina
#elbasanimeritonmëshumë
#elbasanimeritonmëshumë

Postimi i plotë:

 

Më jepni besimin të jem zëri juaj i vërtetë.❤️

Të kërkoj mbështetjen tuaj, i them njerëzve, nuk hezitoj sepse kjo është përtej meje, kërkoj përgjegjësinë e përfaqësimit tuaj.

 

Në thellësi të qytetit mëson shumë, piktura e qytetit shihet qartë: të rinj që duan punën, duan të qëndrojnë por mundësinë më të mirë e shohin jashtë vendin, njerëz punëtorë të pambështetur por me guxim ecin, shumë studentë në kërkim të punësimit por të detyruar punojnë në biznese e shumë të tjera.

Sheh dhe flet me njerëzit, hallet dhe problemet e tyre ndërkohë politikanët luajnë me miliona të vjedhura.

Rruga e vetme:

Vota kundër Edi Ramës dhe çdo politikani të korruptuar.

Koalicioni Euroatlantik alternativa e besueshme dhe e duhura për qytetarët dhe vendin.

 

#voto4

#KoalicioniEuroatlantik

#mirelakarabina

#elbasanimeritonmëshumë

#elbasanimeritonmëshumë

Gjelosh Progni: “Skuadra e Qarkut Lezhë, model unik i unitetit dhe përfaqësimit në Koalicionin Euroatlantik”

Aktivisti Gjelosh Progni ka shpërndarë në rrjetin social Facebook një mesazh të fortë mbështetjeje për ekipin kandidues të Koalicionit Euroatlantik në Qarkun e Lezhës, duke e cilësuar si një nga shembujt më të rrallë të unitetit dhe harmonisë në këtë fushatë zgjedhore.

Sipas Prognit, fushata e zhvilluar në Lezhë është shembulli më unik ndër mbi 1500 kandidatë në gjithë vendin, pasi kandidatët janë angazhuar si një familje e vetme në çdo cep të qarkut – nga qytetet, në lagje, fshatra e biznese – duke prezantuar një program ambicioz dhe gjithëpërfshirës.

“Besëlidhja e Lezhës epike dhe historike mbi të cilën po ecën ekipi, përbëhet nga intelektualë, profesionistë, figura me integritet, të persekutuar nga regjimi komunist, demokratë të pastër dhe përfaqësues të diasporës nga Italia deri në SHBA,” – shkruan Progni.

Ai bën thirrje për mbështetje të kandidatëve Prela, Kejda, Eduarti, Flora, Aleksandri, Sandri dhe Kola, duke i cilësuar si përfaqësues të denjë të interesave të lezhjanëve, kurbinasve dhe mirditorëve, nën drejtimin e liderit të Koalicionit Euroatlantik, Lulzim Basha.

Postimi i plotë i Gjelosh Prognit:

Shkëlqimi i grupit është suksesi dhe fitorja…

Besëlidhja e Lezhës epike dhe historike mbi të cilën po ecën ekipi konkurues i Qarkut Lezhë për Koalicionin Euroatlantik, është shembulli unik në mbi 1500 kandidatë të fushatës në mbarë vendin, ku si një familje po zhvillojnë fushatën më harmonike së bashku në çdo qytet, lagje, fshat, rrugë, biznes e derë më derë, duke prezantuar programin më ambicioz në 35 vite.

Kjo skuadër ka në përbërjen e saj:
– kapacitete intelektuale dhe profesionale,
– integritet të lartë njerëzor,
– kandidatë të përndjekur nga komunizmi,
– demokratë të pastër dhe të vendosur,
– përfaqësues të diasporës nga Italia deri në Amerikë,
– gërshetim brezash.

Është në nderin e lezhjanëve, kurbinasve e mirditorëve që të përfaqësohen nga një ekip i tillë në parlamentin e ardhshëm, nën drejtimin e liderit Basha.

Votoni Prelën, Kejdan, Eduartin, Florën, Aleksandrin, Sandrin, Kolën!
Le t’ju përfaqësojnë me nder e dinjitet!

