Hë mo, ju kujtohet ai tipi? Sandër Lleshi? Ai që i kanë zënë sytë “lesh” dhe vetëm fle gjumë? Mund të duket kështu si tip pa zarar, që nuk ta mbush mendjen. Ndoshta mendjen, se në fakt xhepat i mbushka mjaft mirë. Po pse e themi këtë? Sepse ekskluzivisht për JOQ Albania, një burim denoncon aferën korruptive të Sandër Lleshit me tenderin e uniformave të policisë. Siç ju informuam dhe më parë, në datë 11.05.2020 u mbajt tenderi me objekt “Blerje dhe shpërndarje e uniformave dhe këpucëve të policisë së shtetit” për 4 vjet me fond limit 2,800,347,570 lekë të reja pa TVSH apo rreth 27 milionë euro me TVSH.

Fitues i paracaktuar sipas denoncuesit, është firma D&E sh.p.k. e cila ndonëse nuk plotësonte shumë kushte e dokumenta të kërkuara dhe ndonëse ofronte rreth 5 miliardë lekë më tepër se operatori i klasifikuar si i parë, Sandër Lleshi ishte i vendosur që në kundërshtim me ligjin ta shpallte fitues. Por sipas burimit, skandali merr përmasa edhe më të mëdha. Kjo për vetë faktin se tenderi është mbajtur në datë 11.05.20, dhe sipas ligjit klasifikimi duhet të ishte bërë brenda 10 ditësh, por ndërkohë sot është data 10 qershor dhe ka kaluar rreth 1 muaj duke shkelur rëndë afatet ligjore.

Përveç kësaj, burimi shprehet se në fillim të procedurës në Komisionin e Vlerësimit të Ofertave, ishin vetëm 3 anëtarë të cilëve iu bë presion që të s’kualifikohej kompania e renditur e para e cila përveçse plotëson të gjitha kriteret, ka ofruar edhe 5 miliardë lekë më pak. Si pasojë e rezistencës së një pjesë të këtij komisioni për të shkelur ligjin, në këtë komision u shtuan papritur dy anëtarë të rinj pa asnjë shpjegim, duke e çuar numrin në pesë persona. Burimi informon se nga ana e drejtoreshës së Agjensisë së Blerjeve të Përqëndruara Edlira Naqellari, nën bekimin e Sandër Lleshit, këtyre personave të komisionit u janë ofruar para për të skualifikuar firmën e klasifikuar si e para, por pasi një pjesë e tyre përsëri kanë vendosur që të mos e shkelin ligjin, Edlira bashkë me Sandër Lleshin kanë vendosur të shkrijnë komisionin. Krejt papritur një nga anëtarët e komisionit dha dorëheqjen ditën e djeshme datë 09.06.20 në mes të procedurës dhe pa asnjë shpjegim.

Sipas burimit, Edlira Naqellari dhe Sandër Lleshi kanë ushtruar një presion të jashtëzakonshëm ndaj pjesëtarëve të komisionit që të skualifikohej kompania e parë dhe të fitonte kompania e përzgjedhur nga Sandër Lleshi, D&E sh.p.k. Ata tani po kërkojnë një tjetër “kamikaz” për ta shtuar në komision, që të jetë i gatshëm të shkelë ligjin. Por në fakt provat dhe të dhënat janë kokëfortë pasi firma e klasifikuar e para, e quajtur Genç Taahhut Giyim Tekstil Ltd. Sti. i plotëson të gjitha kriteret dhe kushtet e tenderit dhe për më tepër ka ofruar 5 miliard lekë më pak se firma që do të shpallë Sandër Lleshi si fituese.

Madje jo vetëm kaq, por materiali që ka ofruar firma D&E sh.p.k. është shumë pa cilësi dhe për më tepër është kanceroz. Gjithashtu kjo kompani nuk plotëson një sërë kushtesh teknike dhe ka mungesë dokumentacioni të theksuar, si dhe sipas burimit, ka falsifikuar edhe dokumentacionin e paraqitur. Mjafton kaq që kjo kompani jo vetëm të mos fitojë tenderin por edhe të ndiqet penalisht. Burimi ekskluziv shprehet për JOQ Albania, se gjithçka e përmendur është lehtësisht e verifikueshme dhe e shkruar e bardhë në të zezë.

