13.5 C
Tirana
E shtunë, 17 Maj, 2025
type here...

“Nuk përulemi para lojërave të vjetra politike”- Taulanda Jupi: Koha për t’u ndarë nga tranzicioni

Taulanda Jupi, kandidatja e koalicionit Euroatlantik për Tiranën, në reagimin e saj të fundit në Facebook, theksoi se Shqipëria ka vetëm një opozitë të vërtetë, atë që kërkon një ndryshim rrënjësor dhe një ndarje përfundimtare me tranzicionin.

Jupi theksoi se nuk do të bëjnë kompromise për interesat personale, por do të ndjekin rrugën e shqiptarëve të ndershëm që kërkojnë drejtësi dhe një të ardhme pa hijen e korrupsionit. “Ne nuk do të bëhemi pjesë e lojërave të vjetra politike, por do të ndërtojmë një Shqipëri të ndershme, të drejtë dhe të lirë,” shkruan ajo.

Postimi:
Koha për t’u ndarë nga tranzicioni një herë e përgjithmonë
 
Kur një sistem është në rënie, ai bën gjithçka për të mbijetuar—manipulon, shpik kompromise të vogla dhe përpiqet të izolojë ata që guxojnë ta sfidojnë.
Ne e shohim këtë sot, teksa lëvizje të pjesshme dhe koalicione të dobëta kërkojnë të mbulojnë të vërtetën: Shqipëria ka vetëm një opozitë të vërtetë, atë që kërkon ndryshim rrënjësor dhe një ndarje përfundimtare me tranzicionin.
Ne nuk do të bëhemi pjesë e lojërave të vjetra.
Nuk do të përkulemi para pazareve të ulëta që kanë mbajtur këtë vend peng për kaq gjatë. Ne zgjedhim rrugën e shqiptarëve të ndershëm, të cilët nuk duan më premtime boshe apo aleanca për interesa personale, ata duan një Shqipëri ku drejtësia është e barabartë për të gjithë, ku rinia sheh të ardhmen këtu dhe ku e shkuara nuk mund të shantazhojë më të ardhmen.
Kemi nevojë për një besëlidhje kombëtare kundër korrupsionit, me çdo shqiptar që beson në drejtësi dhe kërkon një të ardhme pa hijen e Ramës, Berishës dhe satelitëve të tij. Ne nuk do të bëjmë marrëveshje me kryetarë, por me qytetarët.
Nuk do të përulemi para lojërave të vjetra politike, por do të ndërtojmë një Shqipëri të ndershme, të drejtë dhe të lirë.
Shqipëria meriton më shumë!

Lajm i trishtë, ndahet nga jeta ish-sulmuesi shqiptar

Ish-sulmuesi i Lushnjës, Altin Çuko është ndarë nga jeta në moshën 50-vjeçare.

Ai ka pësuar hemorragji cerebrale dhe nuk ka mundur të mbijetojë.

Më parë ka luajtur edhe për Laçin dhe Tomorrin. Gjatë sezonit 1995-96, Çuko mori “Këpucën e Artë” në Shqipëri pasi shënoi 21 gola, 5 me beratasit dhe 16 me kurbinasit.

“Kanë dhënë 8 milionë dollarë për të promovuar LGBTQI+ në vendet afrikane”- Trump: Kemi marrë mbrapsht miliarda që u shpërdoruan duke mashtruar! Ky është vetëm fillimi

Në fjalimin e tij të parë në Kongresin amerikan pasi mori mandatin e dytë, presidenti Donald Trump bëri akuza të forta për shpenzimet dhe politikat e administratës së kaluar të Biden, duke i quajtur ato si mashtrime të vazhdueshme dhe abuzime me paratë e taksapaguesve.

 

Trump theksoi se qeveria ka shpërdoruar miliarda dollarë për projekte që ai i konsideron të panevojshme dhe të paefektshme.

Në fjalën e tij, Trump citoi disa shifra që ai i quajti të “tmerrshme”, duke përfshirë 22 miliardë dollarë të alokuara për strehim dhe makina për emigrantët ilegalë, dhe 45 milionë dollarë të dhënë për bursa që promovojnë diversitetin dhe barazinë në Birmani.

Ai gjithashtu akuzoi administratën për financimin e programeve që, sipas tij, nuk kanë asnjë ndikim real në politikat e brendshme amerikane, si 8 milionë dollarë për promovimin e LGBTQI+ në Lesoto, ose 60 milionë dollarë për fuqizimin e popujve indigjenë dhe afro-karaibëve në Amerikën Qendrore.