#VotoKoalicioninEuroatlantik
#VotoNr4
#ShqipëriaMeritonMëShumë

Gazment Koduzi: “Me kartën universale të sigurimeve, qytetari vendos – paratë ndjekin pacientin!”

Kandidati për deputet i Koalicionit Euroatlantik në Tiranë, Gazment Koduzi, ka publikuar një video-mesazh ku prezanton një ndër propozimet më thelbësore të programit të tij: reformën në sistemin shëndetësor, me qëllim vendosjen e modelit gjerman të sigurimeve shëndetësore në Shqipëri.

Sipas Koduzit, 13% e familjeve shqiptare bien në varfëri për shkak të pagesave nga xhepi për shërbime mjekësore, çka është e papranueshme për një vend që aspiron standarde europiane. Ai propozon një sistem ku çdo qytetar të jetë i pajisur me kartën universale të sigurimeve shëndetësore, dhe vetë qytetari të vendosë ku shkojnë kontributet e tij.

“Ky është parimi ‘paraja ndjek pacientin’ – qytetari paguan, qytetari vendos!”, – u shpreh Koduzi në video-mesazh.

Kandidati i Koalicionit Euroatlantik nuk kurseu kritikat për qeverinë aktuale, duke deklaruar se vota për Edi Ramën është votë për status quo-në, ndërsa vota për numrin 4, është votë për ndryshim real dhe për përfitime konkrete për qytetarët.

Postimi i plotë i Gazment Koduzit:

Ne do i japim fund pagesave nga xhepi që shtyjnë 13% të familjeve shqiptare të bien në varfëri!

Çdo qytetar do të jetë i siguruar dhe me kartën universale të sigurimeve shëndetësore në dorë, ai vendos se ku do i çojë kontributet e tij – sipas modelit gjerman – Bismarck!

Ky është parimi “paraja ndjek pacientin”!
Qytetari paguan, qytetari vendos!

Kush voton Ramën, vendos të nxjerrë shokët e tij nga 313!
Vetëm kush voton Nr.4 voton për të mirën e tij dhe të Shqipërisë!

Endri Hasa: “10 ditët vendimtare për ndryshim – 11 Maji është dita e drejtësisë për qytetarët”

Kandidati për deputet i Koalicionit Euroatlantik, Endri Hasa, ka dhënë një mesazh të fuqishëm për qytetarët në prag të 10 ditëve të fundit të fushatës, duke e konsideruar këtë angazhim më shumë se një garë politike – një mision për ndryshim të vërtetë.

Në një deklaratë përmes rrjeteve sociale, Hasa u shpreh se Elbasani dhe Shqipëria nuk kanë më nevojë për premtime boshe, por për veprim, përfaqësim të ndershëm dhe një brez të ri politik që ka kurajën dhe pastërtinë për të sjellë ndryshim.

“Pyetja është: O Ramë, ku i ke shokët? Përgjigjen e kësaj pyetjeje e di çdo qytetar, dhe më 11 maj, vota do të jetë për ata që nuk janë njollosur. Sepse 7×7 është 313 – absurdi që kemi jetuar dhe që duhet ta ndalim!”, u shpreh ai, duke kritikuar qeverisjen aktuale dhe ironizuar gjendjen politike në vend.

Hasa kërkon votën e qytetarëve si përfaqësues i një brezi të ri politik, me vlera perëndimore dhe integritet të pacenuar. Ai theksoi se forca për ta bërë ndryshimin qëndron te qytetarët dhe te vota e tyre më 11 maj.

Postimi i plotë i Endri Hasës:

10 ditët vendimtare për të ndryshuar Shqipërinë
Miq, kemi hyrë në 10 ditët e fundit të kësaj fushate që për mua ka qenë më shumë se një garë politike – ka qenë një mision, si kurrë më parë që nga hyrja ime në politikë.

Elbasani dhe Shqipëria meritojnë më shumë sesa premtime që harrohen ditën pas zgjedhjeve.
Pyetja është: O Ramë, ku i ke shokët?
Përgjigjen e kësaj pyetjeje e di çdo qytetar, dhe më 11 maj, vota do të jetë për ata që nuk janë njollosur.
Sepse 7×7 është 313 – absurdi që kemi jetuar dhe që duhet ta ndalim!

