Deputeti i zgjedhur i Partisë Demokratike, Luan Baçi ka reaguar sërish sot për situatën alarmante të krijuar nga djegia e mbetjeve në Fier. Në një deklaratë nga vendgrumbullimi i mbeturinave që po digjen, Baçi u shpreh se, kjo situatë ka ndodhur për shkak të aferës korruptive në bashkëpunim për inceneratorin që ka thithur rreth 26.5 milion euro dhe nuk është vënë akoma në funksion.

DEKLARATË E PARTISË DEMOKRATIKE, LUAN BAÇI NGA VENDGRUMBULLIMI I MBETJEVE NE FIER

Kemi qenë prezent shumë herë që kjo fushë-mbetje gjithmonë është ndezur tym dhe flakë, por ka kaluar gjithmonë heshtur duke abuzuar me pushtetin e pakufizuar që ka bashkia e Fierit dhe pushteti qendror. Kështu që ne jemi këtu për të denoncuar përsëri këtë aferë korruptive do ta quaja që është nga afera korruptive në bashkëpunim me inceneratorin që ka thithur rreth 26.5 milion euro dhe nuk është vënë akoma në funksion.

Pavarësisht deklaratës së tyre që është bërë para disa ditësh edhe në media, mos gabofsha, që është gati që nga data 20 maj, 25 maj dhe ka pritur që të fillonte puna. Këtu duhet të dal përgjegjësia, përse bashkia nga data 25 maj, kur sipas kontratës se inceneratori ka qenë gati për të filluar punë, përse nuk i është përgjigjur asaj periudhe.

Ndjesë për tymin që po thithni tani, është një fakt kuptimplotë në çfarë situate është qyteti i Fierit sot dhe në çfarë situate jemi dhe ne bashkë me ju që po bëjmë këtë. Pra, e njëjta situatë është në të gjithë qytetin e Fierit, e njëjta situatë është në çdo shtëpi dhe në çdo hyrje të Fierit. Banorëve të Fierit u ka mbërritur tymi dhe bloza deri në plazh, deri në anë të detit dhe është shpërndarë gjithandej.

Pavarësisht punës që ka vazhduar për hirë të së vërtetës duhet thënë gjatë këtyre ditëve absolutisht kjo nuk po merr zgjidhje dhe mendoj se nuk ka për të marrë zgjidhje, ishallah qoftë ashtu, sipas deklaratës së zotit Subashi mbrëmë që deri në fund të Gushtit do t’i japi zgjidhje këtij problemi. Megjithëse u shpreh ndoshta, nuk ka si t’i japë zgjidhje.

Pra, unë jam këtu bashkë me kolegen dhe deputeten, Eralda Tase për të sensibilizuar qytetarët fierak, për të qenë ata që duhet të reagojnë dhe të reflektojnë të gjithë bashkë, madje do t’u propozoja që ne duhet t’i drejtohemi gjykatës për të patur dëmshpërblim nga bashki për këtë dëm të shkaktuar shëndetit të qytetarëve fierakë.

Do të jemi këtu në vazhdimësi deri sa të marrë drejtim, zgjidhje kjo punë. Absolutisht jemi të gatshëm për të ofruar ndihmën tonë me ato mundësi që ne kemi dhe aq sa kemi. Por çfarëdo lloj ndihme t’i ofrosh kësaj mazhorance, kësaj bashkie me kryetar të emëruar dhe me këshill bashkiak po të emëruar, nuk besojnë se do të jenë të gatshëm për të pranuar, pasi çdo gjë bie në vesh të shurdhër.

Një rrugë e rëndësishme e kontrabandës shqiptare të kanabisit nga kalon në zonën kufitare mes Shqipërisë dhe Greqisë. Banorët e rajonit jetojnë me frikë prej mafies së drogës.

Një nga rrugët më të mëdha të kontrabandës së kanabisit dhe të drogave në Evropë kalon nga Shqipëria përmes fshatrave kufitare grekë. Prej këtu, droga dërgohet në Evropën Perëndimore përmes porteve të Greqisë.

Konstantinos Karalambakis, shef i sektorit kundër drogës në qytetin kufitar të Janinës, është shpesh në zonën kufitare shqiptaro-greke. Ky rajon i vështirë për t’u kaluar është prej kohësh një nga rrugët më të rëndësishme të kontrabandës së drogës në Evropë. Prej këtu droga dërgohet në Evropën Perëndimore përmes porteve të Greqisë.