“8 milionë dollarë për të promovuar LGBTQI+ në kombin afrikan të Lesotos, për të cilin askush nuk ka dëgjuar ndonjëherë. 60 milionë dollarë për popujt indigjenë dhe fuqizimin e Afro-Karaibeve në Amerikën Qendrore. 8 milionë dollarë për t’i bërë minjtë transgjinorë – kjo është e vërtetë”, tha ai.

Në përfundim, Trump theksoi se administrata e tij kishte zbuluar dhe anuluar shumë prej këtyre shpenzimeve të dyshimta dhe kishte arritur të kthejë shumë nga paratë në buxhetin federal.

“Dhe ne kemi marrë mbrapsht paratë dhe kemi ulur borxhin tonë për të luftuar inflacionin dhe gjëra të tjera, kemi marrë mbrapsht shumë nga ato para. I kemi marrë në kohë. Ky është vetëm fillimi”, tha ai.

Pjesë nga fjalimi i Donald Trump

Vetëm dëgjoni disa nga mbeturinat e tmerrshme që kemi identifikuar tashmë. 22 miliardë dollarë nga HHS për të siguruar strehim dhe makina falas për të huajt e paligjshëm. 45 milionë dollarë për bursa për diversitet, barazi dhe përfshirje në Birmani. 40 milionë dollarë për të përmirësuar përfshirjen sociale dhe ekonomike të migrantëve të ulur. Askush nuk e di se çfarë është. 8 milionë dollarë për të promovuar LGBTQI+ në kombin afrikan të Lesotos, për të cilin askush nuk ka dëgjuar ndonjëherë.

60 milionë dollarë për popujt indigjenë dhe fuqizimin e Afro-Karaibeve në Amerikën Qendrore – 60 milionë dollarë. 8 milionë dollarë për t’i bërë minjtë transgjinorë – kjo është e vërtetë. 32 milionë dollarë për një operacion propagandistik të krahut të majtë në Moldavi. 10 milionë dollarë për rrethprerjen e meshkujve në Mozambik. 20 milionë dollarë për “Rrugën e Sesamit” arabe në Lindjen e Mesme. Është një program. 20 milionë dollarë për një program.

1.9 miliardë dollarë për komitetin e krijuar së fundmi për dekarbonizimin e shtëpive, i kryesuar – dhe ne e dimë se ajo është e përfshirë – vetëm në momentin e fundit, paratë u kaluan nga një grua e quajtur Stacey Abrams. A keni dëgjuar ndonjëherë për të?

Një kontratë konsulence prej 3.5 milionë dollarësh për monitorimin luksoz të peshkut. 1.5 milionë dollarë për besimin e votuesve në Liberi; 14 milionë dollarë për kohezionin social në Mali; 59 milionë dollarë për dhomat ilegale të hoteleve të të huajve në Neë York City. Ai është një zhvillues i pasurive të patundshme. Ai ka bërë shumë mirë. 250,000 dollarë për të rritur inovacionin vegan të veprimit lokal të klimës në Zambia. 42 milionë dollarë për ndryshime sociale dhe të sjelljes në Ugandë.

14 milionë dollarë për përmirësimin e prokurimit publik në Serbi. 47 milionë dollarë për përmirësimin e rezultateve të të nxënit në Azi. Azia po ecën shumë mirë me mësimin. Ju e dini se çfarë po bëjmë – mund ta përdorim vetë. Dhe 101 milionë dollarë për kontratat e DEI-së në Departamentin e Arsimit – më e paguara ndonjëherë, asgjë si kjo.

Nën administratën Trump, të gjitha këto mashtrime – dhe ka shumë më keq – por nuk mendova se ishte e përshtatshme të flisja për to. Ata janë shumë të këqij. Shumë të tjerë janë zbuluar dhe ekspozuar dhe përfunduar me shpejtësi nga një grup njerëzish shumë inteligjentë, kryesisht të rinj të kryesuar nga Elon, dhe ne e vlerësojmë këtë. Ne gjetëm qindra miliarda dollarë mashtrime.

Dhe ne kemi marrë mbrapsht paratë dhe kemi ulur borxhin tonë për të luftuar inflacionin dhe gjëra të tjera – kemi marrë mbrapsht shumë nga ato para. E kemi marrë në kohë. Ky është vetëm fillimi.