Unë kandidoj për të përfaqësuar një brez të ri politik, të pastër, të vendosur dhe me kurajën për të bërë ndryshim!
Forca për ta bërë ndryshimin është në dorën tuaj!

✅ Beso te Shqipëria
✅ Voto Nr. 4 – Koalicioni Euroatlantik
✅ Voto Endri Hasa

#VotoEndriHasën
#KoalicioniEuroatlantik
#ElbasaniMeritonMëShumë
#ShqipëriaMeritonMëShumë
#11MajVotoNdryshimin

Shpëtim Agolli: “Koha e politikës së vjetër ka marrë fund – qytetarët meritojnë dinjitet dhe vizion”

Kandidati për deputet i Koalicionit Euroatlantik në qarkun e Korçës, Shpëtim Agolli, ka zgjedhur të drejtohet qytetarëve me një mesazh, duke theksuar se përfaqësimi i tij bazohet te dinjiteti, përgjegjësia dhe vlerat euroatlantike.

Në një deklaratë publike, Agolli ka theksuar se Koalicioni Euroatlantik, i drejtuar nga Lulzim Basha, përfaqëson alternativën më të mirë për zgjedhjet e 11 Majit, duke sjellë një frymë të re në politikë – larg përçarjes dhe fyerjeve, dhe pranë qytetarëve me vizion, respekt dhe zgjidhje reale.

“Në vend të shpifjeve dhe baltosjes, ne sjellim një model të ri komunikimi: të bazuar në vlera, jo në sharje; në zgjidhje, jo në konflikte,” – deklaron Agolli, duke iu referuar përballjes politike me korrektesë dhe etikë.

Ai ka nënvizuar se programi ekonomik i Koalicionit Euroatlantik është më i miri në dekadat e fundit, dhe përmban një mbështetje të qartë dhe pa kushte për drejtësinë dhe punën e SPAK. Sipas tij, qytetarët e Korçës dhe gjithë Shqipërisë meritojnë një përfaqësim që ndërton, jo që përçan.

Postimi i plotë i Shpëtim Agollit:

Të dashur qytetarë të Qarkut të Korçës,
Në këtë rrugëtim përfaqësimi, unë kam zgjedhur të jem zëri juaj, me përgjegjësi, dinjitet dhe vizion për të ardhmen.
Në vend të shpifjeve dhe baltosjes, ne sjellim një model të ri komunikimi: të bazuar në vlera, jo në sharje; në zgjidhje, jo në konflikte.
Koha e politikës së vjetër, që ndërton mbi përçarje dhe fyerje, po i afrohet fundit. Sot, Shqipëria ka nevojë për një drejtim të ri – euroatlantik, perëndimor, të ndershëm dhe të vendosur.
Koalicioni që ne përfaqësojmë, me drejtues politik z. Lulzim Basha, sjell këto alternativa më të mira:

Një program ekonomik më të mirin të të gjitha këtyre viteve postkomuniste.

Një mbështetje pa kushte për drejtësinë dhe SPAK.

Unë nuk do t’u përgjigjem me të njëjtën gjuhë atyre që zgjedhin baltën.
Do t’ju flas vetëm me fakte, vizion dhe respekt. Sepse qytetarët e Korçës meritojnë më shumë, një përfaqësim të denjë – dhe unë jam këtu për ta garantuar këtë.
Bashkë për një të ardhme që nuk shan, por ndërton!

✅ Voto Nr. 4 – Koalicioni Euroatlantik
✅ Voto Shpëtim Agolli

#VotoNr4
#VotoKoalicioninEuroatlantik
#VotoShpëtimAgolli
#KorçaMeritonMëShumë
#ShqipëriaMeritonMëShumë

Deri në vitin 2023 nga Kosova u larguan mbi 350 mijë persona

Instituti GAP ka publikuar raportin “Emigrimi dhe tregu i punës në Kosovë: Poteciali i papërdorur i fuqisë punëtore joaktive”. Sipas këtij raporti, të dhënat zyrtare tregojnë se deri në vitin 2023 nga Kosova janë larguar 359 mijë persona.