Bandat po bëhen gjithnjë e më brutale

Njësia kundër drogës zhvillon shumë kontrolle, por shpesh gjen vetëm drogat që kanë lënë kontrabandistët. Në vitin 2020 ajo sekuestroi mbi 1.5 tonë kanabis.

Bandat ndërkohë po bëhen gjithnjë e më brutale dhe shumë janë të armatosur me kallashnikov kur sjellin “mallin” në Greqi, tregon Konstantinos Karalambakis duke shtuar se “pa dyshim situata po bëhet gjithnjë e më e rrezikshme”.

Kontrabandistët e kalojnë shpesh kufirin gjatë natës me çanta shpine të mbushura plot me drogë dhe më pas fshihen poshtë trungjeve të pemëve.

Kufi i vështirë për t’u mbikëqyrur

Policia e ka të qartë se mund të kapë vetëm një pjesë të sasisë së kanabisit që vjen nga Shqipëria, sepse sikurse tregon Karalambakis “Kufiri me Shqipërinë është shumë i gjatë, 300 kilometra, dhe për këtë arsye është i vështirë për t’u mbikëqyrur. Po ashtu kontrabandistët e njohin shumë mirë zonën “.

Edhe forcat e sigurisë në Shqipëri demonstrojnë vigjilencë në rajonin kufitar. Qeveria në Tiranë ka premtuar vazhdimisht se do ta luftojë kontrabandën e kanabisit që shkon në Bashkimin Evropian nëpërmjet Greqisë. Por prodhimi i drogës me sa duket vazhdon pa u ndalur dhe disa muaj më parë një reporter investigativ paraqiti në televizionin shqiptar pamje plantacionesh të mëdha të kanabisit. Një pjesë e tyre shtrihen në zonën kufitare me Greqinë.

Jetë me frikë prej kontrabandistëve

Bletari Giorgos Tsiavos jeton pranë kufirin shqiptar. Ai thotë se: “ata kanë mbjellë mijëra bimë kanabis edhe këtu. Në mes të pyllit! Jo në anën shqiptare, por këtu në Greqi!”

Giorgos Tsiavos jeton me frikën prej kontrabandistëve, sepse në fshatin e tij ka pasur një numër vjedhjesh dhe madje edhe një vrasje nga një kontrabandist shqiptar droge.

Giorgos ka blerë dy qenë për t’u mbrojtur: “Ne i mbajmë qentë në shtëpi gjatë natës, se po i lamë jashtë dikush mund t’i helmojë dhe të hyjë në pronë. Qentë janë një sistem alarmi i sigurt. Sepse hajdutët mund t’i fikin edhe sistemet e alarmit elektronik.

Një arrestohet, dy u bashkohen bandave

Policia e qytetit kufitar të Janinës do të përforcojë sërish mbrojtjen e fshatrave kufitar nga bandat e drogës. Por hetuesi i drogës Charalambakis e di se megjithë arrestimet numri i kontrabandistëve shtohet, sepse varfëria në Shqipëri dhe fitimet e mëdha bëjnë që bandave të kontrabandistëve t’u shtohen gjithnjë e më shumë anëtarë të rinj.

Një çantë shpine me kanabis ka një vlerë tregu prej 50,000 eurosh. .

Për sa kohë që Shqipëria është prodhues i kanabisit dhe gjithashtu furnizuesi më i madh në Evropë, ne nuk do të shpëtojmë nga ky problem. Ne do të vazhdojmë të luftojmë kundër tij, por ai nuk do të marrë fund shpejt”.

/DW/

Aleanca  për Teatrin dorëzoi sot në SPAK kallëzim penal ndaj Ministres së Kulturës, Elva Margariti, me akuzën e shpërdorimit të detyrës dhe pengim për ekzekutimin e vendimit të Gjykatës Kushtetuese.

Duke folur për mediat, avokatja Adriana Kalaja dhe se akuzat ndaj Ministres kanë të bëjnë me Teatrin  dhe sjelljen e fundit ndaj artistëve te Ministria e Kulturës.

“Para dy ditësh në institucionin e Ministrisë së Kulturës, në shpërdorim të detyrës, në shkelje të dispozitave ligjore ministrja e Kulturës dha urdhër pasi dhe vetë kishte marrë urdhër nga shefi i saj të mbylleshin dyert kryesore. Në këto kushte ashtu siç ne e kishim cituar në kërkesën tonë drejtuar Ministres së Kulturës për ekzekutimin e vendimit të Gjykatës Kushtetuese ne e konsiderojmë qartazi si konsumim të elementëve të veprës penale të shpërdorimit të detyrës, korrupsionit pasiv dhe pengim të ekzekutimit të një vendimi gjykate nga ana e Ministrisë së Kulturës dhe konkretisht nga ana e ministres Margariti.