BIRN: Sulmet e Ramës ndaj SPAK vënë në pikëpyetje angazhimet e qeverisë për integrimin

Në fillim të dhjetorit 2024, Shqipëria u ul në tryezën e dytë ndërqeveritare me Bashkimin Europian dhe zyrtarizoi çeljen e negociatave për grupin e parë të kapitujve, të njohura si “Themeloret”, në bisedimet për anëtarësim.

Grupi i kapitujve “Themeloret” përfshin funksionimin e institucioneve demokratike, reformën në Administratën Publike, Gjyqësorin, Drejtësinë, Lirinë dhe Sigurinë si dhe Prokurimet Publike.

Në fushën e drejtësisë, pala shqiptare premton angazhimin për të ruajtur reformën e arritur në vitin 2016 dhe përmirësimin e saj me “ndryshime ligjore që i përmbahen parimeve të reformës në drejtësi”.

Por këto angazhime në kuadër të procesit të integrimit bien në kontradiktë me qasjen e re të kryeministrit Edi Rama dhe mazhorancës qeverisëse ndaj institucioneve të drejtësisë dhe në veçanti SPAK-ut, pas arrestimit të kryebashkiakut të Tiranës, Erion Veliaj.

Në disa dalje publike të njëpasnjëshme, kryeministri Edi Rama kontestoi arrestimin e Veliajt, sulmoi prokurorin dhe gjyqtarin e çështjes dhe paralajmëroi se ai vetë nuk do t’i pranonte më “paraburgimet me një të rënë të lapsit dhe këto noterizimet në Gjykatën Speciale”.

Rama po ashtu i krahasoi hetimet e Prokurorisë së Posaçme me metodat e Ish-Sigurimin famëkeq të kohës së diktaturës dhe në një rast kur SPAK publikoi strategjinë e hetimit të krimeve zgjedhore, kërkoi ndërprerjen e këtij plani duke pretenduar cënim të lirisë së partive politike.

Sulmet verbale të kreut të qeverisë, i cili deri dje kishte mbrojtur reformën në drejtësi që prodhuan institucione si SPAK, frymëzuan një protestë të paprecedentë kundër kësaj strukture nga mbështetësit e Veliajt dhe Partisë Socialiste, duke vënë kështu në dyshim angazhimet e mazhorancës në negociatat me BE.

SPAK u krijua në fund të vitit 2019 si një nga institucionet e reja që prodhoi reforma e thellë në drejtësi, e miratuar me konsensus politik në vitin 2016, me nxitje të fortë nga përfaqësuesit e Shteteve të Bashkuara dhe Bashkimit Europian.

Menjëherë pas sulmeve publike të Ramës, përfaqësues të BE-së ritheksuan rëndësinë “kyçe” që kanë për integrimin këto institucione të reja.

Ambasadori i Bashkimit Europian në Shqipëri, Silvio Gonzato e cilësoi reformën në drejtësi dhe krijimi i SPAK-ut si një “gur themeli në anëtarësimin e Shqipërisë në BE” dhe theksoi angazhimin e BE-së për rritjen e efektivitetit të SPAK-ut dhe të gjithë sistemit gjyqësor, gjatë një qëndrimi publik në fund të shkurtit.

Komisioni parlamentar për Integrimin i kaloi në heshtje sulmet politike dhe anëtarët e mazhorancës dhe të opozitës në këtë komision nuk iu përgjigjen pyetjeve të BIRN për ndikimin që këto sulme mund të kenë në procesin e integrimit të Shqipërisë në BE.

Ndërkohë, përfaqësues të politikës dhe shoqërisë civile e shohin sjelljen e Kryeministrit dhe mazhorancës si cënim të sistemit kushtetues të vendit, me pasoja negative edhe në procesin e integrimit europian.

Për Arlind Qorin, kryetar i “Lëvizjes Bashkë”, sulmet ndaj institucioneve të drejtësisë janë shkelje e detyrimeve që ka vendi ynë në procesin e negociatave.

“Këto shkelje janë të rënda në vetvete, edhe pa marrë në konsideratë procesin e integrimit,” tha Qori për BIRN.

“Sulmet e kryeministrit Rama ndaj prokurorëve dhe gjykatësve, por edhe turmat e patronazhistëve dhe mungesa e Policisë së Shtetit përpara SPAK-ut, janë në radhë të parë një përpjekje  për frikësimin e tyre për shkak të detyrës dhe cenim i parimit kushtetues të ndarjes së pushteteve,” shtoi ai.

