Kryetari i PD, Lulzim Basha i shpreh ngushëllimet familjes së Andrea Haxhiaj që humbi jetën sot si pasojë e zjarrit në zonën e Gjirokastrës.

Basha shkruan në mesazhin ngushëllues se, qeveria ka marrë masa gjysmake për situatën nga flakët. Basha shkruan se, përgjegjësi i situatës vijon turin e inagurimeve.

Reagimi i kryetarit Basha

I shpreh ngushëllimet familjes së Andrea Haxhiaj që humbi jetën sot si pasojë e zjarrit në zonën e Gjirokastrës. Masat gjysmake te qeverisë nuk e kanë normalizuar dot situatën alarmante të shkaktuar nga zjarret e ditëve te fundit në vend.

Pavarësisht paralajmërimeve të qytetarëve dhe medias, në shumë zona zjarret vijojnë prej ditësh, ndërsa angazhimi i vetëm i qeverisë ka qenë përpjekje me mjete rrethanore të papërshtatshme dhe servirja e videove te zyrës së propagandës.

Si në rastin e tërmetit, emergjencat civile dhe qeveria ndodhen totalisht të papërgatitura për t’u ardhur në ndihmë qytetarëve dhe për të shmangur pasojat e katastrofave natyrore. Përgjegjësi i kësaj situate vijon turet e inagurimeve false duke lënë në mëshirë të fatit banorët dhe qindra hektarë që po digjen prej ditësh.

Është momenti që çdokush që ndodhet në zonat e rrezikuara nga zjarri të largohet dhe të kujdeset për jetën. Forcat e emergjencës që ndodhen në terren të marrin masa urgjente që brenda mundësive të sigurojnë jetën e banorëve të rrezikuar dhe të shmangin përhapjen e mëtejshme të zjarreve.

Është shënuar viktima e parë si pasojë e zjarreve që kanë pushtuar Shqipërinë këto ditë. Viktima është një i moshuar në zonën e Lunxhërisë, në fshatin “Asim Zeneli” në Gjirokastër.

Bhet e ditur se, i moshuari që humbi jetën raportohet se është shtetasi Andrea Haxhiaj.

Informacion paraprak i policisë

Rreth orës 17:00, njoftohemi se në fshatin “Asim Zeneli”, në bahçen në afëri banesës së tij, shtetasi A. H., rreth 64 vjeç, ka humbur jetën, si pasojë e flakëve të përhapura nga një vatër zjarri në fshatin “Asim Zeneli”.

Gjithashtu ka mbetur e dëmtuar nga flakët dhe bashkëshortja e tij, shtetasia T. H., rreth 57 vjeçe, e cila ndodhet në Spitalin Rajonal Gjirokastër.

Në vendngjarje kanë shkuar shërbimet e Policisë dhe zjarrfikëse.

Grupi hetimor nën drejtimin e Prokurorisë Pranë Gjykatës së Rrethit Gjyqësor Gjirokastër ndodhen në vendngjarje dhe vijojnë punën për zbardhjen e rrethanave të ngjarjes.

Ndërkohë që e gjithë zona e Lunxhërisë në Gjirokastër është përfshirë nga flakët ditën e sotme, ku situata më e rëndë është në fshatin Arshi Lengo, ku po përgatitet operacion evakuimi, pasi flakët rrezikojnë banesat.

Kryeministri Edi Rama ndodhet me pushime në Jug, ndërsa vendi ndodhet nën pushtetin e zjarreve prej disa ditësh. Mëngjesin e sotëm Rama ka zbarkuar në Himarë me eskortën e tij, por është përballur me revoltën e banorëve të zonës.

Burime për Dosja.al bëjnë me dije se, kreu i qeverisë nuk është pritur mirë nga banorët e zonës.

I gjithë kalimi i tij është shoqëruar me thirrjet e banorëve: Poshtë Rama!

Flakët e zjarrit në Himarë kanë arritur shumë afër zonave të banuara. Një vatër e madhe zjarri është raportuar sot edhe në Livadh të Himarës. Vatra e zjarrit favorizohet të përhapet edhe më shumë për shkak të erës së fortë.

Ndërkaq zjarri ka rënë edhe në njësinë administrative Novoselë dhe zjarrfikësja ka shkuar drejt vendit të ngjarjes.

Nuk dihet nëse kryesocialisti ka shkuar në Himarë për të pushuar, apo për të parë nga afër situatën me zjarret. Të paktën ta bëjë ai, pasi i zgjedhur në postin e Ministrit të Mbrojtjes, Niko Peleshi, vetëm dje denjoi të dilte në terren. Ndërsa kreu i Emergjencave Civile, Haki Çako gjithashtu nuk është parë askund deri dje.