Kemi kërkuar fillimin e ndjekjes penale dhe për katër policët të cilët janë në varësi të Ministrisë së Brendshme, për shkak të zbatimit prej tyre të një urdhri të paligjshëm, për shkak të sjelljes së tyre në shpërdorim të detyrës, shkelje të etikës, mënyrën e dhunshme psikologjiken daj artistëve dhe qytetarëve që shkuan thjesht për të depozituar një kërkesë. Nga ana tjetër kemi bërë një kallëzim për çdo person të paidentifikuar nga ne të cilët me veprimet e pardjeshme kanë penguar depozitimin e kësaj kërkesë dhe kanë penguar në vazhdimësi ekzekutimin e vendimit të Gjykatës Kushtetuese.

Margariti ka shpërdoruar detyrën dhe kjo nuk i bashkangjitet por e rëndon veprën penale që Ministrja ka bërë që me relacionin, me propoziminn për transferimin e pronës, propozim që u konvertua në VKM 377 dhe që për fatin tonë të mirë u shpall antikushtues nga Gjykata Kushtetuese. Ministrja Margariti së pari do të përgjigjet për veprat penale që është kallëzuar nga ne në korrik të 2020 dhe po ashtu duhet të përgjigjet dhe për veprat penale që vazhdon të konsumojë në krye të Ministrisë së Kulturës. Ne kemi dëshmuar, e kemi deklaruar, do ti shkojmë  deri në fund”, tha Kalaja.

Kalaja tha se Drejtësia për Teatrin Kombëtar duhet të vihet me çdo kusht për të treguar që reforma në drejtësi po funksionon dhe këtu adresoi kritika ndaj SPAK dhe kreut të saj Kraja.

“SPAK akoma nuk po reagon, me keqardhje konstatojmë se SPAK akoma nuk po merr vendimin që duhet të marrë. Kushtetuesja u tregua në lartësinë e detyrës dhe  Kushtetutës. Këtë gjë duhet të bëjë SPAK se janë investuar miliona euro nga buxheti shqiptar, miliona euro nga SHBA dhe BE. SPAK i ka dosjet, afati i mbylljes së hetimeve ka përfunduar dhe ne duhet të marrim një përgjigje se çfarë është bërë me kallëzimet tona që i përkasin Teatrit Kombëtar dhe duhet të marrim dhe një përgjigje me reagimin joetik, fyes që kryetari i SPAK, zoti Kraja, i bën Aleancës duke mos dënjuar të kthejë dhe përgjigje negative në lidhje me disa kërkesa që i kemi bërë me pozicionin ku ndodhen hetimet dhe me një takim që ai duhet të bëjë me artistët e Aleancës. Të gjithë e dini çfarë ka ndodhur me 17 maj, po heqim të gjithë abuzimet që kryetari i Bashkisë ka bërë në raport me ligjin korruptiv.

Të gjithë e dini çfarë ka ndodhur me 17 maj. Po heqim të gjithë veprimet korruptive që ka bërë kryetari i bashkisë Veliaj, po heqim të gjithë abuzimet që kryetari i Bashkisë ka bërë në raport me ligjin korruptiv  që u shpall antikushtetues në raport dhe me transferimin e  pronës por nuk e di çfarë pret SPAK që të çojë  për gjyq videon kur fillon shembja e Teatrit me artistë dhe qytetarë brenda, nuk e di çfarë pret SPAK të çojë për gjykim ata kriminelë që erdhën për të vrarë disa protestues paqësorë, nuk e di çfarë pret SPAK kur pa që gjysma e policisë prezent ishin pa numër identifikimi, çfarë pret SPAK të çojë për gjykim personat përgjegjës kur prishja e Teatrit u bë në një kohë që çështja ishte në Gjykatë Kushtetuese, KLSH nxori një vendim për pezullimin e prishjes, nuk kishte një projekt të miratuar dhe as leje të dhënë. Ka shumë shkelje skandaloze dhe ne që quajmë fyerje dhe shpërdorim të detyrës të SPAK që merren më gjëra shumë të vogla dhe nuk merret me kallëzime tona penale që datojnë që në 31 dhjetor 2019. Ne do të vazhdojmë me denoncimin e  zyrtarëve vendas dhe të huaj që ushtrojnë ndikimin e paligjshëm”, u shpreh ajo.