Sipas Qorit, shteti i së drejtës, pavarësia e gjyqësorit dhe në përgjithësi institucionet e qëndrueshme janë kritere të detyrueshme për t’u bërë pjesë e Bashkimit Evropian.

“E kam të vështirë të përfytyroj se si mund të tolerohet një shkelje e tillë në negociatat me Bashkimin Evropian,” theksoi Qori, duke shtuar se “Shqipëria duhet të hyjë nga dera e parë në Bashkimin Evropian dhe jo si koncesion gjeopolitik, që amniston shkeljen e parimeve themelore të shtetit të së drejtës”.

Ndërsa Zef Preçi, drejtor ekzekutiv i Institutit për Studime Ekonomike, e sheh procesin e negociatave me BE-në të konsoliduar dhe të pandikueshëm, por thekson se këto sulme janë  cënim i sistemit kushtetues të vendit dhe me efekte negative në proceset e tjera politike.

“Çfarëdo ndërhyrje e një gjymtyre të shtetit siç është ekzekutivi mbi një pushtet tjetër, në rastin tonë në drejtësi, cënon padyshim Kushtetutën e vendit dhe është e mbarsur me ndikime negative mbi procesin politik në përgjithësi në vend,” tha Preçi.

Sipas tij, të dhënat dëshmojnë se ndryshimi i kursit të mazhorancës së majtë ndaj drejtësisë ka nisur disa muaj para arrestimit të Veliajt, duke treguar një marrëdhënie të tensionuar me organet e drejtësisë që para tryezës ndërqeveritare me BE-në.

Preçi i sheh përpjekjet e Ramës dhe mazhorancës së tij për të frenuar veprimtarinë e SPAK-ut të pasuksesshme dhe se ato duhen vlerësuar sipas tij vetëm në kontekstin e zgjedhjeve të përgjithshme të 11 majit.

“Aq më pak këto sulme, sidomos gjatë dy javëve të fundit, nuk kanë cenuar procesin në zhvillim e sipër të negociatave të vendit me BE, kjo edhe për faktin se negociatat janë të shtrira në kohë,  kërkojnë disa vite e dekada….,” thotë Preçi.

“Procesi i integrimit gëzon një konsensus dhe mbështetje diplomatike të gjerë dhe nuk mund të jetë thjesht subjekt i vullneteve indviduale qeverisëse, qoftë ky edhe vullneti i kryeministrit Rama,” përfundoi ai./BIRN

Raporti i Eurostat: Punonjësit shqiptarë kanë pagat më të ulëta për orë në Europë

Punonjësit shqiptarë janë më të nën paguarit në Europë, si përsa i përket pagës që ata marrin në një orë, ashtu dhe fuqisë blerëse, apo produkteve që mund të blejnë me të.

 

Sidomos për fuqinë blerëse, me pagën e një ore në Shqipëri mund të blesh gjysmën në krahasim me vendet e rajonit, si Serbia, Bosnjë Hercegovina, Maqedonia e Veriut, apo Mali i Zi.

Të dhënat janë bërë të ditura në një raport të fundit të Eurostat, që krahason pagën për orë në euro dhe të matur sipas fuqisë blerëse (PPS) në vendet e Bashkimit Europian dhe ato kandidate për vitin 2022. (të dhënat për Kosovën mungojnë).

Punonjësit shqiptarë, sipas të dhënave, paguhen m 2.47 euro në orë, në krahasim me punonjësit serbë, që marrin gati dyfishin, në 4.43 euro në orë, apo në Bosnjë me 4 euro. Të dhënat për Malin e Zi nuk janë përditësuar, por ata paguheshin 3.42 euro për orë që në vitin 2014 dhe maqedonasit 2.2 euro po në 2014-n.

Femrat në Shqipëri paguhen 2.63 euro në orë, ndërsa meshkujt 2.39 euro, sipas statistikave të Eurostat.

Sipas standardit të fuqisë blerëse (PPS), që i bën të dhënat më të krahasueshme për shkak se eliminon diferencat mes çmimeve, Shqipëria renditet serish e fundit me pagën orare prej 4.62 PPS, përkundrejt 7.6PPS në Serbi dhe 8.7 PPS në Bosnjë. Maqedonia e Veriut e kishte këtë tregues 5.2 që në 2018-n (kur në Shqipëri ishte 3.2) dhe Mali i ZI 6.2 që në 2014-n.

