Rama ka bërë thirrje sot nga një takim me mjekët që të nisn spiunimet ndaj njëri-tjetrit duke kujtuar kohërat më të errëta të këtij vendi.

Deklarata

“Kjo është nga ana jonë, jo nga ana e drejtësisë së re, për të vendosur në presion të dyfishtë sistemin tonë publik. Jo thjesht sistemin tonë shëndetësor, por atë publik. Këto që bëjnë të humbasin një pjesë të rëndësishme të pjesës së tyre nëse sistemi vazhdon të ushqejë parazitë dhe grabitqarë që janë aty për t’i shërbyer shtetit dhe njerëzve.

Kjo është arsyeja se pse edhe në spitale, kemi vendosur që të shtrijmë deri në fund rrjetin e individëve që do të jenë aty për këtë punë, për të ndarë ose për të kontribuuar për ndarjen e të njomit nga i thati. S’mund të ketë luftë kundër të keqes nëse ajo është e ndarë mes pushtetit ekzekutiv dhe atyre që janë jashtë këtij pushteti, në të gjitha nivelet.

Lufta do të zhvillohet brenda në radhë të parë. Vetëm kështu do të rriten të ardhurat, besimi, solidariteti, dinjiteti dhe respekti dhe do të vendosen në vendin që e meritojnë në sytë e të gjithëve, ata të cilët bëjnë detyrën. Vetëm kështu Shqipëria do të ngjitet në atë majën ku prej shumë vitesh është penguar që të ngjitet dhe kështu shteti do të bëhet aleati dhe bashkudhëtari i domosdoshëm i qytetarëve. Në të kundërt, është e vështirë, shumë e vështirë.

Zbulohet varr masiv i viktimave të diktaturës komuniste në Përmet. Një sipërfaqe gati 100 metra katrorë është zbuluar nga firma ndërtuese e cila merret me shtrimin e rrugës në lagjen e re të Përmetit.

Firma ndërtuese ka informuar autoritetet policore dhe këto të fundit kanë rrethuar zonën në fjalë. Për kreun e shoqatës antikomuniste të të përndjekurve politikë Nebil Çika, ky vend ka shërbyer për ekzekutimin e disidentëve dhe kundërshtarëve të regjimit dhe ka qenë hapësire e Ministrisë së Punëve të Brendshme.

“Janë katër varre që ne dyshojmë se janë të të zhdukurve nga diktatura komuniste, të të pushkatuarve. Kemi gjetur vetëm katër, në fakt dyshohet nga dëshmitarët dhe nga indiciet që të jetë një varrezë shumë e madhe. Pra, edhe ndërtesat që janë ndërtuar këtu, një pjesë e tyre dyshohet që të jenë bërë mbi varre. Në diktaturën komuniste këtu ka qenë një repart ushtarak, nga ato repartet famëkeqe të ndjekjes që ndiqnin armiqtë e komunizmit, diversantët, ata që arratiseshin dhe deri në vitin 1991 ka qenë qendra më e madhe e stërvitjes së ushtarëve të kufirit për të gjithë jugun e Shqipërisë.

Në bazë të të dhënave që kemi dhe nga arkivi i ministrisë së Brendshme, por edhe nga dëshmitarët, këto lloj repartesh të izoluara, në varësi të ministrisë së Punëve të Brendshme dhe të sigurimit të shtetit përdoreshin dhe si vende ekzekutimi për kundërshtarët e regjimit, ata që dënoheshin me vdekje, ata që vriteshin ose kapeshin në kufi, varroseshin në këto vende. Jemi këtu për të denoncuar jo vetëm gjetjen e eshtrave. Dua të falënderoj firmën e ndërtimit të rrugës, e cila është treguar e përgjegjshme dhe e ka rrethuar vendin, ka lajmëruar policinë dhe prokurorinë, ndërkohë që shteti nuk ka marrë asnjë masë.

