KLSH ka nisur sot kontrollin në zyrat e Emergjencave Civile, pas incidentit të pak ditëve më parë kur punonjësit e emergjencave nuk lejuan auditin pasi kreu i Emergjencave, Haki Çako ishte me pushime.

Kontrolli i KLSH do të kryhet në të gjitha institucionet që janë pjesë e procesit të emergjencave.

Kontrolli ka nisur në Drejtorinë e Përgjithshme të Emergjencave Civile, si dhe hallka të tjera të Ministrisë së Brendshme, që lidhet me emergjencat civile, në Ministrinë e Mbrojtjes si dhe ato të pushtetit vendor.

Sipas burimeve, me urdhër të kryetarit të KLSH, Arben Shehu do të auditohen të gjitha tenderimet e viteve të fundit për blerjen e paisjeve të emergjencave.

Ky kontroll nisi pas zjarreve të fundit ku pati akuza të shumta se punonjësve ju mungonin pajimet bazë. Nisja e këtij kontrolli pati një bllokim nga ana e strukturës së emergjencave qëndrore civile pasi drejtori ishte me pushime, duke shkaktuar dhe një reagim nga kreu i KLSH Arben Shehu i cili i bëri thirrje për rikthim në punë.

Pas rikthimit,një ditë më parë ka nisur kontrolli edhe në këtë institucion. Gjithashtu ,KLSH do të auditojë dhe verifikojë në ministrinë e brëndshme, ministrinë e mbrojtjes si dhe pushtetin vendor , të gjitha paisjet që janë në dispozicion për raste emergjencash si ajo që po përjeton aktualisht vëndi.

Regjisori Robert Budina, në një intervistë me moderatoren Armela Ferko në Syri Tv, duke folur për shembjen e Teatrit nga Bashkia, deklaroi se pushteti me fytyrë mafieje po ndërton partinë-shtet.

Budina theksoi se janë bërë 13 kallëzime në SPAK dhe SPAK nuk ka bërë hetime, gjë që tregon se drejtësia e re është e varur politikisht.

“Ne kemi vërtetuar me prova çdo akuzë. Kemi bërë 13 kallëzimë në SPAK, por se SPAK vepron politikisht e nuk vepron ashtu siç duhet të veprojë. SPAK heshti edhe për këtë skandal, ku qeveria i kaloi truallin e Teatrit bashkisë. SPAK të vendosë sekuestro preventive, derisa të hetojë, se nuk është e vështirë që të hetojë. Ne kemi thënë se ndërtimi i Teatrit Kombëtar është shkatërrimi i pronës publike. Pushteti do që të na kthejë në skllavëri.

Kreu i SPAK ka sulmuar vetëm politikisht dhe nuk ka asnjë peshk, edhe pse këtu kushedi sa korrupsion bëhet. Rama po ndërton sistem parti-shtet. E zmbrapsëm këtë pushtet me fytyrë mafieje. Ne luftuam për teatrin. Ka edhe shumë socialist që na thonë se janë me ne, sepse po ngrejmë një monstër, na kanë deklaruar. GJK t’i japë fund kësaj historie”, u shpreh Budina.

Këngëtari serb Goran Bregoviç është ftuar në festën e Birrës që organizohet në Korçë nga data 18-22 gusht. Këtë lajm e kanë konfirmuar vetë organizatorët e festivalit, të cilët e konsiderojnë Bregoviç si të ftuar special të natës finale.

Mirëpo, ky lajm nuk është pritur aspak mirë nga shqiptarët, sidmos ata të Kosovës. Goran Bregoviç konsiderohet si një nga artistët që ka frymëzuar masakrat e serbëve kundër Kosovës.

Bregoviç ishte frymëzues e idhull i ushtrisë vrastare serbe gjatë luftës në Kosovë sidomos me këngën “Kalashnikov”.

Pas Vesa Lumës, Big Bastës edhe Besa Kokëdhima ka reaguar së fundmi duke u bërë thirrje qytetarëve që të bojkotohet pjesëmarrja e tij në këtë festë pasi sipas saj, ai është një artist i mirë, po jo dhe njeri i mirë.

“Ai është një artist i mirë, por dukshëm jo edhe një njeri i mirë. Bojkotojeni! Mos lëndoni motrat dhe vëllezërit tanë nga Kosova. Nuk ka arsye që ai të jetë i ftuari yll në një event kaq tradicional. BOJKOTOJENI”, shkruan Besa Kokëdhima.