Europa

Sipas të dhënave të tetorit 2022, paga bruto mesatare për orë pune, e shprehur në euro, tregon dallime të mëdha mes vendeve të Bashkimit Evropian. Paga më e lartë mesatare bruto për orë u regjistrua në Danimarkë me 29.8 euro, e ndjekur nga Luksemburgu (24.0 euro), Belgjika (23.8 euro), Irlanda (20.3 euro), Gjermania (19.4 euro), Finlanda dhe Suedia (me 19.3 euro secila) si dhe Holanda (19.0 euro), referon Eurostat.

Në anën tjetër, pagat më të ulëta mesatare bruto për orë u regjistruan në Bullgari (4.1 euro), Rumani (5.6 euro), Hungari (5.7 euro), Portugali (6.2 euro), Kroaci (6.8 euro) dhe Poloni (6.9 euro).

Në shkallë të përgjithshme, paga mesatare më e lartë për orë në një vend të BE-së ishte 7.4 herë më e lartë se ajo më e ulëta.

Sipas fuqisë blerëse, paga mesatare bruto për orë në nivel kombëtar, në tetor 2022, ishte 3.3 herë më e lartë në vendin me pagën më të lartë krahasuar me atë më të ulët, kur shprehet në standarde të fuqisë blerëse (PPS), një njësi që eliminon ndryshimet e niveleve të çmimeve mes vendeve.

Pagat më të larta mesatare bruto për orë, të shprehura në PPS, u regjistruan në Danimarkë (22.4 PPS), Belgjikë (21.3 PPS), Luksemburg (18.4 PPS), Gjermani (17.3 PPS) dhe Irlandë (17.0 PPS). Në anën tjetër të shkallës, pagat më të ulëta mesatare bruto për orë u regjistruan në Bullgari (6.7 PPS), Portugali (7.4 PPS), Hungari dhe Letoni (8.9 PPS secila), Kroaci (9.4 PPS), Sllovaki (9.7 PPS), Greqi (9.8 PPS) dhe Rumani (9.9 PPS)./monitor

med

med2

Pas shqetësimeve të Trump për ndërhyrjen e Kinës, portet në Kanalin e Panamasë do të vihen nën kontrollin amerikan

Konglomerati me bazë në Hong Kong, “CK Hutchison Holding” i cili operon portet pranë Kanalit të Panamasë, ka rënë dakord që t’i shesë aksionet e saj një grupi biznesi, ku përfshihet edhe firma amerikane “BlackRock”. Zhvillimi vjen pasi Presidenti Trump shprehu shqetësimet për ndërhyrje të Kinës në veprimtaritë e kësaj rruge të rëndësishme tregtare që lidh Atlantikun me Paqësorin.

 

Në dokumentet e paraqitura autoriteteve, konglomerati “CK Hutchison Holding” tha të martën se do të shesë të gjitha aksionet e dy njësive të saj, “Hutchison Port Holdings” dhe “Hutchison Port Group Holdings”. Të dy njësitë përbëjnë 80% të grupit “Hutchison Ports” që operon 43 porte në 23 vende.

Konsorciumi, i përbërë nga “BlackRock” dhe “Global Infrastructure Partners” me seli në Shtetet e Bashkuara dhe “Terminal Investment Limited” me seli në Zvicër, do të marrë në pronësi 90% të interesave të firmës “Panama Ports Company”, e cila zotëron dhe operon portet ‘Balboa’ dhe ‘Cristobal’ në Panama, sipas dokumentacionit të paraqitur në zyrat përkatëse.

Në muajin janar, Senatori Ted Cruz, kryetar i Komisionit të Senatit për Tregtinë, Shkencën dhe Transportin, ngriti shqetësimet se Kina mund të shfrytëzojë ose bllokojë kalimin përmes kanalit dhe se portet “i japin Kinës një pozitë të favorshme” për të ndërmarrë veprime.

“Situata paraqet rreziqe akute për sigurinë kombëtare të Shteteve të Bashkuara”, tha republikani Cruz.

Sekretari amerikan i Shtetit, Marco Rubio, vizitoi Panamanë në fillim të shkurtit duke paralajmëruar Presidentin Jose Raul Mulino se Panamaja duhet të zvogëlojë ndikimin kinez ose të përballet me veprime të mundshme nga Shtetet e Bashkuara. Presidenti Mulino hodhi poshtë idenë se Kina kishte ndonjë kontroll mbi operacionet e kanalit.