Instituti GAP të mërkurën ka publikuar raportin e ri “Emigrimi dhe tregu i punës në Kosovë: Potenciali i papërdorur i fuqisë punëtore joaktive”, i cili hedh dritë mbi sfidat e mëdha që po përballet tregu i punës në vend.

Sipas raportit, deri në vitin 2023, rreth 359 mijë persona janë larguar nga Kosova drejt vendeve të ndryshme të botës.

“Deri në vitin 2023, sipas të dhënave zyrtare, numri i personave që janë larguar nga Kosova drejt vendeve të ndryshme të botës ka arritur në 359 mijë persona, që përfaqëson rreth 22.6% të popullsisë së vendit, ndërkaq numri i shtetasve shtetasit kosovarë të kthyer si dhe të huajt që jetojnë në Kosovë është rreth 99 mijë persona. Një pjesë e personave të cilët po emigrojnë nga Kosova janë nga fuqia punëtore aktive, çka po ndikon në rritjen e kërkesës në vend për punëtorë vendas dhe të huaj”

Ky bilanc negativ i migrimit ka ndikuar ndjeshëm në mungesën e fuqisë punëtore në tregun vendor.

“Sipas të dhënave, nga rreth 1.1 milion persona në moshë pune, vetëm 43% janë ekonomikisht aktivë, ndërsa 57% janë joaktivë. Nga këta të fundit, 66% janë gra dhe 34% burra, duke theksuar pjesëmarrjen e ulët të grave në tregun e punës”.

Raporti rekomandon disa masa për të adresuar këtë situatë, duke përfshirë trajnime të përshtatura me kërkesat reale të tregut të punës, politika që ndihmojnë gratë të hyjnë në tregun e punës, riorientim profesional për të rinjtë që nuk janë të angazhuar në arsim, punë apo trajnim (NEET), bashkëpunim i ngushtë mes arsimit dhe sektorit privat për përgatitje më të mirë profesionale, stimuj për punëdhënësit që punësojnë persona që kanë qenë jashtë tregut të punës për një kohë të gjatë, mbështetje për teknologjitë inovative dhe mbështetje për avancimin e shkathtësive në fushën e energjisë së pastër .​

Instituti GAP ka theksuar se rritja e përfshirjes në treg e personave që aktualisht janë joaktivë është zgjidhja më e qëndrueshme për të adresuar mungesën e fuqisë punëtore në Kosovë.

“Kjo kërkon angazhim të përbashkët nga institucionet publike, sektori privat dhe shoqëria civile për të krijuar një mjedis të favorshëm për punësim dhe zhvillim ekonomik”.

Në vitin 2024, Ministria e Punëve të Brendshme (MBP) në Kosovë lëshoi gjithsej 8,293 leje-qëndrime për shtetas të huaj, prej tyre, 3,974 për arsye të punësimit. Shumica e këtyre imigrantëve janë me origjinë nga shtetet e rajonit si Shqipëria, Serbia, Maqedonia e Veriut dhe vendet jashtë rajonit si Turqia, Bangladeshi, Filipinet dhe shtetet tjera të Azisë. Megjithatë, mbi gjysma e këtyre lejeve të lëshuara janë vazhdimësi e viteve paraprake. Si rrjedhojë, bilanci i emigrimit mbetet shumë më i lartë se i imigrimit dhe punëtorët e huaj nuk e mbulojnë mungesën e krijuar në tregun e punës.

Zgjidhja më e qëndrueshme për të adresuar mungesën e fuqisë punëtore në Kosovë është rritja e përfshirjes në treg e personave që i takojnë moshës së punës por që aktualisht nuk janë aktivë në treg (të cilët nuk janë duke punuar dhe nuk janë duke kërkuar punë).