Nënkryetari i PD, Edi Paloka, ndërsa komenton largimin nga drejtësia të prokurorit Besim Hajdarmata, shkruan se ky i fundit u ndëshkua për dy krime të sigurta, që kreu gjatë karrierës së tij: Përgjimin e kriminelëve që manipuluan zgjedhjet në Dibër, e famshmja dosje 184, duke nxjerrë zbuluar gjithë kupolën, filluar nga Rama! Si edhe që kërkoi arrestimin e Tahirit!

Postimi i Palokës

Unë nuk e njoh Besim Hajdarmatën dhe nuk marr përsipër as ta mbrojë për çfare i kanë ngritur si pretendim ata që e shkarkuan sepse nuk kam dijeni për të vërtetën, por kam dijeni për dy “krime” të sigurta të tij:

-Vuri në përgjim kriminelët që manipuluan zgjedhjet në Dibër, e famshmja dosje 184, duke nxjerrë zbuluar gjithë kupolën, filluar nga Rama!

– Kërkoi arrestimin e Tahirit!

Kaq besoj mjafton për tu larguar nga drejtësia e Ramës!

Ndërsa zjarret pyjore vazhdojnë të prekin rajone të ndryshme në Mesdhe dhe Ballkanin Perëndimor, Bashkimi Evropian po mobilizohet për të ndihmuar shtetet në kufizimin e zjarreve dhe mbrojtjen e njerëzve dhe pronës.

Në një njoftim të mërkurën,  Mekanizmi i Mbrojtjes Civile të BE ka vendosur të ndihmojë edhe Shqipërinë, Italinë, Greqinë dhe Maqedoninë e Veriut. Në deklaratën e BE thuhet se në Shqipëri po dërgohen dy helikopterë për shuarjen e zjarreve nga Çekia dhe Holanda.

“Dy aeroplanë zjarrfikës Canadair nga Franca po dërgohen në zonat e prekura në Itali për të filluar operacionet e shuarjes së zjarrit sot.

Dy avionë zjarrfikës nga Qipro po mbështesin Greqinë, në krye të një ekipi zjarrfikës për të mbështetur operacionet në terren.

Dy helikopterë për të mbështetur operacionet në Shqipëri do të dërgohen njësoj nga Çekia dhe Hollanda.

Përveç kësaj, Sllovenia po dërgon një ekip prej 45 zjarrfikësish në Maqedoninë e Veriut.
E gjithë ndihma mobilizohet përmes Mekanizmit të Mbrojtjes Civile të BE-së, me bashkëfinancim nga Komisioni të paktën 75 % të kostove të transportit.

Komisioneri për Menaxhimin e Krizave Janez Lenarčič tha: “Ne po punojmë gjatë gjithë kohës për të dërguar ndihmë ndërsa zjarret janë ndezur në të gjithë Evropën. Falënderoj Qipron, Çekinë, Francën, Slloveninë dhe Hollandën që vendosën me shpejtësi aeroplanë zjarrfikës, helikopterë dhe një ekip zjarrfikësish për të mbështetur vendet e prekura shumë nga zjarret në pyje. Në këtë kohë ndërsa disa vende mesdhetare po përballen me zjarre, Mbrojtja Civile e BE -së sigurohet që mjetet tona të zjarrfikësve në vend të përdoren me kapacitet maksimal. Ky është një shembull i shkëlqyer i solidaritetit të BE -së në kohë nevoje. ”

Këto dislokime vijnë si shtesë e operacioneve të shuarjes së zjarrit të koordinuara nga BE që aktualisht janë duke vazhduar në Turqi, si dhe në Sardenjë, Itali në fund të korrikut. Hartat satelitore nga sateliti i BE -së për Menaxhimin e Emergjencave Copernicus po ofrojnë mbështetje të mëtejshme për shërbimet e urgjencës për të koordinuar operacionet.

Qendra e Bashkimit Evropian për Koordinimin e Reagimit të Emergjencave 24/7 është në kontakt të vazhdueshëm me autoritetet e mbrojtjes civile të vendeve të prekura nga zjarret për të monitoruar nga afër situatën dhe kanalizuar ndihmën e BE -së”.