Pas vizitës së shefit të diplomacisë amerikane, Panamaja u tërhoq nga nisma kineze “Një Brez një Rrugë” duke shkaktuar reagime të ashpra nga Pekini./voa

Numërohen rreth 80% e votave me kusht në Kosovë, kryeson Lëvizja Vetëvendosje e Albin Kurtit

Komisioni Qendror i Zgjedhjeve (KQZ) është drejt përfundimit të numërimit të votave me kusht nga zgjedhjet parlamentare të 9 shkurtit në Kosovë.

Sipas përditësimit të fundit në ueb-faqen e KQZ-së të mërkurën në orët e hershme, janë numëruar 78.57 për qind e votave me kusht.

Lëvizja Vetëvendosje i ka fituar 40.21 për qind, apo 2.634 vota me kusht.

E dyta është Partia Demokratike e Kosovës me 18.11 për qind, apo 1.186 vota, pastaj vijnë Lidhja Demokratike e Kosovës me 13.54 për qind, apo 887 vota, Lista Serbe me 11.37 për qind, apo 745 vota, si dhe Aleanca për Ardhmeninë e Kosovës dhe Nisma me 6.21 për qind, apo 407 vota.

Numërimi i votave me kusht dhe i personave me aftësi të kufizuara nisi këtë të martë, në ditën kur përfundoi numërimi i votave me postë, dhe pritet të përfundojë sot, sipas zyrtarëve të KQZ-së.

Zyrtarë të KQZ-së kanë thënë se procesi i numërimit të votave pritet të përfundojë më 5 mars.

Me rezultatet e tanishme, që përfshijnë edhe votat në vendvotimet në Kosovë, ato në përfaqësitë diplomatike dhe me postë, asnjëra parti nuk ka siguruar numër të mjaftueshëm për të qeverisur e vetme.

Për të pasur shumicën, duhen së paku 61 deputetë në Kuvendin me 120 ulëse të Kosovës.

Si partia e parë, Vetëvendosje i ka aktualisht 48.

Udhëheqësi i saj, kryeministri Albin Kurti, është zotuar se do ta formojë qeverinë në mënyrë të pavarur.

Partitë aktualisht në opozitë, përveç Nismës, e kanë përjashtuar mundësinë e koalicionit me të.

Procesi i numërimit të votave është aktualisht në javën e katërt.

KQZ-ja pritet të bëjë certifikimin e rezultateve në mes të këtij muaji.

Analistët thonë se ka disa opsione të mundshme për formimin e qeverisë së re./rel

Kali i ngordhur

Nga Lutfi Dervishi

Në një mbledhje të jashtëzakonshme, Këshilli i Ministrave, grupi parlamentar dhe drejtuesit politikë të qarqeve u mblodhën në një retreat për të diskutuar problemin më të madh të momentit: një kalë i ngordhur. Jo një kalë dosido, por një kalë që ishte simbol i reformave të panumërta dhe projekteve të mëdha transformuese.

Në sfond qëndronte parulla: #vetëmpërpara.

“Kali ka ngordhur,” tha me zë solemn Ministrja e Shëndetësisë, “por ne nuk do ta lëmë të vdesë!”

Një zhurmë miratimi përfshiu sallën.

“Tani për tani, kali ka nevojë për një shalë të re, një shalë moderne, miqësore si me trupin e kalit ashtu edhe me kalorësin dhe, mbi të gjitha, rezistente ndaj korrupsionit!” – tha Ministrja e Antikorrupsionit, e cila sapo ishte kthyer nga konferenca e 17-të ndërkombëtare mbi integritetin dhe transparencën.

“Jo vetëm kaq,” shtoi Ministri i Bujqësisë. “Ne duhet ta ushqejmë më mirë! Nuk do të kursehemi për një dietë të pasur me proteina dhe minerale!”

“Por kali nuk lëviz,” guxoi të thoshte një i ri, kandidat nga lista “Deputeti që Duam”.

“E kemi fajin ne,” tha një zë nga fundi i sallës. “Ka ardhur koha të shkarkojmë stallierin e mëparshëm të kalit dhe të sjellim një të ri, që ka përvojë në motivimin e kafshëve të ngordhura!”

pas u hodh një ide edhe më novatore: Të shohim mundësinë që, bashkë me opozitën, të ngremë një komision hetimor për të zbuluar arsyet e vdekjes së kalit!

“Ne nuk do ta lëmë këtë tragjedi pa një raport të plotë. Ja kemi detyrim votuesve këtu dhe në diasporë!” – tha Ministri për Mërgatën.

“Do të analizojmë çdo aspekt të problemit dhe do të raportojmë brenda mandatit të pestë!”