Kosova ka shkallën më të lartë të jo-aktivitetit në Ballkanin Perëndimor: nga rreth 1.1 milion persona në moshë pune, vetëm 461 mijë persona (43%) janë ekonomikisht aktivë, ndërsa 613 mijë persona (57%) janë jo-aktivë. Nga personat jo-aktivë, 66% janë gra dhe 34% janë burra, që nënkupton se veçmas pjesëmarrja e ulët e grave në tregun e punës mbetet sfidë serioze. Kosova radhitet e para në Evropë dhe e pesta në nivel botëror për pjesëmarrjen më të ulët të grave në treg të punës. Po ashtu, 78 mijë të rinj (30%) nuk janë të angazhuar në arsim, punë apo trajnim (NEET), një përqindje shumë më e lartë se mesatarja e BE-së (9.9%) dhe më e larta në rajon.

Sektorët më të prekur nga mungesa e fuqisë punëtore janë ndërtimtaria, tregtia me shumicë dhe pakicë, gastronomia dhe hoteleria, dhe prodhimi, nga të cilët edhe prirja për të emigruar është më e lartë. Shumica e pozitave të punës në këta sektorë nuk kërkojnë kualifikime të larta, por përfshijnë detyra të cilat mund të mësohen brenda një periudhe të shkurtër duke sugjeruar se fuqia joaktive vendore do të mund të plotësonte këto kërkesa.

Raporti ofron disa rekomandime dhe masa të cilat synojnë të përmirësojnë përfshirjen e fuqisë punëtore jo-aktive në tregun e punës, si: trajnime për avancimin e njohurive dhe përfshirjen më të lehtë në tregun e punës; mbështetje për rritjen e pjesëmarrjes së grave dhe të rinjëve në tregun e punës; forcimin e rolit të Agjencisë së Punësimit; si dhe mbështetje për teknologjitë inovative dhe avancimi i shkathtësive në fushën e energjisë së pastër.

VIDEO/ Gjeste të çuditshme, Kristiano Ronaldo flet me vete pas eliminimit në gjysmëfinale nga Kavasaki

Një video trishtuese e Kristiano Ronaldos është duke bërë xhiron e rrjetit, teksa Al Nassri i tij u eliminua në gjysmëfinalen e Ligës së Kampionëve të Azisë nga Kavasaki, teksa 40-vjeçari nuk e ka fshehur mërzinë dhe zhgënjimin e tij, teksa është kapur nga kamerat duke folur me veten në mesin e fushës.  

Pranë tij nuk gjendej asnjë futbollist tjetër dhe gjestet e tij shprehin qartë zhgënjimin e ndjerë nga ky eliminim. 

SHIKONI VIDEON 

Nga qumështi te bishtajore, zbuloni ushqimet e pasura me kalcium për kocka dhe shëndet të fortë

Ju tashmë e dini se duhet të konsumoni ushqime të pasura me kalcium për shëndetin e kockave, por kjo lëndë ushqyese thelbësore bën shumë më tepër për të mbajtur trupin tonë të funksionojë siç duhet.

qumesht bulmet ushqime

 

 

 

 

 

 

 

 

 

 

 

Kalciumi është minerali më i bollshëm dhe thelbësor për trupin tonë. Ai është i njohur kryesisht për rolin e tij në shëndetin e kockave dhe dhëmbëve, por gjithashtu mbështet funksionin e muskujve dhe nervave dhe është i përfshirë në koagulimin e gjakut.

Edhe pse kalciumi mund të gjendet në suplemente dhe multivitamina, mënyra më e mirë dhe më e lehtë për ta marrë atë është nëpërmjet ushqimit.

Duhet të theksojmë produktet e qumështit dhe perimet. Mund ta gjeni edhe në peshk dhe ushqime të fortifikuara.

Shihni ushqimet më të zakonshme që mund të përfshini në dietën tuaj.

1. Qumështi

Nuk mund të mendojmë për kalciumin pa menduar për qumështin. Sipas USDA, një filxhan qumësht i plotë përmban 306 mg kalcium.

2. Kosi

Një tjetër produkt qumështi i pasur me kalcium. 100 g kos të thjeshtë përmban 127 mg kalcium.

3. Djathi

Dashuria për djathin ka edhe përfitime! Gjysmë filxhani përmban 289 mg kalcium.