Operacioni i kryer nga SPAK coi në pranga 8 zyrtarë dhe një në arrest shtëpie. Ai është bërë në lidhje me abuzimin me tenderin e uniformave të policisë me vlerë 27 milionë euro.

Mes të arrestuarve është edhe ish-drejtoresha e prokurimeve publike në Ministrinë e Brendshme, Edlira Naqellari

Ajo u shkarkua nga kjo detyrë më 2 korrik, vetëm një javë më parë.

Urdhër arresti janë lëshuar po ashtu edhe për Kreshnik Bejkajn, Ani Omurin, Klevis Hasanin, Anisa Bogdanin, Flutura Çekrezin, Fatmir Demnerin, Gëzim Mingajn dhe Mariglen Buzalin. Po ashtu SPAK ka kryer kontrolle edhe në banesat e të arrstuarve.

Deputetët  Myslim Murrizi dhe Halit Valteri kallëzuan në SPAK, më 3 gusht të 2020, tenderin e Ministrisë së Brendshme për uniformat  e policisë me vlerë prej 27 milionë eurosh.

Sipas tyre tenderi i ishte dhënë një kompanie gërmimesh që nuk kishte lidhje me rrobaqepësinë, duke i kërkuar SPAK që të hetojë.

Ish-Kryeministri Sali Berisha ka publikuar një tjetër denoncim të rëndë pas mesazhit të marrë nga qytetari dixhital, i cili shkruan se, në Doganën Shqiptare po bëhet kontrabandë me urdhër të shefit të departamentit Eldi Hoxha, pjestar i famshëm i çunave problematik të Gjiknurit.

Postimi i ish-Kryeministrit Berisha

Kontrabande masive ne dogana!

Lexoni mesazhin e qytetarit dixhital. sb

Pershendetje i nderumi Doktor Berisha, arsyeja qe po ju shkruaj eshte pasi per here te pare ne historine e Doganes Shqiptare po behet kontrabande me urdher te shefit te Departamentit Eldi Hoxha, pjestare i famshem i cunave problematik te gjiknurit. Cdo jave, sipas organigrames se Drejtorise se pergjithshme te Doganave duhet nje grup i Antikontrabandes ne cdo zone doganore qe duhet te mbulohet 24/7 , por shiko cfare po ndodh keto 2 jave, per here te pare ne histori nuk ka nje grup antikontrabande ne Doganen e Kakavijes, Kapshtices, Durresit, Vlores dhe Morines, doganat me me fluks ne RSH. Eshte dhene konfirmimi nga krye hajduti Ilia Bili qe eshte Drejtor i kesaj drejtorie dhe krye hajdutit Eldi Hoxha qe te kalojne te gjithe kontenieret dhe furgonat kontrabande neper doganat me me risk te Republikes se Shqiperise.

Pra grupet e Antikontrabandes jane lene pushim qe te marin mesazhin subjektet qe mund te kalojne diten per diell dhe naten per hene cfardolloi gjeje kontrabande duke filluar qe nga gomat e perdorura dhe deri tek konternieret kinez dhe gjeja e gjalle. Ju lutem nuk dime ku te drejtohemi per kete problematike , demi qe po i behet shtetit shqiptare eshte i paimagjinueshem pasi keto jave nuk do te kemi asnje lek te derdhur ne buxhetin e shtetit por do te jene te gjitha kontrabande. Anonim ju lutem se keta te pushkatojn. Mund ta verifikoni lehtesisht qe ne keto zona nuk ka asnje grup nga Drejtoria e Antikontrabandes.

Në Tiranë, kryeministri Edi Rama u bëri thirrje kryetarëve të bashkive që t’u japin fund praktikave korruptive me tenderat dhe prokurorimet, që të mos bëhen objekt i hetimeve të SPAK-ut, si kryetari i bashkisë së Lushnjes.

