Krejt papritur është shuar sot Haki Spaho, aktori i njohur i humorit i estradës së Sarandës, me afër 40 vjet karrierë në trupën e saj. Ka qenë një ishemi celebrale ajo që i mori jetën njerit prej ikonave të humorit sarandiot, i njohur për mimikën e veçantë, artikulimin ngacmues dhe lojën krejt të natyrshme.

Krijues i qindrave roleve, me një galeri e pasur personazhesh ndër vite, Haki Spaho ishte një talent i lindur, pa nevojën e një shkolle teatrore, pasi ishte vetë një shkollë aktrimi.

Kësisoj, ai erdhi nga trupat amatore, më saktë nga Parku Automobilistik ne Sarandë dhe të niste një karrierë si profesionist në Estradë, duke luajtur krah atyre me diplomë në aktrim, pa asnjë diferencë në cilësi aktoreske. Mungesa vitet e fundit e shfaqjeve të Estradës së Sarandës, ishte njëherësh dhe një mungesë e shijimit të lojës së Haki Spahos dhe shakave e batutave prej tij. Ai doli në pension para katër vjetësh, ndërkohë që më parë bëri një kalim nga estrada në Teatrin e Kukullave.

Ai bënte një jetë të thjeshtë qytetare, i apasionuar dhe pas peshkimit, duke përcjellë në publik rrezatimin e një njeriu me sens artistik edhe në sferën e marrëdhënieve shoqërore. Saranda dhe jo vetëm do ta kujtojnë përherë me respekt aktorin e humorit, Haki Spaho.

Partia Demokratike dega Sarande shpreh ngushellimet e sinqerta per ndarjen e parakohshme nga jeta te artistit Haki Spaho!

Ndarja nga jeta e Hakiut, aktorit qe per vite sherbeu ne Estraden Profesioniste te Sarandes, eshte nje humbje e madhe per artin sarandiot por edhe ate kombetar. Ikja e tij e parakohshme na pikellon edhe ne, pasi me Hakiun kemi ndare vitet e veshtira opozitare, ku ne aksionet tona ai nuk ka munguar asnjehere, si mbeshtetes i kauzave demokratike per nje Shqiperi me te mire.

Ne i shprehim ngushellimet tona familjes se tij dhe lusim Zotin qe shpirti i Hakiut te prehet ne paqe!

Lamtumire i dashur Haki!

Sipas raportimeve të fundit për mediat, tre zyrtarë të Kadastrës së Tiranës janë vënë në prangat e policisë ditën e sotme me urdhër të Prokurorisë së Posaçme (SPAK) dhe krimit ekonomik.

Mësohet se janë lëshuar urdhër arreste për disa zyrtarë, ndërkohë që operacioni është ende në zhvillim.

Gjithashtu bëhet me dije se janë lëshuar 5 urdhër arreste në total dhe se çështja ka të bëjë mbi dyshime për falsifikim dokumentesh.

Një zjarr i fuqishëm ka rënë pasditen e sotme tek kodrat me ullinj midis qytetit të Lushnjes dhe Karbunarës.

Zjarri është përhapur shumë shpejt nga era e fortë dhe dhjetë hektarë ullishte janë përfshirë nga flakët.

Banorët janë përpjekur për të shuar zjarrin vetë, por ka qenë e pamundur. Ata thonë se janë me qindra ullinj që janë djegur.

Zjarri vijon të shkojë drejt varrezave në Karbunarë dhe banesave të lagjes së Saraçëve duke rrezikuar kështu vendbanimet si dhe varret e të ndjerëve.

Përshihet nga flakët pylli në Qafën e Lalarit në Fier

Fieri duket se është nën ‘pushtetin’ e flakëve pasi vatra të tjera zjarri po shfaqen dita-ditës. Tashmë një zjarr ka përfshirë pyllin në Qafën e Lalarit dhe Kraps.

Pylli është me pisha dhe ullinj teksa zjarrfikëset e Fierit e Patosit kanë shkuar në vendin e ngjarjes.

Terreni për të ndërhyrë është shumë i vështirë, por po bëhen përpjekje në mënyrë që zjarri mos përhapet më tej.

Nga Arjan LIKA

Sot në gjykatën e Matit në mbështetje të qytetarëve dhe demokratëve matjanë që si dhe shumë të tjerë persekutohen, me proçese gjyqësore që nuk mbarojnë kurrë, me ndëshkime e dënime vetëm pse të gjithë ata protestuan për një të drejtë kushtetuese të mohuar nga rregjimi.

Këta njerëz protestuan për zgjedhje të lira e të ndershme. Këta njerëz protestuan për të drejtën për të votuar e zgjedhur. Këta njerëz kërkuan të mbrohet pluralizmi politik i rrezikuar nga bandat e nga regjimi i Edi Ramës. Këta njerëz protestuan se kërkojnë dhe besojnë në ëndrrën 30 vjeçare e një Shqipërie si Evropa.

Ndërsa këta qytetarë dënohen e persekutohen pse protestuan për zgjedhje e votë të lirë, dosjet e krimeve elektorale flenë. Autorët e dosjeve të masakrës zgjedhore të provuara me zë e figurë si ajo 184 që bënë xhiron e Evropës, që përbëjnë ndër kushtet që nuk i hapin rrugën e Negociatave drejt BE Shqipërisë, promovohen dhe vijojnë të pandëshkuar të drejtojnë stafet elektorale e pjesë të pushtetit dhe të jenë vegla të rregjimit.

Nëse pushteti dhe rregjimi i Edi Ramës apo shërbëtorët e tij ne të gjitha institucionet e shtetit mendojnë se me keto proçese, me këtë presion do të thyejnë shpirtin e matjanëve dhe të shqiptarëve që kërkojnë demokraci, pluralizëm dhe të drejta si çdo qytetar evropian e kanë gabim.

Këta qytetarë nuk dorëzohen, ne nuk dorëzohemi, Partia Demokratike nuk dorëzohet. Ne jemi e do të jemi të bashkuar, në krah të njëri – tjetrit dhe çdo qytetari shqiptar që i thotë Jo këtij rregjimi që nuk pranon të nënshtrohet, që do të luftojë çdo ditë derisa në këtë vend të rikthehet shpresa e një Shqipërie normale demokratike ku të drejtat dhe garancitë kushtetuese mbrohen, e në të kundërt ndëshkohen ata të cilët janë dhunuesit e vërtetë bandat dhe rregjimi i Edi Ramës.

Të tjera detaje vazhdojnë të zbulohen rreth aksidentit tragjik në Kroaci ku humbën jetën 10 shtetas kosovarë.

Vëmendja është përqëndruar tek shoferi i autobusit i identifikuar si D.L ra sot në pranga në prokurorinë e Kroacisë pasi e zuri gjumi në timon. Ai u mor në pyetje në Zyrën e Prokurorit të Shtetit ku do vendoset për rrjedhën e mëtejshme të procedurave.

Sipas mediave kosovare, kjo nuk është hera e parë që D.L bie në prangat e policisë pasi në 2017 ai është arrestuar nga Policia Kufitare e Shqipërisë me 20 kg kanabis.

Atij i është caktuar një avokat, sipas detyrës zyrtare, dhe ai është mbrojtur në heshtje, ka thënë zëvendës-Prokurori i Shtetit për qarkun në Sllavonski Brod, Franjo Kopuniq.

Pra, do të vendoset nëse do të lirohet apo do të mbetet në paraburgim. Pamjet e publikuara nga mediat kroate, tregojnë momentin kur shoferit del nga vetura e policisë kroate dhe drejtohet për tek prokurori.