4. Sardelet e konservuara.

Alternativa ideale nëse shmangni bulmetin. 100 g sardele përmbajnë 382 mg kalcium.

5. Salmoni

I pasur me vitamina dhe veçanërisht i shijshëm, salmoni me kocka (85 g) ka 181 mg kalcium.

6. Lakra jeshile:

Një filxhan përmban 177 mg kalcium.

7. Brokoli

100g brokoli përmban 46mg kalcium.

8. Bok choy

Një filxhan përmban 185 mg kalcium.

9. Spinaqi

Një filxhan spinaq i gatuar ka 245 mg kalcium.

10. Tofu

Gjysmë filxhani tofu përmban 434 mg kalcium.

11. Lëngjet e frutave

Lëngjet e frutave të fortifikuara, si lëngu i grejpfrutit (350 mg) dhe lëngu i portokallit (349 mg), janë burime të shkëlqyera.

12. Drithërat

100g tërshërë dhe drithërat përmbajnë 51mg kalcium.

13. Bajamet

Një filxhan përmban 385mg kalcium.

(100g) përmban 63mg kalcium.

14. Bishtajoret

100g fasule të zeza kanë 191mg, fasulet e bardha 236mg dhe qiqrat 111mg kalcium.

Çfarë bën kalciumi për ju?

Kalciumi është thelbësor për ndërtimin dhe forcimin e kockave. Është e rëndësishme për lëvizjen e muskujve dhe çlirimin e hormoneve. Ai gjithashtu luan një rol në transmetimin e sinjalit nervor dhe rrjedhjen e gjakut.

Sa kalcium ju nevojitet?

Sipas NIH, të rriturit e moshës 19-50 vjeç duhet të konsumojnë rreth 1000 mg kalcium në ditë. E njëjta gjë vlen edhe për burrat e moshës 51-70 vjeç, por gratë në të njëjtën grupmoshë kanë nevojë për 1200 mg.

Shenjat e mungesës së kalciumit:

  • Hipokalcemia
  • Mpirje ose ndjesi shpimi gjilpërash në gishta
  • Ngërçe ose spazma muskulore
  • Aritmitë
  • Nauze, diarre
  • Lodhje, dhimbje kockash
  • Thonjtë dhe flokët e brishtë

Edhe pse suplementet mund të ndihmojnë, marrja e tepërt mund të rrisë rrezikun e kancerit të prostatës dhe sëmundjeve të zemrës. Është mirë që të konsultoheni me një mjek për diagnozën dhe trajtimin e duhur.

Banorët i ndërtuan një strehë për t’u mbrojtur nga i ftohti, bashkia e Shkodrës ndëshkon nënën me tre fëmijët

Në një periudhë si ajo e fushatës elektorale, kur ndërtimet pa leje lulëzojnë në të gjithë qarkun e Shkodrës, institucionet u treguan të rrepta me një nënë me tre fëmijë jetimë.

Inspektorati i Mbrojtjes së Territorit në Bashkinë e Shkodrës ka proceduar penalisht dhe ka gjobitur Esmeralda Alijahajn, një nënë e re me tre fëmijë të mitur, vetëm pse fshati vendosi t’i ndërtonte një strehë modeste për t’i mbrojtur nga shiu dhe i ftohti. Pas ndarjes nga jeta të kryefamiljarit dhe duke parë gjendjen shumë të rëndë ekonomike të familjes, komuniteti dhe Këshilli i Xhamisë u mobilizuan vullnetarisht për të ndihmuar një familje të rrënuar nga fatkeqësia.

Banorët kërkojnë nga bashkia që të tërheqë gjobën dhe procedimin penal, ose, në të kundërt, të procedojë penalisht gjithë fshatin, sepse ata kanë kryer punimet.

Një vit më parë, kryefamiljari i familjes Alijahaj u nda nga jeta pas një ataku kardiak, dhe familja sot nuk ka asnjë ndihmë tjetër përveç komunitetit të fshatit.

123...8 270Faqja 2 nga 8 270

Kryesore

Continue to the category
Më shumë
© 2024 Rilindja Demokratike Euroatlantike