Ndërsa organizata monitoruese Open Data Albania i tha Zërit të Amerikës se, qeveria dhe agjencitë e saj janë në vend të parë, si më shumë të dyshuarat për korrupsion e klientelizëm, sidomos në sektorët e shëndetësisë, rrugëve dhe rindërtimit.

Pak ditë pas arrestimit të kryetarit të bashkisë së Lushnjes dhe punonjës të tjerë nga SPAK për abuzmie me tendera, kryeministri Edi Rama zhvilloi një takim me kryetarët e bashkive dhe u bëri thirrje të zbatojnë ligjet, që të mos bëhen objekt hetimesh nga struktura e posacme antic-korrupsion.

Zoti Rama tha se kriteret e shtuara enkas në tendra si kostum me porosi për fituesit dhe mungesa e garës janë një dukuri që duhet të marrë fund bashkë me rryshfetet dhe korrupsionin në pushtetin vendor.

Ai tha se bashkitë kanë qenë indiferente edhe ndaj kërkesave për të përmirësuar punën e tyre, edhe kur kanë patur këshillime nga agjencia e prokurorimeve. 2

“88.5% e procedurave kanë rezultuar me probleme, në hartimin e kritereve, ndaj dhe bashkive përkatëse u janë dërguar rekomandime precize nga Agjencia e Prokurimit Publik. 52.5% e bashkive nuk kanë reaguar dhe nuk kanë bërë asnjë reflektim në proces të rekomandimeve teknike të saj. Qepja me dorë e procedurës së tenderit e cenon drejtpërsëdrejti shkallën e pjesëmarrjes dhe drejtësinë e konkurrencës së operatorëve publikë. Është një teknikë grabitqare, e shëmtuar, përjashtuese” – tha zoti Rama.

Kryeministri Rama tha se ekziston një vijë e kuqe mes njohje personale e partiake dhe shkelësve të ligjit, ndaj bashkiakët të mos përzihen me prokurimet publike, të mos luajnë me një zjarr që do të bëhet pjërherë e më përvëlues.

Por organizata monitoruese Open Data Albania, i tha Zërit të Amerikës se bashkitë nuk janë sektori më problematik sa u takon tenderimeve abuzive, krahasuar me të tjerët.

Drejtuesja e organizatës Open Data, Aranita Brahaj, e pyetur nga Zëri i Amerikës, deklaroi se tenderat e qeverisë ua kalojnë bashkive për sa u takon mungesës së konkurrencës, anullime të përsëritura, negocime dhe mos-respektim.afatesh.

Vërtet bashkitë kane nivel 30 % tendera me risk për korrupsion dhe abuzime, por bashkitë nuk janë sektori më problematik. Sipas Open Data, me të njëjtën metodologji janë 40% e tendera të sektorit të shëndetësisë, që vlerësohen me risk të lartë për korrupsion dhe klientelizëm.

Po ashtu paraqiten edhe tendera të Autoritetit të Rrugëve apo Fondit Shqiptar të Zhvillimit, të cilat karakterizohen nga përqendrim fondesh në pak biznese.

“Këto tendera kanë skualifikime të operatorëve që ofrojnë vlera më të ulëta, duke lënë fitues oferta të larta” – thekson Open Data.

Problematike dhe me defekte të mëdha paraqitet fondi i rindërtimit pas tërmetit, ku në vitin e dytë pas fatkeqësisë janë përdorur miliarda lekë, që kontraktohen me procedurë të kufizuar, pa garë ofertash, me afate vetëm 10 ditore për paraqitje interesi.

“Megjithëse janë vlera të larta, asnjë kompani e huaj nuk del në skenë, lekët janë përqëndruar në pak duar dhe mungesa e konkurrencës është vendosur me ligj, pasi qeveria aplikon Aktin Normativ të dhjetor 2019, duke anashkaluar legjislacionin për prokurimet” – thotë zonja Brahaj drejtuese e Open Data.

Gjendja e Fatkeqësisë Natyrore ka përfunduar si status, por Akti Normativ vijon të përdoret, theksoi ajo. Vlerat e tenderave janë të përqendruara në pak biznese, kompanitë e huaja hezitojnë të marrin pjesë në gara, vëren organizata Open Data Albania.