Këtu në bazë të ligjit kemi një skenë krimi. Kemi katër skelete, katër trupa të vdekurish. Normalisht duhet të ishte skenë krimi, e rrethuar me shenjat e policisë dhe duhet të kishte roje të armatosur 24 orë. Mund të vijë dikush në darkë, t’i marrë, t’i heqë sepse nuk ka njeri. Ka dy javë, nuk ka ardhur askush, nuk ka as urdhër prokurorie për të filluar hetimet, nuk ka ardhur as mjek ligjor, as antropolog. Kjo dëshmon indiferencën e shtetit kur bëhet fjalë për të zhdukurit gjatë diktaturës komuniste”, deklaroi Çika.

• Abuzimi me tenderat e Ministrisë së Brendshme u denoncuan nga PD kohë më parë. PD: Lleshaj dhe Ndreca, paditën për shpifje, sot justifikohen se “nuk dinin gjë”

• SPAK të veprojë në misionin e tij dhe të hetojë “Peshqit e mëdhenj”.

DEKLARATË E PARTISË DEMOKRATIKE, NGA GJYKATA PENALE ÇLIRIM GJATA

Çlirim Gjata: Ndodhem në Gjykatën Penale, sepse jam paditur për shpifje nga Plarent Ndreca, një emër goxha i lakuar këto ditë, ish Sekretar i Përgjithshëm i Ministrisë së Brendshme. Ne paditemi për shpifje ku deklarojmë korrupsionin e këtyre zyrtarëve. Dhe më pas kur SPAK dhe Prokuroria bën transparente çfarë ka ndodhur, çfarë korrupsioni kanë kryer këta, atëherë thonë “Ne nuk dinim gjë”. Po si dreqin na paditët ne për shpifje kur ju nuk paskeni ditur gjë?!

Çështja në fjalë është një çështje e vjetër, një deklarim që unë kam bërë në një emision televiziv për shkak të një abuzimi të madh me fondin, unë e kam quajtur vjedhje gati 800 mijë euro me Parkun Olimpik, të cilin KLSH e ka çuar vetë në Prokurori z. Ndreca dhe shumë media madje e kanë deklaruar këtë gjë; njëra madje e ka quajtur edhe bandë. Tani kanë kaluar vite nga kjo. Pavarësisht se ndodhemi në gjyq për shpifje, këtë gjë do ta vendosë gjykata. Por problemi është se me çfarë po ndodh sot. Të njëjtën gjë kemi edhe nga ish ministri i Brendshëm z. Lleshaj.

Në vitin 2019, kur ndodhi tenderi i famshëm i uniformave të policisë, PD deklaronte se është diçka absurde sepse nuk paditet deklaruesi sepse ai përfaqëson deklaratat e PD.

Tani abuzimet dhe korrupsionin me këtë tender z.Lleshi del dhe thotë “Unë nuk dija gjë”. Po si dreqin e bërë padinë për shpifje për këtë tender dhe sot nuk paske ditur gjë. Por të paktën nuk u interesove se çfarë ka ndodhur? Se po të ishe interesuar, do të pezulloje pasojat e këtij abuzimi.

Të gjithë jemi koshientë dhe nuk ka qytetar në këtë republikë dhe jashtë saj, që njeh sadopak këtë vend që quhet Shqipëri, që nuk e di se “këtu nuk lëviz as fija e barit” dhe “as një peshk në det” pa lejen e shefave të mëdhenj.

Si dreqin ai tender i uniformave të policisë, gjithë ai tender nuk di gjë as Sekretari i Përgjithshëm, nuk di as Ministri i Brendshëm, nuk di gjë as Kryeministri.

Këto nuk i beson njeri.

Ne këto i kemi denoncuar me kohë, siç kemi denoncuar çështjen e inceneratorëve, çështjen e Teatrit dhe kush e di sesa kallëzime të tjera të cilat po dalin një e nga një.