“Po si do ta justifikojmë këtë vonesë?” – pyeti një vajzë e re, me naivitetin e një gjimnazisteje që bie për herë të parë në kontakt me politikën.

“Pa problem!” – u përgjigj Drejtori i Komunikimit të Qeverisë. “Do të shpallim që kali nuk ka ngordhur, por është në fazën e ristrukturimit.

Do ta quajmë ‘Transformimi Digjital i Kalit’ dhe do të kërkojmë ca fonde të reja!”

Një entuziazëm i madh përfshiu sallën. Dikush propozoi trajnime për kuajt e ardhshëm që ende nuk ishin blerë. Një tjetër sugjeroi që kali të quhej “i pavdekshëm”, për të shmangur debatin mbi vdekjen e tij.

U vendos që “ngordhja e kalit” të shpallej fake news ose dezinformacion nga vendet armike.

Në fund, mbledhja u mbyll me një vendim unanim: Të shpallet tenderi për një tjetër kalë, që me gjasë do të ngordhë, por të paktën do të ketë një shalë moderne.

Qeveria luan Sudesh/ Merr 120 mln dollarë borxh nga arabët për t’ja u dhënë sërish arabëve pa tender

Nga Klodian Tomorri

Instrumentat financiar që sajon qeveria shqiptare nuk rreshtin së të surprizuari. E fundit në radhë është një skemë më arabët, e cila u vë qytetarëve shqiptarë një borxh të rëndë në qafë.

Këtë të martë, qeveria dërgoi për miratim në Parlament projektligjin për ratifikimin e një kredie prej 118 milionë dollarësh, që Shqipëria do të marrë nga Fondi i Abu Dhabit. Borxhi, me afat shlyerje 15 vjet dhe interes 4 për qind në vit, po merret për të shkuar sërish në Abu Dhabi.

Sepse 118 milionë dollarët do të shkojnë për të paguar një kompani nga Abu Dhabi, e cila do të realizojë projektin e monitorimit të trafikut me kamera në 20 qytete të vendit. Kontrata 118 milionë dollarëshe do të jepet pa tender dhe pa asnjë lloj gare, por me marrëveshje direkte.

Pra, e thënë më thjeshtë. Qeveria shqiptare do të marrë 118 milionë dollarë borxh nga arabët për t’ja u paguar sërish arabëve, ndërsa qytetarëve shqiptarë u mbetet barra e shlyerjes së borxhit. Këto janë instrumentat financiarë inovativë, që shpik kryeministri nga pelegrinazhet e tij në botën arabe, kur viziton sulltanët e Lindjes.

Në Shqipëri, këtë skemë e kanë bërë vetëm mashtruesit e mikrokredive. Ata u jepnin qytetarëve borxh, por vetëm në letër. Sepse paratë e borxhit kalonin sërish menjëherë në llogarinë e kompanisë së mirkokredive. Nga gjithë ky operacion qytetarët viktima nuk preknin asnjë lekë, por kishin vetëm një efekt. U rritej borxhi që duhet të shlyenin.

Ministri i Brendshëm kandidat për ngrënës dardhash
Por teksa marrëveshja e kredisë po kalon me ligj në Parlament, procedura që do të çojë kontratën tek arabët i është besuar ministrit të Brendshëm Ervin Hoxha.

Një javë më parë, ministri i Brendshëm njoftoi se firmosi me Sulltan Al Jaber, Letrën e Angazhimit për projektin inovativ “Smart City – Qyteti Inteligjent”, mes Ministrisë së Brendshme dhe “Presight Al Ltd”. Sulltani është drejtori i Përgjithshëm i kompanisë Presight AI. Kompania Presight AI është ajo që do të realizojë kontratën.

Pa tender, pa garë dhe pa asnjë procedurë. Pra 120 milionë dollarë vetëm me firmën e ministrit të Brendshëm. Kjo është një punë me risk të lartë për tym pas disa kohësh. Por tashmë ky është një film i parë. Nëse ajo kohë vjen, ministri i Brendshëm bëhet zyrtarisht kandidat për ngrënës dardhash, ndërkohë që SPAK-ut i përmirësohen edhe më shumë statistikat.

118 milionë dollarë për çfarë?
Por çfarë është projekti Smart City? Projekti përfshin sigurimin dhe instalimin e platformave të inteligjencës artificiale për menaxhimin e qytetit dhe trafikut, përveç një qendre të avancuar kontrolli.