Rreth 4 mijë dokumente sekrete të Legjislaturës së XIII të Parlamentit Italian, që përkon me vitet 1996-2001 do të bëhen publike e të konsultueshme për të gjithë, dhe përmes shërbimit online të këtij institucioni.

RTV Ora ka mësuar eskluzivisht se mes tyre do të bëhen publike dhe aktet e një misioni special të Komisionit Parlamentar Italian të Antimafias, në vitin 2000, në Shqipëri.

Këto akte i përkasin Komitetit Antimafia të Krimit të Organizuar ndërkombëtar e përmbajnë audicione të ministrave shqiptarë e të magjistratëve shqiptarë mbi zgjedhjet në Shqipëri, të ndotura nga votat e krimit të organizuar shqiptar.

Për momentin RTV Ora ka mësuar se këto audicione i përkasin vitit 2000 e vetëm pas publikimit zyrtar të këtyre akteve, që pritet të jetë i shpejtë, do të mund të zbardhen emrat e ministrave shqiptarë dhe të magjistratëve shqiptarë që kanë relatuar përballë parlamentarëve italianë.

Në vitin 2000 në Shqipëri janë zhvilluar zgjedhjet lokale, të cilat u fituan nga Partia Socialiste që mori dhe Bashkinë e Tiranës.

Këto zgjedhje përkonin me dhjetëvjetorin e shembjes së regjimit komunist në Shqipëri e u akuzuan nga Partia Demokratike si zgjedhje të parregullta, “një farsë e turpshme e manipuluar”, do të deklaronte ish-kryeministri Sali Berisha.

Në vitin 2000, kryeministër i Shqipërisë ishte Ilir Meta dhe lider i Partisë Socialiste Fatos Nano.

Në mbledhjen e zhvilluar pak ditë më parë, Komisioni Antimafia i Parlamentit italian, vendosi deklasifikimin e të gjitha aktve të legjislaturës së XIII, rreth 4 mijë dokumente mes të cilave dhe këto akte të rralla, të këtij misioni special në Shqipëri, raporton RTV Ora.

Është një punë e jashtëzakonshme e pakryer më parë e në veçanti e Komitetit të sistemit të akteve antimafia.

Bëhet fjalë për një arkiv kompleks dokumentar që do t’i mundësojë studiuesve, historianëve por dhe qytetarëve të thjeshtë të plotësojnë kuadrin pesëvjecarë 1996-2001 të Komisonit Antimafia në luftë kundër krimitt ë organziuar të brendshëm e të jashtëm e studimet mbi evolucionin e tij.

Ky arkiv përmban dokumente nga punimet e këtij komisioni, audicione, relacione, raporte, studime, konferenca.

Komisioni Antimafia i Parlamentit italian vendosi gjithashtu të bëjë publik audicionin e ish Prokurorit të Antimafias Giovanni Falcone, në Palermo, por që i përket legjislaturës së X.

Ndërkohë që Shqipëria po përvëlohet nga zjarret e shumta që kanë pushtuar vendin, drejtori i Emergjencave Civile, i cili duhet të ishte në ballë të situatës, ka zgjedhur të freskohet duke marrë pushimet.

Zbulimin e ka bërë Kontrolli i Lartë i Shtetit, që ka shkuar në Drejtorinë e Emergjencave Civile për të bërë një audit, por ku është konstatuar se drejtori përkatës ka ikur me pushime.

Skandali zemëroi opinionin publik dhe kreu i Komitetit të Mbrojtjes Civile ka zhvilluar më në fund dje një mbledhje ku diskutoi për situatën e krijuar ditët e fundit nga zjarret në disa zona të vendit.

I pranishëm në mbledhjen online nga zyra ishte edhe Drejtori i Agjencisë së Mbrojtjes Civile, Haki Çako, i cili shfaqet pas më shumë se 11 ditësh pa asnjë reagim për zjarret dhe kur situata nuk ka rrugëzgjidhje tjetër, ka vendosur të ndërpresë ‘pushimet’.

Situata nga zjarret vijon të jetë tepër e rëndë. Janë më shumë se 75 vatra zjarri aktive në të gjithë vendin, ndërsa në terren ndodhet vetëm një helikopter për shuarjen e flakëve.

Ministri i Mbrojtjes Niko Peleshi, ka pranuar pas mbledhjes në Komitetin e Mbrojtjes Civile, se Shqipëria ka vetëm një helikopter në dispozicion për shuarjen e zjarreve me përmasa të mëdha si ai në gadishullin e Karaburunit, dhe e vetmja zgjidhje është që të kërkojnë ndihmë në sektorin privat jashtë vendit.

Ministri nuk ishte në gjendje të jepte një afat kohor se kur mund të bëhet e mundur fikja e zjarrit në Karaburun, që rrezikoi dhe dhe bazën ushtarake të Pashalimanit.