Tani problemi ka kaluar përtej saj, nga zyrtarët dhe shefat e tyre politikë deri tek kryeministri ekstremisht të korruptuar dhe abuzivë me paratë publike. Tani ne po i kërkojmë Prokurorisë, që është krijuar sipas reformës në drejtësi dhe që quhet SPAK, e cila duhet të shikojë me seriozisht dhe të hyjë me thellë që është krijuar sipas reformës në drejtësi dhe që quhet SPAK. E cila duhet të shikojë më seriozisht dhe duhet të hyjë më thellë dhe shpresojmë që të hyjë më thellë, brenda Unazës së Tiranës, në institucionet më të rëndësishme administrative dhe politike që veprojnë në Tiranë.

Qëndrimi i thjeshtë i një kryetari bashkie për një kanal, apo disa prokurorë, apo të një zyrtareje së fundmi, ish-zv/ministre e cila është korruptuar, ka abuzuar në lidhje me emërimet në detyrë, sa i takon çështjeve që i keni parë edhe ju, 2 mijë euro, një arkë me peshk, një celular. SPAK-u për të gjithë këtë që u bë në drejtësi, nuk mund të justifikohet dhe të kapë një “peshk” i cili qenka korruptuar me peshk. Ne i inkurajojmë dhe nuk nuk jemi kundër tyre, na kuptoni drejt, ne duam të shkohet përtej kësaj. Ne duam të shkojmë tek ata që vetë faktori ndërkombëtar i ka quajtur “peshqit e mëdhenj”.

Nuk mund të rrish në nivelin e një kryetari bashkie apo zv/ministre që merrka 2 mijë euro dhe të thuash që kaq ka qenë korrupsioni në Shqipëri. Një tender uniformash, ku Ministri dhe Sekretari i Përgjithshëm nuk dinë gjë, një kanal dhe një marrje në punë në kushte korruptive duke marrë rryshfet për emërimet abuzive në detyrë.

Korrupsioni në Shqipëri është jashtëzakonisht më i thellë se kaq. Unë po ju jap vetëm disa shembuj. SPAK-u kërkund nuk është në misionin e tij, po qëndroi në këto nivele. Edhe një herë e inkurajojmë dhe e përkrahim SPAK-un për çfarë ka bërë deri tani. Por po nuk eci më tekj, asgjë nuk ka bërë. Sepse misioni i tij është shumë më i madh. Ai duhet të merret me inceneratorët që vazhdojnë marin para nga buxheti i shtetit pa bërë asgjë, që janë bërë shumë kallëzime. Është bërë megakorrupsion, megaafera më e rëndë që është bërë nga kryeministri Edi Rama i pari, që është koka e qelbur e peshkut korruptiv shqiptar dhe vazhdon pastaj me ministra, kryetarë bashkishë, Tiranë, Durrës, një rradhë nënpunësish që kanë firmosur dhe kanë marrë pjesë.

Nuk e lejon as e drejta dhe as procedurale penale justifikimin që “Nuk dinim gjë”, sekretari i përgjithshëm me ministrin përkatës, apo kryeministrin, “ne nuk dinim gjë”.

Nuk mund të vish përpara SPAK, nuk e kam për këta që vijnë përpara SPAK-ut, dhe ngrenë duart. Jo nuk është kështu. Nuk mund ta pranojë SPAK-u të vijnë të ngrenë duart, “ e shikon, kemi firma ne? S’kemi firma ne”. Jo nuk është krijuar për këtë SPAK-u. Ka metoda dhe forma për të zbuluar korrupsionin. E fundit ishte tek tenderi i uniformave të policisë. Sekretari i Përgjithshëm dhe Ministri nuk ditkan gjë. Po përse kanë ngritur padi për shpifje sidomos Ministri kundër Partisë Demokratike para dy vjetësh për këtë tender dhe sot “S’di gjë”? nëntë nënpunës u korruptokan për miliona euro dhe këta nuk dinë gjë? Kjo është e pabesueshme dhe nuk e pranon njeri. Këto duhet të hetojë SPAK-u ndryshe është jashtë misionit të vetë. Ne primare kemi luftën kundër korrupsionit. Nuk ka rrugë tjetër. Nuk bëhet tjetër.