Kompania do të instalojë 2239 kamera ANPR, që bëjnë njohje automatike të targave si dhe 2602 kamera PTZ për monitorimin e trafikut dhe identifikimin e shkeljeve. Paralelisht do të vendosen 3 816 kamera trupi për policinë, siç i pati vendosur dikur Sajmir Tahiri, të cilat do të lidhen me një sistem të centralizuar për mbikëqyrje dhe reagim të shpejtë.

“Për të përmirësuar sigurinë në rrugë dhe autostrada do të instalohen 100 radarë inteligjentë dhe 100 sensorë zhurme për të monitoruar shpejtësinë dhe sigurinë e trafikut. Ky projekt do të mundësojë monitorimin dhe identifikimin në kohë reale të automjeteve që qarkullojnë në akset rrugore, të cilësuara me interes prioritar për Policinë e Shtetit, si dhe në të gjitha pikat e kontrollit kufitar,” thuhet në relacionin e projektligjit.

Paralelisht kompania do të ofrojë dhe shërbimet profesionale dhe të mirëmbajtjes për katër vjet.

Sa frëngu pulën
Por si do të shpenzohen në detaje 118 milionë dollarët për realizimin e këtij projekti. Në marrëveshjen e borxhit, qeveria ka listuar dhe komponentët e kostos. Plot 31 milionë dollarë do të paguhen për liçencat e softëare-ve të programeve që do të përdoren. Pajisjet hardëare dhe infrastruktura do të kushtojnë 62 milionë e 400 mijë dollarë.

Tetë milionë dollarë do të shkojnë për shërbime profesionale dhe pjesa e mbetur prej 17.1 milionë dollarësh është mirëmbajtja për katër vjet.

Ky është një projekt me inflacion kostosh të jashtëzakonshme. Tetë milionë dollarë vetëm shërbime profesionale dhe 62.5 milionë dollarë për të blerë 8 mijë kamera ANPR dhe PTZ. Këto të fundit gjenden lehtësisht në treg me çmime që variojnë nga 500 deri në 1500 dollarë copa.

Por sa herë që nuk ka garë kostot e inflatuara janë të pritshme. Ky është një biznes shumë i madh, ndoshta i ideuar dhe dakortësuar në darkat e pelegrinazheve arabe të kryeministrit. Qytetarët tani do të mbajnë në kurriz dhe do të paguajnë deri në qindarkën e fundit 118 milionë dollarët borxh plus interesin 4 për qind në vit për 15 vjet.

Para e madhe dhe pazar i madh./Kapitali.al

Gjermania planifikon t’i dhurojë Ukrainës 3 miliardë euro ndihma, Friedrich Merz: Duke marrë parasysh rreziqet që e kërcënojnë lirinë dhe paqen tonë në kontinent…

Lideri i partisë konservatore gjermane CDU, partisë fituese në zgjedhjet federale, Friedrich Merz, i cili pritet të jetë kancelari i ardhshëm i vendit, ka thënë të martën se ai do të takohet të mërkurën me kancelarin në ikje, Olaf Scholz, për të vendosur rreth ndihmave shtesë ushtarake për Ukrainën, shkruan LeMonde.

Sipas Merz, ndihma shtesë ushtarake drejt Ukrainës e kap shifrën e 3 miliardë eurove.

“Ne supozojmë se fondet do të lëshohen së shpejti”, ka shtuar ai. Fondet në fjalë ishin planifikuar që nga viti i kaluar, por ishin ngrirë prej kancelarit aktual Olaf Scholz.

Në të njëjtën kohë, CDU dhe socialdemokratët (SPD), dy parti këto që po negociojnë për formimin e qeverisë së re, njoftuan të martën se duan të bëjnë investime në vlerë prej miliarda eurove, në mënyrë që të forcojnë kapacitetet mbrojtëse dhe ekonomike të Gjermanisë.

Sa i përket mbrojtjes, të dy partitë politike planifikojnë që javën e ardhshme të propozojnë para parlamentit gjerman ndryshime në ligjet kushtetuese që e kufizojnë deficitin buxhetor.

“Duke marrë parasysh rreziqet që e kërcënojnë lirinë dhe paqen tonë në kontinent, fjala kyçe për mbrojtjen tonë duhet të jetë: pavarësisht çdo kostoje”, ka deklaruar Merz.

1...223224225...8 312Faqja 224 nga 8 312

Kryesore

Continue to the category
Më shumë
© 2024 Rilindja Demokratike Euroatlantike